Restoran Indonesia Pondok Kita

營業中

休息中

我本身好鍾意食印尼野😋上月去完印尼返嚟 仍然對印尼菜依依不捨～又無意間發現呢間新開小店，決定一試！入到餐廳 職員好好人 又會微笑又有禮貌我同朋友叫咗幾個餸 份量好大！！而且3個人食人均$150都唔洗！好抵食！！✨沙嗲雞肉串：沙嗲 - 呢間沙嗲真係超級出色！！😋😋同喺印尼食嘅味道一模一樣 好香好正宗～目前為止 喺香港我諗只有兩間印尼餐廳做到呢隻味 呢度係其中一間😍😍雞肉串 - 份量好大 一串有5件雞肉 每件都好軟滑 燒得幾好 唔洗加沙嗲醬都已經夠好食！✨沙嗲牛肉飯團：因為沙嗲太好食～再叫多份串燒！牛肉 - 燒得幾好 牛肉最怕燒過火會太老咬唔開但呢度控制熟度得啱啱好🥰飯團 - 軟綿綿嘅感覺～係將米飯壓成一團團再切開點埋沙嗲醬食好完美😍😍😍酸菜 - 食得太多沙嗲難免會有啲濟食完沙嗲再食酸青瓜酸蘿蔔平衡返胃口即刻返晒嚟😋😋✨特色椰漿飯：冇諗過咁靚咁大份😳😳擺盤賣相都靚過喺印尼食好多而且味道係超級正宗 每樣配菜都好正宗黃薑雞 - 煮得好入味好嫩滑巴東牛肉 - 硬身又辣辣地咁 好似食緊零食😋炸豆腐 - 最鍾意啲辣椒碎 又正宗又過癮！！椰漿飯 - 靈魂！！🤤🤤🤤齋食飯唔配菜都已經好好食唔好睇佢賣相咁

第一次係香港會印尼野～係深水埗搵到間好正宗既印尼美食店👍距離深水埗MTR都近～.食左印尼燒牛肉串燒：牛好入味要趁熱食👍點埋醬（少少辣）推介👍.印尼雞肉🍗炒飯～賣相吸引～醬汁剛剛好 好入味～又唔會太好鹹配茶有半流心煎蛋👍雞肉都好好味😋推介👍.圖中係凍咖啡～飲左熱印尼奶茶👍（忘了影🙏🏻）好好飲～唔太好咖啡因既我都飲到🤔但忘了影相😹.環境整齊乾淨舒適～每枱都有又有熱水提供👍好方便～下次有機會一定會再去試其他印尼美食👍

去完峇里之後，對印尼菜大有好感，今日出開鴨寮街買數據卡，亦都順便喺附近搵間小店品嚐一下。👍🏻串燒印尼串燒當然係最出名，今次叫咗雞牛各三，先要讚一讚佢炭燒嘅生熟度做得非常好，食落唔會好乾，最正嘅當然係佢嘅沙嗲醬，滿佈住花生嘅粒粒，味道濃郁。👍🏻牛尾湯完完全全有別於香港嘅風味，湯底清澈，胡椒香氣、牛骨嘅味道亦都慢慢起口腔滲出。👍🏻黃薑飯一兜有齊晒，巴東牛肉、炸雞、炸魚腐，啱晒大胃王。黃薑飯亦都堆砌得好有看頭，三層嘅米飯做得分明，薑味出色！鍾意食辣嘅朋友，不能夠放過巴東牛肉，做得夠濃味，而且半肥瘦嘅牛筋口感好正！👌🏻 珍多冰同泰國嘅風味有少少似，但係裏面嘅斑蘭粉團口感頗粉身，裏面嘅印尼姐姐同我講係店舖廚師親自磋打架(⁎⁍̴̛ᴗ⁍̴̛⁎) 👍🏻手打麵面頭嘅肉粒有啲似台灣嘅滷肉飯，而且攪拌起來，就會發現底部都蘊藏住肉碎，好有料！手打麵嘅口感亦都相對彈身，建議可以撈埋面頭嘅茄汁🥫值得一試

經過深水埗發現開咗間新嘅印尼餐廳，環境幾企理，都好多印尼華僑幫襯，老闆好Nice咁介紹咗幾道招牌菜～我哋試咗羊肉串，好Juice個醬好惹味😋見到好多食客都嗌咗黃薑飯，我哋都有試吓～個雞都好嫩個皮幾脆👍🏻 最後上既海鮮炒麵係幾好味嘅，不過因為佢哋啲嘢好大份，我哋食到好飽😆 整體價錢同食物質素都好唔錯，下次可以再試吓佢哋其他菜式😋👍🏻