Peek-A-Poke (希雲街)

營業中

休息中

出去食飯有時候會想食健康啲，其實都有唔少選擇嘅。想食健康啲，重點梗係啲餸全部都可以自己揀，咁樣就可以更輕易避開曬啲地雷，可以揀按自己心意揀好味又健康嘅野食今日就介紹位於銅鑼灣嘅一間低卡低脂健康輕食，用黎做lunch就岩曬啦～其實食落去就好似平時去日式料理店食嘅日式魚生飯差唔多，而Poke Bowl最大嘅分別就係由飯底﹑配料﹑再到醬汁等全部都可以按個人喜好去選擇同搭配所以大家可以好隨心咁按照個人喜好，又或者按自己當日要攝取嘅營養而去決定當日嘅搭配。而Poke Bowl另一大賣點就係望落去每款都色彩繽紛﹑每一款望落去都相當吸引，令人胃口大開同時，Poke Bowl當中嘅選擇都會比平時傳統嘅日式料理店多好多，所以總有一款岩你食可能有人又會問，咁多選擇，仲要由底到醬汁都要自己選擇，咁有選擇困難症咪有排揀？唔使擔心，其實除左自由搭配之外，Peek-A-Poke其實都有幾款搭配好嘅Poke Bowl比大家揀。大家就可以唔使諗咁多，見到邊款鍾意嘅，直接嗌個款就得啦想試下好味又健康，而且又岩曬打卡嘅Poke Bowl，就快啲去試下啦～

點左三份，一份係什菇，一份三文魚，一份吞拿魚，有不同 topping, 豆腐只係百福切粒粒，什菇淡而無味，蛋絲好乾，三文魚同吞拿尚算 ok, 糙米飯好散，壽司飯好爛，而且凍的，感覺只係將所有食材堆埋一齊，沒有誠意，唯一值得一讚係店員好有禮貌，雖然價格不算貴，但不會再幫襯。

日式魚生飯食得多，偶而轉轉口味，食下 poke，都係一個唔錯嘅選擇。呢度嘅 poke 有 set 有自選，第一次嚟，先試下 set。由於最想試山葵乳酪醬，所以毫不猶豫揀咗吖嘻先生，配料有吞拿魚刺身，枝豆，青蔥同香菇，再加十蚊要多份三文魚籽。飯呢，由於好肚餓，所以揀咗壽司飯拼珍珠糙米。碗飯畀我最大嘅感覺係份量好多，配料多，飯仲多。兩種米兩種口感，撈埋山葵乳酪醬食，少少酸少少鹹少少攻鼻，非常滋味。主角吞拿魚刺身同三文魚籽都夠新鮮，面頭嘅木魚絲，紫菜絲同黑白芝麻更加係我最鍾意食嘅嘢，絕對起到畫龍點睛嘅提味作用。食完碗飯，非常飽，建議女士叫普通份量就夠。最後，唯一建議係，希望店家日後可以改用非即棄餐具🙏。

今次係第二次食，第一次係尖沙咀，印象唔錯，健康高蛋白又飽肚，但今次好失望，感覺唔會再去銅鑼灣呢間。長話短說，重點嘅吞拿魚感覺好霉，入口咬落去仲有一堆雪水涌出黎咁⋯平時對食要求唔高，但今次真係愈食愈反胃。食咗1/3左右，發現碗底啲汁多到可以浸住一半食材，諗住可以靠佢蓋住一點霉魚，落力撈個汁，但個汁（就好似屋企趕開飯，啲菜未等乾爽就上菜咁）好似溝左堆水落去，更難入口了⋯勉強食咗一半，最後嘗試將佢轉落另一隻碗到食（減少啲汁水），照片係最後食剩嘅部份及本身碗內嘅汁。*吞拿同三文魚係佢地店嘅主打食材，因為生意好嗎？竟然新店都咁唔注重質量，日後更難有所期待

Peek-A-Poke地址: 銅鑼灣希雲街16號地舖#yauyau_銅鑼灣我第一次去錯咗，係要轉入去條街，唔係外面條街企枱嗰間，嗰餐牌同名都好似，千期唔好去錯鋪頭。🍣🍣夏威夷風味 $88 佢切咗好多吞拿魚，每粒都大大粒，再配合埋佢嘅鏗魚醬油，令到佢唔會好油膩，將啲配菜撈埋一齊，成碗飯都會好清新，大碗又飽肚。另外佢碗嘢好多菜，非常健康!🍣🍣加州風味 $98 + $10 (牛油果)呢碗對女仔嚟講，個份量都幾大，可能要人幫手食啲。加咗份牛油果都只係$10就有半個啦，非常抵食呀。但係美中不足就係佢個醬，對於女仔嚟講有啲滯。大家去到銅鑼灣都可以去試吓，間餐廳係半自助形式，需要先去落單同自己攞餐具。味道: 4.2/5服務: 3/5環境: 3/5番兜: 4/5#銅鑼灣美食 #美食　#好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #peekapoke #peek-a-poke#夏威夷菜 #銅鑼灣夏威夷菜

Poke的味道十分出色，係我喺香港食過最好味嘅poke材料中我選擇了half-half三文魚和吞拿魚，兩款不同魚都相當鮮美。特別推介Natty buddy dressings，令個poke 增色不少。

黎到銅鑼灣，如果唔想食得太heavy的話，又想食得健康，多數我都會依間peekapoke💛餐廳位置係近利園再後面既小巷，位置都唔難搵，不過鋪頭環境比較小，去到多數要等位🫣Poke bowl佢地有得簡沙律菜底、壽司飯底或者各樣一半，我多數簡每樣一半就岩岩好，唔會太飽但又有菜🤣佢地有配搭好既選擇，你亦都可以自選配搭，我就多數自己簡最岩食💕✨自選風味碗今次我就簡左三文魚，配豆腐、玉子絲同溫泉蛋😍溫泉蛋撈埋落d飯同菜到十分之好食😋各樣野配搭都好match！同埋一定要推介山葵乳酪醬！超級好食超級match😋依間仲要係一間良心小店💛一定會再支持！

和朋友行山後想來一點輕食，Poke絕對是不二之選！🐟Tuna 吞拿魚 ($98)份量比其他Poke店少，但個人吃是剛剛好🙌🏻 吞拿魚新鮮，口感煙韌；配料滿滿，個人喜歡枝豆及豆腐！同時追加了牛油果 (+$10)，份量約1/5個，如可以加多一點就好了～🍄雜錦香菇 Mushroom ($78)香菇口感爽脆，配以山葵乳酪醬，山葵味突出刺激，值得一試；同時追加了鮮蟹肉 (+$10)，味道新鮮香甜，絕對是必加之選！🧀炸水牛芝士條 Mozzarella Cheese Stick ($38)有驚喜！新鮮即炸的芝士條外層口感香脆，內裡更有拉絲效果🤤🍠夏威夷鴛鴦蕃薯卷 Hawaiian Spring Roll ($38)一款是紫薯，另一款是黃薯～ 口感同樣外脆內軟，味道香甜！

吞拿魚+八爪魚poke bowl ($98)👍想試poke bowl好耐！心大心細想試兩款魚生，呢到好貼心咁可以揀兩款half-half，吞拿魚新鮮得黎唔會腥，八爪魚反而有啲鹹，好似浸過海水咁🤣topping揀左蛋絲+蟹籽+海帶，都係大路野，不過海帶同成個bowl既調味唔太夾，口感都好韌，下次會揀豆腐或者蕃茄。飯要左沙律菜+糙米飯，配山葵乳酪醬，夠晒refreshing，好開胃，無論飯定係醬既份量都岩岩好，我見朋友點左醋飯就有啲太濕啦。

👩🏻‍🌾呢間基本係我每星期都一定會食嘅餐廳，不論堂食定外賣，食物份量絕對唔手軟，材料每次都放得好滿，健康得嚟又食得飽！😆◾️自選風味碗 - 雜錦香菇（普通size）🍄底 - 沙律菜🥗｜配料 - 雞蛋絲 青瓜 蟹籽 海帶芽🌱｜醬汁 - 果仁芝麻醬｜調味料 - 紫菜絲 芝麻 木魚絲 果仁 脆蒜片 沙律菜份量好多， 雞蛋絲唔會好乾，果仁芝麻醬偏少，但係味道好香，應該同魚生會更夾。◽️自選風味碗 - 雜錦香菇（普通size）🍄底 - 沙律菜＋珍珠糙飯🍚｜配料 - 青瓜 蟹籽 海帶芽🌱｜醬汁 - 香菇醬油｜調味料 - 海鹽 紫菜絲 芝麻 木魚絲 果仁 脆蒜片 如果淨係食菜唔夠飽，可以揀half-half～糙飯都唔錯～香菇醬油份量會多啲，都係👩🏻‍🌾經常揀的。
不過本身已經好夠味，調味料唔建議加海鹽，會好咸。。。😅酸蘿蔔同蕃茄，鰹魚醬汁同蜜糖香醋汁👩🏻‍🌾都成日揀，配搭上嚟好開胃！中意食咩就揀咩，最緊要有得揀！💛如果仲係唔知揀咩，佢地有推介配搭，可以試下！🤤✨三文魚份量都好多，朋友都讚好味！✨✨根據非正式統計，男仔嚟食都會覺得飽嘅餐廳！🤭✨環境方面，坐位唔會好闊落，但係都算坐得舒服。採用自助形式，餐具

前陣子poke興起，到處都開了很多poke的餐廳，但無論是食物還是環境個人始終最喜歡peek-a-poke🤣 這裡是先坐下填紙，再交到收銀處&俾錢，然後就可以坐著等店員送餐了～吞拿魚 | 壽司飯+沙律菜 | 青瓜+番茄+香菇 | 山葵乳酪醬 | 紫菜絲+木魚絲💰98Tuna, sushi rice + salad, cucumber + tomatoes + mushroom, wasabi yoghurt, nori + bonito•色彩繽紛滿滿的一碗也太吸睛了吧!!•吞拿魚大粒厚切，大概有10粒，當中有一兩粒有少少筋，不過不影響味道•值得一提香菇有兩種! (見後圖😹)•山葵乳酪醬是店鋪的其中一款招牌醬，挺有特色，wasabi & 乳絡比例大概60:40，但攻鼻程度比想象中嚴重，所以自己麻麻地🥲不過大家不介意的話應該會喜歡～ (下次應該會選果仁芝麻醬/上次試過的鰹魚醬油)發現希雲街真的超多餐廳，港式日式西式都有，最多人排隊的算是榮式燒雞扒/富山面家，平日中午去到Peek-A-Poke就不太多人，所以食物也很快送到了👍🏼

一直都很喜歡食夏威夷魚生飯系列，而這家一直是我心頭至愛吃過pickabowl 吃過希雲街轉角那家（忘記了名字），到至今我仍是最喜歡希雲街裡面的peek a poke記得在疫情嚴峻時期，這個舖位都吉了，嚇死我但到現在它仍然在所以很慶幸我仍有機會繼續吃下去。這個是pok kee在別處找不到的味道。

已經係同男朋友第三次嚟呢度食我鍾意乜嘢都可以自己揀🤣要沙律菜定係要糙米飯、壽司飯，都可以揀！我呢啲又鍾意食飯又鍾意食菜嘅當然揀兩溝🤤揀雜錦香菇再加三文魚，仲有滿滿嘅配料，胃細啲都搞唔掂！

自從喺夏威夷食過POKE後一直念念不忘，呢間店亦收藏左好一段時間，但因為比較少落銅鑼灣，一直冇咩機會食！今次經開中午終於食到！中午一點幾唔洗等位直入，入面唔大但幾舒服個裝修。落完單都幾快上菜食得，食物都係主要以刺身為主食再配飯或者沙律菜+啲唔同嘅配料醬汁。 🏝加州風味Califonia $98 ★★★★☆ 三文魚刺身配青瓜、雞蛋絲、三文魚子加上果仁芝麻醬，簡左壽司飯+沙律菜，三文魚比想像中多，食落新鮮有口感，但食唔太到有三文魚味，更多嘅係佢醃左嘅咸味同個醬汁，有少少可惜。壽司飯本身已經用左壽司醋調左味道，加埋實唔會出錯嘅芝麻醬，好正，但食唔出果仁味，似一般芝麻醬。成個飯一啲都唔單調，青瓜食落清爽解膩，雞蛋絲三文魚子又令到口感更豐富。而沙律菜都有半碗，夠新鮮爽脆，佢冇撈到芝麻醬，除左撈埋飯一齊食外，推薦大家問店員拎芥末醬，少少似芥末沙律醬，撈沙律一流！ 🏝自選風味碗 $98 ★★★★☆自選彈性大好多，唔會限死住，食慣左特定嘅指定款式都可以轉轉口味。簡左三文魚壽司飯，配料有得選三款，簡左海帶芽、酸蘿蔔、紫洋蔥，醬汁要蜜糖香醋汁，調味料有得選好多款，差唔多要哂有紫菜絲、芝麻、木魚絲、海鹽、脆

已經黎過n咁多次不過今次終於寫食評 餐廳位於銅鑼灣希雲街，喺sharishari隔離✌🏻menu有分自選/preset poke bowls而我就每次都食一模一樣嘅嘢😬😳🍱 Build Your Own Bowl🍣 三文魚 + 珍珠糙飯 + 沙律菜 🥗🥒 青瓜 + 蟹子 + 雞蛋絲🫗果仁芝麻醬同以往一樣，好好好好食!!! 三文魚夠晒新鮮肥美，每啖都食到😋 沙律菜算新鮮，夾埋啲飯一齊好好食，不過如果可以加少少番茄就更好了😍 toppings可以免費加紫菜，紫菜撈埋蟹子好有韓式波波飯糰嘅感覺，鍾意波波飯糰嘅可以試下呢個配搭！toppings嘅份量都算多！撈埋之後唔會去到最尾冇toppings食 不過飯嘅份量少過以前，一個女仔食啱啱好，但男仔就可以要加大啦🤣座位方面就有少少窄，檯同檯之間冇乜空位，完全聽到隔離檯講啲咩😳同埋大部分都係二人檯，就算四人檯中間都會有一塊發泡膠版分開大家，所以二人以上嘅朋友聚會就未必好啱啦