Orange Elephant Thai Restaurant (博文街) (已搬遷) 新店位置

泰式蝦膏炒通菜無得頂突然好想食泰國野，就上網搵左呢間「橙象」，見D相好似幾吸引，就決定去試下。個地址有啲難搵，完全唔係個條街度，花了不少時間搵左陣先係轉角位搵到間餐廳。餐廳環境就麻麻地，不太似正宗泰國菜的裝潢，座位上放了不少泰式Cushion。但唔緊要，我黎食野唔係睇裝修既，最緊要D野好味。「泰式蝦膏炒通菜」真係炒得好香，蝦膏味濃郁但又唔會太咸，通菜好嫩好爽口，我們二話不說就清了它。「炭燒牛肋骨」就一般般，剛好我地個碟比較多筋。「咖喱海鮮脆包盅」推薦必點，海鮮份量也不少，有青口、鮮蝦、魷魚，大大件絕不是碎上的。麵包吸滿咖喱味，一啖咬落去滿滿咖喱香充斥整個口腔。好滋味。鮮蝦同魷魚都好新鮮爽口彈牙。本人不吃青口的，就不評價了。另外點了「牛油薄餅」用黎點咖喱食，不過呢款薄餅有啲太薄太脆，還是比較喜歡有口感的。餐廳還有個每日優惠，加$1就可以試到當日指定菜式，今天是星期二，是「酸辣去骨鳳爪」，估唔到$1都勁大碟，非常爽口，辣辣地好開胃，適合一開始就食佢。「龍眼冰」大大杯，仲好多龍眼肉「咸檸七」就同一般的一樣臨走見到原來九龍城都有店，下次開車去個間試下先，可能會易搵D。環境 🌟🌟🌟食物 🌟🌟🌟🌟

Orange Elephant 一共有3間分店，而我就推介過黎北角呢間喇！裝修用綠色及金屬色作為主調，有點文青feel都幾適合打卡！其次呢間泰菜係連住泰國有名芒果甜品專門店過江龍 mangomania。食泰菜外，又食埋甜品 ～食過Orange elephant 都知最吸引每日$1 優惠價 個人認為星期一最抵 $1 食到泰式明爐烏頭魚泰式奶茶 食泰菜好中意飲泰式奶茶，飲落順滑有茶味！椰青 $42 睇價錢可能覺得少貴，但個椰青真係好鬼大個，飲極都飲唔晒泰式海南雞 （半隻）$118 雞肉睇圖都可以見到真係幾嫩滑！當晚星期三$1優惠 泰式香茅炸豬扒 ，一蚊都無咩要投訴。蛋包海鮮炒飯 $98上碟時整塊蛋皮包住炒飯，打開蛋皮就見魷魚、蝦、青口。食完正餐就點甜品，mango mania 係泰國好出名，一場黎到就梗係叫埋啦。芒果冰特飲 $33味道清甜，飲得出係天然芒果嘅香甜，非常順滑，唔會飲到碎冰。芒果冰磚 $70 （附芒果汁、糯米飯、花奶）配合黎食！頂層有芒果口味雪糕、淋上花奶嘅綿綿冰，圍住嘅芒果用上泰國芒果，大塊又香甜。芒果綿綿冰加入糯米飯食口感都幾特別，更有種泰國獨有冰水飯嘅概念。

307 燒原隻魷魚筒 $99由於本人當日太想食魷魚 所以都係叫左 雖然係幾貴 但上到黎絕對對得住個價 魷魚燒得岩岩好 好彈牙嫰滑仲有少少既魷魚咸味 再配佢既自製酸辣汁 超正🥰 酸辣汁好正宗 夠酸夠辣😍 701 蛋包海鮮炒飯 $96呢個炒飯都好有獲氣😍 好好味 裏面有啲雜豆令個飯多左一種口感 口感更加有層次😙 蛋皮有薄 煎得好 唔會燶左😜501 黃咖喱雞 $1 （原價：$76）一上枱已經好香咖喱味啦 味道係偏甜香 唔辣但多左種椰奶香☺️ 而且係$1 佢都無hea你 份量都正常！900椰青 Selected Young Coconut $84 （兩個）椰青夠清甜夠凍 簡直係消暑恩物🤣 椰青肉輕輕一刮就食到 椰青肉好似啫喱咁而且又清甜☺️⚠️每天的$1菜式都不一樣⚠️

大角咀究竟係邊呢？其實就係奧運站呢到！有大大個奧海城可以行！行完街之後梗係要醫下肚架啦。上次試過佢哋係北角嘅分店之後，決定再去大角咀分店。店舖裝修簡約，非常之舒服。侍應姐姐仲有攞一兜熱水比我哋洗下餐具，港泰Mix🥳黃咖喱雞佢哋每一日都有唔同嘅一蚊菜式，星期四就係黃咖喱雞啦。唔會以為一蚊就會求求其其，份量都幾多架。有超多雞肉，仲有紅蘿蔔同薯仔，啖啖肉，撈飯真係一流。冬陰公湯明爐烏頭一上枱就見到海量菇，遮住條魚咁濟。比起其他泰國菜嚟講，真係多好多。條魚非常之新鮮，唔會好腥，配埋冬陰公真係好好味。仲有唔少椰菜係底，真係落足料！菠蘿海鮮炒飯呢個炒飯真係十個讚，有肉鬆同腰果係面。炒飯粒粒分明，海鮮有蝦，魷魚，青口，魷魚超級彈牙。最驚喜嘅係，超甜嘅菠蘿。呢個炒飯真係食到一粒飯都無淨龍眼冰同椰青都係必嗌嘅！咁先有泰國風味架嘛。

🦐爆炸大蝦（2隻）爆炸大蝦係用辣椒同泰式香料爆香同炸成=簡稱「爆炸」。大蝦用左炸粉去炸，唔算厚粉，但食到幾大陣炸粉味，扣少少分。蝦肉爽口，而且開咗半邊，食起上黎夠方便。.🦐焗大蝦粉絲煲（2隻）大蝦粉絲煲味道同想像中有出入，本來以為係清清地，話哂menu上面係冇辣椒圖案，但原來係用左重香料同大量黑椒調味，黑椒味超級濃，食起上黎都幾辣下。中意黑椒嘅朋友呢個一定係必點👍.🥬飛天通菜呢個最好食！仲要加$1就有，又平又好高質。用蒜蓉辣椒豆瓣醬等材料炒成，蠔油魚露糖等味道調節得洽到好處，係清與濃味之間遊走。.🥭芒果冰有加入鮮芒果製成，又甜又涼快，送泰國菜一流( ◠‿◠ ).🥤青檸可樂.⚠️注意：餐廳用餐時間為一小時

聽朋友講依間餐廳每晚都會有$1優惠菜式，好吸引，所以即刻約朋友黎食晚飯。我地個晚7點半去到，餐廳已經坐滿晒人，可能最近優惠實在太吸引！泰式明爐烏頭魚 $169咁多日$1優惠最抵係星期三既明爐泰式烏頭魚，雖然我地個日撞唔岩日子但都試一試，條魚一啲都唔細，好大條，夠3-4個人食，不過條魚啲骨幾幼，食個陣要小心啲，湯底酸酸地幾開胃，入面仲有肉碎同菇索晒啲湯，好入味！黃咖哩雞 $76我地個日既$1優惠係星期四既黃咖哩雞，雖然係優惠價但咖哩雞都幾足料，除左雞之外，仲有薯仔、紅蘿蔔、洋蔥，咖哩唔算辣仲有啲椰香味，用黎撈白飯一流！泰式拼盤 $145拼盤有蝦餅、魚餅、春卷、香葉包雞，全部都大大件，咁多樣我最鍾意蝦餅，好彈牙，而且食得出好多蝦肉，好味！其次係春卷，外皮炸到好脆口但唔油膩，入面啲餡係素菜，有紅蘿蔔、雲耳等，點埋酸辣汁食幾好味！魚餅食落有啲重香茅、檸檬葉味，雞件就不過不失。泰式臘腸蝦醬炒飯 $76炒飯炒得乾身，唔會太油，食落好香蝦醬既咸香味，而且加埋臘腸食落更香！芒果冰特飲 $36芒果冰都好足料，飲落好濃芒果味，好香甜，熱天飲最正，消暑解渴一流！今晚每人食左200蚊都唔洗，好抵食，性價比高，

見到咁多好評 諗住應該唔差 但可能係之前有$1優惠所以特別抵 又或者係我地冇叫到啲熱門菜式(?)本身唔諗住食呢間，但想去果間只收現金，大概7:00經過，見到有位，而且感覺乾淨舒服，枱同枱之間嘅距離都夠遠。話要八點前交枱 ，咁所以我哋就入咗去食。每張枱都有一樽大水可以自己倒，一開始會有盤熱水比你洗餐具，員工都係泰國人。一開始我哋叫咗一碟炒通菜同一個青咖哩海鮮，碟通菜係好正常出邊食到既味道，都係偏鹹。至於個青咖喱，真係幾好食嘅，而且又多唔同款嘅海鮮，不過賣相就好一般，冇影到相。兩碟嘅份量真係唔太多，所以我哋又叫咗一個薄餅送飯，同埋一碟滷水豬髀肉，上菜有啲慢。個薄餅熱食係好好食，凍咗變硬就麻麻哋。個豬髀肉好大份，但係啲肉質偏鞋口。總括嚟講其實餐廳嘅環境都唔錯但係啲嘢食真係好一般。

好多人都唔知道大角咀其實有好多好嘢食，我除咗鍾意嚟呢度食漢堡包之外，最鍾意就係嚟食泰國菜。泰國菜當然可以去九龍城食，但係其實喺大角咀都有好多好嘅泰國菜式。我今日同朋友兩個人就去咗呢一間餐廳食晚飯，因為呢一間餐廳嘅一蚊菜式好出名。一蚊嘅價錢就可以食到原價70幾蚊嘅嘢。今日餐廳嘅一蚊菜式係酸辣鳳爪，超大碟，我哋兩個人，每人平均可以食到五隻。酸酸甜甜，無骨，非常容易食。我哋一坐低嘅時候，就首先叫咗個椰青、芒果冰，椰青係$42 ，芒果冰就係$36。因為天氣實在太熱，所以一定要叫飲品嚟㗎一解渴。椰青非常甜，但朋友個芒果冰就唔太甜，可能因為而家未係芒果當造嘅關係。之後我哋就叫咗個椰青焗海鮮飯，呢個我覺得真係好正，因為除咗係新鮮焗製之外，餐廳用咗15分鐘時間嚟去整，更加重要嘅係，但飯面頭鋪咗一層椰漿，所以令到個飯更加香同埋更加甜更加好食。份量絕對足夠兩個人去食。飯底用咗肉鬆、提子、雜豆去炒，所以個口感都比較多元化。再之後我哋叫咗個咖喱雜菜，起初我會以為呢度啲咖喱汁會好結好辣，但發現原來唔係，佢個咖喱底下有好濃奶香味，好滑，而且裏面加咗好重嘅椰奶，所以攞嚟撈飯其實都唔錯。

一直都好鍾意食泰國嘢，朋友話呢間幾好食而且仲有唔同嘅一蚊菜式，都幾吸引！首先叫咗半隻泰式燒雞（$118）估唔到半隻都算幾多仲要每件都大大嚿！燒得好好味，啲肉仲好嫩滑多汁。個雞都醃得幾入味，唔使再點個醬都已經好正另外叫咗個泰式臘腸蝦醬蛋炒飯（$76），個臘腸其實同平時香港果種都係差唔多，但個炒飯蝦醬味真係夠哂濃，炒得幾靚唔會太濕！撈埋蛋碎同肉鬆食真係唔錯。$1菜式就有飛天通菜，雖然$1但份量唔係特別少！少少辣，落左面䜴同蒜頭落去炒。係幾惹味嘢飲就叫咗個芒果沙冰（$36），真係好鍾意依杯嘢飲因為個芒果味一啲都唔假！夏天飲真係好爽。依間質素真係唔錯，難怪一路食都keep住有人等位！

聽人講呢間泰國餐廳色香味俱全，而且非常抵食，今日就同朋友去試下啦! 佢每日都有唔同嘅一蚊優惠， 當日我去嘅$1菜式就係椰汁黃咖哩。黃咖哩雞$1有水準，好香咖哩味， 雞肉質感都算嫩滑 ，送白飯一流 。泰式拼盤有蝦餅、春卷、魚餅、香葉包雞。沾上泰式酸甜醬更加有風味!蝦餅彈牙有蝦味， 微微辣，亦有啲檸檬香味， 我覺得最好食系呢個小食！春卷酥脆， 餡料多 ，咬落去充滿口感。香葉包雞系用斑蘭葉包住雞件來炸的，雞雞有好香的斑蘭葉味 小食拼盤份量都大， 好快填飽了我哋嘅肚呢!芒果冰特飲鮮芒果製作嘅沙冰， 最適合炎炎夏日， 十分冰涼。加上芒果味鮮香， 簡直係透心涼！泰式海南雞呢個係必食首選，海南雞肉非常嫩滑， 點埋微辣嘅醬，， 味道一流， 真係超好食!店務員服務員態度良好，食物一流， 一定會再去

今日行經大角咀，見到這間橙象，面經已滿座，非常多人，門口還有人在排隊，看一看餐牌，原來餐廳每日都有$1元優惠，而今晚的一元優惠竟然是泰式明爐烏頭魚，原價$169，今日優惠價居然是$1元，不用說，我們今晚的晚餐當然會是橙象了。泰式的餐廳大抵都沿用了泰式的特色。泰式明爐烏頭魚$1元明爐上的烏頭魚，細細火的滾嚇滾嚇，食得熱乎乎的，加上眾多的配菜，及酸甜中帶辣的醬汁，令軟滑的烏頭魚更為惹味。原個菠蘿海鮮焗飯$104菠蘿海鮮焗飯有青口、鮮魷、鮮蝦仁、雞蛋及腰果...等，整個菠蘿海鮮焗飯味道帶甜，很多的配料，所以食落感覺很豐富，尤其是腰果，很脆口，食落很美味。焗大蝦粉絲煲$159粉絲較干身，入口感覺煙煙韌靱的，吸收了大蝦的鮮味，非常美味呢。原來好物沉歸底，大蝦被粉絲蓋住了呢，大蝦大大隻的切開了2邊，肉質鮮甜又爽。特選椰青$42椰青裡面的肉很嫩，有得飲又有得食，椰青水很清甜。芒果冰特飲$36芒果冰特飲原來是芒果沙冰，淡淡的芒果味道，一粒粒的沙冰口感，非常清爽。

最近市面上都開始報復性消費，另外都有好多餐廳進行推廣優惠！依間泰國菜餐廳「橙象Orange Elephant Thai Restaurant」都係成日推出超抵優惠，顧客可以用$1優惠價錢換購優惠菜式！鍾意食泰國菜嘅朋友趁有優惠就去試試啦～-入到去我覺得環境舒適，面積都幾大，座位闊落，價錢親民，極多菜式選擇，由前菜沙律、到湯/明爐串燒/咖喱/豬牛羊等等。裝修方面都係走新式泰國風格，有泰象仔裝飾，簡單清新，同朋友聚會打下卡都得。-當日我去嘅$1菜式就係椰汁黃咖哩，用黎送飯一流。另外我再叫左香蒜軟殻蟹($92)同燒原筒魷魚筒($99)，香蒜軟殻蟹岩岩炸起，好脆又大隻，啖啖肉，炸起嘅蒜粒脆脆都會上埋碟，撈飯超正。燒原筒魷魚筒熱辣辣岩岩燒好送上，比手掌還要大嘅原條醬燒魷魚，魷魚質感不會太韌，口感爽彈，最喜歡魷魚鬚嘅部分，帶點焦香。🤤-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌑 (4)-➡️ Orange Elephant Thai Restaurant (大角咀)📍 大角咀博文街42號

周末在家里附近選擇了，結果芒果冰沙真的太平淡了，一點味道都沒有，椰汁飯，一百蚊，味道也不算很特別，椒鹽軟殼蟹，味道還可以，但是份量太少了，黃咖哩雞味道中規中矩。

今日去左大角咀既人氣泰國菜！我地星期三去，係閒日，但七點左右餐廳已經大排長龍！可能因為間餐廳做緊個優惠太正，星期三加$1 可以食到泰式明爐烏頭😋😋原價要成$169架。雖然其他日子都有優惠，但我覺得星期三係最抵架。雖然只係$1 ,但絕對無將價就貨！條魚都幾大條，啱2-3個人食，配料除左香料之外，仲有肉碎同冬菇，勁有泰式風味。我地另外叫左一份豬手，個底有好多菜，所以炒菜都唔駛叫。豬手入味夠淋，最正就係塊皮夠哂厚。天氣熱唔想食飯，所以就叫左咖喱海鮮脆包盅。用料豐富，咖喱香而不辣。

確診個案減少，心情都靚晒，難得同囡囡出旺角買野，緊係拖埋佢出去行下街拍下拖，傾下girl talk 🤣🤣。順便出去食下媽媽鐘意既泰國菜，真係好耐冇食過喇，出左去緊係揾間好食既泰菜喇。我地去左大角咀既橙象，其實我成日都覺得只要果個舖頭既店員係用返佢地國家既人，咁餐廳既餸一定比較地道，始終佢地成日食嘛。但係有個問題就係通常佢地廣東話好差，未必溝通到。但係呢間橙象既店員聽得出係外國人（因為廣東話完全唔正之餘仲聽到佢地私下係講泰文）🤣🤣今次我叫左個咖喱海鮮脆包盅，泰式拼盤（2件春風卷、2件魚餅、2件蝦餅同埋2件香葉包雞）再加埋黃咖喱（係果日既1蚊餸）加埋飲品 椰青同芒果冰特飲，岩晒依家 熱辣辣嘅天氣飲。咖哩海鮮脆包盅，麵包盅裝住咖喱海鮮，麵包吸晒咖喱，美味升級，只係食呢個都 Lam lam脷，加上泰國小食拼盤，炸到香脆，再加埋 酸酸辣辣嘅酸辣醬，好開胃。而1蚊既黃咖喱都冇 將貨就價，入邊都好足料，其實只係想食咖喱飯，單叫呢個餸加白飯，已經好夠食好正。加埋新鮮即開椰青同即制芒果冰特飲，即芒果沙冰，岩晒又熱又焗既天氣，飲完透心涼。