Ocio (已結業)

今日同媽咪去銀行, 順便出街又食LUNCH, 畢竟宜家出街都有D危, 所以都特登避開lunch hour, 2點左右去到, 仲有lunch set喎!而且堂食/外賣都有折!!我同媽咪SHARE左一個SET, 然後梗係留肚食甜品啦!!lunch set 叫左個照燒牛柳risotto~ set有湯同野飲~risotto 睇落細細碟, 但其實好大份, 而且飯粒分明, 好好咬!牛柳粒都好淋好好味!到左重點就係窩夫!!叫左個雜莓窩夫~ 好大塊好香!!上面仲有一球士多啤梨雪糕, 又唔會勁多cream咁好肥好漏!食完滿足又唔會guilty! 

燒汁牛肉粒意大利飯（ $76 ）呢個飯睇落有啲中式🤣但係味道都幾好味，感覺係用咗日式嘅燒肉汁🥓而佢嘅意大利飯口感都好鍾意，唔會太硬又唔會太淋，牛肉粒份量好多好大粒，建議可以切細粒少少😛😛巴黎牛油汁香茅雞扒配薯菜（ $80 ）呢碟就比較特別🍗🍟冇諗過佢會係有一條香茅好似串燒咁串住兩塊大雞扒🤣佢個巴黎牛油汁又真係幾特別喎，甜甜地有啲奶香味，伴碟嘅薯菜都好多，我哋都食唔晒添😝😝另外想講吓佢嘅餐湯幾出色，超級濃郁嘅蘑菇湯🍄應該係用攪拌機打出嚟嘅，好香好滑，一杯唔夠飲呀😋😋

好耐無同閏蜜嚟葵芳行街啦👭，先嚟新都會食個lunch再慢慢行，見到有間餐廳好似幾多人就去試下啦。牆上一片綠油油，比人好舒服嘅感覺😌，啱晒一眾文青打下卡📸，不過咁啱嗰個位有人坐，打唔到卡啦！我哋叫咗兩個set lunch，一個肉醬意粉🍝，另一個係我至愛嘅黑松露野菌意大利飯，可以揀轉意大利粉都得。肉醬意粉🍝蕃茄味🍅濃郁，又唔會話太酸，味道啱啱好，最緊要好多肉醬同埋芝士碎🧀，正呀！意粉煙韌有嚼勁！閨蜜真係閨蜜，實在太了解我，咁多個lunch set 都估到我要邊個，皆因我真係好鍾意食黑松露野菌意大利飯，野菌好多🍄，好夠creamy，黑松露將成個意大利飯嘅味道提升咗。跟餐有餐湯，仲可以用優惠價加小食，加咗＄18 要個蜜糖蒜香雞翼，蜜糖味🍯好甜，雞翼好入味。餐飲方面如果嫌咖啡☕、奶茶、檸茶檸水太簡單，可以補錢點其他花茶、果味泡沫冰茶🍹、沙冰等等。

分享下呢間 利申我係食葵芳分店唔知其他係咩質素 但呢間就真係麻麻🤮之前經過都覺得好吸引點知質素真係好一般呀媽咪😫水牛城雞翼唔錯 辣得黎夠香口🍗而小食拼盤就正常發揮 不過個炸皮有少少太厚同太油ଘ(੭´ ꒫`)੭豬肋骨都唔錯不過好多舊都真係得骨冇肉🐖個意粉加明太子都幾好食幾有嚼口 但刺身帶子細隻得黎唔太鮮🤔軟殼蟹漢堡個軟殼蟹除左炸既油膱 (正字黎嫁🕵🏻‍♀️) 味就冇其他 麻麻地💤終於講到甜品 個窩夫即叫即整都幾有朱古力味 舊brownie幾好食配埋雪糕都好正🍩但成餐飯 強調 最想喊係個梳乎厘班戟(0д0;)完全冇伯爵茶味之餘 仲要啲棉花糖mix左落個pancake到好似藥水味 食到我同朋友想喊呢間價錢唔貴 坐得幾舒服 但真係未必想再食😟

今日同男朋友行程豐富 去葵芳交收蛋糕 順便食個lunch 夜晚再去屯門 去個fd到打邊爐 慶祝佢生日🎂大熱天時 完全唔想離開冷氣地方 又想坐得舒舒服服 就揀左係新都會食悠閑風又靚靚仔仔 就呢間一個set lunch 大約80蚊左右 包湯&drink Wo~第一次飲牛肝菌忌廉湯岀奇地好飲 好香既菇菌味最值得一讚既係 啲菇仲係切到一粒粒 一片片咁飲得又食得 感覺好好Waiter都幾細心幫我地收野時 都會問下洗唔洗keep匙更.我就叫左黑松露野菌意大利飯😋😋我係一個愛菇人士🥳🥳🥳滿滿既忌廉汁 意大利飯軟硬度適中啲菇既份量都好多 每啖飯都一定有菇黑松露都好多😚😚😚所以好香男朋友叫既巴黎牛油汁香茅雞扒配薯菜真係成條香茅😂😂😂賣相一流仲好抵食 有2大塊雞扒雞扒唔會老 幾嫩口但薯菜得幾舊 可以多少少一上枱 我地都覺得好有東南亞feel 可能因為果2大條香茅個巴黎牛油汁 就有啲似沙嗲 但唔辣的包埋飲品

一直都想試下午茶，難得今次撞岩時間，可惜想食既甜品售罄。諗左好耐最後決定叫左，-燒汁肉丸伴薯蓉，肉丸幾重牛味，燒汁味道還好-朋友就叫左意粉 ，覺得普普通通不過由於是半開放式廚房，食完之後成身充滿油煙味😢最後埋單$140

黎到呢間餐廳每個人既第一件事都係影相, 因為個環保實在太過少女風!!好岩用黎影打卡相唔知係咪因為多情侶黎, 所以呢度有個2人套餐, 仲要係好抵食既都係228+1, 就包兩個主菜同一個小吃!! 仲有幾款唔同既package可以揀tim黑松露軟殼蟹意大利飯份量正正常常, 不過要讚既就一定係個黑松露意大利飯係超香口, 而且上面個隻軟殼蟹係即點即炸的, 非常脆口!! 而入面既肉同殼都食得!!安格斯肉眼扒配燒汁估唔到呢度既牛扒又幾有質素, 叫左既係7成熟牛扒, 幾香口而且唔難切!! 食落完全唔覺得un!!蜜糖蒜香雞翼一客有4隻既雞翼, 甜甜的加上蒜香味, 超脆皮既外皮加上嫩滑既入面!! 超好味!!

📍 新都會廣場 🎗️早幾天去接媽咪下班，順便逛一下找點什麼日常用品之類的，這次沒在葵廣掃街買小吃，想找個地方能坐的，就去了這家。.🔸二人晚市套餐大蝦松子仁醬意大利飯🍤蝦子很彈牙，而且數量比預期來的多，除了松子仁還有合桃讓飯的口感增加，應該有加了起司，這飯味道整個濃郁。黑松露軟殼蟹意大利飯🦀水準之內.. 就簡單的好吃，不會覺得有什麼大驚喜水牛城雞翼🐣愛辣而點的，那種帶酸的辣很像我喜歡的Tabasco，雞翼再炸脆點會更好吃。**有小問題是這家抽風系統沒做很好，會有油煙味**.💲Hkd 228 (+10%服務費）🏡香港葵芳新都會廣場2樓270-271號舖🕐12：00 - 22：00

每次嚟葵芳好似淨係去葵廣咁，其實地鐵站一出去嘅新都會廣場都幾多嘢食！今次食左呢間cafe，午餐menu嘅性價比超高。餐湯呢個湯可以話係我飲過嘅忌廉湯裏面，最濃郁個個！重本重本！白汁雞皇意粉呢個意粉亦都非常creamy，每條意粉都掛滿白汁，一擺入口就知啦！仲有大量雞肉同菇類，食到尾都仲有好多肉同菇。價錢係68蚊，簡直係無得頂呀。高汁意粉，但只要幾十蚊！手打漢堡配薯角呢個set真係飽肚之選！個漢堡超大個，仲有好多薯角。漢堡包層次豐富，沙律菜、蕃茄、肉扒、芝士、煙肉、蘑菇、肉醬，真係咬落去口感好正。薯角熱辣辣炸起，枱上面仲有一枝茄汁任擠！

識我嘅人都知我成日去葵芳行街，貪佢有得掃街又多唔同野食，但呢排疫情又開始多返，我帶住阿仔唔掃街了， 同佢找間餐廳座低慢慢嘆好過。來到餐廳門口比仔仔睇過餐牌，佢話想食二人餐的豬肋骨咁又有我想食的軟殼蟹， 就行動了。二人餐呢到選擇都幾多配搭可以選擇， 最後我地一人選一款最愛的食物加小食一份。醬燒豬肋配薯角 ～ 估唔到佢個醬汁有香辣的味道，食起上來好惹味，伴上粗薯角一流。黑松露軟殼蟹意大利飯 ～即炸大大隻軟殼蟹好鬆脆，而下面黑松露飯好香配搭得唔錯。白酒煮青口， 每一件青口都沾滿忌廉汁有，如果有幾件蒜蓉包點汁就會更加好。

平日lunch都會幫襯葵芳Ocio, 夜晚食就少d，所以搵晚同朋友試下食dinner，順便食埋佢個梳孚里pancake。二人點左dinner set，B+B 一個叫半熟帶子明太子意粉，另一個叫左特級牛柳拼虎蝦，松露薯條唔少得，再加杯荔枝沙冰。半熟帶子比起全熟黎得矜貴，全熟帶子可使用雪藏貨，半熟帶子只可用刺身級，睇得出店家用心。明太子醬超級好味，creamy得黎又唔濟！而牛柳處理得唔錯，柯打7成熟都唔算太乾身，切落仲有肉汁Tim! 男友最鐘意荔枝飲品，呢杯荔枝沙冰最岩佢，熱辣辣飲勁爽喎。最後點埋個甜點伯爵茶雪山梳孚里班戟，完全顛覆想像以為係凍食，睇番圖畫人地都畫左係煎pan上啦（笑）。熱梳孚里厚班戟軟淋淋，平時唔鐘意食d好似食風嘅野，梳孚里例外，佢嘅空氣感，蛋香，甜度，加埋伯爵茶source同雪糕，就係perfect March !

晚飯時間到了，book 左今日8點，餐廳在新都會廣場入面，未到時間的話可以在商場行下街先，餐廳唔算大，但已經有好多人出面等位，入面已經坐滿人，我地兩個人唔算肚餓，叫左一個二人套餐，入面有16款主菜，我叫左A4，B5,S6鐵板龍蝦汁魷魚意大利飯，超級香濃的龍蝦汁，每一粒飯都有汁，魷魚多，撈撈佢熱辣辣食，超級滿足小食拼盤，大份抵食，即叫即炸，朋友仔傾計必叫，他他醬係我至愛醬燒豬肋骨配薯角醬汁有小小酸辣，可以中和返肉的口感，減少肥膩的口感，上中的皮燒得脆，份量超級足夠，整體來講相當唔錯👍🏻👍🏻

由疫情開始到現在。。。我都大約隔1~2星期幫襯一次。。。因為初初價錢$218 晚餐真係好抵。。。個人認為明太子意粉係好食。。會令人掛念的。。。雞翼好食。。湯好飲。。。飲品都好飲。。。感覺到廚師的努力。。。初初人好少到愈來愈多人。。。都看得出是值得的。。。現在加價了。。。都明白商業角度。。。又不是加好多。。。都接受的。。。但開始變。。。錢多了，湯少了，份量少了。。。

黑松露軟殼蟹意大利飯，黑松露味道香濃，原隻軟殼蟹即叫即炸，口感酥脆，肉質鮮嫩、厚肉，味道鮮甜，意大利飯食落有咬口、軟硬適中，配以雜菌食用，味道更佳。小食拼盤，份量大，包括有薯角、雞塊、炸魚、炸蝦、沙律；薯角口感外脆內軟，薯角食落好軟腍、綿密；雞塊味道咸香；炸魚口感多汁，配以他他醬食用，味道更佳；炸蝦口感爽彈，食落幾香口；沙律好新鮮，口感爽脆，味道清甜。是日餐湯，為忌廉蘑菇湯，內有蘑菇、紅蘿蔔，口感香滑，味道濃郁。蜜瓜鮮奶，味道香甜，鮮奶味道醇厚，口感幼滑。

呢排都去葵芳嗰邊，見到個餐牌同旺角有啲唔同🤨所以就去咗試下🤪⁣⁣.醬燒豬肋骨配薯角🍖豬肋骨嘅肉一啲都唔少🤗本身豬肋骨已經燒到好夠味😆不過我覺得點多啲美式 BBQ 醬就更加惹味😋味道微辣🌶肉質就鞋咗少少🥺不過值得一讚嘅係底下嘅薯角真係好多😍而且香脆得尼又唔油膩😉⁣⁣.抹茶紅豆窩夫🧇窩夫質地整過偏向冧身，亦都係相對厚身☺️紅豆蓉份量啱好👍🏻由於窩夫係抹茶蛋漿整嘅🍵加埋抹茶雪糕🍦真係好抹🤤唔錯㗎.忌廉蘑菇湯🥣質感 creamy😌味道除咗好重忌廉味之外，仲有少少松露味🧐入面仲有薯蓉粒等🥔.紫薯鮮奶🥛主要係紫薯嘅甜味，奶味唔算好濃