Orange Elephant Thai Restaurant (和富) (已結業)

一蚊一條魚Orange Elephant Thai Restaurant 網址:地址: 北角和富道21-53號和富中心地下G18B號舖電話: 37050105====日日都有一蚊菜式，晚市解封啦，等到頸長又同男朋友仔來食飯。想當年拍拖3個月食飯慶祝也是來這間店，對我們來說另有一番意義。今日$1竟然有魚呀，明爐烏頭魚，個湯酸味同香茅夠突出可以去掉烏頭魚的泥味。魚大條肉多也不擔心有細魚骨。貼心是邊食邊溫著，所以我同男朋友都愛食架。 $88 黃咖喱牛腩，黃咖哩粉香而不會勁辣，而牛腩外仲有薯仔洋蔥青椒額外叫了nann餅配著吃，就不會浪費一滴咖喱汁了半打串燒，雞豬牛各有兩串，本身醃得入味架啦，個沙嗲醬調得好好食，食到滿口都是香味。椰汁珍多冰架糯粉條qq ，一吸就啜曬入肚啦，椰奶香甜又順喉。

今次係叫外賣，但之前試過堂食見到樓面大部分都係泰國人，所以感覺幾正宗首先有柚子鮮蝦沙律，份量都幾大，不過柚子就太大舊，如果碎啲同啲汁mix埋會更好食，個汁屬於偏甜一啲嘅，好味燒牛仔骨，非常嫩滑，但仍保持肉質，而且醃得入味，唔洗點醬都夠味最後飽肚嘅有蛋包pad thai，塊蛋皮乾咗啲，而且無蛋香味，有點失望，入面嘅pad thai 味道正常整體嚟講，呢間餐廳份量大，味道屬於中上，如果堂食或外賣自取仲會有折，性價比高

【酸辣去骨鳳爪沙律】每日嘅 $1 優惠有唔同菜式我去嗰晚係酸辣去骨鳳爪沙律！其實晚晚嘅優惠菜式都好吸引而且質素同份量都無將貨就價 👍🏻酸辣鳳爪惹味開胃～【菠蘿冰】& 【椰汁冰】泰式飲品整得唔錯 🍹菠蘿冰係沙冰咁，非常冰涼 帶有菠蘿天然嘅酸甜味椰汁冰就比較 classic椰汁味道香甜 🥥【咖喱海鮮脆包盅】脆包盅嘅咖喱勁澎湃 🤣顏色好繽紛搶眼未食已經流哂口水餐廳超貼心咁準備定鉸剪方便將麵包剪開嚟食啲包吸收晒啲咖喱好正入面嘅海鮮都多㗎 🦑巨型嘅青口都有兩隻【冬陰功湯底明爐烏頭魚】直情用魚形嘅盤擺盤，好可愛！基本上泰菜餐廳都有明爐烏頭魚但係呢度有三種唔同湯底揀呢我哋貪得意就揀咗冬陰功通常燒到咁上下就加湯呢度加湯照俾返冬陰功所以食極都 keep 住濃郁 😋烏頭魚嘅魚肉嫩滑鮮甜配濃味湯底都一樣夾～疫情期間少咗出街食難得出嚟食到間滿意嘅餐廳好開心 🥰除咗啲嘢好食，侍應姐姐服務都好好見到我食食下無理到個爐就幫我擺開啲費時我整親，細心到爆！同埋環境都好闊落企理

今日男友接收工 提議行去和富中心既outlet睇下，見到Orange Elephant Thai restaurant，之前就已經係大角咀分店食過，而家依然仲有每日優惠價$1, 咁超值一定要入去再食特選椰青- 椰青夠清甜，又解渴龍眼冰- 略嫌水既比例較多 味道較淡(必點)每日優惠價$1 今日係星期二- 泰式香茅炸豬扒豬扒肉質鬆軟而唔油膩，食得出香茅既味道配上：蒜頭，檸檬汁🍋，辣椒🌶️制成既醬汁，好開胃辣椒膏🌶️炒蜆份量夠哂多😜蜆肉新鮮 無沙 醬汁濃稠焗大頭蝦粉絲煲上檯時粉絲煲熱辣辣，蝦身開邊，蝦肉大大隻 肉質爽口彈牙，加入八角&桂皮調味，粉絲吸收哂煲入面既蝦汁👍🏻真係好大隻 成隻手掌✋🏻咁大

之前已經成日食完夜晚去隔離mangomania到飲翻杯芒果冰成日見到橙象d野食好吸引成日都話想試終於的起心肝黎食夜晚由於太耐冇食泰國野啦見到樣樣野都好想好想食特別係小食炸蝦餅 串燒 炸魚餅呢d都好鐘意食好彩 原來逢星期一至日, 晚市都有做$1優惠㗎！適逢星期五只係需要$1就食到6件蝦餅啦炸蝦餅好彈牙炸到金黃色就啱啱好了不過我自己就鐘意配泰式辣醬食,好彩餐廳職員都好好,問佢 都會俾既～食泰國菜都好鐘意點菜類因為真係炒得好香今次就食咗馬拉盞炒通菜,好夠辣之餘鹹度剛剛好最後要咗個咖哩海鮮脆包盅咖哩略嫌辣度有d不足鮮方面有蝦魷魚青口配埋個脆包食真係一流本來仲怕冇飯食會唔夠飽但係估唔到已經啱啱好要埋杯龍眼冰龍眼肉算多唔想太甜啱啱好滿足哂我個胃

1蚊超值泰式鳳爪!原價78蚊，宜家做緊每日一款1蚊特價菜式，所以好抵食。分量超大碟，無因為特價菜而細左，絕對童叟無欺。小食拼盤炸得鬆軟，油而不膩 ，食泰式魚餅時要小心有骨。我幾鐘意個春卷皮好厚身，炸完好脆，好多粉絲蔬菜，有d咖喱角味道。蝦餅不錯，香葉雞則建議餐廳選用滑嫩d既部位。粉絲大蝦煲隻蝦真係超大隻，而且好有新鮮感，醬汁味道從來未食過，香料味濃，目測有莞茜，香芹，八角同埋桂皮。粘粉炸後放煲裡面煮是常見的做法，但因為這道菜醬汁不多，所以粘粉較稠，個人喜好認為如蝦不沾粉，加上蝦油 ，兩者味道會配合得更好。

橙象 我最愛嘅泰國餐廳之一，裝飾好靚好有style坐得好舒服，而且食物夠曬地度。佢哋而家做緊推廣有一蚊優惠😍今次我去北角分店，每日有不同菜式可以用一蚊優惠價去食👇🏻今日係星期一，個泰式明爐烏頭魚水準依舊一流👍🏻而且好足流，酸酸甜甜好醒胃，真係啲湯都唔好浪費蠔仔炒蛋入面加咗椰菜絲胡蘿蔔絲，好香好嫩好鮮味，芽菜放底下而且鐵板上，真係好有鑊氣😋鹹肉炒椰菜苗，椰菜苗係我愛食嘅菜之一，配上鹹肉真係倍增美味飲品order 咗椰汁三色冰，青檸梳打，各有特色

以前每年都會同朋友一起去泰國玩，因為疫情已經好耐無外遊了，好懷念D泰國美食，所以大家決定出黎吃下泰國菜同聚下，朋友係要見架嘛～大家先決定去北角，該區有唔少泰菜餐廳，但想坐得舒服方便傾計所以選了係和富商場既 orange elephant. 地方夠大又乾淨，橙色格調夠醒目，佢有幾張大圓檯又好坐又方便傾計～我地點咗青木瓜沙律，猪牛串燒，冬蔭功湯，加一元換黃咖哩雞，青木瓜沙律好吃夠爽脆，可以走辣，佢D小辣都好辣，串燒正正常常，冬蔭功偏鹹，但整體表現唔錯，價錢合理～

和回憶裏的美味一樣 味道依然～～～好耐冇食泰國嘢 收工就約咗朋友嚟 北角和富呢邊食飯 食完飯可以順便去隔離嘅運動品牌outlet行下街 呢間泰國嘢我一直都好鍾意食 尤其鍾意佢哋嘅每日一蚊菜式 真係次次黎都覺得好抵 而且今日仲要係我最鍾意嘅烏頭魚 咁大條魚都係一蚊 計埋其他嘢食 分分鐘都仲係抵過喺屋企自己煮😆～～～《泰皇咖喱炒大蝦》🦐大大盤咖喱 食落幼滑香濃 唔係好辣 椰汁味好重 層次豐富 配上大大隻蝦 爽口彈牙 雖然咖喱好好食但係都掩蓋蝦味 加上有紅椒 青椒 同黃椒等等嘅配料 撈任何澱粉類食物都覺得好好食 食完蝦之後仲剩左少少咖喱汁 我哋就用佢黎撈之後上嘅椰漿飯食～～《椰青焗海鮮飯》椰漿飯黏黏糯糯 裏面有好多海鮮 食落去熱辣辣帶有椰子嘅清香 雖然好大兜 但係食完都唔會覺得好飽到膩 係一種好舒服嘅飽 加上飯裏面除咗海鮮之外仲有果仁 椰子絲等等 口感十足 食得出佢哋嘅製作過程非常用心 完全冇馬虎 如果鍾意食椰子味嘅話 非常值得一試 一啖椰青飯 再飲一啖椰青 椰青控表示非常滿足🥥！！～～～《泰式明爐烏頭魚》裏面有好多材料 尤其係大大粒肉碎 多到好似唔駛錢咁 魚肉嫩口 側邊配搭嘅泰式魚露酸辣

星期一嗰陣去咗食呢間泰國菜餐廳，因為聽講每日都有唔同嘅$1菜式食，好抵。泰式明爐烏頭魚（原價$169）$1星期一嘅一蚊嘅菜式係明爐烏頭魚，勁抵，咁當然要叫啦。條魚超大條，魚肉又好滑，一路食可以再一路加湯，湯底充滿香茅味。入面仲有啲肉碎同菇可以食。焗大頭蝦粉絲煲$159本身餐牌寫大頭蝦有兩隻，我哋都有啲猶豫唔知叫唔叫好，不過最終都係叫咗佢呵個波上到嚟嘅時候，我哋先發現原來大頭蝦超大隻，仲切開咗一半咁樣，超方便我哋食。粉絲比較濃味，好似有啲滷水味咁。超大煲，啲粉絲多到食唔晒。蛋網海鮮金邊粉$90好大碟呀，啲金邊粉多到食唔晒。蛋網好有蛋香，金邊粉炒到好有鑊氣，充滿濃濃嘅茄汁味。入面仲有啲魚塊、蝦、魷魚，仲有好多炒蛋。特選椰青$42正啦，好清甜。食咁濃味嘅嘢嘅同事有清甜嘅椰青水飲，真係好清新。仲畢到少少椰青肉食，食泰國菜真係要飲椰青。因為明爐烏頭只需$1，所以呢餐埋單都好平，抵食。

疫情期間唔少餐廳都有調整價格，各大食肆都爭相出招吸客！我勢估唔到呢間Orange Elephant 去到咁盡，推出每日$1美食優惠！每日指定菜式只需要俾$1！！係呀，你無睇錯，係$1🤯 真係難以置信😧 當中最抵食係星期一嘅泰式明爐烏頭魚， 原價$169，睇相都幾大條，無呃秤🤫 以上$1優惠只限堂食，我今日就無機會堂食，唯有買外賣返去食☹️ 餐廳亦有外賣優惠，全單8折！🤩 每晚9點後入座或外賣更有7折優惠！餐廳位於G/F盡頭，隔離舖就係區內人氣高企甜品店 Mango Mania🥭 呢兩間舖係互相打通，所以個舖位都唔細。 Orange Elephant 裝潢比Mango Mania 更有格調，以藍綠色為主調搭配綠色植物同各式藤製裝飾，充滿東南亞風情！❤️ 泰式燒雞 (半隻) $118 (外賣8折後：$94)初頭以為半隻燒雞可能會唔夠，打開個盒發現分量都幾多！👀 聞落去超香，食落一啲雪味都無！雞皮香脆，肉味濃馥，肉質嫩滑好juicy！連雞胸肉都唔嚡🤤 燒雞調味好豐富，當中以香茅味最為突出。隻雞偏少少肥，所以燒焗後都唔會太乾👌🏻 好食度：⭐️⭐️⭐️⭐️ (4/5)餐廳推薦度：⭐️⭐️⭐️⭐️ (4/5)燒雞意外

這天突然有點想念泰國，就拉了屋企人一起去和富這間正宗泰國菜，仲有每日不同的$1菜式，好吸引！記得之前剛開張時來過，吃過$1烏頭魚，非常高質。今次去係星期三的酸辣去骨鳳爪沙律（原價$75）酸辣去骨鳳爪沙律的辣好入味，每一口都留著辣椒的惹味和辣香🌶️，如果食得辣的還可以食埋沙律菜。泰式海南雞（全隻）多肉得來，雞肉嫩滑入味，海南雞味調得剛剛好，「泰」滋味。泰式滷水豬脾整到好淋，而且好入味，還有骨膠和軟骨，口感好好。海鮮金邊粉份量十足之餘，有好多種類的海鮮，還有魚肉，感覺像去了泰國吃呢！芒果糯米飯是每次吃泰菜必點的，因為是mango mania準備的，所以芒果相當有質素，新鮮得來好甜，還有甜度剛剛好的椰汁糯米飯，值得再吃😋這裡的椰青也相當高水準，椰汁多之餘味道清甜，有點想念在泰國每天都飲椰青的日子。原來每晚9點後還有7折！下次再來😍

橙象每日都有一款$1菜式，只需要惠顧主餐牌內兩個項目，就可以享有優惠，好抵食呀！香料燒焗鰂魚 $165超大條嘅鰂魚，肥大肉厚，肉質嫩滑多汁，鮮甜甜美！再配上泰式酸辣醬汁，除咗提升鮮味，亦非常醒胃，令人一口接一口，好滿足！豬肉碎生菜包 $79新鮮爽口嘅生菜包住香辣惹味嘅肉碎一齊食，好滋味，而且份量十足！黃咖喱雞 $1 （原價$78）黃咖喱香氣濃郁，口感順滑，搭配雞肉及其他配菜，唔錯！泰啤 $26食泰菜，飲泰啤，爽呀！菠蘿冰 $28沙冰打至幼滑，好清甜！

橙象每日會有$1指定菜式優惠，非常抵食。我地order 左星期四 $1 飛天通菜，炒得夠鑊氣，味道少少辣辣地夠晒惹味。咖喱海鮮脆包盅🍞$148賣相相當唔錯，一上枱已經流晒口水。麵包烘得外脆內軟，我地將整個麵包剪成一件件，點上咖喱食，鬆脆可口。黃咖喱偏甜微辣，帶點椰香，配上鮮蝦，魷魚，青口等足料海鮮，滋味無窮。焗大頭蝦粉絲煲🦐$159上枱嘅時候熱辣辣，粉絲份量好多。大頭蝦有兩大隻仲開埋邊，4個人食都夠。粉絲吸盡大蝦和薑蔥的味道，口感煙韌彈牙。特選椰青$42鮮甜解渴，椰肉爽滑！椰汁珍多冰$28特別喜歡綠色的啫喱條，爽爽的同椰汁一起啜入口，充滿泰式風味。

無骨鳳爪沙律 $1沙律由青瓜，香茅，蘿蔔絲，蕃茄，洋蔥組成，始終係泰式沙律，味道會偏辣。雖然我唔食得辣，但佢好香，都食左兩件香料燒焗鰂魚 165之前食親都係另一條，今次唸住試下新魚。雖然條魚好似深海怪獸咁嘅樣，外皮鋪滿粗鹽，煎到好脆。但係一拆開啲皮食肉果陣係超級有驚喜，啲肉好實好有味，證明好新鮮，點少少皮外既粗鹽，好快食哂成條🤣值得一題全部都係大粗骨，唔識食魚既人都好易食到！泰式滷水豬髀焗粉絲煲 108色香味俱全，滷水豬手鋪面，下便啲粉絲索晒啲汁，令到成煲野唔乾，岩岩好。滷水味好突出，豬脾肥瘦適中，食過翻層味。btw，骨膠原豐富特選椰青 42青檸梳打28