Pulau

營業中

休息中

Palau今晚去左中環街市搵野食😻原來夜晚去都唔太多人，幾好😆有戶外座位亦有戶內位置💁🏻‍♀️我地簡左Attap 💁🏻‍♀️同埋Pulau💁🏻‍♂️兩間餐廳🍴食我地嘅晚餐🤤……….🐷亞答慢煮豬手飯(配蘇東魚丸雞湯)($68)豬手好淋身，入口即溶😻😻我感覺到滿滿嘅膠原蛋白😂😂🇸🇬新加坡大蝦喇沙摻摻/米線($68)湯底唔辣，但係湯底味好濃郁，如果可以加點辣更加好🤤賣相好靚，有蝦有魚蛋，亦有蛋，好多配菜💁🏻‍♀️🥪半熟蛋配 咖吔多士($36)多士好脆身，咖吔甜甜地好好食🤭🐷參峇醬燒豬頸肉($82)豬頸肉燒得乾身，唔油膩🤤，食咗都唔怕肥🤭……….原來中環街市餐廳都好多選擇，同朋友去可以各自食唔同嘅餐廳🤤有多打卡位😌📸……….

中環街市比我嘅感覺非常之文青，有啲似去咗南豐紗廠咁！好彩今日天氣幾好，冇落雨，所以可以坐係出面戶外露天嘅植物區！🌳🌴🌱🌿☘️🪴 見到啲綠色嘅植物，成個人都特別心曠神怡！💚💚💚最底嗰層G/F係一個大型food court，有各式各樣嘅餐廳，亦都有一啲開放式嘅酒吧，比附近做嘢嘅人過嚟嘆吓happy hour！🍻我哋行到最篤篤，見到有兩間都係東南亞料理，決定兩間到試下！《亞答屋》🔸海南雞飯 配 蘇東魚丸雞湯 💲7️⃣2️⃣我哋好肚餓，見到個海南雞飯賣相唔錯，一於試吓！結果試完覺得質素都唔錯，雞肉皮薄肉靚，雖然比起其他海南雞飯嚟講唔算超級超級嫩滑，但勝在有少少油脂，入口唔會好鞋身！🤩 個油飯都好好食，我平日唔多食飯㗎，但呢個飯我都食得晒！😎 蘇東魚丸雞湯味道好清甜，魚蛋都好爽彈！《蒲羅》🔸大蝦柚子沙律 💲7️⃣8️⃣嘩！呢個大蝦柚子沙律真係好食到不得了，非常之清新開胃！🌈 柚子肉超級多，基本上每食一啖都會咬到柚子肉！🥰 大蝦肉質都幾鮮甜可口。沙律入邊有啲洋蔥同紫洋蔥，仲有一啲黑醋酸汁，食落去酸酸甜甜咁，非常刺激食慾！😍🔸半熟蛋 配 咖吔多士 💲3️⃣6️⃣咖吔多士入邊嘅斑蘭咖吔醬非常香甜，加上搽咗厚厚一層嘅牛油🧈，味道

又來到中午時間，今次同朋友去咗中環街市，其實中環街市真係好多選擇，今次我就揀咗食喇沙！🔶新加坡喇沙大蝦摻摻 hkd68好欣賞佢成個presentation都好靚！因為呢啲好似food court嘅地方，多數啲餐廳都比較簡單，但係佢係連張餐紙都好靚👍🏼👍🏼至於味道方面，我覺得同平時食開嘅差唔多，唔算有咩好特別，而佢嘅蝦都好聰明咁樣切開咗一半，所以睇上去係覺得好靚嘅！但係中環來講，佢個價錢當然就係冇得輸啦！不過勝在舖頭都幾多選擇，所以都可以食啲自己想食嘅嘢

[ 蒲羅 Pulau ]重新裝修嘅中環街市，進駐左唔少食店，除咗嚟行街都可以嚟搵食🤪裡面原來仲有個Food Court，食物價錢亦相當親民。Tea time✿ 新加坡白胡椒肉骨茶 配：雞油香飯及油條 $72肉骨茶湯鮮肉嫩，湯裡有骨頭，重胡椒味，送飯一流🍚🍚✿ 巴東牛肉班蘭椰漿飯 配：蘇東魚丸雞湯 $68牛肉炆得好淋，個飯好重班蘭椰漿味，甜甜地，好香💚✿ 半熟蛋 配 咖吔多士 $36新加坡地道小食，濃香幼滑的咖央醬夾住一舊厚厚嘅牛油🧈再配半熟蛋，食落一啲都唔油膩，呢個食法第一次試🤤✿ 新加坡鹹蛋黄魚皮 $56馳名海外嘅新加坡鹹蛋黄魚皮，炸得好脆口，熱食原來仲正😻總結🫦呢間新加坡菜質素不錯，價錢亦相當平易近人，份量充足，行到攰坐低食吓嘢都唔錯。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿蒲羅 Pulau地址: 中環皇后大道中93號中環街市地下G19號舖電話:N/A✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

中環街市翻新過後，地下一層搖身一變成為美食廣場。雖然是foodcourt形式，但環境裝修優美，分了室外室內座位，有不少大型綠色盆栽，好似個庭園咁。商場播放輕鬆愉快音樂，坐得相當舒服!!有不同國家的菜式，當日想食星馬菜，所以選了Pulau。店員話Attap都係佢哋嘅姐妹店，主要賣海南雞飯，下次可以試!!☁️巴東牛肉配班蘭椰漿飯 配：蘇東魚丸雞湯 $68班蘭椰漿飯斑蘭味幾突出，好香濃帶點甜味~巴東牛肉用咗好多香料醃製，重香料味又帶點椰醬味~味道特別。牛肉燉得軟爛，偏辣~伴碟有脆花生、脆魚乾仔、青瓜蕃茄、半隻烚蛋，脆魚乾仔好鹹香。一碟望落去都好豐富蘇東魚丸雞湯清淡，兩粒魚蛋好重魚味~☁️半熟蛋 配 咖吔多士 $36咖吔醬毫不吝嗇，成塊面包都搽滿哂多士輕微烘過帶到微脆的效果牛油都好厚，食落相當過癮!!好正!!有兩隻流心蛋，我用嚟撈飯食，一流!!

除夕夜，有張$100 coupon 到期，所以出左去中環街市食飯用左張coupon. 好少人，過節去good court 真係好抵，2個人用左coupon 補返$120 就得喇沙好好味，份量又多又豆卜悠哈，湯底夠濃豬頸肉，燒得好好，又香又脆脆地蝦麵呢個吾好味不過枱面吾乾淨，立痴痴

尋日去睇裁縫比賽嘅時候，發現原來地下有food court，今次就去試吓佢哋餐廳。見到有壽司，飲酒，海南雞等等就一於試吓啦。見到有一間食馬六甲菜式，價錢都可以接受就試吓啦，落咗單之後店員推介可以試埋佢哋同一個商場另一間食海南雞嘅餐廳，food court就係有自由度可以大家揀自己鍾意食嘅嘢。分別嗌咗娘惹茶燻鴨同埋海南雞，佢哋都分別會配油雞油香飯同埋魚蛋雞湯雞油飯方面，雞油的味道好出，飯亦唔會太濕，呈現一種好靚嘅金黃色，好油潤，令人忍唔住會爬多幾啖飯隨餐附送的雞湯清甜，亦沒有一大層雞油，同時亦不會太鹹，兩粒魚蛋亦幾彈牙，而且碗湯就熱辣辣，冬天飲嘅時候就更加適合。海南雞都係去咗骨，雞肉嫩滑，而且不油膩，果皮都係十分爽脆，中間見到白色透明嘅骨膠原，肉質肥美，鮮甜。醬汁方面，佢嘅豉油係比較濃，相對上冇其他咁甜，而佢嘅薑蓉就磨得好細，所以就算點樣點都唔會辣親。娘惹茶燻鴨鴨肉煙韌，皮嘅部份應該有燒過，令到有一陣焦香同脆嘅口感。鴨肉亦好嫩，配上嘅汁可以更加濃味，反而中間脂肪係最吸收到茶香味。隨碟配上嘅魚乾十分脆口，朋友不停係咁食。仲叫咗串燒拼盤，有蝦串、魷魚鬚串、雞串各兩份。所有串燒均搽上惹味醬汁，

黃昏時間同朋友👱🏻‍♀️一齊喺中環，位置靠近中環街市，知道裏邊開咗一啲小食肆，應該好適合我哋👫 呢晚想簡單快趣食啲嘢，咁就決定入去發掘吓，行咗個圈，見到呢間，係新加坡🇸🇬食物，就呢間啦😆$78 嘅「巴東牛肉班蘭椰漿飯，配：蘇東魚丸雞湯 Rendang Beef with Coconut Rice with Sotong Fish Ball Chicken Soup」：Rendang 發源於印尼🇮🇩西蘇門答臘，officially 係印尼🇮🇩嘅 National Dish，一路發展到連 新加坡🇸🇬、馬來西亞🇲🇾、汶萊🇧🇳 等國家都非常流行。Rendang 通常被視為一道豐盛嘅肉類菜餚，最常見係用牛肉，喺加咗 香草、香料混合調味嘅 椰奶中慢煮兼燉煮，直到液體蒸發，牛肉變成深棕色、變嫩、焦糖化，最正宗嘅要煮超過12小時 🤩。我見到 Rendang 通常都會叫嚟食😆，呢度嘅 Rendang 牛肉 燉煮得極軟熟，醬汁濃厚，有豐富香草香料味、有層次、出奇地好食🤩，喺香港食到咁高質素嘅 Rendang 真係有小驚喜 🤩$78 嘅「檳城蝦麵 Penang Prawn Mee」：湯底有濃郁嘅蝦味🦐，估計係

難得行開中環街市，打完卡當然喺度食埋野先走啦🤭成個街市行完一圈，最後決定食東南亞菜。揀咗吉羅大蝦雞串咖哩麵（$82）同埋半熟蛋 配 咖吔多士（$36）。食物好快就到，碗麵好有份量！除咗麵量頗多，仲有四大塊豆卜，豆卜索哂咖哩湯汁，而雞串味道香濃又唔會嚡口，好滿意！半熟蛋 配 咖吔多士令人特別掛住新加坡既早餐。半熟蛋有2隻，配埋醬油嚟食好有風味。咖吔多士輕輕烘烤過，食落外脆內軟，加埋半溶牛油同甜滑咖吔，味道更豐富。

中環街市活化之後真係完全唔同晒，除咗有好多唔同種類嘅餐廳之外仲有西式超市、手作小店等等。成日經過都冇機會試，今晚終於可以試吓佢哋嘅food court! 呢度裝修得好靚而且位置都幾舒服😌白胡椒肉骨茶配雞油飯新加坡風格嘅骨茶係白胡椒味比較濃嘅，有三大嚿排骨啖啖肉分量十足！配埋炸到香脆嘅油炸鬼點湯食幾過癮😋慢煮豬手飯配魚蛋湯豬手煮得腍好好入味，一食就知係慢煮嘅功力👍🏻 個汁有啲似紅燒汁食落唔會太咸。串燒拼盤一個拼盤滿足三個願望，有齊雞肉、卡同埋魷魚各兩串，大蝦肉質都算彈牙，魷魚燒得幾香，雞肉肉質都幾嫩滑，整體來講唔錯。點埋秘製醬汁一齊食香辣又惹味！

喺中環街市見完客，順便食個快飯先返屋企！喺food court行左一個圈鎖定食新加玻菜！店員介紹原來Pulau #蒲羅 同埋attap #亞答屋 係姐妹店！我同同事一人叫一間試下！🦐新加坡大蝦喇沙摻摻🍜$78 大蝦鮮甜爽口，喇沙湯頭超濃郁，味道香氣撲鼻，椰香同辣度都好均勻，配料有蝦、魚蛋、豆卜同蛋，我揀左傳統摻摻（即米粉＋油麵），好掛湯仲份量好足，辣辣地好開胃！性價比好高！🍖🍚亞答慢煮豬手飯配蘇東魚丸雞湯 $80立立令嘅豬手超級引，鹵水味香濃而不膩，肉質非常嫩仲忟到好入味，而豬皮就夠爽滑，配埋酸辣醬一齊食更惹味！雞油飯好香，一不小心會食哂成碗！跟餐嘅雞湯清甜，相當唔錯！🍢串燒拼盤 $78 （魷魚鬚🦑、雞肉、同大蝦🍤）香茅味同沙嗲味一樣都咁濃嘅串燒，魷魚鬚帶點咬勁唔會太韌，大蝦蝦肉扎實，雞串燒烤得啱啱好，三樣都好食！Pulau地址📍中環皇后大道中93號中環街市地下G19號舖

中環街市真是個好東西👍🏻放工後去約朋友飲酒chill下真係幾正👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻巴東牛肉好入味，個飯都煮得好食，而且價錢唔貴，應該係中環街市裏便唔錯嘅一間餐廳！都推介俾大家食👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

差不多兩點鐘嘅中環街市低層Dinning Ground人會比較少，可以輕鬆揾到堂食座位，坐喺半露天嘅中庭食新加坡菜都唔錯啊！新加坡大蝦喇沙摻摻喇沙湯底濃厚而且充滿椰香，整體唔會好辣，裡面有魚蛋﹑豆角﹑溏心蛋﹑蝦子﹑豆卜﹑魚片等等摻摻應該係指兩款麵條(米線/米粉同埋黃色粗麵) 喺同一碗裡面摻雜埋一齊，麵條幾有咬口而且唔會有煮得太耐而變得軟林林嘅口感，整體份量十足，湯底仲好美味啊

👉來到中環街市，可以逛逛小店，還🈶️不同活動展覽，慢慢感受生活。。。📌亞答慢煮豬手飯配蘇東魚丸雞湯 $80 ～ 一大碟豬手，非常入味腍滑，入口已感到膠原🈵️🈵️，還有半隻滷水蛋、配菜。☝️整個豬手飯用料、味道⋯都做得很豐富！🤩☝️油飯充滿油香，但也沒有油膩感，粒粒分明，軟硬適中。📌吉羅大蝦雞串咖哩麵 $82 ～ 端上桌已香氣四溢🤤，湯頭比一般的叻沙濃稠很多，椰香味濃。麵底🈶️油麵加米粉，夾起濃湯掛麵，配上炸乾蔥同吃，甚麼減肥也拋諸腦後。。。😁👉蝦🦐不算大隻但新鮮，還🈶️2⃣️串雞肉、半邊溏心蛋、豆泡、豆角⋯🈵️足了！！📌串燒拼盤 $78 ～ 🈶️雞肉串、蝦、魷魚鬚各2⃣️串。。。☝️雞肉🐔串肉多少肥，香滑軟綿。蝦🦐較細小但爽口。魷魚鬚🦑比較韌了點，全部串燒都混上了醬汁，非常冶味。🥳👉大堂設🈶️自助水機、洗手機都是非常貼心的設施。👏☝️地下主要是各式食店，food court 形式，中、西、亞洲菜，酒吧等⋯室外、室內皆有座位，室外種🈶️大量綠色植物🌳，現在天氣開始轉涼，環境很舒服。👍

偽文青嘅我，偶然都鍾意行下活化左嘅中環街市🤓唔去唔知，入邊都有好多好食架喎！美食廣場裝修得好靚，位置闊落又舒適～今次試左主打肉骨茶嘅Pulau🥰新加坡白胡椒肉骨茶 配雞油香飯及油條好開心食肉骨茶都可以食雞油飯🤓個飯塑滿晒雞嘅精華超香！佢嘅油炸鬼仲係好脆嘅！點埋個肉骨茶一齊食！正！至於個肉骨茶係白胡椒味嘅😜我比較鍾意辣辣地嘅白胡椒味肉骨茶～排骨俾左好多條😉啲肉唔會黐牙～煮得夠林！食肉獸好滿足呀！巴東牛肉班蘭椰漿飯 配蘇東魚丸雞湯香港好少地方有得食斑蘭椰漿飯，唔好睇佢綠色好似好得人驚！其實係每一啖都超香口架！巴東牛肉偏辣，用左好多種香料醃製！味道真係幾特別！旁邊仲有啲魚乾、花生粒等配菜～另外個魚丸雞湯清清地幾好飲，入邊仲有兩粒有魚味嘅魚丸😜唔似得其他坊間嘅魚蛋得麵粉味😌半熟蛋配 咖吔多士烘到脆身嘅多士夾左咖吔醬同一塊厚牛油🧈點埋個半熟蛋一齊食，鹹鹹甜甜咁超級過癮！新加坡鹹蛋黄單骨雞翼新加坡呢幾年都好興食鹹蛋嘅產品😇所以佢呢度嘅鹹蛋黃雞翼真係冇得輸呀！夠哂邪惡！單骨雞翼食得又夠方便～下次要試埋主打海南雞飯同豬手飯嘅Attap姊妹店先得🤓就係我今次食呢間Pulau隔離咋！Pulau (中環)中