OH MY GOOSE! (已結業)

喺旺角區想舒舒服服買啲飯返屋企，見到朗豪坊有一間食燒味嘅地方感覺上都幾高級，而且起碼有冷氣嘆，感覺乾乾淨淨，就買幾盒飯全屋一齊食。招牌燒鵝飯$58每一口燒鵝都好多肉，而且外皮除咗油外亦都非常之香，質素唔錯。白切雞飯$42白切雞味道比較清淡，但係質感夠滑，雞片超豐富油份，可以點上醬汁一同進食。黯然叉燒飯$52叉燒嘅質素都唔錯，好入味，仲有入邊一隻蛋，隻蛋剪輯師生熟程度剛剛好，分量亦都好大，有好多飯。芝士焗海中蝦伊面$58分量唔算好大，芝士味道都幾香，入面有好多隻大大隻嘅海中蝦，鮮味十足。水煮肥牛煲餐跟油菜$62估唔到食燒味嘅地方都可以食到中國特色嘅水煮，水煮牛肉淨係見到個湯底好食已經知道係夠晒辣，而且上面有啲芫茜，肥牛分量十足，做餸簡直一流。凍檸茶加番杯，外賣埋啲茶餐廳風格返屋企。

今日來朗豪坊買野，來到4樓美食廣場，原本打算簡簡單單食少少野填填肚就算，後期上到來比哩個燒味店吸引左，我見到啲人推薦-黯然銷魂飯-鐵板海膽什菌炆飯配燒鵝肉-黑松露手撕雞葱油飯-招牌燒鵝髀飯不過我最後點左燒鵝湯瀨，滑蛋叉燒飯，加個燒鵝燒味。燒鵝湯瀨，首先要講講距湯底，同個燒鵝好配，清清戴有燒鵝味道，不過燒鵝就跟平時食開差不多，正正常常。滑蛋叉燒飯就勁好食，滑蛋炒得剛剛好無生蛋味道而且好滑，叉燒唔鹹戴有少少甜味，好配。燒味燒鵝，反而無上面燒鵝懶肥，味道比湯賴濃，不錯。都幾扺食。

燒味、相信是香港人兒時的集體回憶，今日去左朗豪坊行街，同女友去food court 食lunch，巧遇見外賣櫥窗掛滿了一隻隻的靚燒鵝出爐向我招手、便叫她搵個位置坐底試一試，我去買鵝吃。我叫左個燒鵝雙拼飯：肥叉燒+燒鵝髀，係燒鵝脾！一隻鵝得兩隻脾，貴都係值得的。燒鵝脾超肥美，鵝皮有光澤，油多肉嫩結實無渣，鵝味濃郁，鵝皮香脆，看起來便令人食指大動，肥义口感不會韌，蜜汁稍為欠奉，不過整體感覺很不錯，味覺和口感湧現出來。另加油菜色澤翠綠，中規中矩女友就叫左滑蛋叉燒飯+鹹蛋，叉燒一咬肉汁充斥口腔，滑蛋炒得好靚好濕滑，㚒埋叉燒有口感鮮甜美味，D飯粒粒分明受熱均勻收水剛剛好，她表示非常滿足。

配左眼鏡去朗豪坊取，媽媽打電話比我話遅左收工，今晩唔煮飯了，順勢就去Food court度食埋飯先返屋企🍽。喺Food court正中嘅位置，見到 Oh My Goose D食物幾盞鬼喎 ，明明係中式燒味，點解好似西餐咁？一於就試下。原來Oh my Goose 除咗傳統燒味飯之外，更加創意地中西合壁，加入黑松露、雜菌、芝士等西式食材，用上西餐做法👨‍🍳，破格地將燒味變奏，未食已經覺得like👍👍👍蔥油飯顔色好靚，手撕雞啱晒我呢啲懶人食，上面嘅黑松露一定最搶味， 捧住牒飯返坐位，陣陣黑松露攻上鼻，引到我的肚皮密密打鼓，一羮飯入口，獨特的黑松露，咸香的手撕雞，蔥香的油飯，仲有點點嘅黑芝麻，滋味、惹味、香味同時在口腔內滾動，真係好好好味啊。鐵板10x 芝士叉鵝飯， 超多芝士🧀，放上叉鵝飯面再拎去焗，10x芝士越是邪惡，我Friend 越是鍾愛，我share左幾啖，初初有點像吃Pizza的感覺，再吃到义燒、燒鵝，燒味飯的感覺又翻返嚟，呢款飯嘅設計真係好抵死😆我一路食，一路聞到啲燒味香噴噴，特別係掛在櫥窗嘅燒鵝，隻隻潤澤，真係魅力沒法檔，所以我決定外賣一盒燒鵝髀飯、孝敬我偉大的媽媽💕。

每逢假期前更係約班朋友仔打麻雀切磋下，難得相約旺角，集合後順大家提意上朗豪坊買些食的，所以到美食坊買些野食醫下個肚先啦！ 個個諗緊食乜好就比掛滿燒味conuter 吸引，快靚正，所以大家就決定外賣燒味飯。蜜汁叉燒$42+鹹蛋$6賣相唔錯，叉燒肥瘦適中還帶淋，啖啖肉配埋我地鐘意嘅鹹蛋十分之啱口味！嗱 呢間較特色嘅係黑松露手撕雞蔥油飯，一打開味道已經沖擊大家嘅臭覺，食落更加精彩，除左黑松露味還有大量蔥油撈，非常驚喜，值得下次encore添！講緊價錢也是$48 可以接受！叉燒燒鵝雙拼$58,份量也不少，燒鵝醃得都夠惹味，不過外賣d皮就唔夠脆，下次堂食試真些！叉燒切雞飯 $48 貴妃雞香滑仲要係雞脾黎架，薑蓉更加係雞飯嘅良伴！追加油菜 $8 還會提供多些薑蓉同燒鵝酸梅醬比我地添 不過外賣需加外賣盒錢的！

食燒味都可以好新潮！睇佢個LED既粉色招牌都好in呢到係玩中西合璧既燒，有鐵板10x芝士叉鵝飯、鐵板海膽汁什菌炆飯配燒鵝肉等等，可惜，我係晏就黎，原來鐵板要晚上6點後先供應，無得試......黑松露手撕雞蒽油飯   $48呢個夠哂新穎，中西合璧，當中式手撕雞配上西式黑松露，仲要係蒽油飯會點？估唔到又幾夾喎！黑松露幾香，味道岀但又唔會蓋過雞肉既味，雞絲都撕得頗幼，肉質都嫩，而蒽油飯就唔洗講，啖啖都好邪惡好滋味黯然銷魂飯   $52即係傳統既太陽蛋叉燒飯，叉燒份量好多！有成10塊，塊塊都大大片，以瘦叉為主，但咬落唔會過老又或者太韌，不過有啲乾身，可以再鬆軟啲，而太陽蛋蛋黃都熟左少少，流唔到心，整體中規中矩油菜   追加+$8係菜心，有4大條，價錢都算可以接受雖然佢係food court 位置，但一啲都唔hea，就算做燒味都好有諗頭！食過佢以上2款後，覺得都真係有心經營既食店，我都會想有機會去試佢既鐵板10x芝士叉鵝飯！不過因為係food court，所以要自己搵左位先

※本文以用餐當日的環境、服務和食物質素為準，口味亦因人而異，文章只作參考之用。.唔知大家覺唔覺得雖然朗豪坊係大商場，但晚餐要係入面搵間餐廳食揀極都唔多岩心水，好多時都會出返大街搵其他餐廳。或者時不時有新餐廳進駐既四樓Food Court，偶然都有唔錯既選擇。「Oh my Goose!」主打食港式燒賣，餐牌除左一般單併雙併燒味飯、粉麵外，仲有幾款較特別既配搭，好似芝士焗叉燒飯、黑松露手撕雞蔥油飯、鐵板海膽什菌炆飯配燒鵝肉等。可惜想食既芝士焗叉燒飯已經無再用鐵板上，便改要左個滑蛋叉燒飯。北海道牛乳滑蛋叉燒飯 $45個賣相都幾靚，滑蛋食落算滑都唔錯，有蛋香但唔算好重，切粒叉燒就正常無驚艷，面頭加左蔥粒提升味道，可以一試，如果甜豉油可以另上比客人自己倒就更好。黯然叉燒飯 $52黯然叉燒飯唔知係咪忘記叫肥叉，食落肉質稍乾，唔夠蜜汁味，男人就覺得可以，但都已比同區某商場的米芝蓮既黯然叉燒飯好多了！爆檸茶 跟餐+$8加入左青檸、檸檬同咸檸既爆檸茶，飲落同平時既檸茶無咩分別，不過加$8算大杯，茶底唔會太澀或太淡，都可以！整體黎講，雖然稱不上相當美味，但以food court黎講已經算不錯了，可以一試！

竟然喺food court都遇到傳說中嘅黯然銷魂飯"好好味呀!" 有睇過食神嘅朋友都一定知道黯然銷魂飯其實係半肥瘦靚叉燒飯加一隻煎荷包蛋 即係叉燒煎蛋飯叉燒飯最緊要啲咩?! 唔駛講都知一定係個舊叉燒啦食咗多年叉燒嘅小妹認為 呢一碗暗然銷魂飯嘅叉燒幾夠林 肥瘦恰到好處 蜜味亦唔會過甜雖然冇食神裏面嘅家燕姐講得咁誇張但都唔錯而當日唔太肚餓嘅小胖男友就揀咗燒鵝瀨粉 仲特選咗燒鵝髀添果然燒鵝係比平時食開嘅燒鴨好食得多 小胖男友三扒兩撥就成碗食晒港式燒味有時感覺啖啖肉咁 所以我哋都嗌多咗碟油菜食 另外再整多杯爆檸茶 成件事fresh晒

又到糧尾， 我長期糧尾今日要捱food court , 見到呢間舖頭個名好得意，oh my goose, 配合oh my god嘅心情。望下counter有咩食先人哋都食芝士焗龍蝦，我就食芝士焗中蝦伊麵， 都係差唔多嘢啫望落去都叫過得去， 成碟鋪滿芝士， 白汁底， 但食落去又係溫度唔配合， 啲麵係涼涼地一pat pat， 雖然有四隻蝦，但就外暖內涼…… 我食咗幾啖之後真係食唔落， 真係金玉其外，敗絮其中。叫做食得落嘅，就係飲呢杯爆檸， 加左2片青檸加入檸檬茶入面， 同正常檸檬茶差唔多， 冇quota嘅可以唔試。最後，我決定買個貴價日本杯麵返屋企再食過， 平衡番自己有食飯嘅感覺。

朗豪坊的美食廣場有好多野揀，最近見到開咗間現代燒臘舖， oh my goose! 我估佢想講 oh my god 咁好食。我哋三個人剛剛招牌三款都是晒。識我嘅地方先整隻燒鵝髀，配瀨粉係我童年是在酒樓的回憶，好大隻俾，好美味，係啲皮浸左係湯唔夠脆，$98 全店最高檔呢款。黯然銷魂飯近排好行，叉燒襯托煎蛋又真係絕配，惹味有汁，大件肉，送飯一流，$52 價錢合理。仲有一款對我來講係新野，黑松露手撕雞蔥油飯，綠色嘅飯喎，鹹的，又幾好味，冇骨手撕雞夠晒嫩，$48抵食。再加菜及飲品分別是$8及$12，美食廣場價錢燒臘舖水準，正呀！

朝早係旺角工作既關係，決定係旺角搵朋友食埋lunch先番office🤗 本來想食pepper lunch，點知比隔離呢間oh my goose吸引左，d燒味好似好正🤤d相都好吸引😍😍選擇雖然唔多，但好多都好想食😂燒鵝脾瀨粉 $98原隻大鵝脾好厚肉😱外皮燒得尚算脆鵝肉不得了，十分十分林同軟身，又唔肥瀨粉都不錯喔好彈牙🙆🏻‍♀️九十八蚊好似好貴，但真心好味值得試試👍🏻黯然叉燒飯 $52黯然銷魂飯聽就聽得多，食就真係第一次🤔太陽蛋無流心效果但都係軟心的👌🏻叉燒要半肥瘦先好食？錯🙅🏻‍♀️🙅🏻‍♀️🙅🏻‍♀️Oh my goose既叉燒一d都唔肥，竟然可以做到咁林少少韌都無🤤🤤🤤 怕肥又中意食叉燒既朋友一定要去試🉐飯上既䜴油汁味道同份量都剛剛好💯叉燒滑蛋飯 $45滑蛋十分有九點五分咁滑同好食😍朋友話味道好食過旺記🤭 不過就無旺記d叉燒咁多咁大片如果一心去試叉燒，會建意叫黯然叉燒飯滑蛋叉燒飯既叉燒切得比較細同少爆檸茶 $8有檸檬同青檸既爆檸茶😍😍唔甜又夠酸，可以消除燒味既油膩感好食既燒味好難搵，係food court竟然可以有呢個level係surprise既👍🏻👍🏻👍🏻🉐 每碟飯都有兩條菜心跟👍🏻不過

朗豪坊人流長期暢旺，想吃餐安樂茶飯而不想等位，最好還是到四樓food court買外賣回家，一邊煲劇，一邊享用，今天是我家毛孩Boomby的生日，所以我們決定買外賣回家吃，然後為Boomby開一個簡單的生日會😍Food Court最大的好處是不同人可以選擇不同的飯店，點不同的菜式，而又可以坐在一起，所以永遠都是人山人海，今天我們發現一間新開的飯店，名字非常有趣：Oh My Goose!單看名字已經可以聯想到燒味飯，而主打燒鵝，所以就吸引了我們走近看看⋯原來除了燒味外，也有不少新派飯麵，非常吸引⋯既然鵝脾飯出名，當然要一試，鵝肉嫩滑，皮脆脂肪少，正好合我心意⋯另一經典就是黯然銷魂飯了﹗叉燒肥瘦比例5:5，一來不會乾身，二來5:5是叉燒的黃金比例，肉與油脂混合帶出回金味道～招牌菜式以外，我卻找到十分大的驚喜，這個楊州抄意型米一開盒香氣撲鼻，意型飯口感煙軔，咬口十足，整客飯抄得乾身，米飯粒粒分明不會黏在一起，色香味俱存，但緊記必須熱辣辣來吃，稍為轉涼意型米就減少煙軔，就像吃年糕一樣，要趁熱吃最好味啊﹗另一個令人驚喜的是燒鵝雪菜炆米，米粉入味，夠乾身，雪菜惹味，還有粒粒鵝肉，非常美味啊﹗整體確

今日屋企冇煮飯，經過朗豪坊買兩個外賣就番屋企嘆係food court見到有間新餐廳Oh My Goose，之前都冇留意有間燒味店，行去望真啲原來係新派嘅燒味店，掛住嘅燒鵝好吸引我喺呢間餐廳買外賣，除咗見到佢嘅燒味好吸引之外，最重要係見到餐牌上面有呢個手撕雞蔥油飯，$48價錢都幾實惠，手撕雞係落咗好多黑松露 超級香，再加埋下面唔係一個普通嘅白飯而係蔥油飯！！每粒飯都有蔥油味，超惹味原隻燒鵝髀飯絕對係依間餐廳嘅招牌菜，$100 都唔使有大大隻燒鵝髀食，燒鵝本身個肥瘦啱啱好皮下有少少脂肪增加佢嘅香味，絕對係大件夾抵食

旺角lunch time 周圍都多人，其中一個飯腳就話不如買外賣上佢公司pantry食於是大伙兒一齊揀飯盒！經過food court 呢間燒味，睇落乾淨企理，啲燒味賣相唔錯，於是就決定食呢間！跟飯仲可以加$8要特飲五個人的外賣：外賣pack得好妥當綜合各人的評價，雪菜火鴨絲炆米、叉燒飯同滑蛋叉燒飯最正蛋好滑，叉燒肥瘦適中，加埋燒味豉油，呢個滑蛋叉燒送飯一流燒鵝飯其實都唔錯，不過始終係外賣，燒鵝皮就變腍左呢間既叉燒幾好味，瘦叉嘅肉質都唔會鞋大家仲好健康咁加咗兩份菜

有日係旺角行街，見到food court 竟然有一間專食燒鵝的店，男友又勁愛食，就一於試下！餐廳名字頗為有趣，為傳統燒味增添新意！燒鵝髀賴粉$98燒鵝髀飯$98平時出街食日一個鵝脾飯/瀨，去出名小小嘅餐廳食都要百幾蚊，呢度$100就有找，仲要份量都幾多。鵝脾皮燒得甘香脆口，鵝肉鮮甜，脂肪香味四溢。配上酸梅醬，更加帶出鵝肉的鮮味。賴粉份量十足！口感煙韌。爆檸茶（+$8）夏日炎炎，點樣都唔少得一杯凍飲！加咗$8就可以嗌一杯特飲，紅茶味十足，有青檸及檸檬，清新解渴。滑蛋叉燒飯$45雞蛋用北海道牛乳炒香，非常香滑。叉燒惹味有嚼勁，兩者伴飯一流。餐廳仲有唔少fusion 菜式，有我最愛既芝士同鐵板，下次都可以試下！