影片
港鐵深水埗站 A2 出口, 步行約3分鐘
繼續閱讀
電話號碼
23368822
營業時間
今日營業
11:00 - 21:00
星期一至五
11:00 - 21:00
星期六
10:00 - 21:00
星期日
09:00 - 21:00
以上資料只供參考, 請與餐廳確認詳情
很多人都會比較少去吃印尼菜，其實印尼菜都有其風味。從印尼姐姐口中得知位於深水埗一間印尼菜味力之旅不錯，決定來試試。******************************Restoran Indonesia Pondok Kita 就近北河街體育館附近，前來都不難找，餐廳地方不算大，前來時都已經滿座，平日晚巿都甚受食客歡迎，更何況是假期。餐牌上主要以主食為主，有小量小食如串燒和沙律。飲品都是印尼特色飲品和一般餐茶都有供應，價錢實惠，難怪有不少食客入座。加多加多醬沙律 HKD65，油豆腐、青瓜、烚蛋、薯仔、芽菜、豆角、蝦片、花生粒和加多加多醬，醬汁夠風味，成為印尼沙律獨有菜式。羊肉串燒 HKD69/3串，串燒醬汁甜甜，羊肉味較濃，羊膏油膩夠香，點了串燒醬又好吃。牛肉串燒 HKD59/3串，串燒醬一樣甜甜，牛肉都不錯。馬拉棧通菜 HKD58，通菜很爽口，馬接棧又有蒜蓉和蝦膏香，炒得不錯。印尼海鮮炒米粉 HKD79，平日主食會包指定飲品，假期就不供應飲品。沒想到炒米粉鑊氣十足，吃上口香氣滿滿，海鮮食材都不少，還有蝦片伴碟，份量都相當多，讓人吃得滿足。珍多冰 HKD29，棵條都不少，口感軟糯，甜度適中，不錯。涼粉冰 HKD29，涼粉口感煙韌，椰汁又香，好飲。
繼續閱讀
去過印尼🇮🇩好多次其中大部份係公龫少部份係去旅遊，我不嬲都話印尼菜🇮🇩好食尤其係印尼🇮🇩工作夥伴帶我去食嘅印尼菜真係好 yummy😋，對印尼菜嘅印象一直都好好🤩，不過我唔識得分係唔係正宗（若果有人話你聽餐廳係正宗乜乜菜咁嗰個人其實99.9%都係唔識原因點解自己諗諗🤣），但係我識得分好唔好食🤣呢間餐廳基本上所有食物份量都好多，大大碟，貨真價實，童叟無欺🤩；印尼員工妹妹服務亦都好好👍$70 喇沙海鮮麵：喇沙據說係源自馬來西亞馬六甲嘅華僑後裔，即係娘惹，慢慢發展到東南亞各地包括 新加坡、檳城、棉蘭、馬六甲、椰加達 等地 都有自己嘅版本，味道材料各有啲啲不同🤩；呢間印尼餐廳嘅喇沙 咖喱同香料味偏重，中度濃郁，好味🤩；海鮮就有 連殼鮮蝦、蝦仁、魷魚，其他配料包括豆腐乾、蕃茄，材料都幾豐富，整體好食🤩$59 沙嗲雞肉三串：雞肉肉質非常軟熟，沙嗲醬甜甜哋少少辣，味道好濃郁🤩$39 椰青：大大隻，好清甜🤩$79 印尼雞肉炒飯：Nasi Goreng 印尼炒飯 唔單止喺印尼、東南亞流行，其實 Nasi Goreng 已經走進世界舞台喺全世界好多大酒店嘅咖啡廳都有得食🤣；呢間餐廳嘅 Nasi Goreng 用雞肉炒，好香醬油味，可能亦都加咗蝦醬，米飯炒得乾身，好惹味，仲超級大碟🤩$61 馬拉盞炒芥蘭：芥蘭菜新鮮爽脆，大大條幾粗壯，用馬拉盞炒又嘢味啲🤩$60 蒜蓉通菜：通菜新鮮，蒜蓉炒簡單好食🤩
繼續閱讀
呢間新開嘅印尼餐廳真係令人眼前一亮，職員（廚師同樓面）都係印尼姐姐，感覺好親切。餐牌上有好多印尼菜式，英文描述令整體感覺好正宗。枱面提供三款醬汁同埋熱水自取，方便又貼心。我首先叫咗佢哋嘅招牌手打雞撈麵，午餐仲可以加$3轉成凍檸檬茶，真係非常划算。冇諗過，佢仲送咗一碗牛丸湯，牛丸唔係潮汕嗰種彈牙，而係鬆軟，湯底有胡椒香辣味，令人開胃。麵上嚟時，我原以為會係爽口彈牙，但實際上麵質偏軟腍，與我預期有少少出入。湯汁有微甜嘅滷水味，除了雞肉粒，仲有烚蛋、青瓜同埋炸雲吞皮，炸蒜嘅香氣令整道菜更加香口。最正就係可以根據自己口味，加枱面嘅辣醬，提升咗風味。之後，我再叫咗沙嗲串燒，分別係羊肉同牛肉。兩種串燒都用香茅醬汁同青檸腌製，外皮燒成焦香，味道十分誘人。羊肉偏肥美，油脂較多，口感豐富；而牛肉則軟腍而不失肉質，個人比較鍾意牛肉嘅香味。串燒單食已經好夠味，但佢嘅沙嗲汁充滿花生香，真係一個絕佳嘅配搭。
繼續閱讀
屋企工人姐姐話深水埗有間正宗印尼菜叫我去體驗下，話如果好食可以試下係屋企煮😆呢間Restoran Indonesia Pondok Kita (深水埗)，位於北河街體育館附近，非常容易找到。餐廳面積不大，但座無虛席，平時深受街坊客歡迎，店員熱情招待服務態度一流，感覺舒服。餐牌上有多款充滿印尼特色風味的主食、有沙嗲串燒、粉麵飯、特色黃薑飯、仲有多款印尼珍多冰甜品提供，價錢實惠親民，難怪咁多人光顧。印尼黃薑飯（HKD 69):呈上桌時十分驚艷，用黃薑烹製的米飯加入主要配料有蔥、大蒜、檸檬草和椰奶，香氣十足，米飯金黃誘人😍，幾乎似食緊慶典食物🥘。大大隻厚雞髀🍗加上大量炸蒜、仲有炆得好軟腍腍香辣牛腩、香炸豆腐、辣椒醬炸蛋、仲有經過蒜頭炒香嘅蘿蔔條同豆，好豐盛！嗜辣人士一定要食呢個，最細心提供青瓜片同埋鮮蕃茄解辣。印尼海鮮炒飯（HKD 89):印尼炒飯特点是口味比较重，會加入辣椒、鱼露、红葱、配料有爽彈鮮蝦，魷魚🦑海鲜桑巴酱、仲有流心蛋爆出蛋漿，飯粒分明，夠悶鑊氣。最有誠意係配有自家製醃蘿蔔，酸酸甜甜更加開胃。馬拉盞通菜(HKD 58):通菜好爽口，馬拉盞又夠晒鹹，但又蝦膏蒜頭香，正。沙嗲牛肉三串（HKD 59):串燒醬甜甜地，牛肉帶有焦香，牛肉味香濃，出色是沙嗲醬！充滿花生醬香，想飲埋佢🤣涼粉冰（HKD 29):涼粉條好煙韌，充滿椰汁底，好似椰子香味。珍多冰(HKD 29):棵條分量不少，軟糯！椰汁味濃。總結：正宗印尼菜 店員態度親切大件夾抵食 會再光顧
繼續閱讀
今天晚上，我們去到深水埗基隆街Restoran Indonesia Pondok Kita晚餐。道家充滿異國風情的餐廳， 侍應都是印尼人。我们品嚐了美味的沙爹牛肉串配飯糰，價格為79元。牛肉串外焦內嫩，搭配香濃的沙爹醬，令人回味無窮。接著，我们點了印尼海鮮炒米粉，同樣是79元，米粉滑嫩，海鮮新鮮， 有蝦、魷魚等， 口感豐富。又嘗試了馬拉盞芥蘭菜，61元，感受到濃郁的香料味。我们還選擇了涼粉冰，僅需29元，清涼爽口，十分解渴，又搭配一杯熱檸茶，12元，完美的結束了這頓美食之旅。這一餐的總消費為248元，服務態度親切，讓我们倍感滿意。
繼續閱讀