Outback Steakhouse (屯門市廣場1期) (已結業)

服務愈做愈差，記得一開始頭5年到所有service樣樣有，要求咩佢地都盡量比到我！但之後開始唔知係唔係轉左店長，開始愈來愈差。去年唔記得幾時，我旁邊的另一位客人我不認識的，因為等位問題而去查詢一下，但突然雙方發生口角，然後有位矮矮地、gel頭的恤衫男士(應該是經理)大聲叫客人:「小姐你唔滿意不如去報警！」雖然不是發生在我身上，但我聽到後心想:我都未聽過一間餐廳的經理會叫個客人報警，真的大開眼界！本身都等位等了一段時間，但聽到之後發覺不對路都係離開了。然後今年7月去食，因為太耐冇去過有點掛住佢個黑糖麵包。去的時候水又唔加，碟又唔收，落個單急到我都慌！我連自己叫了什麼都不知道，因為當時實在太急太多野，而該名侍應又唔覆單，我就向經理查詢(和上次叫客人報警是同一人)問：落單太急，店員唔覆單是否好正常？佢回覆答：係咁架啦！然後離去。我真的感到無言，原來這間餐廳係咁的。自此我真的不敢再去了。

好耐無嚟outback 食lunch,通常帶小朋友必去嘅好地方，地方夠大，卡位多，炎熱夏天有凍檸檬茶同可樂都有refill 真係好正，黑糖麵包我小朋友至愛，今日我比老公先到，我先點餐，老公未到，職員見到老公仲未到，上完餐湯一陣，職員走過嚟好體貼問另一位仲未到呀?，到上左主菜就話不如我拎隻碟幫你蓋上以免凍左，感覺好窩心，突然覺得香港餐廳終於有服務，食物同之前一樣，但服務真係有提升，會再嚟多d支持下，香港飲食業要加油

3月31號外賣左兩條黑糖包當日整熱食左條已經係硬到咬唔開睇番包裝4月2先到期咖喎食左一半都無都dum左另一條唔洗講 試左都係一樣咁硬啲cream又比得好少 同以前黎買開既質素完全唔同

平時放假，我都好鍾意去食Outback，貪佢啲位坐得舒服，同埋佢哋嘅服務態度真係相當好。-另外一個最主要嘅原因，我真係覺得佢嘅黑糖麵包好好食，個包熱辣辣，配埋佢嗰啲牛油🧈有輕微溶溶地，真係好夾👍🏻👍🏻-另外佢嘅lunch set真係幾抵食，包埋餐湯，飲品同埋主菜。我最鍾意食蟹餅沙律，貪佢沙律夠新鮮同埋健康，蟹餅煎得脆脆地，同埋有一絲絲嘅蟹肉🦀，好好味。仲有如果你叫🍋檸檬茶嘅話，仲有得飲添。

這次的體驗不錯重點在於食物不錯👍🏻，其次侍應帶位不錯，還有的是點餐時侍應生有主動解釋飲品調配之事宜🍸當然最記得的是牛扒龍蝦尾🦞，縱然龍蝦尾調味偏重，但整體而言尚算可以; 牛扒本該五成，但由於是與家人一起吃之原故，於是叫了七成，所以有少少over cooked。不過好的是牛扒的醬是另上，可以自己自由調節。還有的是開頭就上的麵包尤為好吃😋可以稱得上外脆內軟，配上餐廳提供的麵包醬更是一絕🤭飲品更是調得十分有層次，顏色色彩繽紛，適合人們去打卡欣賞分享。總括來說，值得一試！

昨日入去食lunch,屯門市呢間著粉紅直間恤衫嘅(應該係經理)帶我們入座，佢竟然同我講"亞姐呢度吖"；D侍應嘅態度又好唔想招呼你咁，我以為去咗茶餐廳。以呢個價格，呢個服務，而食物味道又好一般，我應該唔會再去囉！

食西餐第一時間係諗起Outback 一坐底侍應放底menu後就會去拎個黑糖麵包黎，食完係可以同職員refill😬記得要趁熱食燒紐西蘭羊扒會有特色雞味飯&新鮮畤蔬伴碟我地點左7成熟，剛剛好，好淋唔un雞肉拼燒蝦寬麵有少少辣 ，可以接受，只是辣味白汁煮得好濃，好味，雞同蝦配合得天衣無縫炸蘑菇外層炸得脆卜卜，好惹味沙律🥗配上芝士同沙律醬好夾平日晚餐時段唔多人，當日係即興去食，無預約，即時有位入座味道⭐️⭐️⭐️⭐️⭐️環境⭐️⭐️⭐️⭐️⭐️

如果金鳳係平民港式西餐既代表,咁Outback就係平民西式西餐既代表。呢度既氣氛好適合一大班人，無論朋友定係家人。雖然好多扒房做既牛扒比佢好味，但係就係覺得一大班人去Outback幾好。中價位，每一個人都似乎俾得起，又食得開心。 🍖 不過佢有一樣野真係做得好出色，就係任食既黑麥包，個包熱辣辣，非常鬆軟，又好似有少少穀物既顆粒，感覺真材實料。而且非常慷慨任食呢種全場最好食嘅嘢，單係呢種signature food,已經足夠贏盡口碑廣傳大眾。 🍖我地當然有叫道意粉，沙律，肉類拼盤，同埋啤酒仲有沙冰，樣樣嘢食都係預期之中嘅味道。正正常常。不過，佢一日有黑麥包，我都會繼續黎。

今日紅日夜晚6:30黎到都好好彩唔洗排隊就入到🤫見到過多15分鐘已經full左😂一坐低已經上左個黑糖麵包但略嫌唔夠熱🤏之後叫多轉先上果個就熱番好食好多😋炸洋蔥圈：呢個係呢到招牌👍🏻但今次有部分洋蔥嘅位有少少生😳但整體都炸得夠鬆脆同新鮮炸好🙌🏻雖然唔高分但都係合格以上🫢西冷牛扒：呢塊西冷牛扒叫左5成熟上到黎都係岩岩好😎食落有牛味同時都唔會太鞋🤫焗薯略嫌酸忌廉同佢唔係最夾😳可能配番牛油係最match🤓芝士白汁蝦寬麵：成個pasta 食落都幾creamy🤤蝦肉幾爽口彈牙🤩整體調味配搭不錯🫡但因為叫得太多野食所以食到好滯😂但唔係佢嘅錯🫢今次冇抱咩驚喜黎食所以用餐體驗不錯👍🏻會係得閒經過冇咩人會試下嘅餐廳😎☺️味道：7.5/10價錢：7.5/10服務：7.5/10環境：7.5/10

沒吃過這麼差勁的烤豬肋骨，用什麼來形容？就像煲完湯的排骨😵沒有豬肉味，肉質流失，也沒有烤豬肋骨的味道。不會有下次。環境及服務還可以，但座位設計就差了點，我差點兒在卡位上倒下來。

同食素嘅朋友一齊去Outback’s Steakhouse晚餐，本身都擔心佢冇乜選擇，不過估唔到都有幾樣嘢可以揀黑糖包一如既往喺我嘅favorite ，加上牛油香 dip落湯都好好味！炸洋蔥真係挑戰人類極限，兩個人其實都唔需要嗌，有一班朋友分享先好叫 份量大 脆身加上洋蔥甜味喺不錯嘅小食 不過食太多就覺得油膩😂海鮮意粉紅汁意粉夠蕃茄味 有不少嘅什錦海鮮 都幾有誠意 仲有兩塊烘咗嘅蒜蓉多士 不過我最愛嘅都喺喺到食Steak ，下次再嚟喇!🤪

以前成日食Outback，但係以後都唔會再去。已經係兩個月前既事，同3個朋友一齊去食晚餐，食左海陸空套餐同埋海鮮飯，味道都係平時咁，但係食物唔夠熱。當晚凌晨及第二日早上全部人肚瀉左至少五次，有一位朋友仲急性腸胃炎痛到要call白車入院，好彩最後冇事，但係都係醫院瞓咗日。以為咁大間連鎖店會比較注意衛生，好失望，當時call左衛生署，唔知衛生署有冇篩查，平身好鐘意食黑糖麵包，而家已經唔敢再去，上網睇原來呢類事都唔係淨係發生過一次，希望Outback可以更加注意。

Outback當日星期六，晚上完全唔洗等位，直入已經可以一坐低已經提供黑糖包給我們食物質素好好又幾好食, 肉唔會太硬3個人食了一千多元, 食到超級飽凄美的故事🤣 條🦐死都要一齊

今日去屯市搵朋友，想食得豐盛啲，就去咗outback， 本身諗住食扒，但肥到佢有個二人餐，用HSBC 卡仲有優惠，就叫左個餐啦。佢個餐有好多嘢食，兩個人會食到捧住個肚走。首先佢會有個黑糖麵包，加埋啲cream cheese，個包熱辣辣，好好味。個洋蔥湯就正正常常，冇乜咁特別。我哋叫咗凱撒沙律，都係冇咩特別。牛扒配大蝦，個牛扒本身叫咗五成熟，但係嚟到嘅時候好似七成熟咁樣，入口唔算行人，但係亦都唔係特別嫩口。個白汁芝士大蝦闊條麵，係個餐入面最出色嘅一樣菜式。個面好夠味，啲蝦又爽口。大家都可以試吓。順帶一提，我都有叫到佢哋杯沙冰cider,真係好鬼大杯，其實可以兩個人share。同埋佢都幾好飲。我個朋友加左個焗薯，睇落都唔錯。本身諗住叫多兩個甜品，但係太飽喇，下次再試啦。

2個大人加1bb去食（有推bb車）係門口已經同左職員講幾多位，有位既，佢叫等等。咁我地等到佢招呼左枱客入去，然後有堆人無排隊、無拎籌就沖左入黎。d職員竟然招呼左呢班人先……完全無視左我地！？有bb係到廢事嘈入到去，坐圓枱用餐。期間就見到…有個媽媽因為小朋友餵食問題，要求卡位，有一個帶眼鏡既職員發出「摺」既聲音…..令到該媽媽好反感……其實職員唔滿意都唔洗當面咁？最後我老公咁岩叫左呢位眼鏡職員埋單，我就同佢講漏左蠟筆未俾，前後講咗兩次。最後佢都係唔記得左拎……叫我地出去拎….無下次～食物方面….都係因為黑糖麵包黎食，其他菜式真心麻麻地