Oliva (已結業)

呢間野比我第一次去實在差左好多,今日約左兩個舊同學敘舊,叫左芒果木瓜燒牛柳沙津,味道依舊好味,但係唔知點解每一次去食呢個沙津,牛柳每一次生熟程度都唔一樣,第一次五成,第二次三成,第三次五成,今晚係八成...點解呢？叫左個燒豬仔骨...我肯定唔係由生燒至熟,味淡,直情有烚熟o既感覺...so bad,連提供一把鋒利d o既刀比我切開都冇...全程係鋸,鋸,鋸...,田螺有砂,真係火都黎埋,待應on居居,我地叫左三杯refill凍檸茶,到refill o既時候,待應哥哥過黎收起晒我地三隻杯,我朋友問佢,你咁樣拎走D杯,到時候你分得開邊杯打邊杯咩？佢答:我會記住呢位小姐果杯同另一位小姐果杯...到三個杯返黎果陣結果佢都係錯晒,(因為我朋友有咬飲管習慣),成晚令我最火滾係個士多啤梨千層酥,我本人最愛甜品就係拿破崙,個酥一黎到,我滿心歡喜諗住分一邊自己食,一督落去,點解個酥皮un得咁淒涼,要出盡力先鋸得開,我即刻叫個待應姐姐過黎問佢,請問你呢碟係咩黎？佢理直氣壯地答我係士多啤梨千層酥,我立即係佢面前鋸塊酥皮,鋸左五,六下左右,我問佢呢塊係咩酥皮un得咁淒涼,隔離枱有對情侶見住事發經過,笑到爆晒咀

今日係本人第三次光顧此店，一般來說，對一個市區人，並不會專程入大埔，每次都是因為到大埔行山、踩單車，然後先會選擇此店！一如以往，此店的侍應們服務態度輕浮、差劣...簡直不能盡錄！友人於一點多致電到該店詢問下午茶由何時開始，有一位女侍應說由兩點半開始！於是，我們便準時兩點半到達該店！此時，一男侍應說：「午餐已完畢，下午茶要由三點開始。」當然，我們重覆他們的女侍應所答覆的答案！但真可笑，他竟說：「午餐剛完畢，廚房未準備好下午茶的所需用品！你們可以先坐一會至三點下午茶開始。」我們並未等到三點便先行order一份正價的Pizza，當然，Pizza前應先有麵包供應，友人問店員是否有麵包供應，得來的答案是「冇哂！」除了一聲冷笑，直不知如何反應...終於三點到來，當然侍應們並不會自動奉上餐牌，我們三請之下，他們竟說下午茶要三點半先開始！簡直『佛都有火』！然後有個所謂的餐廳女經理到來解釋說：「因為下午茶餐牌上有十款，但廚房還有五款並未準備好！」簡直不能相信，他們所謂準備好的五款只有：西餅、雪糕班、腸仔甚麼、白汁酥皮盒...但並未準備好的有：意粉、意大利飯等等...前者，西餅、雪糕當然不用特別準備；後者

其實之前已經食過兩三次~~~都係覺得麻麻地因為我覺得佢d野食成日都唔夠熱無論係pizza, angel hair or risotto但我成日見到咁多好評~~~我決定比多次機會自己今次叫左個set dinner雞扒配意大利飯同海鮮pizza但係轉頭個waiter話冇晒意大利飯咁我就轉要芝士雞肉卷點知轉頭個waiter又話冇晒雞肉卷咁維有叫個小食併盤今次個pizza ok (其實因為冇特別所以ok)但係個番炸及有油益味既併盤真係~~~~正~~!!所以真係唔明o個百幾個笑哈哈點嚟我諗可能係因為平Kwa~~~

今次係第二次黎呢到..因為上次叫左個麻麻地0既膾牛膝..冇叫pizza.. 今次一定要食pizza~~兩個人叫左..意大利雜菜湯: 呢個唔得..冇咩菜之餘.d味淡淡的好似係茄醬開水咁... 係呢到賣$18唔係貴..不過諗住呢個湯又唔係餐前送0既湯，要另外俾$order0既會好味d..芝士雞肉卷: 用類似印度薄餅..薄薄個d皮包住雞肉同芝士.. 焗完後d芝士溶入晒去d雞卷到~最愛芝士0既我好鍾意呢個~~ 而且有6件..作為主菜前小食黎講...太飽不過好抵~ 煙三文魚pizza (6件): 每一件都好多煙三文魚.. 好多料..不過個餅底麻麻地.. 有少少失望~ 南瓜雞肉車輪粉: 個menu幅圖有個南瓜盛住d粉..好靚..點知原來係冇0既.. 亦都唔見任何南瓜0既踪跡.可能係d汁有0拉~ 呢個雖然唔係好多材料, 但個汁好creamy, 又有芝士..好好味~!!! 兩個人食到好飽..都係食唔晒.. 可能太多芝士了.. 有d滯.. 仲有要一提0既係.. 我點菜前問個waiter要6件pizza0既價錢係咪menu上12件價錢0既一半... 佢話係!.. 點知買單時發現唔係..再問另外一個類似女經

見有100多個好評便來試試, 可惜水準強差人意。車輪粉較好, 但味道略嫌太濃。最差是士多啤梨千層酥餅!門口所貼的剪報大讚鬆脆, 但我們吃的卻是一疊軟酥皮, 完全沒"脆"可言。問侍應是否要焗的, 他卻否認....很懷疑我們當晚吃的究竟是什麼!服務:態度還可以, 但很久才等到有侍應來招呼。碗碟欠衛生, 每隻碟也是崩的.....

15/3/20083個人叫了: 1)牛肉芒果木瓜沙律–牛肉質地幾好, 很tender. 個dressing 幾特別, 甜甜地.2)龍蝦天使面–好味, 但貴了少少. 不過都算值.3)Pepperoni pizza 和波蘿香腸pizza –餅底是薄的, 幾有特色, 但千萬不可以跟Pizza Hut 的“底食甲大件”比較. 我覺得Oliva 的pizza的芝士味無咁香.4)熱咖啡–超難飲. 5)Cuppacino –完全沒有咖啡味, 似奶水多D.所見所聞:1)Pizza 先上檯, 跟著是天使面和沙律, 真係唔多make sense. 應該先來沙律, 其他主菜後上. 不過, 算啦.2)叫了一個熱regular coffee和兩個熱cuppacino, 個waiter好似唔多明白, 落單之後一陣他走過來, 問我們的兩個cuppacino 是否熱的, 我們再把order 重新說一遍. 沒多久, 有個waitress (相信是supervisor) 走過來問我們要什麼咖啡. 我們想落單的侍應根本get 唔到我們的order. 他們的training 真的要好好加強一下. 3)叫斟水叫了三次才來.

當Oliva 初開時常去吃晚飯，最近決定再去一次。餐牌改了些及贈送的salad 細了。與男友點了以下食物:煎鵝肝--份量頗多, apple source 能減去油膩感, 不錯！牛肉芒果salad--牛肉很tender, 很refreshing!海鮮墨魚汁意粉--份量十足, 意粉不會太soft, 很有口感, source 很開胃, 一直是my favourite dish!心太軟--因很想食chocolate, 所以於很飽的情況下叫了。心太軟是熱的, 不過中間chocolate source 太少, 但因有vanila ice-cream 及鮮果補夠, 整體上可以接受。

朋友介紹話呢度既意大利野幾正宗, 幾好野, 所以就黎左呢度order 左三文魚pizza (6 件), 幾香幾濃芝士味+ smoked salmon雞肉pizza (6件), 淡淡肉美國有骨豬排(稔, 加埋個醬幾好)南瓜芝士雞肉車輪粉(好濃芝士味, 好食)意大利海鮮飯(又係好多芝士)餐前有麵包點vinegar + honey (幾特別)做promotion, 蘋果汁兩支$20三男兩女, 大家都食到幾飽下, 埋單$530播住一d 英文歌, 燈光偏暗, 都算幾有情調大部份客都係幾個既後生仔女

有晚心血來潮想嚟呢到食飯, 同男朋友無book位, walkin要等4張台約, waitress話45-60mins, 留左電話等call...咁我地門口睇下menu諗定到時食咩既時候....頭先位waitress姐姐見到我地無行開就話有人埋緊單比左台我地先, 等左20mins就入得去喇.....order左: - 餐包(配欖油+醋) : 包係凍, 有別平時食開意大利餐廳既, 無咩好唔好...- Angus Rib Eye(7成熟) - 都大份, 生熟岩岩好, 唔un...配菜都好好味...水準唔錯- 燒牛肉配芒果木瓜沙律- 所有野都好新鮮, 燒過既牛肉外面熟裡面半生...口感幾好, 配醋點埋食, 正wor~~- 什菌意大利飯- 我好鍾意大利食飯, 因為濕濕地...仲要上台時熱辣辣, 什菌又香又好味...絕對係我既至愛之一- 甜品: 鮮什果伴朱古力軟心蛋糕- 新鮮什果, 蛋糕即叫即整....好味唔漏, 只係雪糕溶得比較快 全部野散叫, 所以無叫野飲ar, 但埋單都差唔多三百蚊....雖然食物既味道同賣相都幾好, 但餐廳裡面台與台之間好近, 而且裡面好吵好吵...同埋service都係

無錯, 呢間餐廳環境好,lunch set超平但我都想將我所見的分享, 提醒大家下次光顧時要特別留意他們的衛生.事緣我昨天到這裏食lunch, 我見到:1.有人舉手落單, 一位侍應因事忙而急步走過去, 撞跌那顧客旁邊空桌的刀叉, 那侍應因想先落單, 就將地上的刀叉執起放回那空桌上, 由於她放得不整齊, 此時有另一位侍應見到桌上不整齊的刀叉, 便放返整齊. 他不知道刀叉不乾淨, 最重要係弄跌刀叉的侍應竟然沒有提他, 也沒有拎走那對刀叉!!!2. 我見到一位侍應在趕往set枱期間跌了一張餐巾, 但他竟沒有丟掉它, 而是將那餐巾拾起, 然後拎去給客人!一餐飯, 兩件咁既事, 係咁正的環境, 咁高的格調下, 如此衛生意識是否很有問題呢?縱然D食物不過不失, 但我仍要因這嚇人的衛生竟識給她喊喊面!

果日食左個下午茶餐~~藍霉雪糕pancake﹐口感真係難以形容﹐熱辣辣pancake再加D美味可口的藍霉雪糕﹐一流﹗﹗﹗大家如果經過呢間餐廳一定要食番次先得﹗

見呢間野咁多(笑面)食評,又近我,即管小試牛刀,試下個tea set先~入到去,個環境真係好classic好舒服,加上當時得2檯客,好寧靜!見個menu款款都$26-28,都幾抵食,我同友人叫左個咩咩飯同pizza~等左2個字到d野食就黎啦,哇~個飯勁好食,好特別!每粒飯都有汁,唔知係咪炒完d飯用汁撈既呢~好有香草味呀~個pizza就有2件既,呢個就有d普通啦~overall黎講都幾好食,下次會去食埋個dinner set!^^

今日同d同事聚舊.. 有人提議食意大利野.. 咁就屋企樓下呢間啦.. 貪夠就腳.. 坐得舒服.. 啱晒傾計~~ 雖然間野係樓下.. 但唔係成日去.. 對上嗰次好似已經大半年前.. 今次發現有D野唔同左.. 首先.. 之前係有沙律送的.. 不過今晚冇.. 同埋之前餐牌既鵝肝好似係$80蚊.. (有兩大件).. 今晚發覺一碟一件..$35蚊.. 仍然好大件..抵左.. 真係好啦.. 下次唔使迫我老公陪我食.. (因為兩件真係好大件好漏)我地四個女仔.. 叫了一碟鵝肝、細雞肉PIZZA、千層麵同一個SET DINNER(羊膝).. 其實呢間意大利野D食物質素平平.. 不過如果咁既價錢.. 又覺得算唔錯.. 傾計聚舊最啱~~ 今晚最好食既係跟SET既蛋糕.. 夠熱.. 夠軟同夠朱古力味.. 正!! 仲有價錢好平.. 個個同事都以為間餐廳計錯價錢.. 好好笑~~

有事要老遠跑到大埔辦, 事前上來找找, 見風評不俗, 又有過百笑臉, 完成工作後見又順路就來吃她一吃。午飯時間, 偌大的餐廳滿了九成。午市套餐只售$36, 有pasta 有牛有羊, 要了個墨魚仔香草辣茄汁意粉。桌上已擺了focaccia 和油醋, focaccia 雖是室溫但仍軟綿綿, 油醋都還可以啦。餐湯是雜菜湯, 比較水啊。等主菜的時候還有得看電視播Jamie Oliver 煮意菜呢。主菜的意粉賣相吸引, 有四隻墨魚仔, 混有充滿蒜香的茄醬拌意粉吃。意粉夠乾身, 均勻地沾上醬汁, 好像還有少少al dente。墨魚仔唔腥, 不錯。餐飲要咖啡, 冇特別。服務生反應都算快, 唔係咁多人趕住兩點走點算?!如果不是咁遠水路, 可能會再來吃晚飯呢!

新年假期，又系年初五，系時候再食餐勁呀！大埔Oliva一向有水準，一家大細同兩個friends一齊去吃晚飯。開場來了個Caesar Salad一樣咁美味，今次要試吓燒排骨(好過意粉屋嗰隻-價錢反映一切)，12件裝兩隻味道的大pizza(PizzaHut就做唔到咁大件)，另外今次要了個薑蔥雞意大利飯真系唔錯(好味個女話想食多個)，千層麵保持水準(個仔想成個獨食)，肉醬意大利闊麵就好有份量(添咗兩次還可以再添)。實在太滿足連甜品都食唔落！今次都食咗七百幾，但係物有所值。下次再努力過。