Project B (已結業)

餐廳環境舒適，服務員態度友善。本身約了老公和囝囝食父親節飯， 但因為老公要6點前工作， 所以提早到4:30pm食晚飯，但很多餐廳 4點都沒有正餐叫，但今次來到 Project B, 呢段時間還可以叫set lunch, 可以吃得飽飽。 我地叫了2個餐，煙鴨胸蜜糖黑松露扁意粉 及 蜜糖芥末籽烤豬鞍，味道雖然不是很特出，但呢個平民價錢也算過得去。不過我覺得佢既餐湯粟米湯都幾好飲。 $78 一個餐， 有餐湯及包野飲， 食物份量算多，都可以接受。如果約朋友傾下計， 食下小食，我覺得可以來 Project B試試。

朋友介紹呢間餐廳價錢平民，所以今日收工就同另一半去試下，發現食物係幾有水準，裝修都唔錯，絕對係可以再去既西餐廳👍🏻今日我地試左個二人餐再加埋甜品，兩個人都係四百幾蚊💫粟米忌廉湯忌廉湯濃稠適中，有少量粟米粒，飲落都幾Creamy💫軟殼蟹雜菌忌廉意大利飯軟殼蟹炸得好好，幾乾身，唔會油淋淋，隻蟹都幾大隻同中間有少少膏，有驚喜😋而個飯既軟硬度幾岩我口味，雖然冇正宗意大利飯中間生生地嘅感覺，但都做到粒粒分明有咬口，加上忌廉同芝士醬汁，好快就清碟💫黑松露燒春雞今日最驚喜就係呢個，燒春雞做到外皮脆，雞肉軟滑又有汁，連雞胸都好好味，加埋黑松露醬汁別有一番風味，另外個薯條都炸得好香口，食晒都幾飽😚😚💫窩夫拼鮮果雪糕🧇🍦窩夫上碟好靚，幾岩打卡用🤟🏻🤟🏻味道方面都好好，因為係新鮮整既，可以做到外脆內軟，另外香蕉焦糖脆片連窩夫一齊食，味道層次即時提升左，大家可以試下😋😋💫Virgin Mojito呢個野飲好清爽，青檸同薄荷葉都好清新，再加埋梳打水既汽，岩晒而家個天氣飲💫凍檸樂正常口味

📍 Project B (深水埗)深水埗長沙灣道22-24號恆成大廈地舖經過見到坐滿人，食物選擇又多，價錢又唔貴就想試吓😋😋😋👉香草忌廉紐西蘭青口 💰＄98😋😋😋😋.4/5青口有10幾隻，隻隻都肥大肉厚，味道鮮甜嫩滑，醬汁以白酒煮忌廉味道香濃，好掛汁，正🤩🤩👉黑松露燒春雞💰＄138😋😋😋😋😋/5食落好鮮嫩而且個雞係脆肉嫩！燒春雞一切勁多汁同埋勁啖啖肉！加配黑松露汁同薯條添！🍟🍟🍟薯條好好味外脆，入面仲有薯蓉😋😋😋😋跟餐加💰＄15有個salad，佢個沙律好有誠意，竟然有三片鴨胸，好香又入味，沙律菜都好新鮮。👉 德國燒焗豬手💰198😋😋😋😋.5/5豬手焗到超岀色，個皮脆卜卜食落索索聲色，個皮一d都吾肥，仲有啲筋食落唔會乾爭爭，燒到岩岩好。重點份量超多，我哋兩個人完全食唔晒！回頭：餐廳環境開場，闊落樓底高，坐得好舒服，而味道好價錢經濟。😋😋😋😋#kermit食在深水埗

📍 Project B (深水埗)深水埗長沙灣道22-24號恆成大廈地舖早排朋友生日🎂諗唔到同佢食咩，之後咁岩同事介紹左一間環境幾靚嘅餐廳俾我☺️呢間位於太子與深水埗交界左右，都算係旺中帶靜😍餐廳環境非常有格調及浪漫🌹我地點左一行二人餐，兩份主食加一份甜品☺️是日餐湯跟餐送的餐湯，味道非常清香濃郁😋馬沙拉美國肉眼扒牛肉眼扒厚薄適中，肉質嫩滑，點上醬汁非常惹味👍意大利煙肉卡邦尼扁意粉可以見到意粉面上材料非常多嘅煙肉及冬菇🤩至於扁意粉條條掛汁，非常Creamy👍自家製窩夫拼鮮果雪糕/朱古力擺盤非常精緻，而且店員知道朋友生日，免費寫上生日祝福仲送上雪糕及蠟燭給朋友許願，非常窩心💯玄米蕎麥玫瑰茶非常養生的健康茶飲，入口清新又解膩，兩個人飲都好足夠😍Pineapple JuiceCranberry Juice跟餐馮上的兩杯飲品，味道正常🈴#太子美食 #深水埗美食 #打卡一流 #相機食先 #平價美食 #西餐 #平價西餐 #儀式感餐廳 #yummy #foodie #香港探店 #mkfood #restaurant #relax #chill

之前常常經過太子的時候見到一間環境唔錯嘅西餐於是今日我哋就去試下啦餐廳嘅環境都真係幾舒服坐位之間都有空間侍應服務應勤有禮打開menu最抵食嘅應該都係二人套餐有主菜有飯有湯仲搬埋嘢飲我哋仲特登加咗個沙律添煙三文魚芒果雜菜沙律芒果食落意外地都幾清甜煙三文魚配上沙律亦都好夠配搭加拿大豬鞍配蜜糖芥末汁呢個豬鞍嘅份量相當大切開嘅時候非常厚肉相信可以滿足到食肉獸配上蜜糖芥末汁就更加惹味西班牙鮮魷魚筒飯呢個飯意外地又幾特別喎魷魚非常巨大原隻上仲可以包住啲飯入面係炒飯底所以呢個飯食落都幾多層次較為推薦Project b係呢度嘅招牌cocktail有龍澳嘅蘋果味相當清新

📍Project B (深水埗)深水埗長沙灣道22-24號恆成大廈地舖Chill 一 Chill 最好不過了。原本約了朋友在旺角食飯， 最後被飛機了，自己一個亂咁行，咁岩比我見到依間野個名咁特別，就被吸引入去了。作為一個Burger 愛好者！ 梗係要食下唔同Burger 啦。今次叫左個：🍔黑松露軟殼蟹手打牛肉漢堡$108原隻軟殼蟹，炸得好均勻，唔會好油，直頭唔渣，正呀！ 選用厚牛肉，啖啖肉，7成熟最緊要好多汁，唔會乾到死。 🍗蜜糖黑椒雞中翼 $62 總共有6件， 味道超入味。外脆內軟，甜甜地，好好味。如果大家諗唔到叫咩小食可以試一試依個。🛎️總結：地點方便， 環境闊落，岩曬同朋友chill一chill 傾下計。 傾錢唔算貴，間野都幾多人食。地點⭐️⭐️⭐️⭐️⭐️味道⭐️⭐️⭐️⭐️環境⭐️⭐️⭐️⭐️服務態度⭐️⭐️⭐️⭐️⭐️（5星為最高分）

之前食過一次印象都唔錯，今晚再黎叫返同一個二人餐，睇下保唔保持得到個水準。套餐$298包湯，飲品，主菜+意粉/飯一客。價錢算親民加上呢度好環境氣氛唔錯，唔會太嘈。_✨餐湯係蘑菇湯，面頭仲有d 黑椒同埋蔥。-✨西班牙鮮魷魚筒飯：心機菜黎賣相幾吸引，魷魚筒脹入面釀左個飯，魷魚彈口新鮮。切開個飯入面有肉粒，辣肉腸，不過今次黎個蕃茄汁有少少辣辣地反而幾惹味，個羽衣甘藍點埋個汁入勁入味。_✨黑松露燒春雞：未食落口已經睇到好juicy , 食落口好嫩滑多汁，黑松露醬依然係咁濃，拎嚟點薯條正。_✨香草忌廉紐西蘭青口：青口夠鮮甜，入面又有啲洋蔥粒幾香，呢個係我encore 之選。

Project B (深水埗)📍地址：深水埗長沙灣道22-24號恆成大廈地舖===========朋友話今日想去打卡Cafe食飯，我就搵左呢間位於太子同深水埗交界嘅cafe 同佢食，$298 就有2人餐，相當抵食😳而且環境▶️是日餐湯忌廉粟米湯，正常發揮▶️加拿大豬鞍配蜜糖芥未籽汁薯條係新鮮炸起，店員仲唔會另外比茄汁我哋，夠晒細心！😳豬鞍夠晒大塊，但又唔會煮到太靭▶️煙三文魚黑松露忌廉意大利飯意大利飯口感都幾軟，而且松露忌廉味都幾香，再加埋煙三文魚整體都幾match跟餐仲可以免費配果汁，真心抵！😍▶️香草忌廉紐西蘭青口 $98青口分量充足，識落都幾新鮮同大粒，配埋忌廉汁真係冇得輸🤣

之前成日經過呢間餐廳但無機會食今次約左朋友去食平日晚去無乜人 但我地一入去就覺得冷氣開得好凍好大風 真心好凍🥶🥶🥶 問職員調校細啲 獲回覆因為夏天好多蚊 所以要開大冷氣 確實我坐喺度一陣間就有蚊飛埋嚟 然後職員攞電蚊拍出嚟就‘’啪啪啪‘’電死幾隻蚊....究竟啲蚊點嚟🤔門口對出有車路邊嘅花槽 可能果度有養蚊？食物方面我地點左一個二人餐 軟殼蟹意大利飯＆加多50蚊叫份羊架配薯菜羊架出色 幾好食 唔太‘‘酥’’ 薯條炸得脆但索曬油 口感會有啲肥膩飲品方面叫左杯花茶同埋蘋果汁飲返杯熱茶 身體先暖返啲🤧呢次消費$436/2人

🍴呢間西餐廳性價比特別高半年前朋友帶我食過一次覺得菜品環境都唔錯，今次又來幫襯，我哋兩個人叫佐二人餐🍴精選二人餐【是日餐湯2份】【嘉璐蓮州燒美國豬背骨】【西班牙鮮魷筒飯】【果汁兩杯🍹】豬背骨大條非常入味香嫩！微甜口感！烤的超香！香味撲鼻👏輕鬆脫骨🤩 啖啖肉🤤西班牙鮮魷筒飯抵啊！魷魚🦑包裹著飯🤩鮮味十足💯🍴煙三文魚芒果什菜沙律➕$60賣相一流，芒果🥭份量夠嗮多！又新鮮水分又足🤤搭配三文魚口感好清新🤤🍴墨西哥局雞肉卷$48食不膩的雞肉卷！一口下去酸酸辣辣好醒胃，非常健康

今日放工同同事去太子食飯，我哋揀咗呢間西餐廳，見佢嘅兩人套餐幾抵食，一於入去試吓！可以揀一個主菜，一個飯或者意粉，我哋就叫咗馬沙拉美國肉眼扒同埋西班牙魷魚筒飯。肉眼扒叫咗七成熟，嚟到啱啱好，馬沙拉美國肉眼扒搭配馬沙拉酒，配上好香口嘅薯條同菠菜，好感非常好。西班牙魷魚筒飯你都大大件，份量好足。魷魚筒煙煙韌韌，配上炒過嚟嘅西班牙飯，加上酸酸辣辣嘅蕃茄汁，刺激味蕾，亦都好開胃！勝在佢價錢公道，環境夠安靜，一班人傾偈一流，配上輕音樂，簡直可以喺度坐幾個鐘😎🤣

我又出左深水埗布街行下，睇下有咩新花款布同配件啱襯，咁行完就緊係食埋午餐先啦，就係咁…. 上星期就誤打誤撞入左去 Project B 食左個好味又CHILL嘅午餐~其實我都係因為望入去見到個環境好舒服，而且最鐘意佢個樓底高，坐係度都冇壓迫感，食都舒𣈱啲嘛~Lunch Set先嚟個「粟米忌廉湯」同「蔓越莓汁 」，第一次飲蔓越莓汁又覺得幾好，酸酸甜甜咁唔錯~主菜就係「帶子龍利柳配香草忌廉汁薯菜」，完全冇諗過朧利柳會份量會咁大，而且煎得香之餘又唔會太乾，加埋個香草忌廉汁一齊食係好夾哦~最後，明明都已經飽飽地，但見到隔離枱食碟甜品咁靚，攪到又好想食喎，所以就跟風叫左朱古力布朗尼配雜莓雪糕。單睇賣相已經好吸引，布朗尼個朱古力味勁濃郁，而且口感鬆軟，絕對係有驚喜呀~

放工去太子買啲嘢，難得出開嚟呢頭，就順便去埋朋友推介嘅呢間「Project B」食餐晚飯。餐廳主打型格工業風，環境光猛，裝潢雅緻，而且座位都很寬敞，好適合約友人去 Chill 下兼打卡！點咗個 Project B 精選二人餐 ($298)，套餐包是日餐湯 2 份、主菜 1 款+意粉/意大利飯 1 款+飲品 2 杯，+$60 可以配多一客沙律。是日餐湯為粟米忌廉湯，入口順滑，有粒粒粟米喺裡面。煙三文魚芒果什菜沙律 (+$60)  煙三文魚鹹香油潤，芒果甜美多汁，沙律菜新鮮爽脆，配上蜜糖芥末籽汁，好醒胃。春雞大大隻，熱辣辣，外皮燒至金黃色，雞皮薄脆、雞肉嫩滑，油份亦恰到好處，黑松露香氣十足，撕開雞肉還有肉汁流出，醃得好入味。伴吃嘅脆薯條，水準亦一流，炸至外脆內軟，加上有少少鹽調味，食落零舍有口感！軟殼蟹雜菌忌廉意大利飯，軟殼蟹炸得好香口，酥脆又不油膩，食落有鮮味。意大利飯做到 al dente，外層煙韌，內裡半生熟，食落咬勁十足，拌上菇粒同洋蔥，真係令人吃不停口。跟餐有汽水或果汁，+$35 可轉無酒精飲品，點咗杯 Ginger Pineapple，入口果味好香濃，加上混入咗薑啤，微甜微辣，

旺角近日實太多自由行！唔想迫唯有選擇旺角外圍❗️原本想食牧羊少年❗️但太趕時間佢嘅午餐又唔平所以路過尼間西餐廳🍴好似幾OK👍🏻咪試吓午餐包湯及餐飲午餐～香煎帶子龍利柳配黑菘露醬意粉賣相唔錯不過帶子冇乜味，龍利柳唔太新鮮有啲腥❗️好彩煎得幾香😄餐湯應該係粟米忌廉湯❗️佢應該加咗啲米去煮粟米🌽味唔太出Latte～唔錯

今次來到 Project B 西餐廳，點了精選二人餐。這間餐廳的裝修很別緻而且食物水準非常高質素，氣氛優閒舒適。👍第一道菜是鮮磨菇忌廉湯。這道湯非常濃郁，磨菇的味道非常鮮味，而且湯的質地非常滑順。😋香草忌廉紐西蘭青口是下一道菜，青口非常新鮮，加上香草忌廉，味道非常美味。😋接著是加拿大豬鞍配蜜糖芥末籽汁。豬鞍非常嫩，加上蜜糖芥末籽汁，味道甜甜的，特別可口。😋還有炸軟殼蟹南瓜忌廉意粉，南瓜忌廉味道非常濃郁配合意粉恰到好處，炸軟殼蟹也非常好吃。😋最後，享用了它自家製窩夫配鮮果雪糕，再配餐飲蘋果汁和蔓越莓汁，非常完美的一餐。🥰