NUTTEA (時代廣場)

營業中

休息中

NUTTEA 必飲堅果奶蓋系列！❤️行開times square 所以去左買杯野飲🤫佢令我試過一次就愛上左！比起普通既芝士奶蓋，我更加中意呢個既奶蓋，因為真係好似食緊雪糕咁😍男朋友話搞混佢再飲好味啲，我試左🤣又真係喎！平時我中意畢咗上面既奶蓋再飲下面既茶，而家先知搞混都可以咁好飲！心心念念好想再飲呀🥹

NUTTEA我又黎啦！！！雖然已經飲左好多次，食評都寫左幾間，但係為左話比大家知有幾好飲，我都係忍唔住再寫，我要學某位前輩咁，佢試全球嘅M記，我要試曬香港每間NUTTEA！！！今次依間分店算係商場嘅POP UP STORE，所以冇店內企位(冇堂"飲)，但係木條裝飾一樣係到，令你遠遠都見到佢 (KEEP住大量支持者買野飲，只好用隻杯擋曬D FANS們啦～)今次都係飲番佢地嘅皇牌之一，伯爵朱古力堅果奶蓋茶，茶底今次揀左走甜，因為食到飽飽要消消滯，平時微甜果陣，茶已經夠香，走甜之後更濃郁，算係又一個新飲法依間分店嘅奶蓋分量一樣咁足，目測3cm厚，D奶蓋一樣咁厚，冇偷工減料，其實原先我想食雪糕，而朋友仔係想飲D清爽嘅飲品，依家一杯KO曬2個問題，正！！！

I decided to try their signature drink but I was a bit disappointed.Despite I already chose less ice, the tea itself was a bit too diluted. I also suggest to choose no sugar as the nut cream on top was quite sweet already.As their store's name imply, I would have expected the star to be the nutty flavors and aroma. However,  it was not as prominent as I hoped for as it was overpowered by the chocolate. I understand that some of us like chocolate cream and I am not saying this is a bad thing. How

伯爵朱古力堅果奶蓋茶寫住金獎 100%純朱古力 咁我就滿心期待咁試啦☹️淡到飲緊水咁🤯🤯一入口，我究竟飲緊d咩野？堅果味又唔重，茶味又唔重，奶又冇味，朱古力味又唔重😑😑仲要收緊$48一杯 我真係個腦好多個？？？？有冇人可以答到我

NUTTEA分店遍佈港九新界，今次經過銅鑼灣時代廣場，決定試一試佢哋既健康純素飲品，解渴之餘又健康，對於怕肥既女仔嚟講可以少啲罪惡感😛NUTTEA主打烘焙健康飲品，配上香滑濃郁嘅堅果奶，同多款健康既果仁，絕對係健康之選。店內除咗主打嘅堅果奶蓋與唔同茶飲或者水果茶既配搭，仲有精品咖啡選擇，款式非常多。今次我試左佢哋每日只限定100杯既伯爵朱古力堅果奶蓋茶同四季春堅果奶蓋茶!🧋伯爵朱古力堅果奶蓋茶($48)呢杯朱古力堅果奶蓋茶100%純朱古力無牛奶添加，口感非常濃郁，堅果奶蓋好creamy，食咗幾啖都已經有飽腹感。伯爵茶好香，飲得出有烘焙嘅味道，濃郁嘅朱古力同清爽嘅伯爵紅茶配合得天衣無縫！🧋四季春堅果奶蓋茶($36)四季春奶蓋茶飲落有種淡淡清香，堅果奶蓋十分滑身，配上果仁粒，口感很特別！

Nuttea 相信大家都唔陌生我都成為左佢既小粉絲🤟🏻葵芳旺角鑽石山..都飲過好多間只係冇諗過第一次幫襯CWB分店就中伏🥹時間上，明明冇人但可以整好耐🙈其他分店無人2分鐘都實出貨呢間要整8分鐘左右先有咁耐應該係慢工出細貨？事實係出到嚟個奶蓋杰撻撻完全冇左奶蓋幼滑嘅口感😭由於太杰，所以杯野個外觀都好核突😭本身心情好好但見到杯野真係覺得好sad😞我都唔係好明，飲咗咁多間分店都冇問題，點解CWB會咁😞難怪以前樓下喜茶都冇咩人幫襯突然間多番咁多人俾我飲完一次呢杯奶蓋，我都寧願落去飲芝士奶蓋🤨 (只係我唔想飲喜茶🫣)希望Nuttea可以留意吓改善返呢個問題🙏🏻比大家睇下個對比⬇️

大熱天走在街上，身體水份特別易被蒸發晒，極度需要補水，而有嘢𡁻、又甜甜地嘅”廢水”，好容易會成為我嘅首選。不過……其實同時期我又控制體重中，點都要忍吓口。今日同事就俾左個折衷我……Nuttea😄有控制體重嘅朋友仔都知道堅果類食物係最好嘅零食，因為堅果容易有飽腹感，可抑制食慾；不少測試亦證明堅果可以有效降低膽固醇，同改善腸道健康。Nuttea主打純素，不加牛奶或者奶精，反而選擇了工序較繁複嘅堅果萃取，去調製成醇滑香濃又較健康嘅堅果奶茶。我今日就買左杯伯爵堅果奶茶，入口非常順滑，細嚐之下更飲到濃濃嘅腰果香味，微微嘅合桃味；搭配我喜愛嘅Earl Grey，味道有層次、無衝突，大熱天，不用兩分鐘整杯喝清了。😁

行街行咗好耐，經過City Super，見到nuttea，之前有朋友同我講過話呢杯嘢飲好健康，因為好多堅果。咁都幾好呀。本身仲諗住睇吓會唔會有🧋🧋珍珠奶茶嗰啲飲。跟住我就買咗伯爵朱古力堅果奶蓋茶，我見到佢話限定100杯㗎咋，好好彩我都買到。成件事完全唔同講法，即刻覺得自己好健康😁😁等咗一陣就有得飲啦，首先要打開個蓋，用匙羹食咗面頭啲奶蓋先😋😋😋食到碎碎的堅果，好厚實同好香嘅奶蓋，厚到可以產起嚟食😍超級無敵滿足！食完之後就開始飲，佢寫到明要45度斜斜地咁飲，一入口就係好香嘅伯爵茶味道，香濃嘅茶味配合堅果嘅奶蓋，我覺得簡直係Perfect match！飲完仲覺得好飽肚，好抵呀！喝到健康繽紛口感，提提大家記得兩個鐘頭內飲。

最近迷上左手調飲品，除左坊區一般既台式飲品店之外，仲好欣賞呢間以堅果做招牌既手沖飲品店Nuttea。佢有幾間唔同分店，不過數目唔算多，希望會再擴充分店，多啲機會飲得到。飲品選擇都幾多，除咗有招牌堅果系列之外仲有普通嘅手沖飲品。我當然係叫佢嘅蘋果脆脆楓糖堅果奶蓋茶，面頭奶蓋好香，入口即溶，茶味濃郁。而佢扁桃嘅蘋果脆脆甜甜地甘，又幾夾奶蓋同茶香味，係幾唔錯！另外佢仲有個好細既剷仔比你兜起奶蓋黎食，都幾得意！

今日行過city' super見到一間以堅果沖調飲品的店子，牆上鑲了五支存放着不同堅果的膠柱，很具代表性。 開放式的店舖，沒有坐或企位，只供外賣，舖位雖小，但整齊企理，仲貼了不少飲品相片，睇落款款都好吸引。在多款堅果奶中，我揀了一杯蘋果脆脆楓糖堅果奶蓋茶 ($40)，去冰微糖，甜度正合我心意。原來係以蘋果茶做底，茶味和蘋果味兼備，好香。茶頂就是除了有堅果奶蓋之外，仲有甜美的蘋果乾，好好食! 堅果奶蓋豐厚綿密， 口感香滑，濃濃的果仁香中有啲鹹，仲有楓糖的香甜，一羹一羹大啖食，好滋味! 飲了一半就將果仁奶蓋跟茶拌勻，入口變滑，而蘋果茶配上果仁奶原來都好夾，喜歡！其實仲有好多好多口味，下次再來一杯吧! 

今日行街經過SOGO ，行到好頸渴同埋好熱，想飲下台式飲品，咁岩見到有間比較健康嘅台式飲品店，點解會話比較健康，因為佢地係用堅果奶黎沖既。另外問店員，原來乳糖不耐症都可以飲到，真係幾好。我就叫左杯焙香堅果奶蓋烏龍茶，一打開就見到滿滿嘅奶蓋，超級吸引，而且喺表面上都鋪咗滿滿嘅果仁，食落去都幾有口感。拎到手嘅時間，店員另外畀咗個小匙羹我，原來係拎嚟食表面上嘅奶蓋，不過就算食咗部分，個份量都好多。所以我建議可以食一半，之後將奶蓋同茶溝埋一齊飲，咁茶就可以中和到奶蓋，唔會覺得太過肥膩。烏龍茶嘅茶味都好出，同埋奶蓋一齊食啱啱好，不過要記得攪勻先，因為奶蓋比一般嘅茶飲店厚，就咁用飲筒飲比較難飲到，飲完一杯就會好飽，大滿足。

好耐都未試過出嚟銅鑼灣，如果唔係咁啱去到港島，都好少可會過嚟呢面，不過難得黎到就行咗入商場睇一睇，咁啱喺商場發現到呢間舖頭，我之前都喺旺角飲過，味道比一般嘅茶飲店健康，但係都只係提供外賣，冇得坐喺度飲，不過餐廳嘅裝修幾特別，開放式嘅廚房，另外門口都有五條堅果柱，飲品方面種類都好多，有堅果奶、堅果奶蓋茶、堅果奶·茶、法蘭絨手沖精品咖啡、特選好茶、堅果汁和水果茶。另外都有啲限定嘅供應 呢度嘅奶係堅果奶，所以真係好少有，黎到我都專登叫堅果嚟試一試。我就叫咗伯爵堅果奶蓋茶，茶味好香醇，再將奶蓋跟茶拌勻之後，個味道又折然不同，本來清涼嘅茶，入口就變得好滑，而且甜度冇一般嘅茶飲店咁甜，值得推介。下次有機會試埋佢其他嘅種類

NUTTEA 開到周街都係，呢一間就喺時代廣場City Super隔離，行完超市去買一杯真係好方便！其實我之前已經好鍾意飲NUTTEA嘅堅果奶，佢主推烘焙加冷壓喺健康嘅純素飲品。我飲過幾款味道，始終係覺得朱古力伯爵堅果奶茶係心中第一名！好欣賞佢每次都係即叫即整保證每一杯堅果奶飲都係新鮮！朱古力伯爵堅果奶茶整體個口感真係好creamy 好濃郁，而且佢個伯爵茶真係沖得好濃好香，仲飲得出有少少烘焙味。因為佢個奶蓋係堅果整嘅所以好濃好有飽腹感，佢稠到可以用鏟子當甜品甘食。買一杯可以當甜品又可當飲品又飽肚又健康，一次滿足晒四個願望！

呢間茶飲店位於Time Square Supermarket 隔離,行行下街買杯飲品好方便,即叫即沖,新鮮泡製😎Nuttea主打香滑濃郁既堅果奶,多款堅果(杏仁,合桃,腰果等等)混合,經過專人由採摘加精製,再用心烘焙再冷壓研磨,製成健康純素既飲品🤤係好好既non-dairy milk alternatives!除左堅果奶與不同茶飲或者水果既配搭,佢地仲有堅果奶蓋茶同精品咖啡選擇,款式多多😍伯爵堅果奶茶Earl Grey Nut Mylk Tea $35整體口感Creamy,而Earl Grey同堅果奶都好match,有豐富既茶香!加入Q彈既黑糖凍,濃濃黑糖香入口即化😎而且堅果奶飽肚感好高,可以當係健康代餐🤣

近排天氣愈來愈熱，所以平時出街會買杯飲品降下溫。上星期去左銅鑼灣行街，朋友帶左我去時代廣場入面話有好推介比我，就系NUTTEA。朋友大力推介 "伯爵朱古力堅果奶蓋茶" 話一定要飲～我本身對於奶蓋吾太厭好，因為怕太漏又吾好味；不過見佢甘堅持叫我必Order，就試下喇！伯爵朱古力堅果奶蓋茶：我order左微糖走冰。原來依款奶蓋茶有幾種飲法，會令有幾種吾同味道同口感tim～首先上層奶蓋幾Creamy, 而且奶蓋好厚身，上面仲有滿滿既朱古力粉，味道甜甜地，同時帶少少咸奶蓋味。之後將上層奶蓋連同下層既伯爵茶一選齊飲，感覺幾特別，上甜下清。最後將兩者攪拌一齊飲，甜味終於均衡返，個人最喜歡甘飲。雖然我揀左微糖，但我覺得幾好飲，而且又吾漏口，真系無介紹錯啊！