Pokka Cafe (荃灣千色匯II)

營業中

休息中

去仁濟醫院探病，尚未夠鐘，便找間餐廳吃下午茶。點了龍蝦湯义燒烏冬及餃子，埋單$104。3隻餃子不及灣仔碼頭出品，烏冬上面只有一塊肥肉。㗎啡還算可以!招呼也可以。坐位舒服。物非所值!

並不是第一次食pokka cafe雞肉焦飯卻是第一次食它的外相一般甚至是不出色焦飯是啡色雞肉外皮又是啡色這道菜外看平平無奇但一食卻出乎意料之外飯啡色的是焦，非常脆內裏放了芝士，口感濃郁推薦雞肉焦飯Must try! ❤️

上年去過呢間一次，服務係正常水平，同元朗分店一樣。前幾日去開荃灣，又幫襯下，點知啲服務急劇下降。最大問題係叫唔到人落單、斟水、埋單⋯坐低冇耐就聽到有客人大叫「寫野唔該！」心諗唔使嗌掛😂點知到我地想叫野，舉手係冇用，侍應唔會望⋯如是者都過左幾分鐘，我覺得係特登扮睇唔到⋯見到佢地係黑口黑面見做少啲咁款，有個似係經理既係度扮忙，搞下水吧碟糖果之類，就係死都唔望客人，真係哭笑不得😂埋單又係喇⋯侍應講左「轉頭攞張單比你」，之後冇左回事。我想再叫過埋單又係冇人⋯跟住襯佢收銀處即衝過去埋單😂二人午餐400幾蚊，食出茶餐廳服務質素，都幾大鑊。食物方面同其他分店一樣，幾好既，份量少就預咗。

從未試過有甘差既服務體驗！荃灣友 一直有幫襯開～今日下午大概兩點至三點左右帶埋小朋友去餐廳進食，一直都很良好，有帶位安排坐餐廳比較入既位置，指示bb車要放邊度，又放好BB凳，又有BB餐具，坐低嗌咗好耐先有個侍應過嚟落單，嗌左個鐵板牛同一個下午小食兩樣，食物嘅味道都OK既，食完過咗一段時間，想追加甜品，嗌左好耐先有兩個癡埋一齊傾偈既侍應其中一個細細粒既過嚟落單，佢話窩夫要等十五分鐘，問我等吾等到，我都話ok既我唔知佢係咪嫌我地坐得耐定點，語氣都麻麻地，但當時都仲有好多空位唯獨是中途坐隔離嘅一張枱，入咗一台新客人，期間小朋友扭計喊同嗌，然後新台客人指示需要換枱，而我都即刻同隔籬枱道歉講唔好意思，因為當下我都處理緊小朋友嘅情緒，知道係有麻煩到其他客人，然後一個貌似男人婆嘅侍應，佢幫忙協助掉位後，竟然返黎在我身後同另一個侍應用一啲極差嘅語氣，聲線大聲地表達佢都好不滿小朋友咁樣嗌法不停喺度咿咿唉唉仲要係望住我好串咁講。。。依家香港啲侍應服務態度真係係可以咁差，新個台客人我可以理解，但個細細粒男人頭侍應身為侍應而餐廳係有提供兒童餐飲服務，如果咁包容唔到小朋友嘅，咁不如貼張紙寫不歡迎小朋友入座會唔會

十分失望我同屋企人去咗Pokka Cafe試吓佢哋的鋸扒，結果真係好失望。見餐廳鋸塊肉眼扒大約2百幾蚊一份左右，我地本身都唔期待係好好食果隻，但求正正常常普通的牛扒，點知都可以令到我地非常不滿。首先，餐廳堅持啲扒只煎到3成熟，客人想點幾成熟，侍應直接一口拒絕，話就算VIP客要求，他們都不會更改烹調程度。我明白每間餐廳有佢哋的理念，但這樣的做法實在令人反感。我地同行有小朋友，想要全熟或8成熟的牛扒，侍應竟然話如果想熟啲，就叫我們自己用鐵板煎熟。唔夠熱？佢話再換第二塊鐵板比我哋煎，真係超不滿！難道叫廚師先煎熟再上碟咁難咩？佢跟住話你地可以再諗下先。至於塊肉眼扒的質素，食完後根本冇好食的感覺。肉質硬，口感難咬，肥膏又多，牛味亦唔算上等，令人完全無法理解餐廳為何要堅持這樣的做法。另外加左59蚊變套餐跟的意粉，基本上又乾又硬，好似未煮得熟果種。唔知係咪又要自己用果塊鐵板煎熟佢先食得。總之，呢間Pokka無論係服務定食物質素，都有待改善。我對這次用餐經歷十分失望，未來應該唔會再選擇呢間餐廳。

今日黎到荃灣千色匯2 期pokka cafe 記得係我初初踏入社會做嘢就認識呢間cafe(都廿幾年前嘅事）😅 pakka cafe 都可算係經歷了每個時代嘅變遷😅但係佢都仍然屹立不倒😊當然佢哋出品有一定保證啦 今日點左兩個lunch set : 煎檸檬香草雞扒伴時菜+吉列豬扒飯配牛肉汁及咖喱醬汁 還加$49點左一隻8”深海大蝦😋 煎香草雞扒 雞扒煎得皮脆肉嫩 肉汁保留着 絕對唔會又乾又硬 恰到好處😊 吉列豬扒飯 豬扒亦都保持住肉汁 不會炸得過分 牛肉汁及咖喱汁一次過滿足兩種不同口味適合貪心一族🤣 選擇困難症嘅人 因為已經準備咗兩款唔同嘅醬汁俾你 一次過品嚐到兩款味道 爆發味蕾小宇宙😊 還有兩杯Pokka招牌咖啡 大滿足的一餐 值得推介

香蕉船有雪糕球兩個，oreo餅仔，tiramisu餅，爆谷，藍莓，和草莓🍓和cream7款料！！超滿足超幸福的，兩個人share也剛剛好。另一樣是我常order的沙律，有兩個價錢，66係細份。我叫的是細分，可免費加配料如三文魚／牛油果／Parma ham／蝦／雞肉。我每次想食蔬菜就會點這個，沙律醬和麵包粒混合一起好好味好fresh。價錢又合理！

12月10日去光顧晚餐時段一直都有去食開佢地滑蛋豬排飯定食味道一直穩定好食今次去真係差到一個點，打開餐牌發現加價，餐到上枱時，連一直有既芝麻醬藩茄配菜都冇埋日式滑蛋豬排一定會有底汁佢今次汁又冇，菇又冇埋，就好似炒蛋上面放塊炸豬排，豬排又過火，炸到乾晒成個飯都唔知點食落去，冇晒心機個麵豉湯 昆布仲多過湯叫mocha,以前飲同餐牌圖一模一樣，而家cream又少棉花糖又冇埋想同服務員反映，全部都話因為轉左餐牌，轉餐牌姐唔係變到咁啊麻？全部你眼望我眼跟住疑似經理既人埋黎仲話：如果係咁唔滿意既可以幫我地取消，語氣不太好你既處理係應該講唔好意思，會同公司反映番個問題餐廳既服務員質素急劇下降最後靠家人叫個定食個汁先撈到碗飯食塊豬排食都食唔落最係失望到滑蛋豬排飯都可以整得咁難食，真係要檢討一下最後佢地最電郵方式，社交媒體網站想投訴反映都係唔會覆你，由前線同幕後都極差

沙律菜有少量潰爛的菜，好明顯不是新鮮的蔬菜，豬扒腸仔內的腸仔煎到燶曬變成黑炭，上枱時所有煎燶咗的腸仔向底，好明顯是刻意的，日式豉油王炒意粉內的蜆只有外殼無肉，食物質素每況愈下。

中午經過入去叫佐個餐，飲品勁貴。單叫飲品都要$70-80，豚肉餐望圖片以為係燒嘅，出來係同吉野家差唔多，涮肥牛款，汁都偏甜比吉野家仲難食，一個餐加嘢飲都要$200，飲品都唔好飲，唔會再去食。

🍽️Pokka Cafe 大家去慣去熟，不用多作介紹。基本上是一間性價比高的鐵板扒餐餐Cafe🥩，它的咖啡和甜品也是王牌之一🍰。西冷牛扒和肉眼牛扒正在做優惠，雖然$100有找，但質素仍是水準之作，值得去吃。🍛🥩自然草飼 肉眼牛扒 200g $99自選醬汁：黑椒汁/蒜蓉汁 /燒汁套餐另+$39/+49，自選指定項目+$39：白飯或意粉，指定餐湯，汽水奶茶等+$49：白飯或意粉，溫泉蛋，龍蝦湯，尊貴特飲🍽️肉眼扒用熱辣辣鐵板呈上，「炸炸聲」 香氣撲鼻，點餐時不用說要多少成熟，牛扒上桌已經四成熟，接下來自己控制溫度調教熟度🔥。牛扒肉質嫩紅多汁，油花不算多，吃下口牛筋不多亦不韌。🍗照燒雞扒定食 $136雞扒配搭香甜的照燒汁，雞肉煮得嫩滑帶肉汁，煮好後撒上炒香的白芝麻，更惹味！白飯面鋪上飯素，簡單好味。🍱📍Pokka Cafe (千色匯) (荃灣)🏠荃灣眾安街68號荃灣千色匯II期地下1-6號舖⏰11:00 - 21:00🚙港鐵荃灣站B1出口，步行5分鐘#hkig #hkfoodie #hongkongfood #hkfood #hkfoodporn #hkfoodies #instafood #h

很久沒有到過Pokka Cafe ，今天在千色滙門前巴士站落車，諗住又嚟過早飯吧！澳洲M7和牛300g 牛扒~端上枱用鐵板上，炸炸聲，很有x鳳餐廳那種舊式西餐廳感覺，估唔到在Pokka 裡找到這感覺，真有趣，由於鐵板上，所以牛扒比較熟，還有點點筋，加埋這些配菜，回憶起童年時快餐店的景象。牛扒餐另加$49成為套餐，有一罐可樂、意粉及沙律。Tea Set 薄餅$82~由於六點前點餐，再加了一個下午茶Pizza 牛扒餐加配意粉，是分開上的。金時檸檬薑茶~下午茶餐另加$22 可以配薑茶，茶杯下的櫻花茶匙很可愛。離開結帳時，愛人看見張單感到有點貴，原因兩個人平均每人差不多三佰，食物質素方面及價錢，同區同類型有更多的選擇。

二位小王子好鐘意去空中花園玩，今日假期我地又出動了，玩完想食少少野醫肚，見到呢間平時超多人排隊，今次行過見到唔洗等位，即係入去食好西至尊牛排配意粉（黑淑汁）小朋友好鐘意食意粉，意粉不用汁料都有味道，少少炒香加點牛油味，食得津津有味，牛排配上黑淑汁，味道濃郁，吃起來細嫩而多汁，口感比較紮實凍特濃朱古力二位小王子飲的，面頭有綿花糖配上朱古力粉，口感十足， 質感同樣稠身又滑溜，而且飲品上有精緻粉，鐘意打卡的女士們啱曬呢份下午茶相當滿足，各自食到自己喜愛的食物，下次都會再來

在美食的世界裡，意粉以其多樣的口味和結合各種食材的能力而聞名。然而，有時候我們也會遇到一些令人失望的食物體驗。我點了一份牛肉意粉，我感到有些失望。意粉麵條看起來平淡無味，沒有光澤，盤子中的牛肉碎片也顯得乾燥，沒有新鮮的感覺。整體外觀缺乏吸引力，讓我對這道菜的預期大大降低。當我靠近盤子，深深吸了一口氣時，香氣並沒有給我留下深刻的印象。牛肉並沒有散發出令人垂涎欲滴的烤熟香氣，醬汁的香氣也相對平淡，缺乏鮮明的特色。我嘗試了一口牛肉意粉，但口感並沒有給我帶來任何驚喜。牛肉碎片的質量欠佳，口感乾燥且有些硬。整體而言，口感平平，沒有令人印象深刻的特點。這次對牛肉意粉的食評是一次失望的體驗。無論是外觀、香氣、口感還是味道，這道菜都無法滿足我的期望。牛肉的質量不佳，整體味道平淡無味。這提醒我們在選擇食物時要謹慎，並對餐廳的質量有所了解，以避免類似情況的再次發生。

天氣熱辣辣，真係唔想喺屋企煮飯咁辛苦。所以今晚去咗荃灣千色匯的Pokka Cafe食晚餐。小編由細食到大！托屋企人鴻福，屋企人幫襯左超過二十年，一直都有做會員，所以有8折會員卡，真係幾抵食～香煎鵝肝雞肉漢堡燴飯（$149）米飯混合羅勒醬汁同櫻花蝦，兩塊小型雞肉漢堡同鵝肝，仲有細細塊蘋果乾做點綴，整體食落完全唔膩，兩人share就最好！如果多啲鵝肝會更加開心😆鐵板烤菠蘿西班牙栗飼豬肩扒 （200g $118）雖然200g相比300g嘅肉少同薄，但肉質冇咁厚實，肉味豐富，有迷人嘅肉香，唔會咬到牙仔軟。配菜有洋蔥、粟米同羽衣甘藍，仲有酸酸甜甜嘅菠蘿，店員上餐時會教客人唔好即刻淋汁，切好晒肉再沾汁會更加好味，如果唔係就會比鐵板嘅熱力燒到啲肉焦晒😵‍💫士多啤梨膠原蛋白特飲（$68）因為叫咗飯，套餐配嘢飲只需半價（$34）將新鮮士多啤梨壓榨蘋果汁，加上蜜糖，倒入冰涼梳打水，感覺清涼解渴。最重要係有粒粒膠原啫喱，一邊飲嘢一邊幫皮膚加強抗氧化功效！