Oliver's Super Sandwiches

營業中

休息中

apm 2樓的super sandwiches 有好幾款歐陸早餐選擇，今日就揀左呢款有熱香餅既餐，配風乾蕃茄炒蛋，焗薯粒，香草豬肉腸，加6蚊配 cappuccino，會員優惠9折都係三十幾蚊埋單，就可以食到個高質休閒歐陸早餐，抵哂啦！熱香餅好鬆軟，焗薯粒份量足，夠香口，炒蛋亦不會過火，夠滑溜，如果公司附近有分店就好了

I had a lasagne off the dinner menu. Picture on menu looked nice of the lasagne with it being presented in a square ramekin with a salad and crisscross fries on the side for $88. A little pricey but standard for western style I guess. Anyway, just disappointed with the lasagne really, the square ramekin wasn't completely filled and it was already small, so about 20% missing and then I tried it and honestly I counted 7 pasta sheet layers only separated by a spread of tomato paste and virtually n

一諗唔到食咩就會黎呢度食！用佢個網既優惠券就可以以49買到一個餐！三選一！今次叫左意大利包餐，有一個蘇皮湯，一份意大利包同一杯茶/啡蘇皮湯夠晒熱，濃，又大碗，粟米湯底好甜，好中意飲意大利包外脆內軟，餡有磨菇、芝士、蕃茄同火腿。味道幾好食，不過覺得太細份，食唔飽。。。咖啡唔夠香、濃，似奶加水多啲。。不過49蚊我接受到，依家食餐飯唔平

星期日去apm食野 好好好多人 每間都要排隊 因為冇食晏既關係 揀間唔洗等既super sandwiches 一直都覺得呢到幾抵食 又有焗薯又有湯同野飲 不過每次都覺得麻麻地😂兩個人叫左兩個set 一個焗薯餐（焗薯+碎蛋牛角飽+沙律+磨菇湯+飲品）一個公司三文治餐 （三文治+沙律+磨菇湯+飲品）焗薯 - 冇咩味 唔似焗薯 似一個白拾既薯仔😂碎蛋三文治 - 普通正常 但牛角麵包有啲硬磨菇湯 - 普通罐頭湯果啲味道 幾好飲 幾濃味三文治 - 好大份 好多料 大份到我地食左好耐先食完😂飲品 - 加錢揀左雜莓果汁 好甜 冇莓味 - 另一杯都係加錢揀左 lemon soda 普通lemon 汽水咁 都ok

星期三晚上7點到APM 的OLIVER SUPER SAND 食晚餐因為是平日, 時間又早,所以也不用等位, 點餐後不到5分鐘, Waiter 已把晚餐送上.是日點了蘑菇湯, 味道不錯, 濃度足夠, 溫度也夠熱.主食是焗薯蛋沙律配沙律菜, 沙律菜正常, 份量不少. 焗薯過淋, 沒有任何口感. 非常差.總結, 服務員態度良好, 環境雖然細, 但不嘈吵.但食物質數參差, 焗薯完全比不上沙田分店的一半. 所以不會再到此分店食焗薯了. 

情人節晚，本來稔住去apm一田買餸返屋企煮飯仔，點知太晏，一田d好嘢都俾人掃曬 ，死啦死啦，嫲嫲我個人生點算好?惆悵之際，身邊隻肥為免遭殃，即刻好醒目甘話「不如出街食啦」，都好。就甘，黎左呢度。叫左個Ribs跟湯同餐飲，忌廉海鮮拼肉醬意粉跟湯同餐飲，追加芝士牛肉焗薯。呢度居然有Ribs食？梗係拿拿淋試下先。本物就無咩期望，但原因都有d驚喜，個ribs比想像中有肉味，肥瘦適中，唔會太乾身。至於汁料並唔係常用的BBQ燒汁，而係帶甜酸的香草汁，用黎點薯條都幾夾。薯條就行貨少少，並唔係新鮮炸起。呢人d伴菜都幾新鮮，尤其蕃茄好多汁，又夠大大片。芝士牛肉焗著熱辣辣，薯肉夠鬆，撈埋個芝士，口感份外creamy，牛肉反而做左陪襯角色，但如果唔好甘孤寒，再俾多少少芝士會更perfect.忌廉海鮮拼肉醬意粉平庸無咩特別，只係食左一半就要停手。2個人一共食左3個sets, 2百幾。

一個人的無聊晚餐，想吃得簡單一點，最好有沙律相伴。走到apm有super sandwiches，看看餐牌有焗薯，而且有些空位，就買了車打芝士牛肉焗薯拼沙律，簡單輕食迎接明天情人節。製作只需數分鐘，看到焗薯滿心輕憤，因為大量芝士！焗薯大大件，中間切開並加入溶化的車打芝士及牛肉薄片，芝味香濃且牛肉飄香。至於沙津就算新鮮，淋上醬汁並加了煙肉碎及麵包粒，口感清新！

一星期都幫襯兩次外賣, 今次又中伏, 不吐不快, 平時三文魚沙律焗薯勁小醬同齋食薯仔一樣我都算,呢個款仲要好似今日先出, 雞肉卡巴中東包冇雞肉, 同食素冇分別仲要$65 , 真係6.5都俾多你..........咁樣揾我笨, 我覺得係違反商品說明條例囉!!!

好多年冇食，好記得以前焗薯的味道。今天點了磨菇芝士焗薯，食焗薯醬汁都好重要，但呢個選擇唔覺佢有醬汁，配料加在一起亦不吸引白汁三文魚意粉，係所有點的食品中唯一好味的，個醬夠杰身，份量亦不少，中間的三文魚碎是點聚雜菜湯，好稀，不夠味荔枝茶，亦不夠味

同小朋友在 Apm PALACE 看完 Minions, 去了 Olivers Super Sandwiches 因為這裏的野食比較適合小朋友。首先叫了芝士火腿牛角包，差不多每次都會叫呢個因為啊仔鍾意食，水準依舊，好味道，牛角包香脆鬆軟，本人覺得芝士加火腿加牛角包是個很好的配搭，如果加埋杯咖啡簡直是絕配，必食推介。是次餐飲叫了 illy 咖啡，是我至愛.另加$12要了凱薩salad, 蔬菜新鮮的，味道還可以，份量比較少，可能是將貨就價吧！其次是叫了 chicken quasidilla 和 cheese pizza, 唔記得影相，味道麻麻地，仔仔唔太願意食。

一個人在apm食下午茶，想搵間有朱古力飲又唔多駛等位既餐廳，經過見到呢間，就你啦～午餐係忌廉湯+蜆肉意粉+熱朱古力。忌廉湯無特別，無話特別好飲，但又未至於去到水甘稀既情況。蜆肉意粉，腥，唔好食！熱朱古力，淡如水，堂食都用紙杯，我唔鍾意。本想享受一個下午茶時間，最好似食快餐。

放工又係觀塘附近搵食，apm食飯好多選擇，有food court又有貴野。中價之選就係Super sandwiches，好耐無食，但以前一直印像不錯。叫左印度雞汁南瓜烤雞意粉，鋪頭一直都係用扁意粉，小姐比較鍾意呢種麵質，更容易掛上醬汁，口感不俗，主角烤雞算唔錯，唔會話好乾鞋口，南瓜淋度恰到好處。可惜雜菜湯淡而冇味，咸味都無，得啲蕃茄，好稀好似飲水咁！另外加配既$24芝士肉醬薯條好得！幾時都話芝士同薯條係好配搭。值得一讚係芝士粉原樽上，方便倒大量既粉，岩晒小姐呢個芝士愛好者。

星期六起身出去APM同細佬2人食下野先. 到到都咁多人, SUPER SANDWICH比較少人, 就食下佢!E13. The Great Philly & Cheddar Cheese Sauce +紅湯E7. Bolognaise + SUPER COMBO (即多個包) +白湯每份都係大約$5XThe Great Philly & Cheddar Cheese Sauce半溶化既CHEESE用來食薯仔好正, 可惜份量唔夠多, 好快食晒, 牛肉塊係COLD CUT, 唔SALTY味道都OKBolognaise味比較孫, 細佬要落糖先食到, 佢都覺得下次食一定要有CHEESE既焗薯先就正!

極度失望既早餐，點解可以差成咁！蛋太厚唔滑，菇太過油，蕃茄係酸既，條腸好似肉碎，炸薯仔還可以接受。最可怕係杯咖啡係冇咖啡味嫁。我諗成餐最好食係個方包，但再脆啲會仲正。不過明明以前食都未至於咁差，真係必須要改善下！

第一次擺Roadshow，對於三個女生來說還是有點太吃力。原先聘請的promotor，一個臨時來不了，另一個返兩小時後落荒而逃，唯有三個人繼續頂硬上。事實上，由12:00~19:30pm不斷派傳單和叫賣，根本沒有休息的時間...打烊後，拖着疲累的身驅到Supersandwiches用餐，卻發現自己餓到不再肚餓。點了一杯熱朱古力，想為自己打打氣，卻發現它色淡無味，質感薄得很，其實同飲鮮奶沒什麼分別。望着餐牌上標榜用的是法國品牌Monbana的朱古力粉，我忽然有種強烈的衝動，很想建議給店方改用我們家的可可品牌哦。