Pancake Colours Cafe & Bar (已結業)

那天我和朋友到mk逛街,本來想到同大夏的某某cafe吃蜜糖磚不過實在太多人了,我們也不想等所以就光顧了pancake colour和某些大排長龍的cafe不同pancake colour很快就有位, 幾乎不用等最適合那些性急的朋友了 哈哈還有一個好處就是它不會趕客說真的, 有時想和朋友找的地方消磨時間如果到了那些大排長龍的cafe店員待你一用餐完就立刻把東西收拾,換上新的餐具就好像叫你快點兒走般....我十分不喜歡這種待客方法但pancake colour就不會那天我和朋友由下午3點在待到6/7點才走經理也沒有做什麽趕客的行為我們也大概每人叫了一個甜品和飲品每人也大概消費了2,30元罷了而且食物水準也不差

今日同朋友補祝生日，係朋友想試呢間餐廳，我地都係第一次去食的。大約2000上到去，五洗等位。兩個人各自叫左一客意粉同一客千層麵(晚餐包一餐湯同一飲品)，效率好快，15分鐘左右已經上菜。湯 : 餐牌同待應都冇介紹過餐湯係咩，所以飲完都未知湯係咩來的……第一啖有少許奇怪，但之後都覺得ok。意粉(朋友點) : 我試左少少，個人覺得味道有少許淡； 千層麵 ： 睇落蕃茄味會好濃，但事實有d相反…不過味道都還算ok。由於我地都想試甜品，兩客主菜都食五曬。食左朱古力火鍋，有棉花糖，荔枝，菠蘿，士多啤梨同蜜瓜。食到最後，個感覺有少許“流”。睇落其他主菜同甜品都好吸引，所以會再去試。好適合一幫朋友去，因為有card game供應。(今日有人慶祝生日，唱生日歌既聲浪應該有一半人聽到)

同吃貨好友慶祝生日搵間冇試過又幾有名氣既餐廳食下啦:^)餐湯夠濃夠味，但真係好油海鮮焗飯芝士味香濃，焗得焦香更會牽絲海鮮份量夠，冇咩雪藏味飯偏細偏乾，有點難嚥份量偏細肉醬炸雞焗飯芝士會牽絲炸雞脆香，肉質有點老，脂肪唔算太多肉醬有蕃茄既酸甜味，只怕有點油膩，起唔到解膩既作用飯底都係硬得難過份量偏細蘋果金寶撻底十分硬，難以用餐具切開味道不錯，酸甜適中，蘋果果肉有嚼勁海鹽朱古力撻海鹽量不多，唔會過鹹朱古力頗甜，因此中和到鹹味而且中間既焦糖夾心，黏牙，但唔算太甜，反之有點鹹香飲品凍飲好大杯:^|

今晚同一個舊同學去左新先施買野，走個時都成七點半，就去左隔來睇下有咩食啦。見到有間叫Pancake Colours Cafe & Bar，就上去睇下啦。上到去都環境裝修同其他cafe 個feel 好唔同。入面都好大，唔洗一陣好快有位。睇個menu都有好多野食同野飲。叫左野食後，出左去睇下有咩野玩，最後拎左啤牌。玩左陣D野食好快上左美式豬肋骨好大條豬肋骨，燒汁甜甜地，肉質唔會燒得好老，所以好"淋"好易切開。加上唔太肥太瘦，有屠薄薄既肥層，入口真係唔錯wor. 覺得唔夠汁，佢仲有一小兜汁，但我覺得佢本身已經夠味。豬肋骨下面以薯條放底。跟豬肋骨送的羅宋湯，唔會偏太辣同太酸，料的好多，幾好飲。芝士肉醬焗薯條芝士肉醬陣味一上枱就香到入鼻，薯條熱辣辣，香脆可口。芝士加薯條之前食過，但加埋肉醬又另一番風味。香茸燒豬頸肉本人真係好鍾意食豬頸肉，佢D豬頸肉唔太乾，唔洗配汁食都好好味，都幾"琳"唔難咬。野飲方面飲左一杯薄荷鮮奶凍咖啡同一杯朱古力咖啡，朱古力咖啡用既冰係沙冰，唔錯。

約左個好而耐冇見既fd聚舊，係mk行到攰攰地就去左呢間cafe食tea，一入去就俾個特別既裝潢同環境吸引，感覺幾relax。黎得pancake colours就梗係要試下個pancake(香芒法式班戟)啦，個班戟同啲芒果同雪糕都幾match，芒果都夠滑夠甜，成個班戟口感唔錯，扺食！我個fd就叫左個杏仁榛子層，賣相唔太吸引，但勝在口感幾好同唔會太甜。啲野食算黎得幾快，環境幾舒適，適合一大班fd吹水，食物質素不俗，值得推薦！

Ordered seafood fettuccine and omlette rice with drinks. Fettuccine was tasteless, you can see the cheese and seafood somehow but they just don't have any taste?!Omlette rice was okay, but the pork cutlet was overcooked.The hot jujube tea was close to nothing but sugary, I then asked for half cup of water to dilute it, and the waitress felt puzzled (?).Banaba milkshake was not milkshake at all, it's more like 沙冰, yes, you need to chew the ice in order to swallow.I am utterly amazed how the food

Happy Friday三個女人一個墟，到旺角行街，食dinner，預先已留位去Pancake Colours.幾個女人挽住大袋細袋戰利品，在鬧市中要找到一間既可以坐得舒服，又可以安頓好「新寶貝們」的餐廳，真的不客易，憑各姊妹們的血併經驗，都是以這老地方最為穩陣。每次我們都必選荔枝蘆薈松葉蟹棒沙律做前菜，用新鮮水果做成的沙律，既解渴又開胃，然後有黑松露海鮮意式燴飯及柏林肉腸併盤，其實份量以三個女人食量是剛剛好的，還有空間要多兩份甜品，Pancake Colours有幾款人氣之選，由其法式班戟較為熱賣，天使魔鬼蛋糕吃得多，這裡有天使魔鬼班戟。一個甜品當然未夠，我到每間餐廳都會叫「例牌」甜品─紐約芝士蛋糕，評價中上，芝士味道香濃，但餅底咬口較為軟身，如果再做得挺身點就有滿分。

叫左個四人餐。首先餐湯--羅宋湯。仲衰過茶餐廳啲羅宋湯。湯稀過水。連最基本碗湯係熱都做唔到。。。主菜。唔知咩硯肉燴飯。個飯一上暗雅無光。色澤深。但入口。。。竟然只有腥味同怪異既飯味。連最基本碟飯係熱都係做唔到。。。主菜二。豬肋骨。唯一正常少少。真係個少少。。。個味道係正常的。但食個下真係完全食唔出件野係豬肉囉好無。我真係睇返餐牌先知自己食梗豬肋骨呀大佬。。。咩蛋火腿煙肉Pizza 。精采囉。。。佢係存在於熟同唔熟既好大空間入面。。。火腿怪味。喂大佬點解火腿可以係怪味家。再配合埋個塊蛋。怪上一層樓。神奇地方出現。個Pizza既鐵盤係熱既。但Pizza係凍家。好神奇呀該熱既到最後係全部都係凍既。。。呢下我心諗Cafe 正餐唔掂都算。。。甜品同飲品應該可以期待下。。。但係。。。現實係殘酷家。。。四款甜品既其中三樣如下心太軟。。。一上枱已經穿左。入面既朱古力係以水狀流出黎。。個皮乾到。。我知冬天亁燥。佢就乾到散咁制。。。跟個白色雪糕。。。我真係唔知自己食梗咩。。佢無味家。。。海鹽朱古力拖肥撻朋友評語難食。。朱古力怪味。。。終極朱古力。真係終極痛苦。成件甜品以朱古力慕絲作主體但完全食唔出朱古力慕

同朋友係旺角行行下，又攰又肚餓，想搵個地方食下野，又可以坐得耐傾下計既於是見到依個CAFE 好似幾出名，又入左去試下。雖然星期六比較多人，不過等左一陣都入到去。我叫左個 溫泉蛋肥牛石鍋飯。個石鍋好夠熱！唔錯！温泉蛋好滑，食得出同普通既蛋係有分別既。肥牛正正常常，無咩特別整體都算唔錯  我朋友就叫左個 白汁煙三文魚意粉個白汁幾夠味，三文魚都煙都唔錯。食物質素幾好，但份量有少少唔夠但值得一試！餐飲我地兩個都叫左 凍錫蘭檸檬紅茶同樣都係凍檸茶，不過依間好飲好多佢D 茶真係好香，好正宗既錫蘭紅茶甘中帶澀，認真唔錯食完MAIN DISH，我地叫左個芒果法式班戟黎得PANCAKE COLOURS，當然要食 PANCAKE果然不負所託。芒果好新鮮，好甜個PANCAKE 好軟，D醬恰到好處，唔會太多，搞個成個班戟好甜依個班戟真係值得食！整體黎講，食物質素幾好！服務，環境等等其他方面都唔差值得一試！

今日同朋友閒逛旺角，行到肚餓餓但又唔想成日食黎食去都係個啲野，於是就開始四圍搜索下有冇特別既餐廳。行到瓊華，見到Pancake colour既廣告牌，見個餐廳名咁特別於是上去睇下有咩食。開頭以為會係一間甜品舖，但上到去發現呢間餐廳既食物種類有好多，所以決定入去試試。餐廳內裝修亦好特別，擺左好多唔同款式既坐椅，有別於其他普通西餐廳。望下個餐牌發現有好多野都想試，雖然我地得兩個人，但都叫左好多野食。羅宋湯-酸酸地好開胃，而且湯有好多雜菜，可以中和番全肉既主菜西冷牛扒配薯菜-薯條份量好多，我地揀左黑椒汁，薯條點黑椒汁好好味；牛扒叫左8成熟，剛剛好，唔會太韌亦唔會太'林'芝士肉醬焗薯條-肉醬份量足，可以點晒所有薯條，最愛係食上面層芝士鐵板豚肉飯-醬汁同豚肉味道挺夾炸魷魚鬚-炸粉唔會話好厚，咸淡適中，魷魚鬚既份量多，yummy!德國芝士腸-本身有配一個醬汁，但我覺得唔點都可以法國芒果班戟-芒果唔係直接包係班戟內，而係另放碟上，芒果幾甜，班戟伴雪糕簡直係絕配，為今餐畫上左個完美既句號至於飲品方面，我地叫左一杯凍檸茶同一杯曲奇脆米朱古力，味道不錯，可惜我地實在食得太飽啦，飲左半杯左右就無飲 

同朋友食生日飯，前一日係openrice睇到呢間野，跟住就打電話去卜位，所以一去到就即刻有位入到去見到啲餐桌都好皇宮feel,環境唔錯到到睇 menu,D價都set得幾高，閒閒地 一個飯都九十幾蚊。 我地4個人最後嗌左一個五百幾蚊既4人套餐，有 (餐湯,甜品,drinks)*4 +兩個飯或麵+1個pizza 再加一客小食食物既份量唔多，味道都一般，無咩特別，個pizza太乾呢度有一個好處， 就係可以借 boardgame玩，唔錯

喺MK行街行到攰就走左來PANCAKE COLOURS食野,貪佢坐得舒服野食又唔錯之前來到多數都係食Dinner Set,今次就試左食最主打既PANCAKE 睇MENU先知PANCAKE都有分美式同法式;)法式係平時類似芒果pancak好多cream嗰隻,英式就係有d似熱香餅咁;)))2隻都好attractive hahaa最後揀左黑白朱古力既英式pancake!))一來到已經心心眼哂<3擺得好靚好多朱古力脆脆岩哂咁鐘意食朱古力既我!個雲呢拿雪糕都唔錯;)唔會有嗰d好隻好人做既味!配埋下面既pancake食簡直一流><有d驚喜就係pancake同pancake之間竟然有d cream喺度~睇menu都唔多見呢樣野平時唔多鐘意食cream既我都唔覺佢溜, 唔錯!

平時都有黎開瓊華食野，不過呢間就係第一次試。以前聽過D朋友講，呢間Cafe有好多唔同既野食，實有一款岩我食，於是今日就同朋友一齊去試下。一入到去，望到個餐牌，真係有唔少選擇，花多眼亂。（影果時手震，後來睇相先發現咁濛-_-）一向有選擇困難症既我，最後揀左個溫泉蛋肥牛石鍋飯．因為想食下飯焦。老實講，個飯一黎到果時，我都俾Ｄ白色既蛋嚇親架。果時心諗，唔通我個朋友玩我。之後，我就抱住搏一鋪既心態，鼓起勇氣，嘗試第一啖。平時D人就話人不可以貌相，其實呢鍋飯都唔可以貌相。面頭既溫泉蛋雖然賣相唔算好好，但係十分滑，入口即溶，而且有濃濃既蛋味，岩哂我呢個鐘意食蛋既人。跟住我就將D蛋撈哂成鍋飯，連埋D牛同飯一齊食。牛肉有D嚼勁，牛味唔算好重，恰到好處，加埋陣陣既蛋味，呢個飯認真唔錯。食到最後，個底都有適量既飯焦，脆脆地既飯焦帶黎另一種口感，正。一向大食既我，即刻叫多一碟甜品。我叫甜品之前特登睇下其他人食D咩，見到隔離枱叫左個香芒法式班戟，食到停唔到手，我就跟機叫一碟試下。呢個甜品既賣相就正常好多。我先試一啖個雪糕，雖然係普通既雲呢拿味，不過雪糕好滑，完全冇粗糙既感覺。班戟微熱，唔會熱得太過份。我切開之

瞓到自然醒, 出左旺角, 諗住食D 野再行街,入到去環境其實幾靚, 好多梳化位, 同埋好多吊燈做裝飾星期六放假特別肚餓, 好好胃口, 叫左好多野食, 叫左兩個餐, 一碟薯條再加一個甜品, 勁飽 !一個餐包左湯同野飲, 今日個湯係忌廉湯, 食到入到有蜆肉, 都無之前D 食評講得咁差, 我覺得OK其中一個餐叫左三文魚沙律, 真心覺得好大碗, 以為下午茶會少D, 竟然真係正常SIZE, 我同個FRD 都嚇親, 因為叫左咁多野, 好驚食唔哂另一個叫左牛肉石頭飯~ 牛肉份量都唔少, 大大粒, 但又唔會靭~同埋有個石頭碗, 無咁快凍, 啱哂我呢D 食得慢既人 ! 朋友食到有少少飯焦添呀! 冬天食石頭飯真係very good ~~朋友是薯條的頭號粉絲, 無薯條不歡, 所以追加左個肉醬薯條, 如果有埋芝士就更好啦 ! 哈哈 !難得黎café 就唔想飲普通檸檬茶, 可樂, 所以加錢要左特飲~左係士多啤梨梳打, 右係黑牛 ~比想像中大杯 !! 有珍珠奶茶既size 囉 !!不過兩杯都好好飲, 女仔既話一定鍾意飲士多啤梨梳打~~ >u<因為叫得太多野食, 好想飲哂佢, 但最後好可惜飲唔哂…&

放工同朋友去旺角行街,晚上看見這間餐廳有華麗的裝修,就入去試下。入到去,啲座椅好得意,我地被安排坐窗口位,正呀,有風景睇。環境好大,又有音樂,令人覺得好舒服。我們點了一個美式原條豬仔肋骨,個賣相好吸引,而且都幾好味,甜甜地,肉質又唔會好似煲完湯啲肉咁好“鞋”,上面有小小肥,可以連埋啲肉一齊食,會更香。伴碟既沙律都唔錯,酸酸地,幾開胃。薯條好好味,好多薯仔,唔會好似出面其他店咁,入面係空心。由於我地好鍾意食薯條,所以又叫多碟椒鹽薯條。 主菜還叫了個牛肝菌墨魚仔蜆肉意式燴飯,好香牛肝菌味,個飯清清地,又有海鮮既鮮味,唔錯。再點了一個小食,呢餐好滿足呀。 一邊食小食,一邊傾計,又有背景音樂,very good飲品方面,叫左杯雪糕紅豆冰同埋巨蜂葡萄梳打。紅豆冰的奶味好濃,好香,又不會太甜,唔會好似坊間啲紅豆冰,好似飲糖水咁。巨蜂葡萄梳打亦都不錯,不太甜,又有濃烈既葡萄味,梳打飲落去令人更加醒神。