NUTTEA (萬廸廣場) (已結業)

第一次飲堅果奶蓋烏龍茶，奶蓋打得好厚身，小小甜甜地。認真自已唔係好知堅果奶蓋係咩味道，或者點樣品嚐為之好味，所以不能作中肯評價。而個人感覺，奶蓋比較一般用牛奶打嘅唔係好重奶味。至於烏龍茶就係台式嘅原味道，不過不失。另外還叫咗杯黑糖凍堅果奶茶，黑糖凍有咬口爽脆，而奶茶就飲到堅果味道，比較特別，感覺出面飲唔到咁，叫咗微甜，加埋黑糖凍就岩岩好甜啦！總括黎講，堅果為主打嘅奶茶好另類，岩曬啲對鮮奶敏感嘅人，又想飲奶茶又會唔舒服，可以值得一試。

黃店 💛 #新蒲崗 #NutTeaNutTea喺新蒲崗、 #鰂魚涌 、 #觀塘 、 #旺角 都有分店，係一間超好飲嘅台式堅果飲品店🥰 我飲過兩次，兩次都揀咗奶蓋，因為實在太正！🌰 烏龍堅果奶蓋茶 ($32)第一次飲係飲奶蓋茶，然後就比佢個奶蓋深深咁吸引咗！個奶蓋係超奶濃厚超rich嘅！同埋個奶蓋超多，勁鍾意！跟住個烏龍又真係好有台灣茶嗰種清澈透心嘅感覺！唯一唔好係飲到最後會覺得個奶蓋有啲膩，有少少邪惡。不過都係好飲嘅！有啲人會選擇叫少奶蓋就可以解決呢個問題啦～🤗🥭 芒芒堅果奶蓋茶 ($42)飲完一次奶蓋茶,又試吓佢嘅水果奶蓋先~　呢個芒芒堅果奶蓋茶我叫咗微糖，芒果酸酸甜甜咁，仲食到唔少芒果肉同芒果絲添！呢杯因為有少少芒果嘅酸味，個人覺得可以平衝到堅果奶蓋嘅邪惡感，更match更正！價錢就再貴十蚊嗚嗚，不過都值得一試！😝

平時除咗可以去咖啡室飲下咖啡輕鬆一下之外而家最新進駐港九唔同地方嘅Nuttea都係一個幾唔錯嘅選擇主打就係用唔同嘅果仁打造成一杯杯嘅奶蓋，呢一個諗法真係可取而且係奶蓋偏肥膩嘅情況之下仲可以諗到一個方法令佢變到冇咁肥膩所以呢一點係值得加分用一杯咖啡嘅價錢換取等同嘅快樂而且係可能全香港最特別嘅奶蓋所以經過嘅話真係行過路過唔好錯過

如果鐘意堅果味嘅嘢又或者奶蓋，可以不妨一試茶底擇左四季春，夠晒茶味，正至於奶蓋口味就好personal ，我自己比較鐘意芝士奶蓋多啲呢到嘅堅果奶蓋好Rich好厚，但就晤同芝士奶蓋咁樣有鹹香味，如果你試過都不妨可以一試啱晒食素人士😊😊

今次點了抹茶堅果奶蓋 $36 首先講講個奶蓋 堅果味好重都比較一般的奶蓋「傑」身個杯口設計都比較大 好容易飲到成身都係...但整體來說 抹茶味是濃的但奶蓋份量就因人而異 喜歡重奶蓋口感的朋友可以一試！

堅果奶蓋🌰💛🤤堅果奶代替牛奶/奶精，素食都啱飲嘅～·🎈台灣紅玉堅果奶蓋茶（少冰半糖） $32堅果奶蓋果然好正😍😍一向鍾情奶蓋，呢間想飲好耐，一直都未試過堅果奶蓋究竟咩味道，原來佢由五種堅果冷壓而成，包括榛子、杏仁、核桃、夏威夷果仁、腰果我飲就覺得榛子味最突出，好有榛子朱古力嘅感覺🤤堅果奶蓋比一般奶蓋係杰身啲嘅，但沒有芝士嘅漏Btw店鋪會有個鏟仔比你食奶蓋，但我唔記得攞😂😂·🎈藜麥燕麥堅果奶茶 （少冰微甜） $35飲落好似早餐即沖麥皮😂😂😂

身為超級奶蓋fans🤩，有幾次見到ig有人介紹呢間堅果奶蓋店，見到個奶蓋極厚，而且香港好少見到有地方賣堅果奶蓋，覺得幾特別👍🏼，緊係要試試Nuttea呢間台灣過江龍🥳。不過由於每間分店地址都幾隔涉，真係專登要行過去個頭先試到。————————————————————舔舔脷指數 : 🐽🐽🐽🐽🐽🐽🐽 7.8/10抵食指數:🐽🐽🐽🐽🐽🐽🐽 7/10 ————————————————————繽紛火龍果堅果奶蓋（$38）其實見到火龍果就即刻諗好要叫呢款，好少飲品舖有賣火龍果野飲，好特別‼️而且🐷本身都幾鍾意火龍果。然後果然無簡錯🤓，因為就咁飲堅果奶蓋其實都幾膩，呢個時候飲啖清新嘅火龍果汁，哇正呀！配合得好好！！🤩🤩.另外要特別講下個主角堅果奶蓋😎，個奶蓋由5️⃣種堅果奶製成，而唔係用普通牛奶，適合純素素食者飲用。講真飲落個味道真係好似繽紛樂入面個層榛果醬，其實係幾甜，鍾意食繽紛樂嘅人應該會好鍾意飲😆。.其實Menu上面好多款野飲睇落都好吸引，由其係伯爵朱古力堅果奶蓋茶，不過🐷實在冇咁多個胃，唯有下次再試🙈。————————————————————612同1111罷市，支持抗疫三罷，店內有文宣，有做五一

🥜 NUTTEA嘅✨繽紛火龍果奶蓋茶✨堅果奶蓋超！級！正！✨必試！✨好濃郁嘅堅果味🤤🤤奶蓋又夠厚 望落有成三分一杯咁濟香濃得黎又唔會濟佩埋火龍果一流👍🏻😋

Nuttea係我飲過最好飲既手搖杯！好幾個月前飲過一次就念念不忘因為只得3間分店 亦唔算就腳要等老公放假夾啱先車到我去買芝士奶蓋火龍果 所有味都好夾又唔會過甜好想日日都飲呀🤤🤤🤤🤤🤤🤤🤤🤤💛💛💛💛💛💛💛💛💛💛💛💛

朋友介紹新蒲崗一間堅果奶蓋商店，一齊去試吓，就飲咗我人生第一杯奶蓋，我覺得好特別，因為完全冇落奶，唔知係點樣做到。我揀咗杯烏龍堅果奶蓋茶，因為我感覺奶蓋有一點Heavy，所以想用烏龍茶飲出清新嘅味道，朋友就揀咗一杯四季春堅果奶蓋茶，茶香會濃一啲。我都好鍾意嗰個環境，佢有一個corner比顧客坐低慢慢飲，擺晒cushions, 營造家居舒服感覺，同朋友坐低，一邊飲奶蓋茶，一邊傾偈，一邊望出窗外街景，舒適寫意。

我基本上係個奶蓋控，真係好鍾意試下唔同口味嘅奶蓋🤩上次試過榴槤奶蓋，今次終於試埋堅果奶蓋啦！​一講堅果奶蓋，我諗大家都估到我講邊間，那就是NUTTEA！佢哋主打純素茶飲，招牌嘅堅果奶蓋，仲加入腰果、桃桃、杏仁、榛果、夏威夷果等5種堅果，質感份外濃郁，飲過一次真心上癮！（點解我要住元朗，NUTTEA快啲嚟新界開分店啦）​ 今次我跟朋友就分別order咗台灣紅玉堅果奶蓋茶及四季春堅果奶蓋茶。​台灣紅玉堅果奶蓋茶茶味比較濃郁，對比平常飲開嘅紅茶，除咗有陣柑橘類香氣，仲帶有少許肉桂香及薄荷香，鍾意重口味啲嘅人，一定要揀佢！​ 至於四季春堅果奶蓋茶，感覺比較圓順滑潤，香氣重，帶有少許梔子花香，清香為主。不過個人口味嚟講，因為堅果奶蓋茶比較濃味，揀四季春好易比個奶蓋搶咗隻味，所以個人較喜歡台灣紅玉茶。​ ​ 總結嚟講，呢間真係好高質，下次再試下其他味先！​ 店內就展示咗，奶蓋由腰果、桃桃、杏仁、榛果、夏威夷果等5種堅果製成。 餐單~ 環境舒服，仲有4個座位，比客人坐低飲嘢。  ​

新蒲崗呢個地方平時真係好少踏足到，但原本比我想像中容易黎到。因為今日參加左個 workshop所以黎到新蒲崗😅喺上堂之前想買杯嘢飲🧃～搵完一輪之後搵到呢間💛Nuttea佢哋嘅奶蓋用溫火烤焙，冷壓磨漿成為堅果奶，而且唔用牛奶同奶精，所以純素食者都可以飲到💛門口貼住佢地嘅招牌飲品，等唔知飲咩嘅人都可以好快地諗到飲咩一入門口見到有唔同既果仁排好晒～呢度最出名嘅就係堅果奶蓋🌰🥛《四季春堅果奶蓋茶》$30佢哋嘅奶蓋係以夏威夷果仁、榛果、合桃、杏仁&腰果等去製成嘅🌰奶蓋質地厚身得黎好綿密🥛因由唔同果仁去製成所以果仁味好香濃，又唔會太甜🤤而且奶蓋係口入面會慢慢滲透唔同嘅堅果粒出黎，有啲咬口🥰而茶底則甘甜清香🌿 夏天飲番一杯都好解渴清涼

雖然我唔係素食者，不過我自己皮膚好易對奶類製品敏感，所以我一直唔敢飲奶蓋😢！不過上星期發現左一間好有特色既台式茶飲店👍🏻！ 一入到舖頭，店員就推介我飲呢款「葡萄堅果奶蓋茶」，因為未落糖時，隻紫色好靚，岩哂大家買嚟打卡📸！我都覺得幾令😂！味道方面，我建議唔落糖，因為一入口係一陣好濃又好fresh 既葡萄🍇味，唔覺有奇怪人工藥水味👍🏻，而且我覺得入面都幾足料，一D都唔稀，同時覺得杯茶入面有落nut打溶，所以飲落都會飽！最特別係佢既奶蓋，用左5款堅果🌰，例如杏仁、榛子、果仁等材料製成，全部都係素，岩哂我果D麻煩友😂！奶蓋非常厚實，都佔左大約1/3杯，味道鹹中帶點甜，上面有D堅果碎，口感非常豐富，食落好滑，食時可以問店員拎個鏟畢嚟食😋。最好係奶蓋未溶哂果陣就好食，不過就算溶左，同下面茶飲味道都幾夾！成杯野飲性價比好高👍🏻，咁有特色，又健康又足料又好飲都只係賣$36，真好抵，值得返轉頭買多兩杯！

聽唔少朋友講過nut tea好飲，本身都好鐘意堅果，今日行開新蒲崗，終於試到期待己久既nut tea鋪位細細，但設計得有性格，又舒服。入面有一個角落有位坐飲品主要係堅果奶蓋茶、堅果奶、淨茶。今次叫左四季春堅果奶蓋茶，及香蕉燕麥堅果奶。本身我對奶蓋無太大喜好，因為覺得好濟。但呢杯奶蓋茶完全唔同！好香嘅榛子味，食落又唔會好濟，諗起係無奶無芝士，無罪惡咁之下係咁食香蕉燕麥堅果奶，穩陣之選，粒粒燕麥有咬口，好似一餐好豐富好飽既早餐😂

響應5.1黃金周💛於是就去左新蒲崗諗住食d野同飲野🥤。飲料店大家成日都係諗起係珍珠奶茶、水果茶.... 今次呢間Nuttea 顧名思義係由堅果奶做base 去調製飲品👍🏻非常有特色，至少係香港並唔常見。今次就order 左一杯香蕉🍌燕麥堅果奶 ， 飲落去係一陣陣好香既堅果味同香蕉既味道都好夾，加上燕麥就更加有口感同健康。$34 呢個價錢就中規中矩，始終佢個賣點係堅果奶base 既產品，加上味道質素都係中上，因此都係非常推薦大家去試下。不過要注意⚠️有堅果過敏既人士就要小心考慮喇 ！ 💛