Red Mango (已結業)

本人咩嘟喜愛吃的、不會無肉不歡、朋友是素食者所以平時也有去試新素食店及其他特色齋舖、最近發現九龍城廣場這間自助新素食好似好吸引呢!又見食評也不錯、這星期四12号晩八点就和朋友滿帶冀望去試!閒日素食店也不多人、原來先附款才帶入去座位!即刻行動去<掃>食! 不加詳細了、現場食物環境大家已全部影晒了! 簡單<掃>完ㄧ會結論二個字! 失望! 毎個人口味大家也不同、但整體上有些小基本東西是不合格呢!餐桌上放有餐具、刀、义、湯匙、但發現有殘漬米取隔離枱餐具怎知ㄧ樣是有殘漬(怎可接受)另外去拿了ㄧ個湯不明白是微䁔的已及另外二款湯中湯及西湯已冇了ㄧ大半(中湯差不多只剩湯渣)但那時是八点十五分!是否之前吃第ㄧ段時間之後冇添加!! 其他應該要熱食的東西好似也不太熱!! 希望食店之後請留意有改進! 但我和朋友應該不会再來試的!!

素食從來比人一種沉悶，冇新意既感覺第一次感受到素食的新fusion午餐時段幫親左附近新開的red mango, 黎既緣由係早前接過宣傳單張午市用埋折扣都只係$100@1左右款色算係非常多，主要材料係豆腐，菇，瓜，椒，粉絲，豆卜等，煮成唔同風味有湯有炒有煎既素菜，仲有印度薄餅，仿真度勁高既素肉炸物，食落幾煙韌，口感不會太粉沙律吧頗有特色，配料款式多之如仲有唔少自創沙律汁甜品方面，有唔同味道既果凍，試左幾個都覺得唔錯，好Q同彈牙仲有乳酪雪糕機,自助咖啡機等，乳酪味道都唔錯，不過雪糕可以再冷凍點同實些而特色包類值得一試，班蘭蓮容包外皮好軟熟，夾住甜既餡料幾好食

偶然我都好喜歡找地方食下素食，畢竟食素都是對身體比較健康，又可以環保，更可以為地球做一分力，近日行過九龍城廣場發現有一間新開的餐廳做素食自助餐，價錢都是二百元有找，可以食足1.5小時，聽起來都是十分吸引，這間餐廳是「Red Mango」，此餐廳主打Fusion 素食buffet，今晚放假同家人一齊去素食晚餐，今天是星期三，成人價錢是$168+10% ，時段一共分兩段，第一段是由6:00 pm~ 7:30 pm，第二段是由8:00 pm~ 9:30 pm，我們選擇了後者。新張期內開業大優惠，現在有88折，每位成人價錢是$145(包加一)，不過就在門口先付款才入場。地方環境都不少，燈火通明，而且整體都好整潔乾淨，枱櫈主要的色調都是紅、黑、白色，裝潢簡約，但是讓客人感到十分舒適，不時都見店員清理食物枱及餐具，又不斷會添加食物，員工對工作的熱誠真是值得一讚。安頓座位後，店員都好有禮叫我們可以自助取食物，枱上已有餐具，先到取飲品區取一些飲品，有設果汁機，有西柚汁及黑加侖子汁，另外都設有即磨咖啡機，不禁我的咖啡癮又起，不如先來杯Cappuccino，同時buffet 枱上都放置了不少有各式即沖的飲

素食自助餐？既可盡情釋放，感受吃自助餐的放肆，又說服自己吃的都是素，不用內疚。公眾假期做隻早起鳥兒，11時半準備到達，吃第一節11:30-1:00的自助餐。下一節是1:15-2:45。先在門口付款，然後入內。店面都幾大，即使食客行出行入，都不覺擠逼。沙律最特別的是各式各樣的醬汁，最喜歡提子玉桂，兩樣很夾，而且很出。無花果醬、牛油果香梨厚滑，但味道欠特別。薄荷榛子只有薄荷。對各類沙律、豆、車厘茄、青瓜等，興趣不大，都沒有拿，唯獨吃了不錯的中華沙律。熟食種類很多，加上不同顏色的鍋，色彩繽紛，賣相不俗，可是質素一般，可能浸得太久，蔬菜都偏腍。眾多個鍋裡，只喜歡牛肝菌素海參珍珠荀和泰式冬蔭功素丸，味道跟有肉的所差無幾。模彷肉類的齋菜都幾特別，如爽彈的素海蔘、腐皮做的雞翼－烤豆卷槌、素肉丁、素魚片、素牛扒，味道也不錯。沙爹串燒卻是失敗之作，完全不似肉，沙嗲也欠惹味。黑松露野菌薄餅怪怪的，只有少少蕃茄味。另有冷盤，白木耳爽脆，麻辣蹄羹惹味。熱食還有黑松露燒賣、叉燒包、蓮蓉包和湯。沒有黑松露味的燒賣都幾像真，包尚自軟熟。兩個湯卻難以入口，中湯淡而無味，口咬著粟米，但絲毫沒有粟米的甜。羅宋湯味較重，多

食得肉多，總希望可以食番d 健康菜式平衡下。九龍城最近就開左間食素食自助餐既餐廳。你想食既，佢地都可以用素食既方式呈現！ 一入到去，先視察一下有咩食先？入面唔只得沙律，仲有中式點心，冬蔭功，魷魚圈，連三文魚刺身都有！ 一開始先食左沙律Long 肚，沙律配料同醬多到要成個人咁既櫃先放得哂，搞到我有少少選擇困難症發作！之後食左D 素燒賣，海草等。燒賣即使冇肉，味道都好新鮮，海草因為不是急凍，沒甚麼雪味，可以好好感受海草既原有味道。 想食一點煎炸食物, 串燒, 薄餅都可以呀! 三文魚刺身排到好似裝飾品一樣 刺身外觀精緻，口感略為煙韌，應該是菇類所做。 食落覺得唔夠飽？我地有素肉醬意粉！一客容量略為細小，但以自助餐來説可以理解。肉醬味道稍濃，應該是麵豉醬所致。意粉為扁意粉，麵條不太硬，與素肉醬味道相配。 食左咁耐，係時候食番d 甜品, 水果同飲番D 好野喇。呢到有新鮮乳酪，果汁, 熱飲, 仲有生果, 任君選擇。 乳酪分别有藍莓味同原味。原本想影張乳酪相比大家睇下，但筆者擠乳酪技巧欠佳，所以還是不要把。個人黎講比較鐘意原味，藍莓味較酸。要選擇那種口味就看大家能食多酸喇。

我並不是素食者，但我相信久𣎴久嚐素，腸胃會有所改善，面色都會紅潤。早前報紙的副刊介紹了一間素食餐廳，是放題形式，價錢只百多元，好奇心驅使下又要行動了。裝潢並不是豪華，帶點樸素，配合素食主題。雖然選擇並不是太多，精簡有水準已足夠。水吧區薑茶，桂圓紅棗茶自冲自飲，味道尚可。還有咖啡可選。熟食區主要都是蔬菜類，疑似海參，蝦，刺身吞拿魚，炸魚塊⋯⋯等等，味道幾可亂真。其實對於剛開始嚐素人仕比較好，有時心癢癢，睇到當真，可填補心靈上的空虛。還有即叫即製的舞茸菇素飯和义燒麵。素飯味道有點淡。义燒麵反而不錯，素义燒有點齋的口感。配料有栗米，芽菜...等等，豐富有嚼口。沙律區各類蔬菜非常新鮮，擺設整齊，可安心食用。最欣賞自家調配的醬汁。如檸檬芝麻醬，微微的酸非常開胃，多吃也不會覺膩。湯區青紅蘿蔔湯比較清淡，散發出菜蔬的香氣。羅宋湯配料夠豐富，味道濃稠，不錯。甜品區兩款布甸，一黑一白，各有特色。咖啡味的布甸，幼滑順喉。黑松露味的布甸味道太嗆了，反而覺得有點膩。原味乳酪和哈蜜瓜乳酪酸酸咪咪好開胃，可再食多一轉...哈哈！整體水準不錯，值得推介素食之士。

成日做運動消耗熱量 要求自己每星期都有一餐食素希望食清啲 個人輕盈啲 調節下身心朋友係九龍城番工 星期日搵佢食個lunch岩晒 拉埋佢一齊食齋印象中 齋舖都係食下小菜 炒個粉麵咁但呢度係自助形式之餘 仲有果汁雪糕可能我地一點半先食 選擇都唔齊全餓到癲 食個叉燒包先其實如果唔係一早知係齋, 我都會認為係一般叉燒包湯類有2種, 分別係合掌瓜眉豆粟米 同雜菜湯我只係飲左合掌瓜, 雖然無唐排, 但呢個湯都好清甜, 合掌瓜味好出, 粟米都好甜沙律菜選擇非常多, 我只係食左羅馬生菜配醬汁分別落左無花果汁同蜜桃汁早排食完無花果, 所以見到呢度有即使試一試, 汁內有一粒粒無花果籽碎, 而味道甘甜蜜桃汁就有一絲絲蜜桃肉, 又係甜甜地都唔知食菜定食汁, 菜非常新鮮, 而醬汁亦新奇獨家1.海參膠狀, 食落去爽口但味道不大, 志在口感正2.小棠菜 - 好鮮甜, 雖然放湯但唔老3.牛扒味道好似漢堡, 原來素菜味道都可以咁濃烈肉質方面, 會混雜一粒粒煙煙靱靱嘅物料 (當然唔知係乜), 但口感似七成4.羊扒 肉質似扎肉, 加左菇 (好似冬菇啶嘅物體) , 口感煙靱薄餅令人久等嘅印度薄餅, 但原來無醬汁提供, 齋

一向都很少吃buffet, 不會主動提出要去, 因為自知肚子容量細, 任吃我也吃不了多少, 不值得, 而且buffet多是重量不重質, 我倒不如去西餐廳吃精緻有質素的set dinner, 去食buffet或放題, 多是陪朋友或家人應酬式的, 也沒一間buffet令我印象深刻難忘, 直至遇上九龍城的<red mango >最欣賞這梳化座椅, 可以坐四至六人, 兩邊都有到天花的板分隔開, 私隱度甚高。又不怕大夥兒高談闊論吵到旁邊的人。二人桌之間有著合理的距離, 不容易聽到旁邊的一對客人談話。食店的牆身有部分蘋果綠、木枱木椅，似隨意卻又彷彿是刻意安排，加上開放式廚房，像非常悠閒的cafe多過素食店。晚餐時間，食客陸續坐下，有年長一輩亦有年輕人，真是適合一家大小。沙律菜有多款, 有蕃茄仔, 粟米粒, 最特別是有紅菜頭粒, 味道天然, 可抗癌及提升抵抗力, 是對健康很好的食品。除了上述的橄欖油外, 還有三款沙律醬如千島醬等供選擇。這擺放得像藝術品的小杯, 甜品區相信是焦糖吉士布士、奶凍之類, 可恨我肚容量已到極限, 沒能試到, 我也宣佈投降, 未能挑戰。到了女生最期待的甜品環節

係好多年前我對素食都係好抗拒因為係我印象中 素食只係得齋雞齋鴨好多色素 我自己睇到都接受唔到但由於我之前既職業係一間有機食品公司做個人除食野健康左 每年都要去本港或台灣既食唔節 接觸多左素食 開始對呢種食品有改觀既諗法而素食店其實愈開愈多而入面既野食好多都估你唔到咁似如炸豬扒 除左樣似 連味道及口感都好似之前係九龍城返工時收到張傳單見到九龍城廣場開左間素食buffet我buffet 食得多.. 素食buffet真係第一次見令到我好想試下咁岩朋友同我講起.... 我地2個就去左試試我地1點9左右去到, 場內唔係爆場..而場內既裝潢簡約舒服而牆上亦貼上好多知識係到而素食既款式都多..都無諗過原來素都可以有咁多唔同款式沙律吧呢個同出面既有唔同..有出面好難見到既款式如紅菜頭另外, 沙律汁亦同出面既有別佢地既汁係自家街用唔同既生果做成.. 好新鮮食物方便...唔講以為自己食緊肉有好多唔同類型..串燒..睇上去同出面一樣..食落去口感都似食緊豬肉呢個豬大腸食落去質感同真既一樣..差燒包味道好似食緊肉燥咁樣牛扒...咁多樣中, 最喜歡既一個口感同味道都同真既漢堡扒好似一問之下, 得知原來呢款素食係

放假最緊要relax,入秋就去行下公園先，行程係去行九龍城寨公園，感受下大自然氣息。行到攰，食野先~有新開嘅素食自助餐，仲有優惠喎，try try la,早排去旅行食到好肥，係時候齋戒下一點半去到，啱啱好開始有得食，食到2:45,咦，自助餐都有得外賣？！！第一樣係食沙律，成個雪櫃都係蔬菜，豆類同好幾種醬。好多野飲揀成部咖啡機自己揀即磨咖啡，仲有埋豆奶自己揀好細心牛奶仲係低脂仲有其他茶包，凍檸茶包都有。飲咖啡同沙律。沙律醬有得揀麻醬，小紅莓醬同其他...揀左小紅莓，酸酸地，好醒胃d野食好精致細件，令人每樣野都可以試下，唔會太飽。上圖左至右:印度小酥餅，似超市買嘅酥餅，好有味，凍左都好食，仲好酥脆。孜然墨魚圈:聞落真係好似咬落真係un un地，勁似墨魚圈！！茄子，都幾多用茄子配唔同香料煮嘅野喎節瓜？好香椰汁味。雞脾仲有骨咖，係串燒支簽，肉質係卷腐皮。咖喱薯仔，應該真係用咖喱雞嘅配料煮。牛肉球，又真係有陳皮味麻醬茄子好正！！麻醬浸住d煮到好林但又未到爛嘅程度，好好食啊~左下都係一d用豆做嘅豆腐加左菇同poppy seed,都有d似肉嘅~燒雞肉串食落真係以為係雞肉睇落都好似，真係有d肉嘅一條條

在飲食方面，自問向來都唔算好健康，皆因平日經常外出用膳，而且往往多肉少菜，所以當友人邀約我去吃素食自助餐，便一口答應下來。原來友人早前瀏覽網頁時，無意中發現九龍城開咗間新派 Fusion 素食自助餐廳，而且店子仲做緊 Promotion，客人只需到餐廳專頁分享佢地嘅試業大優惠，便可即享 lunch buffet 減 $10、dinner buffet 減 $20，並同時享有 88 折。友人見午市幾抵食，原價 $108 的 Lunch Buffet，現在連加一，每位只實收 $96，所以就拉了我來做陪客。 原來友人所說的餐廳是以乳酪雪糕起家的《Red Mango》，而這家新開分店，就座落於九龍城廣場地庫 1 樓。餐廳面積雖然不算特別大，但勝在座位闊落，讓人坐得舒服。事不宜遲，立即開餐，先由沙律吧開始，自助 Salad Bar 的食物款式雖然唔算好豐富，但其實選擇也不少。除了有新鮮爽脆的羅馬生菜和紅毛生菜外，還有車厘茄、鷹咀豆、青瓜、粟米粒、紅腰豆、中華沙律、青橄欖、紅菜頭等。而沙律汁方面，就有蜜桃汁、提子玉桂沙律汁、檸檬芝麻沙律汁和小紅莓沙律汁，不過個人就比較喜愛自家製的薄荷榛子醬和無花果