OH MY GOOSE! (已結業)

試幻想一下，在一片充滿馥郁菌香的綠油油草地上與嫩滑的走地雞相遇會是怎樣的光景。看來，這以乎有點兒奇怪吧！也是的，這無非是我在這間位於旺角朗豪坊 Food Court內的食店 OH MY GOOSE！吃過它的「黑松露手撕雞蔥油飯」（$48）之後忽發的奇想而已，馥郁的菌香雖然的確是香氣襲人，飄散芬芳的黑松露油傳來的，綠油油的草地卻只是帶著青綠色的蔥油飯，走地雞更非真的能四處走動，而是早已被撕成雞絲的雞白肉。不過這樣的一個有點兒天馬行空的幻想，就更能讓我記住這夜自己吃過的東西。這一日，與老婆仔兩人來到朗豪坊找東西吃，在 Food Court中見到這間名字特別，故意讓人聯想起 Oh My God的店子，見它的新派燒臘甚有創意，又未試過，便好奇一試。 店中有數款特別推介的出品，包括港式燒味經典的「招牌燒鵝瀨粉」（$58）、必食推介的「黑松露手撕雞蔥油飯」（$48）和好X燒呀的「黯然銷魂飯」（$52）。其他特色食品，就有好叉滑呀的「北海道牛乳叉燒飯」（$45）、OM芝的「鐵板10x芝士叉鵝飯」（$48）和估你唔到的「揚州炒意形米」（$52），款款都好吸引，令人心大心細，不知吃哪一款最好。 兩夫妻

在朗豪坊做完facial，媽媽打電話給我叫我買幾個外賣回家做晚餐，我走到food court那邊看了看，發現有間餐廳是主打燒味的！見到掛出來的燒鵝和叉燒都很不錯的樣子，決定買回家試試！一口氣買了4個飯回家！燒鵝飯、燒鵝雙拼飯、黯然叉燒飯和茄醬慢煮牛腩煲！加$18可以追加飲品、油菜和咸蛋！我分別點了檸茶和紅豆冰！茄醬慢煮牛腩煲的牛腩煮得又入味又稔，份量也不少！茄醬酸酸甜甜好醒胃！燒鵝夠嫩滑，油香美味，鵝味特出！不得不說黯然叉燒飯的叉燒真的出色！半肥瘦，肉質稔，外面又燒得夠香，蜜汁味香甜，再加上飯吃絕配！還配搭上一隻太陽蛋，蛋汁加上豉油，真夠黯然！想不到商場都會有高質燒味飯！

放工經過朗豪坊 又未諗到今晚食咩既時候 見到foodcourt呢檔燒味排滿人 就決定今晚食你喇！簡左2個燒鵝雙拼飯 : 一個拼叉燒 ;一個拼油雞 仲加左$40蚊轉燒鵝脾燒鵝話係呢度主打 果然無令人失望 真係好好食肉質淋稔 啖啖肉 大啖大啖食真係好滿足 個皮好薄好脆，而且唔算好肥...成舊食好juicy 好食！叉燒-半肥瘦叉一定係最好食 中間啲肥都係爽既 加上小小汁 就咁叉燒都食左一碗飯另外仲加左咸蛋 油菜 汽水 大大推介因為三樣只係加十八蚊ja! 識食一定係咸蛋配燒味啦 個種咸蛋漏油係正既 加埋新鮮既菜 咁就唔會剩係食肉啦下次要encore!

朗豪坊food court 之中有塊霓虹燈牌吸引左我行去睇 睇個餐牌原來係用傳統嘅港式燒味加上一啲新嘅配搭嘅fusion 餐廳聽到佢個名都知佢招牌係燒鵝 所以今次就叫咗一個燒鵝髀瀨粉同埋鐵板10倍芝士叉鵝飯先講燒鵝髀瀨粉 抵唔抵食就見仁見智因為平時燒臘店食嘅都係燒鴨多都好耐冇食燒鵝所以就叫左呢度燒鵝髀係幾香 而且皮脆又薄鵝肉嘅鵝味都算幾香濃而且瀨粉好爽滑有機會都會再試除咗燒鵝髀之外其他嘢食都係好高性價比呢個10倍芝士叉鵝飯真係超邪惡勁多芝士超抵食鍾意重口味嘅朋友就一定唔好錯過

開學之後比較窮晒都係食返啲平嘢估唔到朗豪坊都有啲又平又抵食嘅飯仲係日常最愛嘅燒味飯添價錢雖然比普通茶樓貴但係佢嘅份量比一般茶樓多好多北海道牛乳滑蛋叉燒飯 $$45呢個滑蛋飯包晒成個飯啲蛋超級無敵多而且叉燒都好新鮮一啲都唔肥而且飯好香啲蛋都超級滑份量咁多真係令到我好意外暗然銷魂飯 $$52 呢個銷魂飯啲叉燒太超級大片而且好厚我數過都差唔多有九片而且呢個叉燒汁都好好食燒鵝飯 $$58 燒味飯仲配有酸梅醬真係超級好食見到都有10件而且加埋有兩排好多好多飯都好多黑松露手撕雞蔥油飯$$48呢個蔥油呢就有啲油如果想食啲淸啲嘅就可以揀番啲燒味飯但係個味道就好特別因為黑松露配好超滑嘅手撕雞凍茶都好好飲啊一啲都唔甜啱啱好紅豆冰係豆漿加紅豆

做完瑜珈 在朗豪坊搵食。間間餐廳都排長龍 一於食food court最好。揀完一輪 被燒鵝瀨粉吸引左。姐妹話食燒鵝點可以唔食脾 我就鐘意食鵝胸 貪佢啖啖肉。燒鵝燒得幾香脆 皮脆肉甘香。鵝胸啖啖肉 伴碟既菜心都好甜。燒鵝配瀨粉 識食梗係咁食啦。鐘意鵝脾既朋友 食到lum lum 脷 脾位肉質仲滑 而且隻鵝唔會太肥 yummy 义燒都唔錯 蜜味夠 肉質幾腍。記得飲爆檸茶 咸檸、青檸、檸檬 誠意之作 好開胃。如果唔係太飽 好想試黑松露蔥油手撕雞飯 睇落好正～ 呢間店都幾有特色 下次經過可以再試～

其實去左咁多次朗豪坊 黑洞都係第一次食FOODCOURT原來呢到食物既價位比我想像中平喎我地食呢間主打食燒味 見佢MENU有D特式crossover就決定試一試黑洞同朋友堂食叫左芝士焗义燒飯同黑松露手絲雞蔥油飯另外再外賣滑蛋义燒飯同黯然义燒飯俾屋企人芝士焗义燒飯岩晒芝士控喎 面頭芝士份量十足熱辣辣真係做到拉芝效果有义燒粒同菇做餸要讚下佢個飯係炒底飯 特別香口至於中意蔥油既朋友就大愛呢碟飯每粒飯粒都沾滿蔥油入口亦食到好重黑松露味 吾錯手絲雞雞肉嫩滑外賣飯盒份量好足滑蛋义燒飯激多蛋 而且滑蛋仲到半生熟效果蛋汁流落白飯到吸收晒黯然义燒飯义燒吾太肥 食落都夠冧加隻咸蛋將個好味况程度再推高整體價格合理 人均約$50Food court黎講質素吾錯算對係平價飯之選

星期六下午，約咗朋友喺朗豪坊睇戲，但睇戲之前先去醫肚。來到了4樓food court 的澳my kiss，搵好位的位置，打算食個靚叉燒飯，才去睇戲。 星期六food court超級多人，等一位也難，幸好咁啱有位，二話不說坐低先算！ 我點了招牌的黯銷魂飯，朋友點的是招牌燒鵝髀瀨，聽了店員的推介，試埋佢地個紅豆冰。 上菜好快，等了大概5分鐘就拎到。銷魂飯幾靚仔，叉燒是偏瘦的那種，啱晒我！加上厚切，所以啖啖肉。加埋個銷魂太陽蛋，簡單又好食。 朋友的燒鵝脾瀨個樣好靚，鵝皮薄且沒有好肥。浸在湯面上，閃閃發光。鵝脾食落皮薄而嫩，所以沒有肥膩感。瀨粉略嫌碎了一點，但無礙整體味道。 紅豆冰以麥精沖，感覺比普通的奶更為健康，不太甜，粒粒紅豆，透心涼。 因為有個朋友遲到了，所以我們打包了個松露手撕雞葱油飯走。松露味道唔算濃，但雞肉嫩滑，而且葱油撈飯也不覺膩，配凍檸茶，朋友食得開懷。食完好滿足，大家飽晒咁去睇戲。

首先food court環境舒服行咗一圈，睇下食咩，比個芝士叉燒飯吸引左，佢晚市啲套餐係唔平嘅，但就菜式夠新，唔係傳統嘅燒味飯嘅菜式。。。嗌之前我仲見到一個個名叫做暗然銷魂飯，但係想變得叉燒同埋雞蛋，但係我又想食芝士喎，1516 ，最後就要左芝士叉燒飯，結果好好食，個質感有啲似白汁雞皇飯，但未到就係有好龍嘅芝士，同埋叉燒，仲有埋燒鵝，燒鵝係好食嘅，可能我對叉燒太大期望，食落都OK，但又唔係有種蜜汁嗰隻，但係配埋落芝士到呢又係好ok嘅，最重要係個飯好有鑊氣。要喺街食到有鑊氣嘅野唔難，但要有鑊氣得黎唔油就超難，呢度算做得幾好。

身為一個專業飯桶，燒味飯對我嘅吸引力真係永遠都咁高😆今次試吓位於朗豪坊Food Court嘅非傳統燒味飯🙈睇樣真係幾掂，兩個飯都望落幾靚幾吸引😆.黯然銷魂飯即係叉燒飯加隻煎蛋，相信大家都知啦🤣煎蛋煎得剛剛好🍳呢到嘅叉燒外面個層燒得幾靚，但見到叉燒內在整得未夠入味🙈但整體食落都蜜味香濃，以Food Court來說絕對收貨！.黑松露手撕雞蔥油飯呢個配搭我都係第一次食。未食已經聞到黑松露香，食落反而冇齋聞咁香😜手撕雞份量都算多，當中有嫩滑嘅，亦有相對冇咁嫩滑嘅。不過因為雞已經係撕成細條狀，所以就算冇咁嫩滑嘅食落都OK。整體食落手撕雞會有啲啲過咸，同埋飯會油咗啲，所以我覺得飯上面pat蔥油叫另上會好啲🙈.兩個飯都比想像中大份！原本仲驚唔夠飽，但食完發覺啱啱好。雖然整體質素又未算特別出色，但飯桶表示有飯落肚就覺得幾滿足😂.另外其實呢到都有普通燒味飯賣(單併/雙併都有)。我外賣咗盒燒鵝脾飯($98)俾屋企人食🤭番屋企打開發現原來一個燒鵝脾飯係得半隻燒鵝脾😭我仲以為一個燒鵝脾飯係有一隻完整鵝脾😭

去開朗豪坊做facial，時間無多，總要食個快飯。Food Court自然成為我的目的地，今次比我留意到有一間幾有特色的店。表面上係賣燒味飯，但就有唔少創新的元素，餐牌亦好夠創意，甚有看頭。我同朋友仔食咗招牌的黯然銷魂飯，冇錯，就係叉燒煎蛋飯。看似簡單的一個飯，做得好食就殊不簡單。叉燒首先要肥瘦均勻，又要夠香口。煎蛋一定要係半熟，蛋漿緩緩流出，融入飯粒當中，先至係最美味。另外，我哋亦點左炸雞髀飯。大大隻的雞髀已被起骨，炸得酥香。而且醬汁同配菜都幾夠誠意。整體食物都算有誠意，而且味道唔錯，最重要係價錢好相宜。快靚正，算係Food Court內唔錯的選擇。

尋日晏晝經過朗豪坊，見到food court有間新既餐廳，個名叫做Oh my Goose，餐牌上有我至愛既叉蛋飯，咁就去食喇。咁我哋分別叫咗招牌菜黯然叉燒飯，賣相唔錯，叉燒份量好多而且無筋，太陽蛋煮得恰到好處。另外仲叫咗個OMG 炒公仔麵，首先個炒麵嘅味道係甜甜辣辣，再加上鴨肉絲炒蛋碎，超級好食呀！之後仲叫咗一個好特別嘅創意菜式，就係手撕雞蔥油飯，平時兩樣餸分開食就試過，加埋都的確唔錯。尤其雞絲加上蔥油同埋黑松露， 令到個味道更加突出。最後我哋仲叫咗一個小食XO醬炒腸粉，配上一碗細既叉燒飯。 腸粉唔會炒得太淋，配上XO醬好惹味。最後跟餐仲叫咗兩杯凍檸茶都好好飲，埋單都係二百幾蚊好抵食。

1. Mong Kok is topping up its game with its restaurants. Not only do they look better with all the popular LED lights interior deco, but also with affordable delicacy of high quality. Oh My Goose! is definitely a representative here. It is a new join after the renovation of Langham Place food court. Who would guess a food court could offer so much?2. I have already loved roast goose since I was small. My granny and mum used to order a bowl of roast goose noodles for me when we went to yum cha. B

今日趕睇戲之前去foodcourt搵食行行下揀啱左呢間，主打食燒味，價錢唔貴快快手叫左燒鵝脾瀨+滑蛋叉燒飯， 追加飲品，油菜燒鵝脾放係瀨粉上面，雖然唔太熱，但皮香肉嫩，唔算肥，蘸上酸梅醬更好食不過如果連埋支骨，個presentation會好D瀨粉粉量都唔少，加左燒鵝汁好好味油菜 $8 抵食滑蛋叉燒飯，炒蛋超滑溜，半肥瘦叉燒juicy，金黃色半熟蛋汁包住軟熟飯粒，我同朋友都覺得比燒鵝更好食飲品，爆檸茶，有齊雙檸，味道好fresh又爽紅豆冰，甜度啱啱好，紅豆足料又大大粒

整個夏天仿佛都是下雨天，落個不停，連出街的心情都破壞了，好友話要懶惰在家，但我地又要PLAN行程，唯有買外賣上佢屋企啦買外賣最好就係去FOOD COURT，去到朗豪坊見到有間新開燒味，個名叫「OH MY GOOSE!」，玩晒食字咁已經夠吸引我，就試下你有幾OMG!唔知係咪新開關係，而家憑單有戲飛優惠，另外，學生ORDER所有飯或者麵都會減$10，我個人幾喜歡呢D學生優惠，可以幫輕下學生哥，都算係回饋社會追加全部 ($18)飯或者麵加$18就可以追加3樣野，分別係飲品、油菜、咸蛋/ 流心蛋，$18平時只係叫到油菜，而家有齊3樣野實在好抵燒鵝脾飯 ($98)燒鵝本身我都好鐘意食，仲要係鵝脾更加無得輸，就算外賣盒焗過，皮依然仲有少少脆，而且夠薄無脂肪，相信堂食一定更好味，燒鵝肉質係無得用燒鴨呃人的，食落完全無SO味，而且鵝脾一定啖啖肉吧黯然叉燒飯 ($52)相信無一個土生土長香港人無聽過黯然叉燒飯呢個名，來自周星星電影的經典名菜，由呢間餐廳演繹又會點呢？！叉燒半肥瘦，如果燒得再燶邊D我會更加鐘意，無咁燶就當食得健康D啦，蛋有爆汁蛋黃撈飯食，加少少豉油已經美味過好多食物