Olive Cafe (已結業)

大埔墟內的西餐廳一向不是太多，olive cafe正正是區內的小眾在超級城地舖，落地玻璃裝潢，坐在窗附近的位置，看到人來人往的街道餐包餐包香脆而且暖暖的，配上特制醬汁吃起來更滋味是日餐湯 +20羅宋湯炸薯角、班馬臣芝士配黑松露蛋黃 $45薯角脆身，裡面包了很多軟薯，質感不錯，芝士配黑松露蛋黃，仍然感到黑松露味很濃娘惹喇沙 $78想不到這裡竟然會有喇沙，男朋友說看到便想吃了，所以就點了一客湯底濃味黑松露野菌長通粉 $88香炸雞翼配蜜糖芥末汁 $48朱古力咖啡 $34焙茶芝士蛋糕 $38

大埔中心附近有太多好吃的東西, 每次都會有驚喜。因為普遍大埔餐廳質素高, 所以不好吃的會被自動淘汰。在附近完成工作, 就和同事進了這間西餐, 我對西餐的指標是Burger。牛肉可選生熟程度, 我點了7成熟, 但煮出來的比較生, 5-6成左右。肉質不會太鬆散或太硬, 有濃厚牛肉味, 可以接受。薯條方面炸得可以, 香脆可以入口。餐湯是磨菇湯, 有打碎磨菇伴入忌廉, 算是有heart的餐湯。咖啡也是即磨, 帶有咖啡香氣。lunch set來說真的不錯!

今日同兩個朋友過黎再encore ，選擇困難症既關係，今次又係叫左3個set dinner再加其他野食，3個set dinner 都要左餐湯-南瓜湯，主菜係德國蜜糖芥末烤鹹豬手、酥脆香草焗羊架 、紐西蘭西冷扒配青胡椒汁。另外再叫左芝士煙肉焗生蠔同炸薯條。南瓜湯南瓜湯都煮得幾creamy，如果再濃啲就更加好。炸薯條大大條，熱辣辣，面頭有啲巴馬臣芝士，再配埋個黑松露蛋黃醬都幾好味。紐西蘭西冷扒配青胡椒汁中間切開仲有粉紅色，有好多肉汁，牛味都算濃。德國蜜糖芥末烤鹹豬手蜜糖芥末味道較淡，如果再濃多少少就好，豬手肉既鹹度適中而且啖啖肉，外皮亦夠脆，份量都幾大份，粗薯條夠多。酥脆香草焗羊架有3件羊架，大大件，擺得好靚仔，羊架面頭鋪滿香草，我地叫左7成熟，羊肉好軟身，肥膏唔多，好好味。最後叫左一杯熱辣辣既檸檬蜜為今餐劃上完美既句號。總括黎講，店員都幾好服務，經常主動加水，環境唔錯好舒服，價錢亦都唔貴，食物質素都唔錯，最好味係焗羊架，最欣賞係每道主菜都有沙律同薯條做配菜中和下肉既肥膩，下次都會再去食。

是晚黎到大埔嘅Olive Cafe 晚飯，其實之前都先後去過其荃灣同大埔分店用膳，味道不錯，最近想吃西餐，就選定了大埔分店。平日夜晚，大約七時半到都有七成滿，相信係附近居民携老帶少多，其實餐廳好近一田，平時逛街累了不失為一個可用膳的地方，價錢相宜，味道好。我們仨點了三個set，紐西蘭西冷扒配青胡椒汁叫了七成熟，切開仍帶粉紅肉質，雖然係七成熟，但咬落仍有好多肉汁，牛味濃。德國蜜糖芥末烤咸豬手配薯條，廚師幫我們切開豬手，烤焗方法令豬手皮脆肉嫩，非常香口，每口都嚐到蜜糖清甜味，薯條是厚切薯條，配上另外點的黑松露蛋黃醬有另一番味道。跟餐配餐湯及餐飲，值得一讚的是是晚餐湯南瓜濃湯，南瓜味重，湯幼滑，凍冰冰天氣飲落暖笠笠！雖然話餐廳大約七成滿座，不過檯與檯之間有足夠空間，很適合三五知己相約談心用膳。

今日放假，中午同媽媽去大埔撐枱腳食lunch。平時星期六日都會去下大埔食嘢，今日行遠啲，去到昌運附近揾食，見呢間Olive cafe環境幾好，就揀呢間啦。由於未到食晏時間，唔洗等位，但原來今日lunch 都已經full booking, 因為早到先有位咋。餐廳環境開陽，座位都好寬敞。餐牌好多選擇，仲有午市套餐添。我地揀了午市套：紅酒燴牛尾飯，牛尾燜得好諗，中間的筋位也燜得軟糯，紅酒味唔算太濃，少少酒味可解肉的油膩感。紐西蘭肉眼配雜菜薯條，牛扒表面煎得香脆，5成熟中間仲有少粉紅，肉質唔會粗鞋，有肉味，而伴碟的菜亦非常有心，有用蒜蓉炒過，好香，唔似一般白烚有草青味。食飽飯梗係要食下甜品啦，餐廳有多款自製芝士蛋糕，我地揀了日本柚子芝士蛋糕，味道清新，少少酸味，唔會好膩。蘋果芝士蛋糕，有粒粒蘋果肉，呢個芝士味無咁濃，但有好香的肉桂味，有暖暖的感覺，很是喜歡呢。另外還點了蘋果金寶配雪糕，鬆酥皮焗得香脆，青蘋果酸酸甜甜，加上雲尼拿汁同雪糕，在暖和冷之間感受到滿滿的幸福感。餐茶點了玫瑰鮮奶咖啡和朱古力咖啡，兩杯咖啡味都香醇，由其玫瑰同咖啡配合得很好，咖啡香醇，玫瑰幽香，真令人陶醉。我覺得因為咖啡也很

餐廳主打西餐，食物種類唔算多，午市餐單有六七款。套餐送湯同餐飲。粟米湯香甜，似係自家煲。嗌佐焗豬扒煲仔飯，不過感覺怪怪地，其實係普通焗豬扒飯，用砂煲上，但係又無煲仔飯既質感，味道係幾好。環境係最大賣點。

平安夜又到左喇，唔想出去同人迫，所以都係留係大埔食。平安夜食既都係指定Menu ，由頭盤都飲品，一共5樣野。香芒龍蝦牛油果沙律+椰菜花湯沙律🥗材料好豐富，食完之後飽腹感好重餐湯就好一般牛扒煎得太過火，裡面肉油冇晒又乾火雞卷我老公食完塊牛扒，先上呢個雞卷，上菜時間好唔一致，而雞卷味道都係好食的。如果上菜時間一致d，會好一點。

同事突然有事請了兩個星期大假，公司抽調了一位剛入職的新人來頂替，話明新入職，咁即係要慢慢同佢解釋番我地做開嘅嘢，一邊做一邊教，唔經唔覺又OT咗兩個鐘，正拖著疲乏的身體去總站搭巴士嘅時候，新同事竟然話要請我食飯多謝我，推辭了一陣終於老實不客氣，就搵咗間在巴士總站附近的西餐廳，方便食完搭車返屋企。餐廳位處大埔中心，旺中帶靜，室內環境舒適寬敞，空間感十足，在落地玻璃旁有一排梳化卡位，微暗的燈光和周邊的環境讓人感覺很優閒放鬆。 首選當然係Set Dinner，有湯有飲品就最適合我，同事就比較喜歡吃沙律，於是各選所好。這裏的餐包不是普通的圓形餐包，是長條狀的，最啱女士們的櫻桃小口，我喜歡啊！「青豆蓉湯」青豆味濃郁得嚟又沒有難聞的草青味，而且creamy幼滑，味道清淡。「香煎芝麻吞拿魚配香芒沙沙」三大片半生熟的吞拿魚配上黑白芝麻，再加上酸酸甜甜的芒果醬汁，賣相吸引，味道清新開胃，還有配上蛋黃醬的爽脆沙律菜，作為前菜，同事吃得津津有味。「香煎豬鞍配蘋果蓉」七成熟的肉質顏色粉嫩，軟腍有肉汁，加入酸酸甜甜的蘋果蓉，不但令味道更有層次，而且可中和豬鞍扒的肥膩感，或者沾點燒汁也一樣好吃。「酥脆香草焗羊架」同

紅酒燴牛尾飯 $72（lunch再減$15）🌕🌕🌕🌕🌑牛尾份量多，加左啲新鮮無煮過既蕃茄仔，配搭唔錯，味道濃郁。細舊既牛尾有啲老，食落好硬。大舊既牛尾反而幾腍，唔zip牙隙，超正！醬汁較稀，如果可以濃稠啲，送飯食會仲正。午市食價錢幾平，仲包餐湯同飲品，抵食！-香煎紐西蘭肉眼（8oz)配時令雜菜及薯條 $98🌕🌕🌕🌕🌑呢個無得減$15，但都會有餐湯同飲品。我個人討厭牛血淋淋，所以嗌左7成熟，個人覺得雖然無血，但太老！因為佢牛排偏薄身，好快就熟，牛熟左就好韌...但後面塊厚身少少，食到6成熟左右，牛味好出，已經唔韌，好軟熟！所以建議大家嗌5-6成熟，係品嚐呢塊排既最佳熟度！薯條粗身，偏腍身，係煎唔係炸，無咁熱氣。啲配菜一般啦，都係煎出黎，正常。-粟米忌廉湯 （贈送）🌕🌕🌕🌕🌕神級正！好似日本飲品售賣機賣果隻粟米湯咁，粟米味勁出，仲有小小碎做咬口，忌廉係呢度做輔助角色，食落creamy又唔會搶左粟米風頭。重點係熱上，係冬天食到熱辣辣既濃厚粟米湯，的確會叫人會心微笑。-*需加一-仲有杯飲品，都係一般送果啲檸水檸茶咖啡咁，我太飽無嗌到。-餐牌

將近Christmas，我同朋友行完一田， 買完禮物，就到附近嘅餐廳食dinner ! 入到 「Olive Cafe」， 見到有Set Dinner ， 包咗沙律或餐湯、 餐包、主菜 & 餐飲， 唔想煩，咁就Set Dinner 啦！ 餐包口感鬆化， 味道唔錯。 我選沙律， 沙律是《香煎芝麻吞拿魚配香芒沙沙》， 半生熟嘅吞拿魚， 外層輕輕煎香， 加上黑白芝麻，再配酸酸甜甜香芒沙沙， 味道十分醒胃， 同沙律菜一齊食， 口感豐富。主菜係《BBQ烤原條豬肋骨 $168 set dinner》， 份量十足， 有原條份量嘅豬肋骨上抬， 味道仲要非常惹味，加上自製bbq 醬汁， 好得呀！ 豬肋骨就燒到外脆內軟，可以鎖住肉汁， 所以十分juicy， 仲有熱辣棘脆卜卜嘅薯條伴碟， 好豐富呀！ 仲單點咗個《海南雞飯 $88》，份量正常，雞肉嫰滑， 有雞味， 沾上秘製醬汁， 味道就豐富起來， 特別滋味， 好食！ 跟餐叫咗杯熱檸水同散叫咗抔《黃金海岸 $34》， 味道酸酸甜甜， 帶有薄荷嘅清香， 好Fresh ！

好闊落 環境令人好舒服因為係落地玻璃 可以睇到窗外街景-Dinner Set可以揀沙律或餐湯我地就一個叫沙律 一個就叫餐湯是日餐湯 係椰菜花薯湯  很濃既薯仔味 椰菜花味都好出！-餐包係暖的 佢有個自家製既薯仔醬 好好好好好食！之後仲拎尼點薯條食！正！飲完餐湯 食完咁大塊餐包 都飽咗2成-然後再食沙律香煎芝麻吞拿魚配香芒沙沙吞拿魚半生熟 其實食唔出味 因為比D酸酸甜甜嘅醬搶走咗！但好厚身我地+$48叫左兩隻白汁菠菜焗蠔!味道不錯 但好細隻-主食叫左酥脆香草焗羊架($188)份量有3大件羊架! 羊架好夠味 好厚肉 肉質整得非常好 面頭鋪滿香草同芥末醬, 好好好正!BBQ烤原條豬肋骨($168)個賣相已經好吸引!但醬汁好多over左不過肉夠稔 而且夠多 Yeah～～2個主食都有我愛既粗薯條~好開心！仲有Dessert 不過熱食應該好食D～

同朋友行完一田買定交換禮物，佢就話想提前食個聖誕大餐，咁啱對面就有呢間西餐廳，真係約都無咁翹，都啱嘅，去到正日先食就爆多人了。呢度環境都唔錯，燈光同音樂都好有聖誕氣氛，坐得都幾舒服。例牌晚餐有幾個set, 我揀咗烤德國豬手，佢就揀紐西蘭西冷，我哋笑言聽落幾高級又豐富，另外再要多個帶子蒜香意粉。西餐一貫嘅面包同餐湯好快就放到枱上，湯料足味道亦唔錯，暖肚又開胃。之後就西冷上先，配菜都幾靚仔，薯仔好正夠黏口，牛扒配個青胡椒汁都幾夾，五成熟嘅肉質啱啱好，而且不斷傳出肉香，勁nice。跟住到我個豬手，可以叫佢哋幫手砌件，賣相亦相當靚仔，烤出嚟嘅鹹香味都幾標準，因為之前試過大排擋會偏鹹，配埋蜜糖芥末味道明顯有所提升。 最後係個意粉，意粉蒜香味真十足，個帶子要趁熱食，肉質鮮嫩，個人喜好加少少黑椒粒上去個意粉更香口。我哋對於三款味道都表示滿意，另外朋友話佢個牛扒配杯紅酒只係加38蚊，佢表示合理價錢就嘆到咁豐富嘅享受。

大埔係美食之地，而男友又住大埔，專登入黎搵佢食飯呢日佢請食飯，仲話帶我食西餐，仲話呢間西餐幾平幾抵食。先講環境啦，入去光線暗暗地，黃色燈柔和，夜晚食幾浪漫，有蠟光晚餐feel!叫左個牛排，幾Juice，仲有個豬排，但冇影到，豬排好食D，好嫩，仲叫左杯熱可可，可可比較甜。另外就係服務態度值得一讚，會問得好周到，甜品想幾時上咁樣而呢間餐廳次次經過都幾多人食，可想而知食物質素的確唔錯，值得一試，下次想食西餐又經過大埔都會食佢

老公要OT，唯有同女女兩個出去搵食，我地去大埔超級城搵食，泊車超方便，幾次渣車經過都見到Olive cafe，今次就同囡囡兩個去撐枱腳。我地點一個Dinner set 同黑松露野菌長通粉南瓜湯金黃香濃的南瓜湯，南瓜含有豐富的胡蘿蔔素、維他命B1 、 B2 、 C 以及食物纖維，美味又健康。香煎三文魚柳配海鮮濃湯三文魚柳煎得好香，配上海鮮濃湯令到三文魚不會太單調，口感豐富，亦鎖住了三文魚的鮮味。黑松露野菌長通粉野菌及松露味豐富，汁不黏不稠，長通粉偏硬，我比較鍾意淋小小。熱檸水我鍾意檸檬同水分開上，唔駛浸到檸檬水變苦餐廳除左咖啡，奶茶，仲有奶昔，花果茶，好吸引，下次要再黎飲

I've dined in at this restaurant many times, but I won't be going back. The food and drinks are good. The servers are very polite. However, the last time I dined there, I overheard the manager chatting with the waiters. He made several racist comments/jokes in Cantonese. This happened in the restaurant when there were families and children dining at other tables who can hear him. Very unprofessional to speak like that in front of customers.