Reserva Ibérica Tapas Bar & Restaurant (灣景中心) (已結業)

小弟今日同同事咁岩經開灣仔做野然後打算行去灣仔碼頭水坐船折返番九龍，途經灣景中心見到呢間鋪門面裝修得幾靚忍唔住望多兩眼可能因為果陣都成問兩點鐘有啲餓，再加上有個男侍應拎住碟龍蝦意粉搞到我突然好鬼肚餓不過見到入面幾乎坐爆又真係要諗諗，始終食完仲要番九龍果邊做野，咁岩頭先拎住碟意粉嘅男侍應見到我個諗樣就好熱情咁出左黎招呼我因為呢間嘅lunch通常都係食semi-buffet嘅lunch set，所以入到去坐低之後就幫我地落左餐飲，同埋我地係門口已經諗到食咩main就拿拿林落埋單我就叫左個龍蝦意粉配魚子醬，我同事就叫左香烤豬仔髀。跟手我地拿拿林襯住main未上就去semi-buffet區搵食，西班牙凍湯，cheese，方型pizza仔，沙律，味道都唔錯～龍蝦開半煎香左而又唔會失左本身嘅海鮮味，肉質夾口唔會霉意粉熟度岩岩好，食落al dente。個汁夠味又掛麵，唔會水汪汪唔會太油試左同事一啖豬仔髀，表面焦香，內裡夠tender夠juicy，不過我同事老虎蟹都唔比我咬有肥肉果忽總結：呢間會再覆桌！啲野真心幾好食，服務都好唔錯，男經理態度好手腳快，下次有時間要坐低𡁻下西班牙火腿

［灣仔］私人包廂西班牙式半自助餐今日lunch 去左試lee 間餐廳，本身對佢個burger🍔 都心郁郁💓。但又想試下佢個semi-buffet。所以最後都揀左semi-buffet，下次先試burger 😌Semi-buffet 價錢就睇你選擇咩main courses $168-$358(另加一)Buffet 環節，選擇同款式唔算多，有ham，沙律菜，cheese，生果，其他小食等。但佢勝在如果無晒一款食物，會更換新一款。咁可以試多少少唔同的野食😎而且時間係1130-1515。可以慢慢傾計☺️，慢慢食🤤☁️香烤豬仔脾味道方面唔錯，好入味🥰環境舒適，適合三五知己吹水，因為用餐時間較長⭐️。而且有outdoor ，這個天氣坐出面，有微風，又有d 太陽🌞，兩個字，舒服😌💯⭐️驚喜位：安排10人房間今次我地有8個人，餐廳主動安排了10人的房間俾我地，無要求低消。私隱度高d，又可以暢所欲言👍🏻🙈啱晒一班朋友仔一齊食飯😌整體味道：🌕🌕🌗🌑🌑環境：🌕🌕🌕🌗🌑

比較其他分店，此處最寬敞也寧静，可以慢慢品嚐巴馬香肉 友人看見快樂時光優惠套餐，巴馬火腿30, 36, 48, 64個月併盆$498+$1包1枝紅／白泊，火腿片片展開，擺出最美麗一面（像選港姐），外觀有着閃閃油脂但口感不太油，當然30個月甘味最淡，36及48個月味道最甘香，但都有渣。 卡邦尼意粉$138，有隻半熟蛋，與意粉攪上了，發蛋香，幫意粉添上脂粉，重頭戲是粒粒巴馬火腿，中間肥膏像臘肉，味道當然巴馬的脂香，但意粉份量卻少的。 2人西班牙炒飯$238，飯太少至貼鑊底，味而不咸，無特別，但係蜆肉最甜加鮮味， 魷魚有鮮味但好靱。 星期五全餐廳約四枱客，想起洪門宴，當時這裹衣香鬢影， 擠得水洩不通， 幻想賓客來到高高興興， 酒酣耳熱！

We celebrated my dad’s birthday on a Monday evening. The waitress Susan is very welcoming, and quite attentive to our needs. The manager made sure we’re well taken care of. The food was high quality, tasty and, even if it was a tapas (means small servings of various dishes), they weren’t shy with the portions at all. Highly recommended for celebrations too.

星期五點可以唔happy hour嫁😏因為我有兩張呢間西班牙菜嘅$200現金卷，離公司又好近，環境又岩曬girl talk，二話不說就食佢喇😆我與友人都唔太肚餓，直接揀咗tapas set(各兩款)，邊食邊傾計～最值得推薦嘅係西班牙式炸豬腩肉配雪莉醋同迷你伊比利亞火腿拼盤，豬腩肉炸得好脆又juicy，點埋雪莉豬，酸酸甜甜又少咗油膩感，而火腿拼盤嘅火腿有分三個等級，每個等級都好香，配上法包，真係好正～因為呢間餐廳都偏貴，幸好有$400現金卷，我們剛好埋單滿$800，可以用曬兩張劵XD

一行三人吃個生日飯, 點了九款 Tapas, 一個燒豬, 一瓶 Sangria, Tapas 用料普通雪味重, 燒豬皮脆但肉太冧似煲湯豬肉, Sangria 直頭不知所謂, 溝水果汁, 1500+ 埋單, 令人後悔的一餐。希望主理人加點誠意, 把西班牙料理發揚光大 😅

本人以前不喜歡西班牙的tapas, 量少又試唔真味道，但係今以有唔同經驗。因為半自助餐的關係，可以試真d。自助餐方面有一軟一硬芝士，軟芝士無乜味，個硬芝士唔錯。菜有生菜同沙律菜，有橄欖油同黑醋，中規中舉。有個燒粟米，唔錯。有餅乾加Anchovy, 好食。叫左一個豬肉同個三文魚意粉。個豬肉比我想像中乾，但味道唔錯，個橄欖加蒜、豬面、薯仔(wedges) 都好食。三文魚皮夠脆夠味，用左saffron, 意粉稍稍多左香草(pesto) 味。個甜品係buffet ，有生果、mousse cake、芝士蛋糕。唔知個mousse cake 想點，唔建議。生果唔差。芝士蛋糕唔差，可惜唔係in house, 買返黎， 但我都要左幾轉，枱面無晒，店員都入廚房幫我攞。店員有禮貌。呢間餐廳改變左我十幾年唔鐘意tapas 嘅觀感。

是日午餐去了尖沙咀海港城，想食西班牙嘢，所以選了Reserva Iberica. 因為沒有訂枱，當時12:30 ，登記後等了半個小時枱，算是不錯。落單時打算選擇，西班牙海鮮飯（$248），Tapas A+B+C x2 ($588), 再加兩杯飲品，怎知侍應說西班牙海鮮飯售罄，只剩下漢堡包同pasta可選，Tapas 方面，選第一個茄子又說已經售罄，無奈地改了其他，最後很想吃西班牙火腿platter，侍應說西班牙火腿缺貨兩星期，這些日子生意太好了。根本上餐牌上的大部份食物都欠奉，我們跟侍應說，如果這麼多食品都欠奉，應該在門外的大餐牌上先說明，侍應冷笑道：「我們每天缺貨的食品都不同，不可能寫得清楚。」但我哋覺得起碼係客人坐低睇餐牌時講聲，唔使等客人叫嘢食時咩都話冇，浪費大家時間。這樣的服務態度和安排，我們唯有無奈地離開，白白浪費了45分鐘。會同佢哋總公司講聲，希望佢哋檢討下今時今日咁嘅服務態度👎

今日早咗收工，接老公收工一齊Happy Hour灣仔附近都有好多野食而且會展站開咗，黎呢度揾食都好方便！我揀咗門口好醒目嘅室內環境好寬廣，醒目嘅黃色配典雅嘅裝潢，復古小吊燈好有西班牙風情的感覺！人少少，好適合談心吹水！Happy Hour 緊係要飲野，老公要咗杯西班牙啤酒，買一送一我就想飲甜少少，要咗杯Sangria，有d檸檬、車厘子、薄荷葉！夏天飲真係正！甜甜地、少少冰！爽！佐酒小食叫咗炸魷魚圈配香蒜蛋黃醬炸得好酥脆，香口唔油膩，魷魚少少淋，唔會好韌係咁不停食！破曬戒！之後仲叫咗慢煮伊比利亞豬肋骨配煙燻紅椒粉、蜜糖豬肋骨已經好淋，加埋d汁，好有西班牙風味仲有一筒薯條！作為Happy Hour真係好夠！酒水又抵！下次再黎過！

🍽 Pork Belly + Seafood Paella + Passion Fruit Butterfly Pea Tea + Butterfly Pea Lime Soda 餐廳係灣仔，距離會展站都只係兩分鐘距離，交通好方便。🥘 Chicharron Brandy w/ Sherry Vinegar $100炸豬腩肉係西班牙經典菜式，今次係第一次試，但都有好大驚喜!! 豬腩肉嘅上半部分鮮脆無比，下半部分則鮮嫩多汁，口感好豐富，咬落好滿足~好鍾意佢哋配嘅雪梨醋，甜甜地好正！🥘 Signature Seafood Paella $238呢隻西班牙海鮮飯寫到名係廚師推介就緊係要試下(≧▽≦)鑊底飯焦脆可口，海鮮味濃郁，再jit埋檸檬汁簡直一百分！🍸 Passion Fruit Butterfly Pea Tea + Butterfly Pea Lime Soda ($48x2)推薦大家嗌翻兩杯嘢飲中和口感，質素都唔錯的！💰$477

難得星期日有空檔自然想休息, 搵個舒服嘅地方, 坐底飲杯酒, 食下Parma Ham, 同朋友談笑風生, 享受一個下午, 你地又有幾耐未試過呢? 今次揀左灣仔E間西班牙餐廳, 一邊享受住陽光, 一邊享受美酒同食物! 餐廳環境好有一貫西班牙風格, 整間都係鮮豔熱情嘅色彩, 令人興奮不已, 食物選擇除左一般西班牙菜式, 仲有西班牙tapas嘅tea set, 車車同朋友揀左個豪華伊比亞火腿拼盤share, 加錢仲可以揀多枝紅酒／白酒／氣泡酒／果酒等等🌟豪華伊比亞火腿拼盤配西班牙蕃茄多士豪華伊比亞火腿拼盤一共有4款唔同風乾嘅火腿, 有30, 36, 48同64個月嘅, 風乾時間愈耐, 味道亦最濃郁, 車車覺得48個月嘅咸香味最濃, 而64個月火腿嘅油香味較重, 亦係車車最中意的! 西班牙蕃茄多士香脆可口, 配上酸甜蕃茄同香草調味, 即時令食慾大增🌟Red wine (House)車車揀左紅酒配火腿, E款西班牙嘅house red酒色呈石榴紅色, 紅酒微微掛杯, 酒體輕盈, 飲落果味濃郁帶點辛香料嘅味道, 一啖酒配一塊火腿, 口腔入面產生微妙嘅化學作用, 火腿令果味更突出更香甜

【東鐵過海真的很興奮 - 灣仔西班牙美食】東鐵坐到會展站真的很方便又快，一出會展站就可以看看維景的夜色，經天橋行到灣景中心，有幾間特式餐廳，而這間西班牙餐廳門面很有特色，藍黃色配搭令人耳目一新。內裡的格局fancy，看得出細心佈置每一個角落，絕對適合打卡一族右邊有另一間隔，風格偏幽雅，長梳化上的不同pattern 的cushion，讓人既relax 又chill。好surprise 週六仍有happy hour! 我與朋友各叫了champagne & white wine 各一，HH買一送一實在太好了🤩🥂有三個類別共23款西班牙小食 Tapas，選擇頗多。🥙🥘幸好有西班牙小食套餐可供選擇，例如以我和朋友二人為例，可以要一個西班牙小食套餐，每個類別各選一個小食 Tapas A+B+C ，最適合食量不大但又想試多幾款的朋友。如果多人可以叫多幾個套餐 🤭～·～·～·～·～·～·～·～·～·～·～·～·🍳西班牙薯仔蛋餅Tortilla de PatatasClassic 薯仔蛋餅，酸瓜蝦洋蔥的點綴，再沾上沙律醬，提昇了味道的層次 👍🏻🦐西班牙煎香蒜大蝦Sautéed Garlic Prawn鮮

因為會展站開通，好方便，周圍行下，點知突然間落大雨，就近入咗去呢間西班牙餐廳試下。環境好好，裝修都幾靚，3點幾左右到，冇乜人，舒舒服服坐下等雨停，因為唔係太餓，所以就叫咗個TAPAS SET淺嘗下，Staff 都好nice,邊食邊傾，好Relax！

太耐冇出街食飯，就book咗位試下呢間餐廳，lunch有Semi buffet,價錢由$168-$338，有5款main course 可以選擇！buffet table 唔算大，不過都有唔同噶Salads,cheese ,ham,凍湯，幾款tapas，甜品等等，嘢食Refill 得都好快，而且仲會refill 啲唔一樣噶嘢食，味道都好好⋯⋯有驚喜！Main course 我地試咗一個Sea bass,一個Australian Ribeye,都好好味⋯⋯再嘆埋杯咖啡，好滿足⋯⋯

同男朋友喺附近staycation checkout後仲有幾個鐘先夠鐘食晚餐 所以喺附近搵咗間餐廳飲杯嘢食個小食 Hea下d時間嚟到呢間餐廳環境都幾舒服 可以簡簡單單食個Tapas 加杯嘢飲 唔會太飽 但係又可以慢活輕鬆一下Tapas由$70蚊至到$140不等 我哋就叫咗一個西班牙蒜片大蝦$140 另外呢度亦會有Burger牛扒等等既Main Dish食 而Burger其實都係百幾蚊有埋薯條 都唔算貴 但係我哋唔想食太飽 所以只叫咗一個簡單嘅小食西班牙蒜片大蝦 一共有七隻蝦 而且口感係超級彈牙又帶點新鮮蝦既結實 食得出唔係雪藏蝦 而且配上蒜油蒜頭同炸蒜片 啱曬好好蒜頭味嘅我哋最後當然就唔少得叫咗飲品啦 我就叫咗一杯芒果乳酪沙冰 $58 唔會太甜 而且唔會有化學水果味 口感軟綿得嚟又有沙冰冰涼嘅口感 男朋友就叫做杯西班牙果酒 佢話味道都正常 價錢只係$78