Panash

營業中

休息中

九月廿六日(星期五)同老公之前的一日買了panash的大大海道包兩份吃!很大呢!.....兩個人分剛好!可能有多的呢!不過,都很香!又鬆軟!是一貫的panash水準!!

想試好耐 但成日受其他包引誘 遲遲未有一試今次終於的起心肝買咗 $8.5 細細個 唔平呢面頭有齣香既芝士 入便係普通既牛油蛋糕一齣一甜 味道出奇地地夾反而冇咗出便既芝士 就咁食入便既蛋糕就冇咁好味而且 蛋糕好似太甜 不過我鍾意食牛油蛋糕 所以都覺得幾好味

我食過佢幾款包, 大多都係10分咁好食紅豆方包- 見到既時候比佢d色水吸引到,但其實無乜紅豆味,但係個包係十分十分既軟熟,texture一流, 十分喜愛!藍莓芝士撻包- 我覺得這個太甜,所以只屬一般三文魚包- 好好好好味,包很鬆軟雖然價錢偏貴,但係都值

丹麥芝士脆包 ~ 一向好愛芝士既我見到呢個麵包就忍唔住一定要買黎試下 , 少少甜配合埋幼滑芝士味道既Cream好特別 , 食起上黎仲有一陣香濃芝士味。 日式蜜瓜包 ~ 面層脆口得黎比較甜, 應該用左幾多砂糖做酥皮 , 新鮮出爐個陣食真係一流 , 而且好鬆軟 , 煉奶味道亦令人回味。 芝士火腿酥 ~ 可能係酥既關係所以有少少油膩 , 入面放左一塊芝士﹑一條幼既芝士條同半塊火腿 , 但係芝士味道唔夠勁就略遜一籌。 糯米蛋糕 ~ 好好彩去買個陣係出爐冇耐 , 曲奇面層仲係熱辣辣 , 口感有d似糯米糍既蛋糕唔會太咁煙韌 , 中間仲有微熔既朱古力同瓜子令到麵包更香。

攞完眼鏡行返出來德福, 一眼就見到 Panash 了! 所以又買了幾個包回家了。丹麥芝士香脆 ($8) - 樣子像菠蘿包的芝士脆皮果然是很脆, 不過有點太硬, 我也不是放了很久了嘛。裡面的忌廉芝士就 OK, 比較杰身, 所以吃完就要喝很多水才行。可能狂熱芝士粉絲會喜歡吧。午茶小食 ($6) - 其實是一件內含果仁和提子的黑糖蛋糕, 質感重身, 口感濕潤, 富有黑糖有少少焦糖味的香甜, 加上好嚼的果仁和甜甜煙韌的提子, 誠為早餐或 afternoon tea 佳品; 件頭其實也不小, 以 Panash 出品來說, 相當抵食了。原粒粿麥包 ($9) - 嗯, 其實似全麥 (粉) 包多一點, 麥粒沒有五穀全麥包的大粒, 口感因此也差了一皮, 不過還算有麥香, 還有我很喜歡, 食落既脆且韌這樣弔詭的麵包皮 (我講緊咩呢?), 也算係咁了。另部分包款有得試食, 我試了點北海道煉奶包 , 樣子似蜜瓜包, 面層香脆但裡面軟綿, 且有甜美的奶味, 想是相當不錯。

正係食黃糖糕做下午茶 緊係唔夠喉啦點都要去Panash買多個包Size唔太大 包身有D油膩 但係成個包都好香入便有一塊芝士同埋一條好幼身既芝士條芝士同火腿既味道固之然夾 但係對於我呢個芝士怪黎講芝士唔夠喉呢................不過 個包都真係幾好味既但如果比我簡 我會簡軟心芝士包 起碼 芝士粗成三倍先啦

媽媽買了今天的brunch,薯蓉包包包好硬,好油薯蓉是薯絲,沒有特別的味道整體來說,一般!吃完真的好漏呢!軟芝士包,好乾身,好軟,還有淡淡的芝士味,真的好喜歡買它來吃早餐 !

因爲係九龍灣返工，每日都經過Telford廣場，所以Panash便成爲5日中4日嘎早餐之選。白色方包，有分薄，厚，超厚，比起其他地方的方包，含有更多水分，比較煙軔。另外一只法式方包，牛油味超濃，烘咗之後不用加牛油，凃果Jam就好好味道。朝早嘎吞拿魚三文治都好新鮮，無一D腥味。另外，它家的果Jam都不錯，特別是Blueberry,入邊有好多粒藍莓，超愛。

呢個包係我係Ｐａｎａｓｈ之中最鍾意既包之一包身軟熟得黎好有咬口　唔會太甜一包有五塊　用黎做午餐就最好　又好味又飽肚而且　真係有５種穀物係入便　貨真價實　童叟無欺

咪咪既媽媽間中會買一條芝士麵包比咪咪食，一條芝士麵包會切成8塊，但係通常都係一d大塊d，一d細塊d。今次咪咪帶左4塊芝士麵包出街做午餐。呢種麵包係好軟熟，好香牛油味，而入面真係好多芝士粒粒，但係就咁一粒粒食其實唔係好好味，溶左既話就更好啦。所以好快就感到好飽，但係其實就唔係食左好多野落肚。雖然有芝士，但作為一個午餐咪咪覺得都有減磅作用，一黎飽肚，二黎芝士同麵包都有足夠既蛋白質同碳水化合物，都係輕怡午餐之選。

之前家姐已經話好好味,1路都好想食好想食.今日同fat boy bb唱完畸經過入左去睇麵包.買左個藍莓芝士撻share食,終於都食到喇!都幾好味,但係d藍莓好似少左d: <但真係幾好食,而家又好想食._.

自從幾年前朋友 K 請了我食一粒 Panash 芝士波之後, 就瘋狂愛上了, 後期誇張得隔日買一袋返屋企食, 連我阿媽都瘋狂埋一份 今日0係德福路經此店, 竟然撞正一大盤芝士波新鮮出爐, 0拿0拿聲買一打 ($10/4 粒, total $30) 返屋企食.拎上手仍然熱熱的, 芝味香噴噴, 100 個吸引! 食落(鹹)芝味極濃郁, 外脆內軟, 食唔停口! 食食0下亦發覺唔係好夠食, 下次買夠 20 粒先得 P.S. 服務加分, 因為店員見 d 出爐芝士波仲熱, pack 包時幫我0係膠袋留個透氣孔, 安排好細心, 值得一讚.

我最愛吃的麵包是……超熟方包：軟綿綿的方包，配上一杯牛奶，是我其中一款至愛的早點紅豆味QQ波：其實我比較喜歡吃甜的QQ波。QQ波外層脆脆，內裡煙韌，還有我愛的紅豆紅豆方包：雖然欠了一份紅豆的香味，但紅豆配上軟熟的方包，真是好吃紅豆包：又是紅豆的關係。紅豆餡很多，不太甜合桃楓糖卷包：很愛它的楓糖味道，而且麵包又很柔軟提子合桃粿麥包：很愛很愛粿麥味道的麵包，香濃的麥味，再加上超多的合桃及提子，YUMMY。而且，麵包的外層永遠是烘得脆脆的提子合桃麥包：當買不到提子合桃粿麥包時，它便是我的次要選擇朱古力味糯米蛋糕：煙煙韌韌的蛋糕，很特別的味道，還咬到粒粒的杏仁

今天終於試了午茶小食, 它是黑糖蛋糕, 內裡有提子及很多合桃. 味道不錯. 但, 我還是覺得提子合桃麥包/棵麥包比較好吃.另外, 買了超熟方包當早餐. 明天塗果醬吃. YUMMY!

和同學經過，所以入去睇下d包，睇下睇下又想食喎.......見到個藍莓芝士撻包個樣好得意喎，但唔知好唔好食呢…….當我念緊買唔買好，聽到後面有人同另外一個人講話黎個好好食嫁………所以我就買黎食啦，原來真係好好食呀…………….個撻包好鬆軟，d芝士好香好好味，入面加左d藍莓醬，都幾好食……真係好食到津津有味呀………………