Restoran SAYA

營業中

休息中

❤️一秒置身泰國｜啱復活節同朋友👫聚下舊好評幾多又full booking 先揀呢間試下，嘢食幾正㗎，只係員工態度扣咗分，希望間餐廳做好啲啦！💯咖喱軟殻蟹（$188） 💯生菜包肉碎 （$118）咖哩汁香料足，淋係炸得外脆內軟、飽滿嘅蟹肉上🦀，配埋火候到位嘅蒜蓉包食好惹味；肉碎有豬耳碎的爽口，也有豬肉的半肥瘦感，微辣，夾生菜食正～🍮芒果糯米飯（$78）IGable大加分，鮮甜得嚟好襯煙韌嘅糯米飯，仲可以轉雪糕添～🤨 菠蘿青檸蜜（$38）凍熱各叫咗一杯，好普通，原本想試椰汁沙冰但員工話今日唔供應PS 落單嗰陣男侍應有啲西面，話得樽裝水無其他水語氣唔ok，隔離枱有位女士俾錢前話望一望張單先，佢即刻反白眼🙄好無禮貌PS 可能因為有米芝連加持，用餐時間1.5hr 好strict，未有人嚟都會準時趕你走📍Restoran SAYA （奧運站行約5分鐘）

一入到去已經話限時90分鐘 點知準備叫野食 又走黎話 「你遲到左 所以 8.30 要還枱」 完全令人無晒mood 食 態度問題 就算好食都冇用 而且地點好難搵 遲到10分鐘都要同客計算 真係第一次聽 大開眼界

原本俾佢個米芝蓮推介榜吸引左過黎，網上訂枱咁岩有個6點半位地點小kick,難搵停車場🅿️，職員6點45分打黎問我係邊 限時90分鐘，8點要交枱。 搵左好耐間店，入場去又再次話限時 8點交枱🫠 雖然明佢意思 但語氣令我有hard feeling 似想趕我走多啲. 入座張枱搖搖下 唔穩陣，2個人2人枱都明，同職員講叫左3個菜 2人枱真係唔夠位放食物，有冇第二張枱。一句講晒：full booking 無得調枱，最後張枱放到密密麻麻 好唔方便（有提及轉細碟 但我想打卡所以頭2碟冇轉，最後有碟燒牛肉先用細碟上）想有靚碟打卡既建議3人以上有大枱先黎講返食物，本身想叫燒魚，聽到要等30分鐘，計計埋埋都係得好小時間食，即刻放棄。轉左燒牛肉，生菜包，咖喱金麵，芒果熱情果冰沙，青檸梳打。整體淨係得生菜包好食燒牛太靭略普通（得個醬汁覺得唔錯）咖喱金麵 有炸過既麵同埋普通既麵（唔知個麵叫咩） ，賣相都吸引，但炸過既麵唔好食 ，咖喱好稀 掛唔到汁，濃稠會好d芒果熱情果沙冰 飲落得芒果味 未去到難飲，但唔值價青檸梳打更差 無咩梳打味 似青檸溝水總結：可一不可再，名大過實，要認真諗諗米芝蓮推薦係咪伏

一般唔值得專登過去食，而且價錢貴！！有味精🫠睇到 “kikiphu~~~” 介紹好似好正😏, 🙈結果只係普通嘢 😮‍💨- 蟹肉奄列，蟹肉一啲鮮味都冇！雞蛋又煮得老！唔算好食😑- 炭火燒牛肉，唔值呢個價錢！！份量又少 😅- 泰北咖喱金麵 ，麵掛唔到汁！ 🤭- 泰式炒雜菜，正常嘢😏- 瑪莎文咖喱牛肋條 ，好食😋 ！配蒜蓉包一流，個咖喱汁做得好食 ！- 印度飛餅，一個字差 ！！又唔提供免費水，飲品又貴，又唔好飲 ！！ 三個人要食到1千先飽🤪亞萊？～ 都好食過佢🤣😂🤗⋯⋯我唔再又下次❌

泰國嘢就食得多啦(⁎⁍̴̛ᴗ⁍̴̛⁎)唔知大家有冇食過泰北菜呢🇹🇭今次想介紹一間主打高質泰北依善菜嘅餐廳俾你哋✨1. 泰式青咖哩·雞 $138青咖哩散發着濃濃嘅椰香，微辣惹味，煎過嘅雞肉肉質嫩滑😝蒜蓉包搽滿蒜蓉牛油，勁香口🧄將青咖哩搽落蒜蓉包，待咖哩汁滲透麵包先食，係雙重嘅享受(˶‾᷄ ⁻̫ ‾᷅˵)2. 泰北咖哩金麵 $128第一次食金麵，發現佢嘅特別之處係有兩款麵，一個係炸到酥脆，另一個係保留麵條彈牙嘅質感，麵條十分之掛汁，每一啖都食到濃濃嘅咖哩味😋咖哩充滿椰奶香，略嫌味道偏鹹；雞排煎到微焦但保持嫩滑(≧▽≦)3. 泰北辣肉碎生菜包（豬肉）$128Menu分別有依善同泰北嘅辣肉碎生菜包，泰北呢款會有豬內臟，包括豬耳、豬肝、豬大腸，食落好特別又有咬口，有別於平時食嘅辣肉碎生菜包🐷加上香辣惹味嘅調味，真係令我食唔停口🥹🫶🏻4. 冬蔭大頭蝦湯 $78 (min. 2 bowls)冬蔭公湯酸酸辣辣十分之開胃，香茅味濃郁之餘十分足料，有大頭蝦、雞髀菇、番茄仔，作為冬蔭功湯fans好快咁飲晒一碗🤣5. 印度飛餅 $38小心辣手！飛餅即叫即整熱辣辣，充滿油香，口感酥脆又帶點煙韌😆將飛餅用嚟點咖哩一齊食，真係p

已經第二次到訪Restoran SAYA!想不到大角咀一處靜靜的街道竟然隱藏如此高質美食！這家必吃的絕對是和牛炒河和咖哩金麵！咖哩是自家調製的，比即食的味道層次更豐富辣度也剛好～帶一點甜味更開胃金麵脆脆的混合咖哩很好吃和牛炒河很有穫氣～和牛片有炭烤的味道！蔬菜類配菜算很好，增加咬口～和牛雖說很有穫氣但肉質仍然嫩滑帶點油脂香～甜品精緻又好吃啦～上次試過香蕉煎餅今次試芒果糯米飯！幸好一早下單，吃完主菜已經賣光了果然是米芝蓮推介😍

🔸泰北咖哩金麵 $128有兩款麵，一款係軟滑，另一款係炸過嘅麵，帶來唔同口感及層次👍。個人會比較鍾意食軟滑嘅蛋麵，因為可以更加掛到咖喱汁。咖哩汁唔算辣，反而有椰汁嘅鮮甜味😜。雞扒亦煎得恰到好處，皮脆肉滑。🔸和牛炒寬河粉 $148寬河粉都頗為薄身，但個河粉嘅寬度會令你每口食一兩條已足夠，口感煙韌～都非常有鑊氣🔥。和牛份量適中，易於入口。🔸芒果糯米飯 $78擺盤好精緻💜，香甜椰漿配上軟糯口感嘅糯米飯，非常濃郁及滿足。芒果鮮甜之餘，亦有玫瑰嘅花香，額外清新😍🔸Siam Mojito $88透心涼嘅薄荷再加清新怡人嘅青檸香，飲落清新開胃🌿

芒果糯米飯賣相：🐧🐧🐧🐧🐧味道：🐧🐧🐧🐧🐧糯米飯造型設計精緻用心，以芒果片仿玫瑰花瓣，堆切成一朵美侖美奐的巨型玫瑰，非常美觀悅目。芒果新鮮又多汁，食落爽滑清甜，香味滿溢，與浸透滿椰汁的糯米飯一起食，軟糯甜美嚼勁十足，值得一試。蟹肉炒飯賣相：🐧🐧🐧🐧味道：🐧🐧🐧🐧炒飯炒得夠鑊氣，乾身不油，鹹香又惹味，焦香的飯粒間夾雜眾多的蟹肉絲，鮮美又可口，非常足料。意大利香草蒜蓉麵包賣相：🐧🐧🐧🐧味道：🐧🐧🐧🐧麵包烤得熱烘烘非常香脆，離遠已能聞到濃郁的蒜蓉香，非常吸引誘人。麵包入口外脆內嫩，鹹香又惹味，送湯或送咖喱都十分合適。環境：🐧🐧🐧🐧🐧餐廳設計富現代感之餘，兼具有民族風的特色，採用湖水綠色作主調，感覺和諧又舒逸。🐧❤️結語：芒果糯米飯精緻又美味，高質必食👍

📍大角咀《RestoranSAYA》美味泰北菜😋蟹肉奄列👍🏻👍🏻香噴噴 又香口美味 推介✅口感幾特別 個奄列雖然係炸 但食落去又唔會覺得好油膩而且入面啖啖蟹肉🦀️泰北咖喱金麵 今我諗起半年前清邁旅行😅濃濃嘅咖喱汁配上脆麵 鐘意撈汁嘅我啱曬🤣生菜包 肉碎juicy🐷又足料 份量真係好多 d肉碎仲多過d生菜🥬店內環境唔錯 全店以藍綠色為主 比起平時嘅泰國餐廳裝修好唔同 別具特色餐廳內有好多打卡位 亦有bar枱位 任君選擇

明明係米芝蓮必比登2023推介，唔知點解假日午餐食客唔多。裝修別緻，泰國民族風情配湖水綠主色，幾啱打卡。枱與枱之間好闊落，坐得好舒服。*泰北咖喱金麵 Khao soy $128椰汁咖喱湯濃郁，香濃唔會太辣，似汁多過湯，配搭各種香料，芫荽、紫洋蔥、紅蔥酥、青檸汁，口感味道都好豐富。雞蛋麵有嚼勁，有啲似扁意粉，但未夠索汁。炸雞蛋麵酥脆，索汁後變得半脆半軟。炭烤雞腿焦香夠腍，但份量比較少。泰北辣肉碎生菜包 Larb Muang Moo $128豬肉碎、豬耳、炸蒜、紅蔥酥，加埋炸豬皮，口感非常豐富，辣度十足，但肉碎比例上唔多。包住新鮮生菜，加埋九層塔、薄荷葉，不敗組合。泰式炭火鹽燒魚 Pla Phao $268將魚皮鋪上一層粗鹽，腹腔包入斑斕、香茅、檸檬葉，再用火燒。魚肉非常嫩滑好juicy，香料味道偏淡。戴手套撕魚肉包米線、生菜、薄荷葉，再點汁，一個偏辣、一個偏甜，好好味，估唔到生菜包魚可以咁正。泰式椰子咖啡 Young coconut coffee $68椰奶沙冰配濃縮咖啡，味道完全唔甜，椰子味道好香，但蓋過咗咖啡味。

最近屋企人生日，所以就帶咗佢黎大角咀試下呢間米芝連必比登推介嘅泰北菜，超鍾意食泰國嘢嘅我真心好期待🇹🇭😍呢間餐廳嘅裝修好民族風，入到嚟已經feel到一陣泰味~😆員工都係泰國人，所以用英文落單㗎!!🍴泰式咖喱蟹汁軟殼蟹🦀◽️咖喱好濃 有陣陣椰香味，食落帶有少少甜，入面有洋蔥同其他配菜 口感豐富◽️軟殼蟹炸到脆卜卜，份量都夠有5至6舊仔◽️蒜蓉包夠厚身，牛油味🧈好香，麵包都焗到脆脆地，點埋咖哩食一流👍🏻唯一缺點❗️得三塊唔夠食呀~~要另外再叫🤤🍴泰北咖喱金麵◽️特別之處係有2款麵，一款濕麵一款乾麵，乾麵脆卜卜 濕麵好掛汁，有唔同口感◽️🐥雞扒煎過好香炭燒味，雞肉都好嫩滑◽️咖哩甜甜地，香料味好重，加埋青檸味道豐富啲 好食😋如果咖哩可以多少少就好~🍴炭燒豬頸肉◽️豬頸肉食落好嫩口，有焦香味同埋唔會太油膩，點埋個酸辣汁食好惹味🍴蟹肉炒飯◽️蟹肉份量正常，加埋青檸同魚露食落都唔錯雖然相比之下略為普通少少，但係因為其他幾款都比較重口味，所以呢個反而可以解下膩🍴海鮮青木瓜沙律◽️酸酸辣辣好開胃，配料有🦐蝦、魷魚等等，亦都好新鮮彈牙辣度對我黎講可以接受🌶️（利申：譚仔食三小）🍴椰青◽️唔使講都知清甜好飲凍冰冰仲有椰肉食，好正

同朋友慶祝生日，朋友話呢間好難book，之前Walk in都Walk in唔到，想試呢一間。咁我就嘗試book下佢有幾神級。無可否認佢個雞扒麵係幾好食嘅，個雞扒處理得幾好個皮煎得好脆，個咖喱汁唔會太辣如果點埋薄餅食就十分出色。講返個麵先，真心覺得好正，脆卜卜個口感好特別。食完呢個滿心歡喜，好期待下幾個餸嘅蒞臨。但最終係有幾失望，個炭燒豬頸肉冇炭火嘅味道。個蟹肉餅我覺得係幾鮮味嘅，但係個蛋同佢講咗唔好煎得咁熟，但係最後出到嚟都係好熟，同埋佢個蛋汁係濃到有少少鹹。咁朋友生日啦，個芒果糯米飯就變咗做個蛋糕，但係個芒果肉好似啤完水之後完全冇浸過糖漿咁，係完全冇芒果嘅甜味。不過如果你打卡影相係一個唔錯嘅選擇。

由來自泰國的主廚主理👨‍🍳採用泰國地道香料及食材🇹🇭主打傳統泰北依善菜式🥬🥘亦是2023年米芝連推介餐廳🏅餐廳室內環境走泰式復古民族風🛖牆身用湖水綠作為主色，掛滿復古海報及傳統泰式壁畫🖼️更使用藤製傢俱🪑配上民族風圖案坐墊及抱枕令人有如置身泰國當地小店一樣🏝️泰北咖喱金麵是餐廳的主打推薦菜🍜蛋黃麵質煙韌可口😋配上微辣黃咖喱，紅洋蔥及招牌燒雞🍗蛋麵爽口彈牙，非常掛汁💦而咖喱加入了椰青水製成，味道少辣而帶一點清甜🥥採用牛隻最珍貴的梅花肉中心部位🐂炭火燒烤，即叫即燒🔥牛肉帶有焦香味🥩油脂分布均勻，肉質軟嫩，配上醬汁非常有風味🤩溫熱的糯米飯配上多汁甜鮮的芒果🥭芒果鮮甜而且份量多，賣相吸引🤤糯米飯好香椰香，黏感足夠😙泰式奶茶味好香，甜度適中🍮搭配奶凍上的cream及焦糖脆脆🍫為軟滑嘅口感增添層次😃

今次去咗間餐廳，好有泰式情調，色彩鮮艷得嚟唔嘈雜，啱啱好嘆個悠閒午餐。泰北咖哩金麵，嚟緊話你知呢個碟面對味蕾嘅衝擊！面條Q彈，吸滿咗椰香四溢嘅咖哩汁，微辣帶韻，真系食一啖，心都暖啲。雞肉串炭香四溢，燒得外皮微焦內裏嫩滑，食落就稱得上係一絕，搭配嗰啖啖花生沙爹醬，簡直完美。至於個沙律，餐牌上寫住「依善生菜包」，酸酸甜甜，清新得黎又清爽脆口，真系幫到手消化。而嗰碗香濃嘅椰汁芒果糯米飯，糯米香軟不膩，新鮮芒果甜得嚟又香，實係飯後嘅完美句點🍚🥭。整體嚟講，呢一餐飽嗮口福又滿足，啱哂想尋求日常小確幸嘅你我佢👍🏼。下次有空，真係要再拉埋一大班朋友嚟嘆返轉！

次次唔係食西餐就係日本嘢同打邊爐，今次搵下新鮮感，食呢間2023年米芝蓮推介嘅泰北菜！🏖️餐廳裝修用色大膽，鮮黃色牆身、綠白色階磚地板，湖水綠色階磚枱面配上綠白色斜紋籐椅，超有熱帶風情！🏝️唔止環境有泰國feel，連廚師同店員都係泰籍團隊，就好似去咗泰國一樣！而食物主打泰國東北菜，同平時食嘅泰國菜好唔同，擺盤精緻而且味道都好好。👍🏻雖然唔係食慣嘅味道，但就係好特別，食完會想再食嗰種！😋🧆小食拼盤 $148小食拼盤可以一次過試晒唔同嘅泰式炸物，佢嘅醬汁整成太極圖案，好有心機！冬蔭功手工蝦片又鬆化又脆，嗰種辣唔係入口就辣，係去到喉嚨先辣，再飲啖椰汁沙冰真係好爽！而炸雞棗用腐皮包住雞肉碎炸，香口又有口感；而炭燒清邁香腸同依善糯米腸以豬肉同糯米捲好再烤，香濃中帶酸辣，配埋香葉同檸檬香，食唔停！🥩炭火燒牛肉 $208炭火燒牛肉選用每隻牛只有3至4kg嘅珍貴梅花肉中心炮製，再用炭火燒成，四邊帶炭火焦香，內裡牛味香濃，口感軟熟仲好有肉汁，沾埋特製嘅芫荽橄欖油醬汁，微微嘅鹹帶有芫荽味，同牛肉好夾！🥭芒果糯米飯 $78芒果砌成薄片，砌到成玫瑰花形，再灑上玫瑰花瓣做裝飾，打卡一流！旁邊仲有粒粒芒果同香甜嘅椰漿