Pulau

營業中

休息中

點左白胡椒肉骨茶，先講配料，辣椒仔打開左好大陣腐爛味，以為自己搞錯，又用筷子翻下，哇！下面已經腐到出嗮白漿，好似臭腐乳個麼。食到排骨，一路懷疑自己味覺出問題，點解有點臭又有點苦味，好重味的白胡椒都蓋唔住個仲，直至食到湯底的豬肚先知，中伏！因為湯底個豬肚都係臭嘅！直接嘔出來！返到屋企仲大獲，痾到依家都未睏！

這裡的叻沙價廉美味，所以每次都一樣，未試過其他，但每次都因為一個人，食到成肚氣，若非食飯時間有限，真係一定等佢離開先叫。全程木口木面好似迫佢返工咁，呢行已經開始輸入外勞，真係祝佢好運，買飛叫我睇號碼，碗叻沙擺左好耐都無出號碼以為唔係我，攤到凍晒問我咩No., 我答佢，佢話呢碗就係啦！我話你無打號碼，一句道歉都無，繼續Chok住扮有型。呢篇食評不是給食客，而是給食店的，大年初二約六點已這樣的態度，真替這食店的老闆不值，下次去不正視的話，先放在Google分享，因為那邊是給遊客參考，咪比人影衰我生活的城市。我不喜歡公審，但會拍照存檔，食店有心改善，才會提供詳情，拍照不是要置人於死地，只怕會怪錯好人而已，因為不只一個戴眼鏡的男人在工作嘛！

今日經過中環街市買沙律，見有少少肚餓，周圍行吓就見到呢間新加坡菜，見到想食咖吔多士就順便買多幾個小食。半熟蛋 配 咖吔多士多士烘得10分香脆，入面加咗牛油和咖吔，超級邪惡，咖吔香甜美味，另外加埋半熟蛋一齊食蛋味濃郁。新加坡鹹蛋黃雞翼雞翼炸到外皮香脆，內裏多汁，加上鹹蛋黃味道都惹味，單骨食落方便d。燒魷魚鬚魷魚鬚口感煙煙韌韌，醬汁香濃，好想配白飯一齊食。參峇醬燒豬頸肉豬頸肉肥瘦均勻，唔會好乾，加上參峇醬味道帶點香甜。

餐廳：Pulau地點：中環街市菜式：新加坡菜餐牌：兩點有茶餐。茶餐有7款飯粉麵作為主食，另外仲有多款輕食。價錢基本上係$80樓下。去收銀落完單自己搵位坐，唔洗等好耐就有野食。新加坡大蝦喇沙摻摻 $68 新加坡大蝦喇沙可以揀摻摻或者米線。我揀左摻摻，貪佢係黃色粗麵加幼身粉絲，粗麵有咬口而粉絲幼滑吸汁，呢個配搭加埋爽口芽菜超正！個喇沙湯香滑，辣度剛好，梛汁又夠，好惹味。配料有去殼開邊蝦4片，炸魚蛋三粒，彈牙美味炸魚蛋絲幾條，吸汁豆卜4件，半隻糖心蛋，豆角同脆脆。材料好豐富，水準真係好好。呢個價錢超抵。半熟蛋配咖吔多士 $36咖吔多士一客4件，烤得香脆嘅多士夾住甜甜哋嘅咖吔醬同厚厚邪惡牛油，食落外脆內甜。跟有半熟蛋兩隻，入口即化，又滑又有蛋黃香，而且冰涼透心。燒魷魚鬚 $68燒魷魚鬚一客六串，燒得脆脆哋，面頭加上大量少少辣既參巴醬，好惹味。伴有車厘茄同青瓜可解膩。牛油果核桃青蘋果沙律 $68牛油果核桃青蘋果沙律係爽脆酸咪咪青蘋果絲伴有滑溜牛油果絲，面頭灑上唔少脆口核桃同甜甜提子乾，仲有幾粒車厘茄，加有少量芒果汁。味道酸中帶甜，好健康。總括而言，喇沙摻摻超抵食，其他主食都好抵。

今日心思思想試吓Pulau嘅星加坡菜，點知真係一試難忘啊！入口第一碟娘惹茶燻鴨配雞油香飯，個鴨實在太香啦，煙韌得嚟肉質彈牙，足料又入味。雞油飯又香又滑，啖啖都得我心𠻹𠻹。話晒，邊有得話茶餐廳一樣，個份量又咁滿足！緊接嘅蘇冬魚丸雞湯啲魚丸真係彈牙過彈床🤤，湯底都鮮香透味。跟住到個白胡椒肉骨茶，嘩嘩嘩，呢個味道簡直正到爆燈💡！每一啖排骨都淋上咗胡椒嘅辛辣，而家啲味道仲喺口中迴盪緊。飯桶我當然要有白飯配撈㗎啦，點知送飯嘅炸麵又係另一番風味。大蝦柚子沙律清新爽口，食落微甜中帶點柚香，出奇得好！嗌埋胡椒豬肉串嚟打打牙祭，外面烤到微焦嘅肉串同內裡嘅軟嫩豬肉，呢個反差實在太正！𠵱家諗起都仲流哂口水😋。呢個午後哈，真係悠閒咗不少呀！要我講，Pulau係一個正宗星洲美食藏寶地，仲唔快啲約埋三五知己，一齊黎試下？🥢🍲🍚

在中环街市店点了巴东牛肉配班斓椰浆饭，端到位置上发现有小虫从鸡蛋底下爬出，遭驱赶爬上绿色米饭。牛肉味道和口感类比常见的牛肉粒风味。用餐体验不好，不过G层本身可选店铺也不多。

中環街市美食實在琳瑯滿目，但Palau 嘅小食絕對值得大家一試！.▫️參峇醬燒豬頸肉 $82大家不要因為價錢而卻步，這裏的燒豬頸肉可以以top Level來形容！油脂平衡得宜，微微焦脆香口，超濃郁豬肉味，令人回味😋.▫️手打櫻花蝦餅 $48能吃出蝦餅是餐廳自家製，蝦肉結實彈牙之餘，香料亦調配得特別香口，正👍🏻.▫️街頭雞肉串燒 $62▫️胡椒豬肉串 $48兩款串燒對比其他店舖亦屬超班，調味突出之餘肉質新鮮！.💬中環街市經常會有live Band音樂，以上小食來配搭最適合❤️

初初睇以為menu係吉列蝦，都覺得奇，原來吉羅，係白烚蝦 。本來乜蝦都無乜所謂，但係得一隻蝦，真心少。佢寫住 吉羅大蝦雞串咖啡麵，不過其實我係叫左摻摻，油麵加米粉，不過唔知係咪我食晒油麵先，覺得米粉量多過油麵，而且佢真係將麵放2邊，我又懶得溝埋，哈。但個味好到位，對我黎講雖然辣左少少，我要溝才少水，但係好開胃香辣得宜，怕辣都飲左好多湯底。最出奇，佢個半熟蛋咖吔多士，本來想就咁食，將大半蛋漿倒入個麵到，齋食個多士，夠脆，咖吔又好味，唔太濃同埋唔太傑撻撻，最怕醬太傑身，同埋牛油份量啱啱好，唔係多就一定好，其實如再少，D仲好，不過呢個按個人口味，而佢份量我覺得算合理，牛油唔會過油而咖吔淡淡地不過不失甜味，配返脆得恰到好處嘅多士包，整體感覺已好好，後尾唔好浪費半熟蛋再敤下多士，果然有另一層次，點左蛋漿嘅濕，再配多士嘅乾，個種感覺，你會想再黎食多次。

這是小編我最喜愛的中環街市餐廳。💁🏻‍♀️吉羅大蝦雞串咖喱麵 $82這道菜品結合了吉羅大蝦、雞串和咖喱麵，十分豐富。吉羅大蝦口感鮮嫩，和嫩滑的雞串完美融合，而粗幼不一的麵於柔和的咖喱湯汁十分配搭，既飽肚又好吃。💁🏻‍♀️娘惹茶燻鴨配雞油香飯及蘇東魚丸雞湯 $82這道菜品結合了娘惹茶燻鴨、雞油香飯和蘇東魚丸雞湯，為味蕾帶來了多層次的享受。娘惹茶燻鴨的肉質鮮嫩多汁，搭配著香氣四溢的雞油香飯，令人難以抗拒。蘇東魚丸雞湯則為整道菜品增添了清爽的口感，使整體味道更加平衡。💁🏻‍♀️燒魷魚鬚 $68魷魚鬚經過燒烤後，每一根都帶著微微的焦香，咬下去韌而不膩。

1. 食物：巴東牛肉椰汁飯配魚旦湯，價格唔平，巴東牛肉及椰汁飯味道一般，魚旦湯更加唔掂，性價比低。牛肉材料OK，唔硬，但味道唔夠香。仲要有勁尖既蛋殼，好幸睇到，否則可能口都損。椰汁飯都係一樣唔夠香，好一般。份量偏少，不過本人食量唔多，剛好夠，衣個係最滿意既部份。2, 環境：堂食以Food court形式入座，大部份仲係通道放枱嗰隻，人人行過傾計可加口水，所以睇起來外賣既人多過堂食。3. 服務：因為Food court形式，冇乜服務可言，唯一就收銀員可以同客有交流。但Sorry，收銀得一個人，一個帶眼鏡既中年男人，態度好差。當然唔係要求佢講"多謝"，一睇就知佢人工冇包。而係佢唔想有客人幫襯嗰種，佢唔想收咁多錢，唔想做咁多野。佢隨左收銀仲要處理外賣自取，但係間鋪既店員唔少，其他崗位D人就比較休閒，並無幫手。所以其實間鋪既管理係好差，反智得來又冇王管。由得D員工繼續對客態度差，由得D客繼續等買堂食、等自取外賣，由得D員工繼續休閒，就4個客，都要搞勁耐。總體來講，衣個價位，質素可入中環三甲之內，倒數嗰隻。有好多好多更好既選擇，就算唔計有蛋殼，都不試為妙。

中環街市有間新加坡主題餐廳成層都係以food court形式 鍾意坐邊都得Menu選擇唔算好多 Lunch/Dinner大致相同應該係份量/價錢而有區別 食物質素尚可🍤🥥新加坡大蝦喇沙米線 $78呢碗米線真係辣味+濃郁椰奶湯底嘅完美結合叻沙湯底濃厚鮮甜 椰香味重而且辣度夠搭配上彈牙麵條 加上大蝦鮮美彈牙仲有埋魚片/蛋/芽菜/豆腐卜濃濃嘅南洋風味 冇乜胃口嘅時間食返碗一次過享受甜/鹹/辣味 豐富又過癮🐮🍲巴東牛肉配班蘭椰漿飯+蘇東魚丸雞湯 $78以數十種香料混合嘅巴東醬加上炸花生/鳳尾魚/半隻雞蛋而成牛肉燉煮時候長 醬汁特別香肉質偏結實 需要用啲力先咬得開飯底用有班蘭嘅椰汁醃製 呈現好靚嘅綠色單獨食有少少甜味 但個飯過於乾身啖啖都要加埋汁先比較濕潤返蘇東魚丸雞湯清澈爽口 唯味道偏鹹咗少少魚丸質感尚可 唔夠彈牙 而且只有2粒 🍤🥗大蝦柚子沙律 $78酸酸甜甜柚子配上爽口大蝦再以青檸🍋/椰糖/魚露為主要材料嘅酸甜醬汁加上又脆又有堅果油香嘅花生碎味道清新得嚟非常開胃 口感十足每一口都讓你感受到東南亞嘅獨特風情

暫時對新加坡都未感有興趣去旅遊,但對咖吔多士卻欲拒還迎.邪惡之物,偶然食下🤤滿足口腹.難得Pulau有分店設於港島,剛巧走過中環街市見到就嚐一嚐.下午茶時段比午市選擇多,所以要留意如專程食咖吔多士或串燒小食類,要先等到兩點後下午茶時段喔!🔸半熟蛋配咖吔多士($36)咖吔多士有四件,烤得香脆,夾住微甜咖吔醬及邪惡厚牛油,外脆內甜.旁邊加上兩隻半熟蛋,更添蛋香及順滑,滋味與邪惡感加倍~🔸胡椒豬肉串($48/4pcs) 🔸燒魷魚鬚($68/6pcs)豬肉串口感似肉丸,有許胡椒香氣,面頭灑滿蒜片及蔥花.魷魚鬚燒得香口,整條沾滿醬汁增加惹味🔸巴東牛肉配班蘭椰漿飯x蘇東魚丸雞湯($68)椰漿飯加上班蘭汁後變成綠色,非常搶眼.牛肉經燉煮後吸滿香料及椰奶精華,軟腍入味,並帶出辛辣後勁.旁邊附上雞湯清澈解膩

蒲羅 PULAU中環皇后大道中93號中環街市地下G19去開中環街市，有好多選擇，今次試吓新加坡菜先。😽新加坡大蝦喇沙掺掺喇沙湯底出色，沒有味精，夠香夠辣不油膩，可以直接飲用，面層放了乾蒜提升層次 ，配料有大蝦、魚片、魚蛋、豆卜、雞蛋、豆角吸收了湯底的精華。摻掺爽口彈牙，好開胃，配料夠新鮮，浸在湯底中，效果不錯，必食！🤤娘惹茶燻鴨配雞油香飯蘇東魚丸雞湯茶燻鴨皮香肉滑，醃製得夠入味，口感煙韌，份量十足。雞油香飯恰到好處，魚丸夠彈牙，雞湯夠香濃。配菜有雞蛋、炸花生、魚仔乾、青瓜和車厘茄，大滿足。😻串燒拼盤雞肉、大蝦、魷魚鬚食材新鮮，即叫即製，加醬汁味道更佳，記得趁熱食。😎蒲羅 食材新鮮，沒有味精，款式夠多，還會再來。😁

咁啱上星期去咗中環街市嘅蘇太名醬買XO醬宜家係中環街市以電子貨幣消費滿指定金額可以換取購物同餐飲現金券喺多間食肆同商店消費都可以當現金用.今日熱辣辣想食個麵於是試下中環街市嘅新加坡餐廳Pulau.🍽️ 檳城蝦麵以新鮮蝦仁為主要食材配料足 口感豐富配上獨特嘅蝦醬 味道香濃.🍽️ 新加坡大蝦喇沙精心熬製嘅湯底加上香料同埋椰漿 配以大蝦同埋其他豐富嘅配料微辣 味道香濃但係唔會太膩非常開胃.中環街市嘅夏日消費賞去到8月中扣埋現金劵就好抵食啦😋

咁啱嚟到中環附近睇中醫，想搵地方醫肚都唔知去邊好，終於入咗中環街市入邊，一入去呢間好似幾吸引，就叫咗個新加坡大蝦摻摻，價錢不算平，最初上網見到有下午茶餐，但依家已經冇套餐，下午茶就覺得貴咗少少，都算多餸同配料因為喺中環街市始終都係自助形式，以為會比較平少少，過隔離差差買杯沙冰有幾十，所以呢餐下午茶都算貴🤪 不過湯底味道不錯，賣相也不錯，good court嚟講都算坐得舒服, 整體都OK，呢度都幾多選擇，下次可以試第二間