Pro-Burger (已結業)

no. 4, 即係四號, 我入去pro burger 買既食物! 入到去得六個位, 無位坐, 唯有買外賣... 等佢整時, 成頭油煙, 抽油煙機型同虛設四號餐即係180g 安格斯牛柳漢堡, 塊扒好乾, 味道有點酥, 唔算好好食, 不過反而覺得三大塊蕃茄幾新鮮, 仲有芝士同白汁味道ok最重要係, $35 ! 無shakin buns, monster burger 同 triple o 咁貴, 但係當然無佢地咁好食

叫了個四號餐, 有包, 汽水, 薯角, 五十蚊有找, 比一般貴價漢堡店平少少個包都ok , 肉汁幾多, 唔似其他食評所講太乾. 但的確係有D散, 唔太實淨. 味道唔錯, 舊肉又的確係幾多香草, 不過我鐘意香草的味, 所以都ok但以快餐來說實在等得比較耐. 我已經不是peak hour到來, (around 11:45am), 可能有太多外賣要整, 堂食等得幾耐, 冇計時, 但總之就不是快餐應該有的速度總括來說不錯. 但我覺得Triple O 好D

今日返工.,lunch 同 同事去左食呢間pro-burger..食左個 180牛扒包餐 連埋可樂同薯角薯角 好爽脆 幾好味@@而個180牛扒包 好有牛肉味.. 又夠晒juicy間野都幾多人下.. 不過服務幾快手..睇返d食評 都唔係佢講到咁差-.-"下次lunch 再去食先..^_^

經過這間Pro Burger 多次, 不過見舖仔細細企滿人, 都係唔想同人迫.今日遲食晏, 見得兩個客, 於是走入去試試, 原來2:30-6:00pm , 全部八折.Order 咗個 Beacon Cheese Angus Burger 套餐, 個漢堡真係好大個, 如果口細d 真係有些難度, 食落又唔覺之前食評話得咁差, 可能這時段唔係咁多客, 所以出品可以好些. 肉汁豐富, 肉質唔太散, 不過味道就好一般, 有乜牛肉的香味. 套餐內的薯角好一般, 如果覺得淨叫個Burger 唔夠飽, 可以一試.因為八折, 折後$40.8, 咁又幾抵食嘅.

開左一排都想去試下, 知道座位好少, 於是同同事叫外賣上黎叫左cheese burger set, 包之外仲有薯角同汽水, 免費加檸檬, 可惜得一片, 覺得有點小家... 薯角其實唔多, 約5-7塊, 味道都ok, 可以加spicy dressing, 可惜一d都唔spicy...cheese burger就唔錯, 個包其實都幾大份, 牛肉算尚可, 不過唔夠juicy, 一般啦中環其實都有唔少burger店, 好食過佢既仲有唯一可取係12:45pm前電話落order外賣有9折

I finally managed to try Pro-Burger, having watched over it since its renovating period.I am completely at loss as to why people think this is great - this wasn't even a hamburger, but a HONG KONG-nised interpretation of a burger. Just like 時新 in 紅磡.Ordered the ANGUS 180g Cheese Burger Meal, $41 from memory:1) So called Angus Beef pattie - Mine 80% cooked, so wasnt over-done. Hilariously bad nevertheless. It was like overly minced beef mixed with too much soggy bread, meaning the pattie textue

1245來到買魚扒漢堡餐..唔算太多人~見到個爐上面有好多塊扒煎緊...企左一陣已經好大陣油煙味..無辦法,舖頭唔係太大...外賣比較好~魚扒真係幾厚,配埋千島醬,好味道~~~~~薯角: 好味道~麥記o個d當然無得比...咖啡: 問我要唔要奶,我話要..但最後一開個杯,一滴都冇...佢地可能太忙..anyway,好味道burger!~

跟同樣對burger趨之若騖的舅仔伉儷慕名而來，欲一嘗此處的安格斯牛漢堡。就算這個週末天氣不太佳，下着毛毛細雨，也要山長水遠的來一試....城中的漢堡熱潮依舊是方興未艾。剛在上面的閣麟街附近開了間叫Burger Union的，轉頭這裏又有一間叫Pro-burger了看來香港人對burger的熱情 (包括老麥在內)實在是不可小覷的....店子只有六至七張bar chairs，環境是頗狹窄的，不過小弟對此倒不太介意，反正burger都是fast food一族內的表表者，正所謂"來也匆匆，食也匆匆"，要那麼舒適的環境來幹甚 ?很同意之前好些食友的看法，若果要一份360g angus beef的，份量是太多了。若不是預期之內的美味，那就真是浪費了胃口、時間及金錢了。還是叫一個最基本的180g bacon cheese Angus burger較為實際....牛肉是即叫即煎即做的，從open kitchen飄出來的香氣，實在令人食指大動。不過話分兩頭，這些"香氣"對小弟來說可能是恩物，但對不喜油煙的太座來說，卻是一個惡夢了很自然地叫的是套餐 ---- 一個burger加一份辣薯角及汽水，只賣約六

Lunch time1:10pm來到,排錯隊,原來要從「後門」樓梯開始排,人多,買/等到1:45pm才可以離開。下次醒D,12:45pm前落單,外賣九折!等左咁耐,大家都即場食一食剛炸好的薯角。薯角其實都係standard味道,不過佢無「雞記」薯格咁咸；綿綿既薯,亦好過「麥記」間唔鐘有售的薯角。所以好good!話明招牌是Angus ,所以同事們都選擇Angus Burger/or with cheese。我試左佢地少少,等待之時,見到店員捧著生的漢堡件,肥瘦3:7,很均勻,不過口感上,少少dry,不夠juicy。而我揀左煎魚扒漢堡,魚扒出奇地滑不鞋口!魚質就如食銀雪魚!雖然唔知係咩魚,不佢過滑、沒雪味,仍保存少少魚味,非常難得!配埋個秘製千島醬汁(個個包如是),很醒胃!雜誌資料得知,Pro的咖啡,與四季酒店所用的咖啡豆一樣是Graffeo,所以這亦是我的來意。跟餐加$5。分別要左一杯加奶,和不加奶。先飲齋的,好甘純!很非一般的咖啡豆!但我始終喜歡加左奶既咖啡,甘香、濃郁!飲一啖,口腔留有甘甘而不苦的咖啡香,更驚喜的是,放涼左一樣咁好飲!可惜的是,那份量,只有四份三杯,好不夠喉。

嘩~~~真係好大個包包呀, 唔單止個包, 連塊牛牛都好厚身呀, 包包又夠脆喎, 真係好正, 價錢仲要比OOO平, 真係好抵食, 汽水仲要有檸檬附上~~~不過地方就真係細左啲, 同埋我唔鍾意有人係我後面等位~~~好似吹緊我, 叫我食快啲~~

今天在"PRO-BURGER"(中環)買了一個"180克 安格斯牛肉漢堡"($33)。這店是近期人氣漢堡包專門店。據稱店主曾在酒店任職，有特別途徑以低價購入優質安格斯牛肉。180克即是有多少?只差47克便是半磅了!這店還有"360克 安格斯牛肉漢堡"，不過要$62!180克 安格斯牛肉漢堡---從包裝袋拿出來時，第一個反應是"嘩!好大個包包啊!"芝麻包夾著一塊180克安格斯牛肉漢堡扒，生菜片和蕃茄片，配上特製的蛋黃醬(Mayonnaise)。芝麻包外脆內鬆軟。漢堡扒大約7成熟，肉不鬆散，肉質軟腍中帶點咬感，而且充滿肉汁，輕壓它肉汁便流出來!最重要是牛味相當濃厚，還帶點油香。當中混入少量黑椒和香草，十分惹味!蛋黃醬酸甜醒胃，生菜和蕃茄新鮮爽甜，能中和油膩感。整體質素非常好!

尋晚諗住食九記, 因為假期所以冇開都唔知去邊度食好. 穿插上環既山坡上. 突然望到Pro-burger.原來就o係度!!! 原本我今日唔想食包, 不過見到又搵唔到其他野食又唔貴, 所以都係入左去入面好細, 得6個位, 要等位.不過老細同事頭婆都好friendly, 老細話比張登我地坐住先, 不過唔駛啦, 太迫了等左陣就有位. 我都知佢地食得好趕.叫左兩個cheese angus set.汽水係可以加檸底, 但檸檬只有一塊, 唔知如果叫佢加多幾塊得唔得架呢.問老細有冇honey mustard, 佢話冇, 只係有mustard... 不如試下個秘製辣汁.我都想試下既. 其實都冇計啦, 我唔係好想食茄汁.個醬都ok, 類似少少辣既千島醬, 但又唔係真係好辣cheese angusd 汁係咁滴出黎塊扒唔太juicy, 食落有d 乾, 哩樣時新做得出色d, 因為有洋蔥.但佢塊扒都幾香, 但又食唔出係咩味. 牛肉味當然有, 另外仲有d 香料聽聞係酒店級數既angus, 太乾的確有d 失準.可能d 肉太瘦, 冇乜脂肪. 唔知好事定壞事啦.芝士冇乜味食哩個包既好處係d 蕃茄同菜唔會跌到周圍都係, 算

好奇心驅使之下找到了這間最近某magazine介紹過的漢堡包店一試個burger有幾pro店內座位只得六大個, 仲要係排排坐望住條街咁, 只覺好大油煙, 個抽油煙機係完全唔work 咁餐牌簡單, 嚟食既目的都好明確, 就係佢個安格斯牛柳包, 但係唔叫一號餐, 因為都唔知好唔好食, 唔想買個360g的, 轉而食三號餐, 180g, 包薯條一包同罐裝汽水..包係好多芝麻喺面, 但係係全凍的, 感覺唔好.. 180g的安格斯牛柳刴成肉碎再重組變成一塊漢堡扒完來同普通漢堡扒分別唔大, 都係無咩牛味, 浪費了塊扒呢..薯條都唔好食, 好差啊..點解咁多人話好? 不過價錢唔算好貴, 三十幾蚊, 但係坐喺店入面食真係好唔舒服..

知道有間新開既burger舖開左係中環, 男友話去試下, 我喜歡食牛, 當然唔反對啦舖頭位置相當唔錯, 人流旺, 相信lunch 時會好多人, 舖內得6個位, 要等位企出舖外等比較好一點因舖細迫夾而且都幾油煙...今日雖然係放假, 大約1:45 pm 到都有好多人出出入入....total 好似有6 or 7個set 比你選擇, 一如已往, 試新野通常只係先叫一樣半樣試下先, 好食先會繼續... 今次叫左個2號餐既包 -- 係煙肉芝士安格斯漢堡 ($35) 如果係餐既就 $51 連飲品及薯條, 收銀話要等15分鐘過左10分鐘有得食, 個飽好大個, 是一個驚喜, 餡料亦好足夠, 咬啖食下先.... 話雖即叫即做, 成個飽竟然係唔熱 只係暖....那為何要等15分鐘??牛肉味唔濃而且比較"林", 無咬口....唔可以話唔好食, $35有個咁大既安格斯漢堡飽尚算值得一試但不可有太大既期望

中 環 burger 店 越 開 越 多 ，但 一 樣 唔 擔 心 無 客 源 ，只 係 牡 丹 樓 條 龍 短 啲 之 嘛 Pro-Burger 店 仔 細 細 只 得 6 個 位 ，lunch time 迫 到 轉 吓 身 都 辛 苦 ，夜 晚 嚟 就 歎 得 多 ，呢 度 主 打 美 國 Prime 級 安 格 斯 牛 肉 做 嘅 漢 堡 ，美 國 Prime 級 安 格 斯 牛 肉？咁 咪 好 貴？又 唔 係 噃！單 點 漢 堡 最 平 $30 、最 貴 都 係 $62 ，轉 套 餐 都 係 加 多 $14 就 有 包 好 好 味 嘅 香 辣 炸 薯 角 及 罐 裝 汽 水 ，加 得 過 嘅！卡 津 雞 腿 漢 堡 最 抵 食 ，單 點 $30 ，套 餐 都 係 $44！雞 脾 肉 都 幾 嫩 滑 ，用 卡 津 粉 醃 過 後 煎 出 嚟 更 惹 味 ，加 埋 幾 片 新 鮮 蕃 茄 及 大 大 塊 生 菜 ，味 道 真 係 好 得 噃 ！ 香 辣 炸 薯 角 即 叫 即 炸 夠 惹 味 ，其 實 唔 太 辣 咋！正 到 食 咗 幾 條 先 記 得 影 相。360