NUTTEA (萬廸廣場) (已結業)

聽同事說nuttea的朱古力榛子堅果奶整杯都像朱古力奶蓋層那般香濃，見今日天氣凍凍地，放工就去買了一杯熱的喝。臨近聖誕杯子換了新裝，和店內裝飾perfect match朱古力榛子堅果奶 (7/10): 冬天手執一杯熱飲的確很治癒，入口是香濃的朱古力，使用純素堅果奶令朱古力帶有果仁的香味；可惜整體偏甜，選了無糖依然甜得像食金莎朱古力，半杯ok，但成杯就太膩，加上口感偏杰身，喝到最後已經不太想喝，還是清新的抹茶奶蓋較合筆者口味。

飲過最好味嘅奶蓋🤩>投完票有咩做？梗係揾一兩間良心小店幫支持下啦! 喺新蒲崗工廠Zone行到盡頭嘅萬迪, 有間以NUTS做主題嘅茶飲店, 大部分都包含各種堅果🌰.>繽紛火龍果奶蓋茶 (HKD34)店家提供可愛mini鏟for奶蓋❤️, 想講個奶蓋真心超特別, 帶點醎香, 有nuts碎, 口感rich而唔heavy, 奶蓋厚度目測有1/4杯咁多🤩. 火龍果天然顏色勁靚, 同茶味好夾, 甜度唔使特別request都咁適中👍🏻.

第一次飲NUTTEA火龍果奶蓋茶，真係十分驚喜，不但有粒粒火龍果，堅果奶蓋更富有層次感，好濃郁好creamy，正過芝士奶蓋多多聲! 自此以後，我成了個新造的人，我返唔到轉頭啦，現在心中只有她😊。身爲抹茶控嘅我，今次嘗試宇治抹茶堅果奶蓋茶，當我再次品嚐到幼滑綿密嘅奶蓋，我當堂呼喊：FRICKITY FRICKKKKKKKKKKKKK!! 我停唔到啊啊啊啊啊 你的確我夢寐以求嘅完美奶蓋 無咗你 人生仲有咩意義？？？？ 所以 請大家多多支持呢間店，讓更多人認識佢嘅美，開更多分店。謝謝各位

呢間專做堅果奶茶同堅果奶蓋 兩樣係香港都比較少見😮繽紛火龍果奶蓋茶 $34第一淡飲落個奶蓋就覺得好正！唔係平時果啲芝士味 而係帶啲榛子味既奶蓋 又好似有啲金莎味😂我冇叫過少甜但係成杯野都係唔甜既！火龍果味都幾香😚佢仲會比個鏟仔你鏟啲奶蓋呢食😍😍好鬼得意另外我仲試飲左堅果奶茶 呢個都堅係正😍奶茶香得呢有浸金莎果啲榛子味 好飲過普通奶茶 而且唔會好甜！

台灣過江龍嘅全素茶飲店Nuttea堅果奶茶，香港分別有兩間分店，主打用5種堅果製成奶蓋😍對奶精敏感嘅人岩哂！⭐️👻溫馨提示：用某 app有優惠卷可以減九蚊！👓繽紛火龍果奶蓋茶(左) $34店舖排行第三位飲品3️⃣火龍果味冇想像中咁強烈而係行清新路線，帶有火龍果肉，我嚮應環保所以冇用飲管將飲品攪暈因此可能有點差異😓奶蓋方面果然好出色！夠厚creamy滑、帶有堅果碎，充滿堅果咸香味，同平時台飲奶蓋完全唔同👍🏻奶蓋用咗5種堅果打造來取替奶精奶粉，包括合桃腰果夏威夷果仁榛子杏仁👅評分：8/10👓香芋堅果奶 (右) $34店舖排行第四位飲品4️⃣為咗減低邪惡感叫咗無糖😈我嗰陣問飲品係咪落糖水職員就話可以直接叫無糖！第一啖飲好香濃嘅堅果味，有少少似無糖嘅麥精🤣芋頭味唔係好飲到不過係有一粒粒芋頭蓉，亦覺得有少少啖，但明明見到職員落咗好多芋頭🤯雖然點都有少少關叫咗無糖事，但都唔會冇咗芋頭味㗎嘛🤔飲品成個感覺似堅果奶🍼我覺得應該少甜會有番啲味比較好，真係超級驚肥唔驚淡茂茂無味先好叫走糖😶評分：5.5/10

素食者 / 對奶敏感人士請入今次介紹既係全素奶蓋茶店，小店奶蓋都係由堅果乳打成既。款式唔算話勁多，但係樣樣都勁吸引，小編係門口都企左好耐先決定到飲咩-四季香堅果奶蓋茶奶蓋有淡淡堅果味，而且非常滑同好creamy。除左味道之外，小店亦非常適合打卡，同朋友坐低傾下計或者睇下書都好唔錯架。～～～～～～～～～～～～～～～～～～～～～～～～📍Nuttea🕴🏻大有街3號萬迪廣場1樓D號舖

Nuttea原先係台灣到開既之後係香港都開左 而家共有2間分店一間係新薄崗 另一間就係太古坊我就左新薄崗個間叫左2杯飲品 分別係🥤宇治抹茶堅果奶蓋茶 (💰$34)🥤芒芒堅果奶蓋茶 (💰$38)2杯飲品都好飲 當中最正既係個堅果奶蓋🤤用左腰果 核桃 夏威夷果仁 榛果而製成既奶蓋質感幼滑 味道濃郁 有啲似金莎既味道🤣🤣可以就咁飲 又或者用個mini鏟🥄黎食都得飲品全部都用左堅果奶取替牛奶所以素食同對奶敏感既人都飲得😎😎可惜間店既位置對我黎講有啲遠如果唔係我應該會飲多幾次😚😚

相信大家對形形色色的台飲店都不陌生，來來去去產品的種類都大同小異。最近在越秀看完Joker之後，沿路經過萬迪廣場，發現了一家與別不同的茶飲店～Nuttea主打5種堅果製成的純堅果奶，加以不同的茶底和水果等配料，配搭出不同口味的全素飲品。堅果需要先用烤焙，然後再冷壓磨漿成為堅果奶，非常考功夫。而且飲品完全沒有奶精及奶粉成份，適合純素者及對牛奶敏感人士。店內飲品選擇眾多，除了主打的堅果奶蓋，亦有咖啡、奶茶，以及水果奶、水果茶、冷萃茶等等。而價格大約在港幣$30上下，其實相比一般珍珠奶茶等茶飲，的確划算得多，至少工序繁複和用料成本也更高。【烏龍堅果奶茶】堅果奶香味突出，口感綿密，配上來至台灣的烏龍茶，非常濃郁香滑，是一款就算連非素食者都會喜歡的健康選擇，希望能快快多開幾間分店啦～

係一個識食既朋友面書見到佢介紹放假同老公周圍搵食去開新蒲崗 專登去潮聖舖頭唔大 但感覺好舒服直入有幾個座位配落地玻璃比人買完飲品可坐下慢慢嘆我有選擇恐懼症 杯杯都想試企左係到揀左好耐都未諗到飲咩店員好好耐性介紹 同埋好好禮貌我最後揀左火火奶蓋真係好好飲呀😍😍😍堅果奶味好正 好滑 唔似平時個種死甜味。。。加埋底部既火龍果好夾我初頭都怕會好甜 因為無得自己揀甜度點知個配方係夾到天衣無逢如果我係新蒲崗返工就大獲了實日日飲都似

第一次試nuttea 冇諗過原來咁好飲😭 好飲到9秒9飲完再想同大家分享！！(平時食完過咗成個世紀先會見到樣野食) 店員介紹我飲呢杯芒芒堅果奶蓋茶 ($38) 本來以為喜茶既芝芝芒芒就係全世界，我錯了😭 原來用果仁造既奶係完勝芝士奶蓋！！個奶蓋超級creamy超級滑，仲有啖啖果仁既香，嗰種正係真係形容唔到，完全唔捨得將佢溝埋啲茶，好想就咁食晒啲奶蓋，植物奶仲要感覺好健康，不過最緊要係好味🤪 因為真係太好飲所以要好仔細咁形容，除咗個奶蓋我比105分之外，個茶都好正，清清地唔會好甜，下面全部都係芒果肉，係大大舊既芒果肉！！仲要真係好多果肉好滿足🥰 私心推介—仲有鰂魚涌分店～

Finally tried this as I was in the area.As well as SPK, they now have another branch in Tai Koo.On the menu, the drinks are divided in different categories.Teas with a nutty foam, Nut teas etc.I chose the Nutmylk with taro as I wanted to try the nutmylk.The taste was how I expected and similar to 137 degrees nut drinks.I think I made the wrong choice as the earl grey with the thick cream cap would have been better but then you don't really get to taste the nut milk in that drink.

新蒲崗呢個工廠區雖然冇觀塘咁多工廠Cafe，但細心搵都有好多好獨特小店﹗今次先介紹來自台灣全素茶飲店Nuttea堅果奶茶，堅果奶茶主打5種堅果製成的純堅果奶，加咗唔同茶底、水果配搭唔同口味既全素飲品。堅果系列外，Nuttea堅果奶茶亦有水果茶、手沖咖啡等其他飲品。想飲得健康、怕肥、素食者就啱晒喇﹗今次我揀呢杯烏龍堅果奶茶，佢飲落唔會好甜，反而估唔到烏龍同堅果咁夾，你會飲到好香既榛子味，入口既時候又少少堅果奶質感，完全唔會覺得肥同漏，超級喜歡飲一啖真係會愛上﹗必試﹗另外，同行友人好鍾意「滿杯葡萄」，比較喜歡水果茶既可以一試，（因為佢次次都叫滿杯葡萄）值得一讚係，小店係裝潢方面好有心思，亦好貼心，有坐既空間，有時唔想咁快番公司，可以飲住坐下同同事傾下計咁，超級正呢個設計﹗

其實之前已經飲過至少5,6次🤣 見到近排出咗新味，出於好奇心而佢本身都好飲就試吓啦～ 素食者都可以嚟飲㗎！因為佢開係我教會樓下所以我成日飲😂🤦🏻‍♀️環境就不嬲都乾淨同舒服🧡🧡🔸伯爵朱古力堅果奶蓋茶🔸$42第一次見到有朱古力堅果奶蓋，奶蓋上面灑咗啲朱古力粉，口感同平時嘅奶蓋差唔多，滑滑哋食落厚身但唔會有「漏」同「濟」嘅感覺，朱古力奶蓋當然有朱古力味😂不過朱古力味唔算好重，個人嚟講就反而中意平時原味奶蓋多啲，因為食落似Nutella 🤤🤤但今次呢杯 伯爵朱古力堅果奶蓋茶 都比平時嘅飲品貴少少，有興趣都可以試，但如果第一次嚟就可以試其他～如果唔鐘意太甜嘅，我會推薦🔸 四季春堅果奶蓋🔸，總之係茶就唔會太甜😂水果茶我就未試過，但如果你同我一樣鐘意甜嘅有味嘅，你都可以試下🔸宇治抹茶堅果奶蓋茶🔸🔸朱古力榛果堅果奶🔸🔸香蕉燕麥堅果奶🔸

一說該區的名字，便直接聯想到某店舖，客人的回頭率甚高。除了產品是要有水準外，要麼是很photogenic，要麼是很獨特。踏足新蒲崗，當然要到Nuttea了。它的飲品，並非市面上一般的奶蓋茶。店內並沒有奶製品，使用堅果奶為主，調製成奶茶，奶蓋等。對，就是，不含牛奶的奶蓋茶。正所謂：太陽餅沒有太陽，菠蘿包沒有菠蘿，奶蓋茶也可以沒奶的。不含牛奶的飲料，對素食者或對奶類敏感的人，是件樂事。對一般人而言，是多一個選擇。芒芒堅果奶蓋茶以芒果肉及綠茶為基底，最後加上一大湯匙的堅果奶蓋。甜度和冰度能自選，很迎合本地市場。堅果奶蓋濃厚，堅果味突出，喝下很順滑輕盈，沒有半分油膩感。的確，跟市面的奶蓋不一樣。感覺並不邪惡，是健康之選。芒果肉微甜，配上綠茶很搭配，很清新。場內一角，還有幾個雅座，可坐下來拍照，也可坐著嚐茶。

好想飲奶蓋又怕肥肥，就試試nut tea... 呢間以堅果奶做主打，應該健康d kakakak。睇餐牌，飲品選擇都充足，不過座位較少，所以都係外賣啦！叫左2杯飲品。第一杯火龍果奶蓋茶。$30佢用紅肉火龍果整既，紫紅色咁好搶眼球，加埋奶蓋既奶白，好靚呀！火龍果有抗氧化功效，紅肉既含鐵量高啲，補血。本身唔中意飲太甜，冰凍野又太傷身，就揀左無糖同少冰。不過，飲落一啲都唔會唔夠味道。先飲奶蓋。有堅果既香味，質地打得夠creamy 夠濃厚.. 唔錯！飲落茶飲有火龍果既清甜，仲有少少火龍果粒係底，清新。係茶底唔夠香，但同飲品既味係夾，而且唔會澀，亦冇搶主角奶蓋同火龍果！整體來講，呢杯飲品係推介既，清新之選。另一杯揀左堅果奶。$34。一樣選無糖少冰。想試試佢既原味道。相較奶蓋，佢就冇咁thick 同埋濃，但好易入口，淡淡地又有堅果香，唔錯！總括而言，呢間推介，會下次再試其他款～