Olive Cafe (已結業)

星期五媽媽要開會，我同爸爸就決定去食個西餐🍽同爸爸撐枱腳😆OᒪIᐯE ᑕᗩᖴE係大埔超級購物城既ᗩ區環境令人有種舒服的感覺，枱與枱之間也很闊落，這裡是全落地玻璃，可以看看窗外街景🛣坐下後店員就會講一講今日是日餐湯是甚麼。有得散叫或ᴅɪɴɴᴇʀ sᴇᴛᴅɪɴɴᴇʀ sᴇᴛ係可選擇沙律🥗或餐湯，我地就一個叫沙律🥗另一個就叫餐湯是日餐湯 就是青豆溶湯 ，很綠色喔青豆味很濃！沙律是香煎芝麻吞拿魚配香芒沙沙，吞拿魚是生的，外面輕輕弄熟了一點點還加上黑白芝麻，芒果莎莎就酸酸甜甜，沙律菜配上蛋黃醬！餐包䁔䁔的 德國烤蜜糖芥末咸豬手 $168叫既時候待應有問到我哋想原隻上還是想由廚師切好上？很貼心呀這行為💛我地就由廚師切好上，唔使自己切得咁辛苦而且師傅🔪切功的技巧很好，骨沒有多餘的肉很乾淨喔👍🏽豬手既份量很大份，外皮烤得好脆脆的，肉質嫩滑，豬手底下有🍯蜜糖汁..有熱辣辣的薯條🍟作拌碟係粗薯條呀！酥脆香草焗羊架 $188 有3大件羊架‼️面頭鋪滿脆脆既香草，羊架簡了7成熟，廚師👨‍🍳控制時間得好好，唔會好難咬又好軟身👍🏽食落唔覺得羊肉太“騷”，而且皮上肥膏不會太多~爸爸好少女心選擇了🍑蜜桃生薑 ，這裡用茶

今日突然想入大埔行街食晚飯，老公想食西餐，把握搭車時間搵下有咩好地方，剛好發現呢間餐廳之餘仲可以用apps訂座!即日都可以訂座太好了，我最怕肚餓地等位!不過最早都7:45，所以我地周圍行下，但行行下都有啲餓，所以想早啲去睇下有無得walk in,7點左右到其實未滿，不過職員知道我地有訂枱就話預留左張卡位但要等多一會，於是行多一陣先入座!卡位果然較舒適!今日食左漢堡包同焗豬扒飯，雖然我地無跟餐，但主餐牌都有餐飲送!老公好滿意哩!豬扒飯用中式煲仔飯的煲焗，好存熱，茄汁味道香濃，但豬扒略嫌味道偏淡!漢堡包中的漢堡扒美味，伴碟的薯條並不是空心的!

Olive cafe 老闆最喜愛就是6:45pm 才給工作已是等閒之事，走時已八點了！ 我們搭車到大埔超級地附近經過一間幾靚既西餐廳 - olive cafe 又走進去了！ 職員很好禮貌，落單快。平時少湯水，呢到加 HKD 20就有甘筍了，味道好香甘筍味，補補胡蘿蔔素。香煎三文魚柳配海鮮濃湯 HKD 148三文魚皮弄的又香又脆，而下部份魚肉位置在湯內吸收精華。酥脆香草焗羊架 HKD 188羊架蘇味不重，脂肪比例較多所以煮出嚟特別香。表面還加了很多香草！ Olive 鮮果茶 HKD 48朋友就點了鮮果茶有火龍果、士多啤梨得，好解渴！ 京都香芋奶昔 HKD38除了抺茶外，就是香芋！今次仲要係來自京都，飲落去軟綿綿的奶昔，又不要太甜，都晤錯！

大埔中心連鎖餐廳超級多，有時想放工Chill一Chill食個晚飯又唔想去Bar，今日竟然俾我發現到呢間幾有格調的西餐廳～首先要讚一讚員工的服務十分好，服侍很周到，加上環境氣氛，感覺如置身左超高級西餐廳一樣，抵讚～泰式炒蜆保留住泰式的風味 - 辣，蜆肉大大隻而沒有沙，而且辣味好夠，與蜆肉完全沒有違和感呀～餐包呢度既餐包異於一般西餐廳的包，呈長條形，而且咬落去脆脆的，索索聲，我真係超Like呀，頗有特色～香煎三文魚柳配海鮮濃湯呢個係今晚既主角，原條三文魚經師傅煎過後，放入海鮮濃湯，上菜時仍保留住煎好的三文魚香味，切一小塊三文魚再配上一匙濃湯，趁熱食，真係一流的水準呀～夏日蜜桃茶捉緊夏日的尾巴，呢杯蜜桃茶唔會過甜，飲起來清清涼涼，好有夏天的味道呀～

同朋友聚會, 暢談下佢希臘遊既趣事~所以今次黎到Olive Cafe, 鍾意佢旺中帶靜既感覺!餐廳都幾大, 座位都好寬闊~入面既環境令人覺得好優閒舒適!埋到枱, 店員就幫我地針左兩杯暖水俾我地. 仲上埋餐包. 當我地以為餐包上既通常係牛油, 原來呢度唔係, 係沙律薯仔醬, 好特別!夾埋個脆口既餐包, 正!Menu有好多選擇!中式西式日式港式都有~亦有提供set dinnerrinks menu都好吸引~~天氣涼涼地, 要飲熱野!咁岩我地叫既2款熱飲都有連埋底座keep warm, 真係好正!而且仲可以refill~熱蜜桃生薑茶蜜桃既香味大過生薑, 感覺似飲花茶~熱Olive鮮果茶好多款生果, 好fresh!見到呢個必吃小食, 就忍唔住叫左2隻焗蠔~我地兩款 (芝士煙肉/白汁菠菜)各叫一隻, 2款口味各有特色~值得一試!咁多選擇之中, 我地叫左2個set dinner,一個配湯, 一個配前菜~蕃茄濃湯個湯口感好好, 而且係滿滿既蕃茄味!香煎芝麻吞拿魚配香芒沙沙個汁好開胃, 酸酸甜甜, 同吞拿魚都幾夾~2個main course都十分出色!!香煎三文魚柳配海鮮濃湯個三文魚煎得岩岩好, 個皮

經常在大埔出入搵嘢食，不時都有新食肆開張，但好多都是試過一次就不用再食了，有的又冇得訂位，要排很長的隊，有的價錢太貴，不可經常享用。但 Olive Cafe 這間不同， 座位舒適又方便傾偈， 如果約埋三五知己除咗食晏晝或者午餐之外，下午茶也是不錯選擇。又有得訂位，如訂位仲有優惠， 食物一向都有水準，價錢非常合理。 是次感覺服務更佳，天氣冷了會不時替你添加暖水， 很是窩心呢！不會好似有些食肆，要催著你埋單走， 又要限時享用， 又話要有最低消費。

其實係度住嘅人都知道呢區已變左一個美食小天堂，由街坊小食到高級餐廳應有盡有，可以唔使長途跋涉都食到好嘢夠晒方便，約埋好友相聚開飯話咁易，就早幾日去左呢間人氣西餐店品嚐晚餐餐牌已有一系列菜式提供，好友同我點了幾款食物，分別有海膽扁意粉配椰香海鮮濃要個是日餐湯南瓜湯，再加一個dinner set享用反而揀咗沙律有香煎芝麻吞拿魚配香芒沙沙主菜係香煎豬安配蘋果蓉，大家一起享用，先來有沙律吞拿魚入口肉質鮮嫩配埋香芒同芝麻食落特別香濃其後有海膽扁意粉配椰香海鮮濃，未食已聞到陣香味，加上海膽入口啖啖鮮甜，扁意粉每條又吸收左香濃湯汁，食落特別滋味再飲番杯明治牛乳特調奶昔，有京都香芋奶昔同芒果香蕉奶昔，因為係牛乳飲落香滑之餘奶味極濃勁好飲其後到香煎豬安配蘋果蓉，厚厚豬安份量十足，切開已見肉質細嫩，啖啖肉又食到小小油脂特別肥美多汁，記得點埋蘋果蓉一齊食更滿足留番個肚子食埋呢度甜品係芝士蛋糕，當然唔至一件咁小有柚子芝士同荔枝芒果芝士蛋糕，一次過可以食到兩種味道，芝士蛋糕入口滑溜味香甜有水準，食得份外開心美食嘅一刻又完滿結束。

相約友人大埔食晏，想輕鬆聊聊天，想起大埔超級城的有間 Olive Café，裝修雅緻，坐得舒服。入座看餐牌，原來除了一般午市套餐外，還有 Olive Daily Special，先點兩只焗蠔，芝士煙肉及白汁菠菜各一，價錢$48，蠔身飽滿入口又juicy，不錯。 主菜照燒牛肉眼扒，上枱時香味撲鼻，五成熟，肉質粉嫩有肉汁，配菜是我愛的粗薯條喔。BBQ烤原條豬肋骨則較遜色，稍嫌汁醬稍多，但味道酸甜好味，豬肋骨早一點離開焗爐效果會更好。 再點兩杯飲品慢慢傾，在明治牛乳咖啡系列內選了 Cappuccino ，幼滑泡沫之餘亦有香濃咖啡味，讚呀，而德國優質花果茶系列的蜜桃生薑就顯得一般，對我來說薑味來得比較後，不夠重，或者真的不是我杯茶。Olive Café 環境舒服，店員貼心服務，我們傾談至下午3點也不知，過了一個舒適自在的下午。 #hkfoodblogger#hkfoodies#foodstagram#foodpics#香港美食#食評#相機食先#食好西#吃貨#大埔美食#OliveCaféERA#二人世界#三五知己

同朋友去完大埔超級城血拼之後覓食，黎到大埔呢個出名美食多既地方，搵食其實無咩難度，一出商場就見到呢間Café，拎住咁多野當然二話不說走入去。餐廳環境舒適，有好多卡位，我地入去時可能時間比較早，所以店員安排我地坐窗邊卡位，完全無壓迫感，感覺好舒服。我地一坐低店員就送上餐包同水，餐包好鬆軟，個醬我見到好似有薯仔，估唔到咁配又幾好食喎。我地叫左一個set dinner再加其他野食，set dinner 我地要左前菜，前菜係香煎芝麻吞拿魚配芒果莎莎，主菜係香煎三文魚柳配海鮮濃湯。另外再叫左田園沙律加煙三文魚、德國蜜糖芥末烤鹹豬手、芝士煙肉焗生蠔同蜜桃生薑花果茶。田園沙律加煙三文魚習慣食飯前都會食沙律，沙律菜好新鮮，煙三文魚份量唔少，而且個沙律醬好好味。香煎芝麻吞拿魚配芒果莎莎賣相好吸引，吞拿魚配上黑白芝麻微煎，芒果莎莎酸酸甜甜幾清新，旁邊沙律菜同田園沙律一樣都係好好食。芝士煙肉美國焗蠔 芝士同煙肉係絕配，生蠔焗完都仲keep到大隻多汁，好味。香煎三文魚柳配海鮮濃湯魚皮煎得好香脆，魚肉嫩滑，海鮮濃湯都好正，入面有好多大大隻既蜆肉同其他海鮮。德國蜜糖芥末烤鹹豬手點呢個既時候店員問我地想原隻上定幫我

好耐冇約中同食飯吹水啦，放工就一同相約老地方去開飯啦！放工已經好肚餓，急不及待睇下餐牌有咩食啦！選擇好多元化，有西式、日式及泰式呢！餐前餐包麵包有別於一般餐廳的，是一條長條型的餐包！烘得很香脆！配上餐廳自家制的沙律薯仔醬，酸酸地，好醒神！德國烤蜜糖芥末咸豬手這是我最愛的菜式之一！豬手外皮烤得很香脆，有著淡淡的蜜糖香味，內裡肉質仍然嫩滑，咸咸香香！皮下還充滿厚厚的骨膠原呢！附上的薯條同樣新鮮炸起，粗薯條更好味呀！美國牛肉漢堡包漢堡內有厚厚的牛肉、蕃茄、芝士及煙肉！牛肉漢堡我們點了七成熟，因為友人不愛吃太生！牛肉味香濃，好juicy，不會有過老的感覺！鮮果茶茶底很香，餐廳落足本，有多種水果在內！酸酸甜甜好正呀！蘋果金寶配雲尼拿雪糕一上枱就聞到陣陣的肉桂香味！蘋果加上提子乾永遠是最佳partner ! 加上雪糕又凍又暖，好好味呀！已經有一段時間冇光顧olive cafe 仍然保持水準，而且地點方便就在大埔中心巴士站附近，相約朋友飯局的好地方！

今晚難得忙裡偷閒約左位都係住大埔閨蜜食晚飯，揀咗個好方便就嘅地方-Olive Cafe😊我地為左黑松露個醬叫左個炸著條配巴馬臣芝士配黑松露蛋黃醬，好香濃o既黑松露味，食到停唔到口。主菜叫左今日嘅廚師推薦: 豬肋骨，本身個豬肋骨已經夠嫩夠林，同個BBQ汁好襯，但我反而覺得佢太多汁，咸左少少，"搞 "走d汁，問題不大。另一個主菜係照燒牛眼扒，本來對牛都無咩太大期望，反而有驚喜🎉我叫左7成熟，真係7成，仲有少少紅好juicy ，個扒配有薯條，即刻要多個黑松露蛋黃醬，心諗係要加錢，埋單發現佢free左俾我，好感動呀!!我地叫左紫薯奶昔同宇治綠茶 奶昔，紫薯奶昔好重紫薯味，仲有少少紫薯蓉，唔太甜👍甜品我哋就叫咗apple crumble，表面嘅脆脆加上雲呢拿汁好好味，食到蘋果清甜又唔會太重玉桂味。我地傾左好耐計，都無俾人黑面😳服務態度一流

呢間olive cafe之前已經食過 作為大埔友嘅我覺得係同區入面算係高質嘅西餐廳 最近竟然轉咗餐牌梗係要嚟食下餐廳裝修同樣舒服簡潔 同三五知己一聚 適合不過轉咗餐牌之後 加入唔少東南亞菜式 咖哩牛腩飯 咖哩汁偏鹹同埋辣味濃郁 同印度咖哩有得揮 牛腩分量都幾多 而且炆得多冧 最出色係個白飯煮得軟硬適中美國牛肉漢堡包 漢堡包至少有五六吋高 份量驚人 入面除咗芝士同牛肉漢堡扒之外 仲有煙肉 啱曬一種食肉獸 而且仲有勁多薯條 夠曬豐富德國咸豬手 包皮炸得脆卜卜 質感測薯片 一啲都唔油膩 一切開肉汁亦唔少 超級大隻 加埋薯條 勁飽宇治抹茶奶昔 綠茶味濃郁 奶味偏少 飲落係沙冰嘅口感 上面加上忌廉同埋朱古力碎 超級邪惡

傍晚時分，去了大埔市中心的「Olive Cafe」吃西餐，並叫了數款不同的食物。「日式醬汁西冷牛肉飯」的西冷牛肉醃得入味，飯底不太諗，喜歡爽身的必合口味，而日式醬汁更能帶出特點。「煙三文魚意粉配勺草忌廉汁」餡料足夠，意粉炆得軟稔濕潤，煙三文魚鮮嫩，勺草忌廉汁頗為增添惹味。兩隻「美國焗蠔」分別由芝士煙肉和白汁菠菜製作，大大隻的，蠔味濃郁，吃落滿口肥美甘香。「德國蜜糖芥末烤鹹豬手」烤焦剛剛好，外皮脆口，肉質腍滑溫暖，入口煙韌，配上蜜糖芥末，口感豐富。「美國牛肉漢堡包」份量十足，包身軟稔，牛肉肉味豐腴，但不肥膩。餐後試了「蘋果金寶配雲呢拿雪糕」果肉輕盈，金寶香脆，美味滑溜，稍為過甜，但我們已吃得不亦樂乎。「Olive Cafe」位於大埔市中心的一個地下舖，食物質素不錯，真的大滿足呀！！

因為朋友住大埔關係我入去探佢，平時無乜機會入大埔，所以大埔有乜好嘢食我是不知道的😝到晚餐時間我朋友建議話不如食呢間Cafe，我就抱住一試無妨嘅心態😋呢間響地鋪嘅Cafe係典型舒適簡約格局，坐得幾舒適，見到menu上的西餐好多選擇，我們三人點了一個紐西蘭西冷扒配青胡椒汁，一隻咸豬手，一份炸薯條配班馬臣芝士黑松露蛋黃醬，炸魷魚圈，凱薩沙律和三杯飲品。紐西蘭西冷扒配青胡椒汁($165)不錯哦！嗜血的我點了五成熟，不過上到枱就差唔多六成熟了，係我喜歡嘅熟度😋中間切開粉紅，牛味都幾濃👍咸豬手而家做緊dinner special, $158大大隻！超多肉啊🤩外皮炸到香脆，中間啖啖肉鹹香鹹香咁，點埋佢隻醬都唔錯！炸薯條都幾香口，配班馬臣芝士黑松露蛋黃醬又幾好味喎！炸魷魚圈都炸得酥脆，點上沙律醬更清新。飲品方面都有驚喜，我哋點左凍雪泡變奏，凍愛爾蘭咖啡同埋芒果香蕉奶昔，三杯嘅賣相都好吸引！用嚟打卡一流！而且都幾清新😋______________________________店名live Cafe 環境🏝：8/10服務💁🏼‍♀️：8/10 價錢💰：7/10食物質素🍝： 7/10 整體🙆🏻‍♂️：7.5/1

少來大埔的我居然不知道大埔有那麼多東西吃上次試了大榮樺這次試一下它對面的OLIVE CAFE.是日餐湯粟米濃湯非常濃 裡面都是用打碎的粟米煮成.餐包是常溫還不錯 提供那麼大塊餐包的可能只有這家了.香煎芝麻吞拿魚配香芒沙沙吞拿魚半生熟 不會腥外面輕輕弄熟了一點香芒沙沙的醬汁酸酸甜甜.紐西蘭西冷扒(8OZ)配青胡椒汁 $165牛肉比較咸 不用加鹽/醬料都已經很夠肉是真正的5成熟 呈粉紅色伴菜偏生 咬下去會比較爽口.香煎豬鞍配蘋果蓉 $162豬鞍通常會比較結實但這不錯 肉不會太硬只是味道偏淡 沾一點旁邊的醬就能解決.香炸雞翼配蜜糖芥未汁 $48蜜糖似乎是瑰花蜜糖蜜糖稀釋了一點 會比較容易沾到雞翼上去.凍泡沫咖啡 $34口感滑 咖啡味重.熱OLIVE 鮮果茶 $48味道較淡 但能嘗到茶的味道.焦糖朱古力芝士蛋糕 $38焦糖弄成了芝士蛋糕上的花紋口感特別.荔枝芒果芝士蛋糕 $38這個好吃 芝士蛋糕是荔枝味芒果變成了上面的裝飾不會死甜