影片
特色
飲o野傾計
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關餐廳
餐廳告示
客人如需訂座中午時段，歡迎致電 或 WhatsApp訂座!
2024-11-08
有關獎賞計劃
相關文章
喺觀塘嘅Plato Cafe & Bistro，我最近試咗幾道菜，真係相當滿意！呢間餐廳環境舒適，適合朋友聚會或者輕鬆嘅午餐，食物質素都唔錯。之前食個佐敦分店，keep 到水準，都係咁好食。首先，係今日嘅餐湯—南瓜湯。呢碗湯滑滑哋，味道濃郁，南瓜香氣十足，飲落去非常暖。跟住就係蜜糖柚子雞翼（5隻），呢個小食真係一絕！雞翼外面烤得香脆，雞肉夠嫩滑。蜜糖同柚子醬嘅組合非常特別，甜中帶酸，滋味十足，醬嘅份量好多，食完仲有，隔離仲有沙律菜，配搭健康。再嚟就係西班牙海鮮飯，呢個真係一個大驚喜！米飯煮得剛好，海鮮新鮮，仲有濃郁嘅海鮮味，海鮮基底係龍蝦汁，濃郁好味。海鮮有蝦，帶子，青口，蜆，食落去好滿足。每一口都可以感受到鮮味，絕對值得推介。西班牙黑毛豬鞍都唔可以錯過，肉質非常嫩滑，豬夠厚但一d 都唔老，燒烤味道濃烈，一入口就食到濃郁燒烤香氣，搭配上特製蘋果醬，超級清新，就咁食都好好食，真係好味到無得頂。仲有沙律菜&薯仔伴碟，份量好夠，而且調味好好，好食，推介。最後，飲品方面我選擇咗跟餐嘅冰果茶（凍）。加錢叫嘅特濃朱古力超級推介，同Govida飲開嘅朱古力有得揮，巧克力味濃厚，甜而不膩，食完之後心情即刻好返！整體而言，Plato Cafe & Bistro嘅食物質素高，環境舒適，非常適合聚餐或者輕鬆嘅用餐時光。下次我一定會再嚟試下其他菜式！
繼續閱讀
精選二人套餐$458，絕對對得上價錢。餐湯：蕃茄湯，酸甜適中，唔會好淡，幾開胃。前菜：煙三文魚凱撒沙律以為係每人細細碟沙律菜，原來咁大盤，好抵食。菜夠新鮮、爽脆，煙三文魚都好惹味，唔會太鹹。蜂蜜柚子茶同冰果茶，少甜，甜度啱啱好。Main: 波士頓龍蝦龍蝦汁意大利飯龍蝦真係勁大隻😍膏夠香，肉質彈牙。Risotto 啲飯粒索晒啲精華，味道夠濃亦唔會好鹹。澳洲肉眼牛扒牛扒有驚喜，夠厚身，煎到外脆內軟，五成熟啱啱好，肉質鮮嫩，一啲都唔鞋仲無乜筋位，已上本人最愛牛扒top5。甜品：原味麻糬tiramisu （要+$38）冧酒味同咖啡味都出眾，麻糬夠煙靭，層次豐富芝士蛋糕有濃濃芝士味，好軟滑。總括呢到價錢合理，服務ok，食物好味，環境舒適，情侶定朋友飯局都合適，係短期內再次幫襯之選。邊講邊回味！
繼續閱讀
今日下晝，我同朋友相約喺觀塘裕民坊3樓一間雅緻嘅餐廳食午餐。坐喺度望住窗外嘅花園同細雨，同朋友一邊享受美食一邊傾偈，真係好寫意。我哋每人叫咗一個午餐套餐，價錢合理，性價比高。
🎃 是日餐湯
南瓜湯質感細膩，味道濃鬱，每一啖都係南瓜嘅香甜，令人非常滿意。
🥩 澳洲肉眼牛扒（跟薯菜同紅酒燒汁） $148
我哋將牛扒叫咗七成熟，煎得啱啱好。配菜有兩棵西蘭花同兩粒小番茄，仲有啲新鮮炸起嘅薯條，好味。啲薯條炸到啱啱好，除咗可以點茄汁之外，仲可以配上紅酒燒汁同牛扒汁一齊食，真係一流。
🍛 小柱貝黑松露意大利飯 $78
意大利飯煮得啱啱好，黑松露香氣撲鼻，小柱貝鮮美，成個菜式好出色。
🍎 蘋果汁 +$10
蘋果汁甜甜地，冰涼清爽，好啱飲。
☕️ 美式咖啡 +$4
咖啡香濃，提神醒腦，好啱咖啡愛好者。
繼續閱讀
📍 Plato Cafe & Bistro 🍽️🥩📍 地址： 觀塘協和街33號裕民坊YM² 3樓309號舖🍽️ 類型： 意大利菜 / 西式料理今次嚟到觀塘嘅 Plato Cafe & Bistro，呢度環境舒適，裝修簡約時尚，係一個chill住食飯嘅好地方。佢哋嘅午市套餐選擇多樣化，價錢合理，約$100多啲，已包餐湯或田園沙律、主菜同飲品，性價比高。📌 澳洲肉眼牛扒配紅酒燒汁 🥩🍷我揀咗澳洲肉眼牛扒配紅酒燒汁 作為主菜，牛扒煎至外脆內嫩，肉質鮮嫩多汁，配上香濃嘅紅酒燒汁，味道豐富而平衡。健康。📌 飲品 ☕️🥤飲品方面選擇多樣，我揀咗熱奶茶，茶味香濃，奶香十足，為餐點畫上完美句號。整體而言，Plato Cafe & Bistro 嘅午市套餐性價比高，食物質素優良，環境舒適，服務亦都好好，係一個值得再訪嘅地方。
繼續閱讀
餐湯：是日餐湯係南瓜湯。湯底blend 得非常溶及軟滑，無顆粒感，南瓜味十分濃郁，頗有驚喜。煙三文魚沙律：沙律幾新鮮，份量亦頗多，酸味味，配幾片煙三文魚的咸香作點綴，非常開胃的前藥，澳洲肉眼扒：超過八安士，肉質鬆軟，但不缺牛味，厚度適中，五成熟就剛好。賣相及味道唔錯，配埋焗薯，非常飽足。龍蝦意大利飯：半隻開邊龍蝦，擺盤非常吸睛。意大利飯粒分明，硬度少少偏軟，龍蝦汁味道亦香濃，掛汁效果唔錯，唔會太水，睇得又食得。甜品：分別揀左cheese cake 同movenpick 雪糕。cheese cake 芝士味香濃而邪惡，賣相得體。但都比較膩口，細細件就夠了，為呢餐劃上完美句號總結：二人餐黎講份量十足，賣相味道都唔錯，性價比頗高，牛扒及餐湯頗有驚喜。
繼續閱讀