Oliva (已結業)

昨晚和女友老遠的跑往大埔店，之前聽得多了，如今可親自試試，大體來說沒太大驚喜，湯算有水準，但牛扒祇屬一般，和扒皇之皇都是差不多，唯一火腿可以有點驚喜。到甜品了，真是極失望，祇是幾款水果碎上，火龍果、奇異果...等，加上小許朱古力，完全沒甚麼好吃！！！~~~以上的水準，可能是節日，套餐是mass production出來的，我都會在平日再去光顧，以視公平！

不支你們是甚麼時候去食,我就上星期去過食lunch,叫了一個牛扒真的差勁,我食一口就咄出來,牛扒像石頭,還有他厨房好像同^牛***^共用一個厨房,真差勁妺妺服務又叉,環境可以,價錢平

心裡想黎好耐...今次黎到大埔呢度搵地方食晚餐..捨棄原定地點, 終於黎左呢度~一入去裡面,覺得d格局好似又一城間Amaroni..兩個人剛剛在5點左右食完tea...唔係好餓0既情況下叫左:- 香煎鵝肝配白酒蘋果- 海鮮意大利飯- 燴牛膝- 菠蘿汁鵝肝加埋個片白酒蘋果幾好味呀。係全餐最好味0既.. 海鮮意大利飯比我想像中差...d飯食落唔夠個種黏黏地又硬硬地0既感覺，個汁都唔夠好味... 燴牛膝係最失望0既一個.. 一上枱見到碟野真係嚇親.. 好大碟... 一大堆肉上面全個碟都舖滿啡紅色0既汁..無錯係好大碟,好足份量,好抵食咁..但俾我地0既第一感覺係點解個賣相同本menu0既相差咁遠0既..一大堆汁咩都望唔到..好似中國人炒0既餸咁。食落都係好一般.. 有d似鞋鞋地0既牛腩，d汁又有點怪.. 好辛苦之下食左2/3碟。可能呢碟牛膝對兩個人黎講太多.. 多d人share會好食d~ 見到人地食pizza.. 好似好好味咁, 好後悔試左呢個冇叫pizza~ 呢一餐好飽,但冇個種好滿足0既感覺。不過下次我想再去食佢個pizza呀!

和媽媽在這兒慶祝生日。食品質素不錯，份量十足。和妙一行四人，點了小食拼盤、Salmon + Tandorri Chicken Pizza、龍蝦汁天使麵、凱撒沙律和Apple Crispy Dessert。食物的價錢和質量我們認為不俗，四人才約$430，內部裝飾也有點古典味，值得推介。唯一煞風景的是餐廳外觀。入面裝修別緻，可是每一看見餐廳外牆玻璃就感到可怕。外牆玻璃滿是油漬與塵垢，是時候要清潔了... ...而且餐廳外觀貼滿介紹廣告，也讓人覺得有失格調，像茶餐廳格局。廣告宣傳還是用坐地介紹牌的方式比較好。總的來說，價錢、食物份量、味道而言都是不錯的。建議和三五知己來試試看呢。唯一希望的餐廳能注意一下外觀......

今天又再於此dinner~原來星期五係沒set dinner的…仲諗住碰運氣睇下會唔會像x'mas咁有個合胃口又唔錯的set din。嘻嘻咁就照舊叫返海鮮墨汁意粉($6x)+海鮮意大利飯($7x)意粉反而keep到，生熟度相比risotto可能較容易掌握。因為今次的risotto又回復x'mas前的水平—稔！但又很奇怪，今日兩個main course個溫度都keep得唔錯~唔錯係因為餐廳不斷有客人進出中門大開咁吹生風入嚟都仲冒煙兼直到最後都冇因為天氣凍而冷卻「鯨」sauce…莫非個飯驚唔夠熱而煮過龍！？XD其實今日開這個食評係因為最近我開飯的「海鮮」令我感慨萬千。因為今日兩個dishes都有海鮮配料even我預了係凍櫃貨式，墨汁意粉那裡的海鮮足足1:1有十二件(青口、蝦、鮮魷、魚)；risotto那裡的海鮮都係蝦、魚、細帶子為主(唯獨帶子size像1毫但數目足夠兼其餘size都1:1)。我認為oliva交到貨俾我原因其一當然係舖租。因為經濟暢旺地產一定加租，商場食肆一定要諗對策，不外乎拉上補下，既然不加價就要縮份量…我諗我上次新城巿食韓食石鍋飯d料就係咁樣遭殃囉！幾十蚊…咁大埔就我都應

今日兩丁友照舊叫caesar同海鮮墨汁意粉。前者的sauce大方了，過往sauce頗吝嗇的。至少現在塊塊菜都沾上晒汁囉！只係$38，又蒜蓉麵包粒、巴拿馬芝士屑、鹹乾火腿粒算係冇欺場的了。後者仍然keep住，麵質的口感仍係煙韌沒過稔，收貨！今餐平均每人$5x事隔約個幾星期前我今趟又再幫趁係因為...事緣在x'mas那段日子幫趁係有個對我來講很經濟實惠的聖誕set din menu$79~當日我係選了兩個set meal：燴羊膝+意大利飯(各自另配餐湯、餐飲和甜品)羊膝共有三件，每條骨都起碼有一個普通眼鏡盒咁長、香腸咁粗。骨的同時，肉量係唔少的...配埋薯菜真係勁飽！除了個羊頗羶，當中的薯菜又沒有馬虎~全部都鮮甜爽口的。難得在經濟暢旺時食物沒有小人國般縮水沒搶錢咁加價，算有公道的了。即使我咁講看似「馬後炮」攝食評，但令我再幫趁係因為當日個risotto、餐湯做得出乎意料的好。risotto進步了。沒有過往的稔，飯芯有少許粉感，所以就保持到綿中帶點有咬口的口感。我期待有更進步的空間！白餐湯竟然唔係用上罐頭忌廉~很明顯真係一飲就感覺到。不太稀太杰，而且質感無論飲甚至肉眼看，真係似曾相識…有點像

我住係呢度十幾年，估唔到會出間咁good 既意大利餐廳！價值適中，野食掂，四人食400已經好飽（可能地點唔係旺區，D錢唔會去左鋪租度），係出面食一定唔止。推薦：燴牛膝、三文魚pizza、闊條麵。次次去都有叫！通常街坊客多，兩公婆加細路，時不時會有人包場開party，去之前打電話問左先好D。

為friend 慶祝b day!選擇左呢間一位女侍應帶我地入去,態度已經好有問題~落order 叫極都冇人理,好唔容易先叫到個waitress,果時佢既態度已經好惡劣。冇人為我地refill 水,又係要叫好多次先黎,有冇攪錯!今次係個waiter ,但係居然比我地見到個waitress 眼啤啤wo!又唔係佢倒水,啤咩呀?唔想做就唔好做la!~見到你咁都真係覺得你係"可憐蟲"

包--難食, 凍冰冰, 有up味, 個面硬(放得太耐個隻硬)湯--等同茶餐廳既白湯主菜--1)羊仔脾肉配飯--羊仔脾肉--好”鞋”但味道接受,d飯好似”larm”飯咁, 爛到不得了, 超級難食2)肉眼扒配薯蓉--仲衰過大家樂0個d扒,全場最好食係伴碟0個一球薯蓉仔餐飲--ok服務--萬分差, 可以2個餐一個人食晒另一個餐都仲未到, 冇辦法咁離譜唔吹單都唔得, 隨後見到隔離個女人都吹單, 不過人吹單我吹單, 人地一吹轉頭即到, 仲要係佢同我叫埋同一個餐, 令到我火上加火, 再等多成5分鐘我先有得食, 埋單72, 我係一毫子tips都冇比佢, 服務員態度hea到不得了, d野食又咁, 比左都對唔住自己~喊面十個(>_<) (>_<) (>_<) (>_<) (>_<) (>_<) (>_<) (>_<) (>_<) (>_<)

琴日lunch我同個boss去左oliva去到先知原來lunch有咁平,$36一個set我叫左個steak一坐低佢\就比左一埋包同一碟汁比我地我個boss之前都黎過唔係佢\,我就以為d包係佢\地唔記得執野跟住就order food,d waiter十問九唔應咁叫完野食,佢\又唔比反應我地,都唔知有無聽到我地講野總括係抵食,不過service好差,特別係某個waitress囉.......一次再去,又係咁,$1 tips都唔會比

　　你們好，呢個係我既第一個Post，好想打第一個Post既原因係想為大埔爭一口氣（我絕對唔係玩野），我唔係好明大家點解會講：＜估唔到大埔有咁好環境既野食！＞又或者：＜大埔黎講算係好嫁喇！＞其實咁樣講既人係咪住大埔？如果唔係又點解有咁既批評？雖然大埔既交通唔夠九龍區方便，但唔好忽視大埔人亦好老實，係有水準地區，亦有好多毫宅同埋中上階層（當然我唔否認有不少既grass root）但亦不至於如悲情城市天水ｘ，就以本人為例，我由細到大都住大埔，小學、中學身邊冇新移民，中學同學絕大部份都係一齊讀得上大學．．．愈講愈遠，其實我只係希望大家去食去玩既時候，唔好對大埔區有偏見，矛本人認為，大埔區有這重地方吃飯不足為奇　　好喇，講返食評，唔好意思．．．阻大家咁耐．．．我去Oliva既次數大約係．．．１０次左右，對上一次已經有４個月，每一次我都會叫pasta , pizza：Pasta：墨汁果一個一向係好好味　　　龍蝦：印象記得係唔錯既，但會次次叫黎食　　　如果我冇計錯，係有個工文魚pasta，真係唔錯pizza：我好記得三文魚Pizza，好好味　　　　海鮮Pizza，好多料，而且好新鮮　　　　有個PI

5/12晚一行四人到這晚餐，曾經約在三年前已光顧過，覺得食物很不錯的。但昨天一去，覺得食物質素下降了，侍應的服務態度亦不好。或者平日的關係，食客不多。我們選了樓上的座位，貪佢較靜方便傾計。但餐廳卻熱播住聖誕的音樂，係超級大聲的播放住，聲浪大得令人反感。吃聖誕大餐麼??? 講食物，蒲坐下便送上一藍麵包，冷冰冰的，嚥不下。小食中的什麼雞卷(名字記不起了)，吃下第一啖便覺中招，很難吃唷。夏威夷pizza快過意粉到，但不熱的。(整定的嗎??) 其餘兩個羅絲粉及扁意粉味道很一般，當中的扁意粉內的蒜頭確實下得很重手，有些蒜頭還炸到燶了，吃下很苦。>.< 最後的焦糖燉蛋上枱前侍應用火機點著，燒到咁上下再落埋d生果落去，但係d生果食落去竟然跟焦糖上面的汁完全唔夾，充斥住火水味，超難食. . . 可能我唔識欣賞啦! 之後朋友們都建議把燉蛋的汁倒下，再吃燉蛋，這樣反而okay。講服務，人客已不多，但坐了樓上是否等於可以不用服務呢?? 水不refill，成餐飯共fill了兩次咁多; order甜品之時叫了很久才有人理會，因為他們在聊天。才差不多十點半，侍應們卻非常主動走過來執拾，來回了幾次

記得大約一年前，曾和朋友光顧過一次，那次是吃晚飯。Exactly叫了甚麼菜式我不記得了，只記得份量不少，但味道不俗，算有水準的。由於東西份量多，我一個人的時候通常不會光顧。但上周六偶爾心血來潮，便想去吃個午飯，於是隻身前住。以前每次中午經過，總見餐廳冷清清（此店主打晚飯時段），但那天去到，Oh my god，居然全店爆滿，我是好運剛有人走才有位。坐下，看餐牌．．．弊傢伙，居然有個甚麼３６元意式午餐，暈倒．．．經驗告訴我，但凡餐廳搞甚麼ｂｕｆｆｅｔ、特價餐，一定沒好事。我沒有叫３６元午餐，反而選了大餐牌中的龍蝦天使幼麵，再加一個湯。可惜，侍應過了一會便回來說賣晒！（應該是沒想到有人會叫所以沒準備吧？＝＝||||）實在不想吃午餐，於是叫了個店方推薦的燒牛肉芒果沙律。先來餐包，天啊，那包是冷的，不是室溫的冷，而是真的冷，用手摸上去，是冷的．．．試吃一下，像發水麵包，好難吃啊......>O<然後來餐湯，是個冇忌廉味的忌廉栗米湯，真的只有些許粟米茸，甚麼都沒有了，好難喝～～好了，沙律終於來了，可是．．．沙律菜算新鮮，可惜加的黑醋汁實在勁多，而帶甜味的芒果又實在太少，剛開始吃還好

ordered food. 全部係menu有皇冠既食物咩牛柳+木瓜+芒果沙律...個沙律汁太酸...攪到d牛柳好難咬得入...有可能用鹽醃過d牛肉...仲衰過食香口膠...芒果好酸...連基本食沙律既parmason cheese 都冇放...失敗咩雞肉磨菇酥皮盒...白汁好似係罐頭開出來...冇香味...雞肉同菇ok, 最失敗係個酥皮盒, 個盒底唔用野隔住焗...成個底乾晒...仲有呢樣係小食...但係遲過main dishes 上, 失敗中既失敗...海鮮咩意大利飯....個飯粒冇咬口...成個飯冇味...海鮮有醒味...又係冇放cheese...同herbs.....叫咩意大利飯.....失敗...三文魚pizza..焗過龍..個底燶晒...太多cheese...不過唔係morzarella...冇cheese 味....茄醬唔夠多..冇herbs....煙三文魚太厚...整體....好難食所以甜品都唔需要叫....間野係平..不過唔係意大利菜....最攪笑係個focaccia連rosemary 都冇...我不如食生命麵包..............個廚好唔掂, 完全唔係煮開意大

環境：充滿歐陸風情,有兩部TV,TV播的是教人煮西餐 的節目.唯一要挑剔的時燈光太暗,使人想瞓覺.味道：十分好食.我order了咖喱忌廉海鮮長通粉,小食 拼盤,意大利海鮮飯,燴牛膝,全部各有特色服務：ookk la！抵食：在大埔可以食到這麼好食的食物,簡值無得頂.乾淨：非常乾淨,乾淨過你屋企.p.s.：我們order了食物後,他們自動自覺的送上凱撒 沙律,給我們一個surprise！