Pepper Lunch (新都會廣場)

營業中

休息中

今日放工屋企無人，唯有自己解決。一直想食新都會的pepper lunch, 今日要去啦。可能時間尚早，無咩人，一個人好快就有位。先點餐後買野食，點左黑椒牛肉飯多飯配沙律，仲包餐飲及餐湯。價錢唔見得特別平，但一試無妨。牛肉飯新鮮熱辣上枱，賣相吸引，但醬汁不多，牛肉都得幾塊，飯有點太乾，沙律餐湯就一般，個湯淡如水。多飯其實都唔算多，一個人食都係啱啱好。不過成80蚊，下次都係譚仔好過。

去完朋友屋企，落左去商場食個lunch.見到好多人排隊就等一陣，因為之前食過覺得唔差。例牌叫左個咖哩牛肉飯 加埋芝士係幾香口，仲有好多粟米。不過，味道無以前咁好食，要自己再加多d汁先得，牛肉都越來越少

當知道葵芳新都會廣場開左Pepper Lunch 後一直都想試，但冇奈每次都大排長龍。今日終於係food court 外都食到Pepper lunch。係門口已經聞到好大陣鐵板燒味。等左20分鐘先入到去，估唔到Pepepr Lunch 都有雪糕食，梗係要一試啦。必食鐵板黑椒牛肉飯，落左單後，店員會把鐵板送到枱上，熱辣辣既鐵板，周圍都感受到佢既熱力，同果陣"芝芝"聲，令人急不及待要撈混佢。望住d牛似由生變熟，口水都流哂。撈完一輪終於食得，熱辣辣咁放入口，成口都充滿熱力，可惜黑椒味欠奉，唯有人手加。有少少辣，乾身既牛肉 加上爽甜既粟米粒，仲有少少飯焦，真好味。粟米粒份量ok唯牛肉就少左d。食完就試埋個朱古力雪糕~第一眼以為係M記個雪糕新地，啱啱食完熱辣辣既鐵板就轉食凍冰冰既雪糕，都驚會唔會肚痾，個雪糕就一般~d朱古力醬唔甜，有d粒粒楱子增加口感~雪糕個質感唔錯，好實但就唔係咁滑。

甘啱星期六放晏晝，見隊又唔長，排咗大約15分鐘入到鋪頭已經聞到好大陣鐵板燒味，一睇完餐牌就叫左個三文魚併雞扒餐（外加蛋，芝士同三文魚片）食物一上枱，感覺鐵板有強烈既熱力，完全岩岩係爐整熱攞上黎甘。呢個餐好好食，一上枱既時候上面既蛋未完全熟透立即將飯同芝士放落去，等一陣你會發覺芝士慢慢溶，再加埋熟既三文魚一塊塊係飯入面，超好食超滿足，主餐上醃制雞扒已經有味道，入面重加埋黑椒調味三文魚扒已經煎香，好新鮮好好味加埋枱上有提供不同既汁（扒汁），令到成個餐食落口感同味道都好配合。

聽朋友講 Pepper Lunch竟然開咗鋪？明明都係走開 Food Court路線，宜家竟然入鋪，一於去睇睇７點半去到，已經好多人拎咗飛排隊喇，２人位都要等４０幾張檯，太誇張周圍行咗陣再番嚟就啱啱好入得！環境幾好，同隔離檯都唔係坐得太近！而其實佢都係半自助嘅形式，唔知係咪太耐無食！覺得好似貴過之前所以叫咗個平少少嘅鐵板黑椒牛肉飯加芝士，想 order？要自己出去買飛，之後就番位等人拎餐過嚟喇！我仲加餐要個+c同焦糖雪糕，加咗１７蚊等咗１０分鐘，我個飯就送到喇！出晒煙，仲要唔駛自己出去拎醬汁，每一檯都有，方便首先炒熟個牛肉先（今次個芝士少咗啲，無咩起絲嘅情況）！之後再慢慢加蒜汁同蜜糖汁再兜亂後就開動得！黑椒味欠奉唯有後加，牛肉多番少少會好啲，味道方面，熱辣辣噤放入口，有小辣同香香嘅芝士味好嘅地方係粟米粒好多，所以食落都甜甜地！加埋+c嗰個 fresh，不自覺就食晒喇食完就叫侍應上埋個焦糖雪糕，睇落同M字頭嗰個新地差唔多樣，食落個濃烈度到雪糕車一樣，好甜，小小焦糖配搭就已經好正，呢個雪糕係幾推介嫁

第一次不是在foodcourt食Pepper Lunch，感覺別有一番風味，依舊點我最常吃的黑椒牛肉飯，單點54，套餐69跟汽水及薯蓉/湯/雪糕。味道跟foodcourt的沒有什麼分別，仍舊美味, 多了的是服務，顧客只需在收銀處買餐，就可安心坐下，侍應隨即就會把熱騰騰的鐵板捧到你面前；而座位又較foodcourt舒適，吃得舒服，每張枱上都備有燒汁蜜汁各一枝任加，較foodcourt方便得多。雖然價錢比foodcourt貴一些，但仍覺值得呢。 

近期Pepper Lunch多左入鋪店（葵芳、沙田、紅磡⋯），非foodcourt形式經營的話價錢當然會貴少少，但多左好多款式選擇，例如芝士奄列飯、咖喱、意粉、壽喜燒等等，呢d都係係foodcourt唔會見到。不過我的最愛依然係General menu的咖喱黑椒芝士牛肉飯（$59，foodcourt價$51），雖然又咖喱又黑椒，但唔會覺得辣，咖喱味好香好濃，直頭掩蓋埋黑椒的辣勁，加埋半溶的芝士簡直一流，令到牛肉變左配角。呢度加$15有一杯汽水，再可以選沙律、味噌湯、薯蓉、是日湯品或者雪糕其中一款，是日湯品係薯仔忌廉湯，煮得比較稀又唔夠香，成個頹湯咁，唔合格。咖喱芝士奄列飯配雙份漢堡扒（$86）係新menu，唔鍾意咖喱汁，可以改忌廉肉醬汁或者忌廉番茄汁。芝士藏左係奄列同飯之間，奄列唔算煮得好老好乾，加埋咖喱、芝士撈飯係幾好食。雖然話雙份漢堡扒，但分量都係少，比較細塊。薯蓉幾幼滑，加埋燒汁味道唔錯，起碼好過頹湯。值得去指數：

今日放工, 同老公仔仔去左新都會行街, 本來諗住食個MCD 就算, 但去到E個門口,好多人係度得緊位喎, D相又好似幾好味喎, 即攞票先..等左約20分鐘, 有位LA,叫左兩個SET, 兩個都係新野, 做緊POMOTION....1) 泡菜黑椒牛肉飯連飲品 配黑椒誘惑雪糕  $792) 澳洲KOBE和牛連飯和飲品$150 +$7 搖搖沙津 係出面等位果陣，望入去見到好多人係度SHAKE 杯沙津, O, 好得意喎，BB見到都好興奮.. 正, 沙津杯上層有包芝麻醬, 中層有面包糠, 下面係沙津菜,將所有配料倒晒落下層係咁SHAKE...比BB SHAKE左一陣, 佢開心到差D 扔左杯沙津落地..芝麻醬汁充足, 好有芝麻味, 菜好新鮮, 面包糠好脆泡菜黑椒牛肉飯好好味, 開頭有D 辣, 食落好好味, 推介食完個飯隔左陣就有待應放左杯雪糕係我地枱邊, 係好快, 放低話雪糕就走左, 望都冇望過我地, 勁! 我個人覺得好冇禮貌,我隔離枱都有叫雪糕, 佢地連有人放左杯雪糕係枱邊都唔知, 發現果陣杯雪糕已溶左一半..雪糕味似MCD 朱古力雪糕我地食晒泡菜牛肉飯, 沙津, 雪糕後都未見個和牛飯, 原來佢

一個人唔知食咩好，Lunch就去pepper lunch食一個鐵板牛肉飯！呢個商場其實都好多食肆，但lunch time差唔多度度都要等位，pepper lunch門口唔使排隊，但有自助拎飛仔等位服務，使用都相當簡單！但都要等15分鐘先有位⋯一個人揀左個鐵板牛肉飯，再加$15有杯可樂同沙律。應該係為安全起見，客人只需去櫃檯俾左錢，就可以坐定定喺位等食！因為鐵板太高溫的原因吧！落單唔使十分鐘，熱辣辣又「咋咋聲」嘅鐵板牛上到檯喇！飯嘅份量大概一碗左右，除左牛肉，仲有粟米同香蔥作配菜，灑上香噴噴嘅黑胡椒，簡單得嚟都相當吸引！至於飲品方面⋯可樂⋯sorry,應該係百事可樂⋯好淡味⋯沙律一杯份量足夠，但沙律醬就少咗啲。總括嚟講，pepper lunch都不失為一個食lunch嘅好去處。

一直以來也很喜歡吃pepper lunch，特別是在大型商場的美食區總是會聞到它的香味，沒想到專門店終於開在葵芳喔！店裡面是自助形式的餐廳，不過人也蠻多的，輪候時間也差不多要一小時，幸好在商場裡還可以去逛一下。入座的時候侍應就會把餐牌同時奉上，客人選擇好要的款式之後就可以自己在櫃檯點餐，然後拿著號碼牌回座位就可以了，快捷方便。跟餐可以選擇湯或是沙律，沙律是杯裝的，外型很可愛，而且放在雪櫃裡，確定生菜都很新鮮，雖然份量沒有很多，但沙律菜的款式也蠻多的，可以自己加上沙律醬跟麵包糠，然後把蓋子蓋好，搖搖搖就可以把醬汁都均勻的遍佈在生菜上了。吃pepper lunch都是蠻重口味的燒烤，所以能夠吃到清新的沙律也算是一個健康的選擇。Pepper lunch真的很適合食肉一族，男朋友選的算是一個雜扒的觀念吧，有黑椒牛肉加雞扒，然後他另外再加了肉腸，淋上醬汁配上飯，可以算是男生的最愛。牛肉咬起來很細嫩，不會過硬或是出現很難咬的情況，不過雞扒真的非常出色，肉嫩的程度令人驚喜。配上肉腸，份量不但可以滿足男生的要求，味道和醬汁的調配也很適中。女生沒有那麼愛吃肉，可以選擇最簡單的黑椒牛肉味，雖然是最普通的款

一向都食開鐵板牛肉飯，今次試個鐵板牛肉蒜容意粉，牛肉ok，但始終配飯係好味好多，個意粉吾係好入味，無蒜容味，有黑椒味…，之後落左配上o既汁撈，但種味道都吾太好味…，怪怪地，意粉偏太硬同乾，下次食返招牌鐵板飯好了

星期五晚上，大概七點半抵達。要等30張枱，三十分鐘後能入座。芝麻醬蔬菜沙律，芝麻醬好味，分量可夠，啲麵包粒仲係脆。日式燒汁牛肉拼漢堡，無menu影出黎咁大塊，味道唔錯。＄81，收貨啦！咖哩芝士漢堡奄列飯，兩塊漢堡配日式咖哩汁加埋芝士，好野味。雪糕好味過McDonald嘅新地。同其他日式餐廳相比，不算太貴。美中不足的是食完好口渴，可能太鹹同落咗好多味精。去開葵芳可以再來。

黑椒牛肉飯-牛肉普通，但個飯就好好味，熱辣辣撈埋黑椒好香口好惹味，係鐵板先有呢個效果，粟米的清甜可以中和油膩同增加爽脆的口感。 極量肉眼牛扒—睇menu好似好大好吸引咁，點知塊扒無咩脂肪、好鞋。 意外驚喜係佢個搖搖沙律，我本身唔鍾意食沙律醬，但呢度係用芝麻醬，酸酸甜甜同d菜好夾，d菜好爽脆，個沙律既可以係食主菜之前用黎開胃，又可以留翻d係食主菜嘅時候食用黎中和油膩感。

一行三人，等了30分鐘入座。這是一間高檔快餐店，要自己排隊去購票，然後等人送餐來，不過地方清潔，坐得舒服。 今次叫了和牛粒飯，咖哩雞扒蛋包飯，雙拚飯，全是鐵板上，加$15有餐飲，雪糕，合共$319。，只是和牛餐過了$100（$132和牛粒餐）,其他也不過$90,價錢也可接受，所以長期有人排隊 和牛粒餐 - 一粒粒生牛肉粒放在鐵板上檯 ，再將它們轉轉身，立刻變了好味又juice的牛粒再配上調味架上的蒜蓉扒汁，prefect 咖哩雞扒蛋包飯 - 雞扒juice又嫩滑，最敗不的是，是蛋蓋飯而不是蛋包飯，但加了芝士，配埋一齊食也可以啦，最重要配埋那支蒜蓉扒汁，完全升了級變了好好味 雙拚飯是牛肉拚漢堡，跟餐的醬汁很少，最後加左咖哩汁（雞扒蛋包飯餐餘下既汁），不過不失，汁多左，送飯好。下次再試其他先

今日放工同女朋友去葵芳新都會食野，其實我地2個不嬲好鍾意食pepper lunch. 但因為平日多數係food court 先有。難得今次葵芳開左店舖。所以就去食下。一去到。shit..等40張table先到我。但好在流量勁快加埋有d人走左。等左15分鐘就到。入到去。二話不說。當然係食最抵既黑椒牛肉飯加芝士 ($52+3)店舖果然同foodcourt唔同。 每張table都有醬汁同黑椒。仲有侍應會拎野食埋黎。唔駛自己出去拎，唔駛自己行出去拎。 同以往一樣。都係加蒜容汁同蜜糖汁之後再撈飯食 ，熱辣辣既牛肉加半熔既芝士撈埋飯。啖啖都好正。食pepper lunch 最大問題就係口乾。所以我地其中一個轉套餐加野飲，17蚊有1支檸檬加c 同一杯雪糕(food court係冇)。最甜心係呢到會等你食完飯先上雪糕。呢間開左之後。以後可以唔駛再去迫到死既food court 食(重點係價錢同food court一樣)