Outback Steakhouse (翡翠明珠廣場) (已結業)

有一段時間沒來吃 Outback, 去時還有點期待，但最後是失望而回。我們叫了一個探險家肉食拼盤套餐，老實說，份量是很足夠的，四至五人吃也不是問題。可惜味道卻跟不上價錢。羊排比較肥了一點，豬鞍不知是質量問題還是烹調太久，很乾很硬。牛排也是比較韌。反而是雞槌和羊排下面那些飯味道卻不錯。因為我喜歡吃芝士，所以覺得烤雞肉芝士夾餅雖然偏咸，但是還是可以的。雖然是拼盤套餐而不是單點，但以人均約400元以上的價錢和以 Outback 作為扒房來說，整體來說是失望的。

餐整体是不错的，但service真的超差，一位女服务生，从点餐一直黑脸，餐盘里还有食物，就急着收走，牛排店很多，不是非这一家吃，非常不推荐；问题是否有小朋友的肉酱意面，她说没有；点餐后，我们自己在儿童餐里找到；第一次吃到如此差劲的餐厅；黑脸、不耐烦、着急收餐盘，点餐说没有

2家人一齊食飯，有大有細，呢度都幾啱。因為唔想煩，就叫咗個3-4人set，小朋友食得少 (嚟咗2轉黑糖麵包都清晒，其實都飽咗一半🙈)，所以4位大人淨係食堆肉都飽晒😂整體唔錯，個餐有扒有意粉有沙律，我哋再另外叫飲品。羊我唔食俾唔到意見，但豬扒就好好好鞋，我哋4個大人食咗少少就放棄咗，牛扒都仲過得去，沙律好多芝士，菜都好新鮮，呢個我好鍾意。始終帶住小朋友，好欣賞佢哋喺我哋坐低後就遞上蠟筆同填色卡紙（亦係kids menu）。

啱啱去咗Outback搞個胃。一落座，個黑糖包就快閃送上嚟，軟綿綿滲住甜蜜嘅香味，仲唔夠喉？Refill嚟再嚟，識飲識食。我哋圍住轉呢碟炸洋蔥，賣相掂過雞手指，兩個話嘢間就已經冚唪唥。炸得輕盈唔油膩，外脆內鬆，癮晒！🍖 話時話，西冷牛扒拍拖豬仔骨嘅組合真係犀利得嚟。肉質鬆化，雖則有啲偏熟，但都仲保持住啖啖肉嘅威風。嗰陣豬仔骨嘅話，咀嚼得更舒服，肉質鬆化，簡直入口即溶。🍕 雞肉薄餅就真係出奇制勝。面皮煎到剛剛好，餡料多得滯，夾雜住芝士嘅香濃，美味喎。透過疊疊層層嘅味道，每一啖都充滿驚喜！摘星級嘅甜品就係弱晒，Apple Cider配芒果底味，飲落嘅時候喉頭清新，甜而不膩，不過價錢就有點𠱁。响呢度食嘅每一啖，既係滿足，又係探險。直頭係滿載而歸嘅晚餐，下次仲要嚟！🍽️🤤👍🏻

話說今次去了Outback，真係頂級享受！開胃先鋒係嗰黑糖麵包，啖啖香軟得嚟唔膩口，簡直係人間美味🥖。跟住嚟嘅燒蝦雞肉寬麵，真係驚喜連連：蝦仁爽彈，雞肉嫩滑，味道好夠鐘意呢種輕鬆但又唔失水準嘅搭配。講起個寬麵啦，彈牙得嚟又吸晒啲醬汁，啖啖都係濃郁芝士香味，夠曬滋味！呢個餐湯就更加嘆為觀止，濃到出奇，每啖都食到粟米粒嘅甜味，熱辣辣嘅喺呢個天氣中真係飲得好舒服。整體嚟講，呢餐飯食得好滿足，賣相吸引，味道又正，簡直係食得一試難忘！忍唔住仲要多讚幾句，Outback嘅質素真係穩定，每次嚟都保持得好好👍。記得下次再嚟嘗試其他款式，當然，少不了嗰必食嘅黑糖麵包啦！

outback steakhouse 最出名就是黑糖麵包,牛扒很juicy,又好味🤤🤤,真是有人信得過。Outback steakhouse 都有不少套餐選擇, outback steakhouse 曾經三四個月前拍了廣告,但可惜有兩間 outback steakhouse 結了業,下次一定再去這間扒房吃其他美食, outback steakhouse 一定會更美味😃。outback steakhouse 真美味,又juicy。

有一段時間冇嚟outback食嘢，好掛住佢個黑糖包，於是行行吓街決定上去食個lunch set。黑糖麵包一如既往咁好味，食吓食吓每人食咗一條。我哋叫咗一個燒肉醬味豬肋骨和一個香煎蟹肉餅沙律。豬肋骨味道正常，香煎蟹肉餅有驚喜，蟹肉好香好足料👍

琴晚同朋友一齊嚟食dinner，坐入面都可以又熱又焗，問員工可唔可以較大個冷氣，佢又話冇，好彩後尾都幫我調左位，但四個人坐都係好窄。重點係未諗過一間大型扒房西餐可以做到成個茶餐廳咁，成個餐廳周圍滴水，成地垃圾，仲要係一個餐廳入面好多蟲飛嚟飛去，衛生好差，唔該維修下啦，咁樣嘅環境啲嘢幾好食都冇用啦。個經理又做到躁底黑面，係個餐廳到大大聲聲講嘢，好似係到發脾氣，好心唔夠人就請人啦，請唔到搵分店借得唔得啊，成間餐廳咁大得幾個員工邊夠做啊，我係個員工都做死啦，明明之前都多人，依家我落個單都要等成五分鐘。

有一陣子沒有去幫襯 最近去一次 服務差了很多 侍應唔夠 冇QR code落單 一定要叫侍應落單但侍應已叫幾次因為太忙所以沒有理會我們 叫了四五次終於叫到經理過嚟落單 經理服務態度比其他好起碼肯過嚟落單 等咗好耐45分鐘都冇餐餸到 食完碗碟冇人收 張枱又細 要自己搬啲碗碟走 最後諗住叫埋餐飲走 嘢都未飲但拎張單嚟 成枱都係碟 啲侍應個個黑面 如果唔夠人就請人 咁樣嘅服務態度唔怪得知成日俾人話點解香港又要收10 percent 但冇服務可言

今日放工早，跟緊營養師指示，呢餐唔食澱粉質，又想搵個舒服少少嘅地方下午Chill吓，但出到銅鑼灣周圍都係人，又唔想同人迫，行吓行吓就上咗去明珠翡翠，真係間間都好多人，而且又唔係太想食意粉屋、米線陣嗰啲，最後選擇咗食Outback , 一嚟有位，二嚟真係唔多人，坐窗口位，靜靜哋都幾舒服，叫咗個吞拿魚沙律，賣相不錯，佢出名嘅黑糖麵包暖暖哋食係最正👍🏻，厚切吞拿魚幾好，感覺好新鮮，所以喺度慢慢食都唔怕比人趕走😅不過始終質數較弱嘅係「服務」，唔可以話係好差，但真係需要改善囉，因為去過幾間嘅服務態度都係麻麻哋，全冇笑容，講多句都嫌煩，希望佢哋會改善改善啦，可能香港人真係太大壓力嘞😝

我已很久很久沒有到Outback ，約左親亞姨預祝母親節，星期二午餐時不算多人，安排左靠窗位子，我選了一份燒肉醬味豬肋骨，而亞姨選了一份義大利香草牛肉三文治，豬肋骨燒得好腍，香草牛肉都好味，夾著的麵包香草味好濃，之後各飲一杯茶，慢慢傾，好寫意。

Outback Steakhouse原本在我心目中都有一定位置，但近數次惠顧佢哋嘅午餐Day Menu都好失望，直至昨天真係按奈不住，點了4個Set，包括$268 Ribeye, $168黑毛豬扒, $138大蝦Pasta, $$78 Kid Ribs。除左個Ribs同Pasta正常外，份Ribeye同黑毛豬扒直情可以話擺唔入口。先講份Ribeye，叫5成熟，嚟到俾盡3成，塊扒只有微溫，連暖都稱唔上，好戲嚟喇，成塊扒啲筋多到不得了，如果幾十蚊嘅午餐，我會明將價就貨，但連加一收成$300，加上大型連鎖，點講得過去，對上數次嚟已有呢個情況，但不嚴重所以就算，今次真係接受唔到，所以直頭email投訴。到黑毛豬扒，叫基本嘅7成熟，嚟到邊位肯定十成熟，但近骨嘅位置就唔熟，然後塊扒柴到又係擺唔入口，口感似擦膠，用刀鋸極都唔開，真係超失望！唔知佢哋公司會點回覆我，但我都幾肯定短期內唔會再幫襯。

嚟咗銅鑼灣搵嘢食,飛天豬我就最鍾意鋸扒,就嚟咗呢間歐outback steakhouse 叫咗豬肋骨配肉眼同埋叫咗個芝士白汁燒蝦寬面！落完單之後就有黑糖麵包食，麵包暖暖地配合看到好香脆嘅黑糖麵包，又香又甜，食完仲可以免費添加添！豬肋骨就比較細件，雖然離到骨，但係肉質有啲硬，整體都算入味。肉眼就有肉汁，夠鮮嫩！我自己就比較鍾意個芝士白汁燒蝦寬面，辣辣地再配上白汁嘅香味，烤過嘅蝦零舍香，成個面味道好夾而且佢係銅鑼灣，地點非常方便，食完就可以去行街啦

今日一行6個人黎到cwb 朋友仔話想食牛扒 有朋友又話好耐冇食黑糖包 所以我哋就揀咗呢度啦 上到去原來都幾多人有八成滿🤨匯豐信用卡優惠$1372前菜有蘑菇湯、黑糖包、凱撒沙律呢個餐係比四至五個人享用嘅 我哋有6個人職員都好細心俾啲碗我哋share個湯～蘑菇湯一般但都有蘑菇碎既🍄凱撒沙律好多菜俾得好少醬汁 啲菜都新鮮既🥬黑糖包就係一貫水準咁好食！熱辣辣 無限refill真心正😋主菜：燒美國頂級斧頭扒(35安士)斧頭扒喺度唔係第一次食 幾個月前都有食過 佢唔會放上枱俾你影咗相先📸之後再喺隔離幫你切好 叫咗5成熟 嚟到都夠生幾好咬😆不過今次我哋啲份比較多筋同脂肪 真係肉嘅唔係好多 有時真係要睇彩數🥲烤肋骨雞鎚芝士薯條拼盤呢個就算套餐無 我哋都一定會嗌嘅拼盤 咩都有啲 又唔會好多 每樣都試到啲 尤其是係雞翼點個醬 真係特別好味😙燒芝士雞肉烤餅正常嘅烤餅 不過佢畫咗好多好多芝士同埋熱辣辣所以都幾好味 但又唔會好漏 佢隔離嗰個係蜜糖芥茉醬 點起嚟好夾👍🏻煙肉芝士焗薯片呢個就真係好膩啦 一啖淡嘅澱粉質 但又冇特別嘅味道 唔推薦香草海鮮蕃茄意粉意粉醬好充足 每條意粉都掛到汁 而且有好多海鮮 青口、蝦

位於銅鑼灣JP Plaza Outback Steakhouse地方舒適寬敞，每枱客人有適當距離，可安心進食🤗今次試到傳說中的黑糖麵包🥖✌️包包好香甜鬆軟，好味到忍不住refill😆😋烤帶子燒肉白汁燴飯🍛香噴噴濃郁白汁味，好開胃😋燒盲槽魚柳🐟魚柳外皮香脆，肉質嫩滑🤤蘑菇湯🍵香濃蘑菇味好Creamy👍