Rimi Cafe (已結業)

之前要同屋企人去旺角睇醫生，諗住搵定間餐廳食Lunch，到時就唔使企喺街度諗食乜，見到呢間餐廳喺OpenRice訂位有九五折，同埋位置都幾方便，所以就訂定位。一出lift已經見到紫色嘅大門，牆身仲有好多Colourful嘅海報，色彩都幾繽紛。門口擺咗一張白色嘅枱仔，有消毒液提供，仲擺咗一個雜誌架，提供唔同嘅旅遊書同埋報紙。餐廳嘅天花係綠色，裝修都比較簡約，枱櫈都係紫色，少女心嘅媽媽係心心眼🍕巴馬火腿薄餅（10吋）上枱係熱辣辣嘅，薄餅餅底外脆內軟，上面鋪滿 Parma Ham 配上芝士蕃茄醬，酸酸甜甜嘅番茄醬咸香嘅 Parma Ham，加埋一齊都幾match，口感同味道都好好🍝煙三文魚配忌廉雜菌天使麵用料豐富，醬汁Creamy仲勁多芝士👍🏻食完都唔會覺得太油膩☕️雲呢拿蘋果果粒茶茶入邊係浸泡住蘋果肉、洛神花、玫瑰果、雲呢拿、葡萄同埋肉桂，加埋蜂蜜，食完開胃消滯。☕️熱紫薯牛奶飲落又滑滑又夠creamy，淡淡紫薯味，甜度適中。🍰伯爵茶千層蛋糕係淡淡的伯爵茶香味，千層蛋糕唔算太甜食落好有層次，仲有抹茶柚子或者美祿嘅口味。最特別係佢用朱古力畫咗啲公仔係喺隻碟度，睇見都幾開心埋單每人百零蚊左右，餐廳

旺角有好多cafe，今次去咗Rimi cafe，因為係openrice訂位有九五折，而且見到佢又有board game玩，野食都好似唔錯😌入到去發現大部分都係卡位，就算我哋得兩個人都安排咗坐卡位，好多小擺設係牆上，好簡約舒服。cafe坐得舒服真係好重要😚 每枱上都會有放口罩既紙袋同埋大玻璃樽既水俾你自已斟水，值得一讚！餐飲方面都無令我哋失望。我地叫咗兩個Lunch set，分別係經典嘅卡邦尼意粉同埋煙三文魚配雜菌忌廉天使麵。兩個麵既份量都唔少，而且有好多配料！味道比岀面西餐廳一份百幾蚊唔差👍🏻依份$100唔洗，性價比好高😍跟餐仲會送烏龍茶或四季春系列野飲品。我就補差價叫咗杯香蕉朱古力加cream，朱古力味道都夠濃，極力推薦加忌廉令飲品更滑，鐘意甜既唔可以錯過😍😍朋友就叫咗金桔檸檬烏龍茶，朋友話好清甜同好香金桔檸檬味，甜度適中！食晒主菜傾咗陣計又口癢，主菜非常滿意所以想再叫d小食試下🤤巴馬火腿配芝士焗薯蓉，鹹香既火腿加埋邪惡拉絲芝士，好有驚喜真係必點！！😍仲有小食一定唔可以缺少嘅炸薯角，叫咗小份。炸得好酥脆又無油饐味，傾住計食份量啱啱好😊試過其他Cafe, 食物多數品質唔太好而且細份，今

巳光顧多次的餐廳，首次外賣了芝士焗香檳芥末汁牛肉飯配熱蜂蜜四季春茶，真的很失望，牛肉超級硬，完全食唔到有芥末汁，食了三分一巳經食唔落去，上午11:30在OpenRice 下了單，要求下午1時自取，1時到達但還未預備好，等了十分鐘左右。

今日嚟到旺角同朋友敘舊，想搵個地方可以坐耐啲傾吓計，上網見到呢間餐廳嘅食評都唔錯而且OpenRice book 有95折就一於嚟試吓啦😋踏入餐廳門口，就咁睇環境舒適，而且好簡約嘅佈置🥰服務員態度好好，而且餐牌上面有好多選擇🤪對於選擇困難症嘅我真係挑選咗好耐。最後我同我朋友每人叫咗一份午餐，兩份小食同埋兩杯特飲。⭐️卡邦尼意粉 $79開頭以為意粉嘅份量係好少，原來食非常你都幾飽🤣 卡邦尼汁非常濃郁，唔會好似其他餐廳咁水份👍🏻 煙肉嘅份量都好多 ，如果鍾意重口味少少嘅朋友應該會鍾意呢個意粉⭐️煙三文魚配忌廉雜菌天使麵 $88唔好睇佢個賣相好似淡茂茂咁🤫 忌廉味好重㗎！！而且唔係好似出邊啲餐廳咁俾細塊嘅煙三文魚🥰🥰 ⭐️蒜香雞翼 $38呢件雞翼比較乾身，食起上嚟有少少蒜味之餘有少少辣💥⭐️蜜糖雞翼 $38比起蒜香雞翼我咁鍾意食呢款💛 唔知係咪咁啱佢啱啱焗好呢？熱粒粒嘅雞配蜜糖真係好夾😋

以前中學嘅時候經常流連Cafe對上一次嚟到呢棟大廈都唔記得係幾多年前😂 忽然想重溫呢種感覺一入Cafe門口就擺放左唔同嘅board games，款式都算多同埋新淨餐廳入面都偏簡約風格，坐得好舒服叫咗2個Lunch sets+2款小食以前必點嘅煙三文魚天使麵賣相都幾靚，忌廉汁濃郁，蘑菇同洋蔥都非常足料雜菌燴飯口感比想像中清新，配料香濃得黎亦唔會太膩炒椰菜苗椰菜ball ball唔係間間餐廳煮得好食（一係太硬一係太淋）呢度煮得岩岩好，亦唔會浸哂油咁👍🏻雞肉串燒同以前學校食嘅一樣味道，可以懷念一下😂隨餐贈送四季春茶，補差價就可以轉其他飲品我地就另外轉咗一壺叫「星光」嘅花茶茶味配搭都幾特別，飲落有檸檬草，消滯一流總括嚟講，份量都好慷慨，兩個男人黎都絕對夠飽一洗以往Cafe既有嘅印象:hea時間>味道野食味道keep到餐廳水準，如果同時想搵地方kill time，呢度係一個唔錯嘅選擇今次OpenRice 訂位仲有95折優惠

好耐之前食過呢間西式Café, 印象都幾好, 終是再約朋友試多次, 睇下水準有冇keep到。Halloween就到, 餐廳都充滿唔同既節日佈置, PEPE出沒注意～之前食果次係夜晚食, 今次可以試下佢既Lunch set, 每款Lunch包一杯$39飲品, 超過既話補返差價就得。除左Lunch set, 餐廳仲有好多小食可以揀, 我哋嗌左兩款雞翼同炒椰菜苗。蜜糖芥末/蒜香雞翼:蜜糖芥末醬同炸蒜鋪滿晒雞翼表面, 雞翼即叫即炸, 熱辣辣, 脆卜卜咁, 配埋D醬同炸蒜好夾, 作為開胃菜啱啱好~炒椰菜苗:椰菜苗唔會苦, 用煙肉碎粒炒, 唔錯。肉醬意粉:肉醬超級多, 每一啖都係充滿肉醬, 係屬於比較甜既醬, 意粉煙韌, 好味。雜菌燴飯:雜菌份量都好多, 味道唔錯。總括而言, 餐廳質素仲保持得好好, 經過既朋友可以試下~

原本上黎openrice見到佢d環境幾好，所以先揀呢間去試下…點知去到佢安排另外一間房比我地…明明係book左位…點解反而比另外一間房呢..因為另外一間房比較暗，都無侍應係度…有需要就自己禁鐘仔啦⋯⋯雖然呢一下係唔多開心…不過都係唔想再搵其他餐廳啦…嗌左少少野…好彩d嘢食都唔差…仲有豬肋骨…但就無魷魚圈睇餐牌發現佢小食類其實無咩選擇….同埋對比其他cafe都算貴…真係個豬肋骨救佢一命…不過應該都唔會有下次啦⋯⋯

Rimi Cafe (旺角)旺角登打士街43H號登打士廣場20樓下晝要搵地方hea，三點左右嚟到油麻地，本來先去Liberty但無位🥲，於是就改去Rimi Café。老實講我對旺角café 嘅期望唔高，Rimi 食物質素比我想像中好，臨近萬聖節仲有萬聖節佈置🧛‍♂️🧟‍♀️🕷🍝卡邦尼意粉 $79雖然細碟，但幾香幾好味，煙肉夠咸香，芝士又係一片片刨出嚟，唔係求其用芝士粉，有質素👍 ⭐️推薦指數：7/10🥃凍烏龍茶 $0餐飲，好夠茶味，落單唔知點解寫咗熱，店員好友善幫我換。⭐️推薦指數：6/10職員態度友善禮貌，廁所非常乾淨👍不過我坐果個位可能因為係角落，所以有啲焗。

rimi cafe以前好鍾意去cafe同朋友飲野傾計呢間cafe其實都去咗唔少次 之前多數都係飲嘢當年好鍾意坐佢簡潔有自然光既另一邊玩遊戲 今次就坐返紫色調為主嘅 正常餐枱嗰邊食嘢 香辣雞翼 $65雞翼熱辣辣香脆又多肉汁 配上表面既辣粉 令雞翼更加惹味 每隻雞翼都好大隻 呢個小食非常好味芝士焗西蘭花 $52食落口西蘭花既甜味加上淡淡芝士味提味  西蘭花唔會過熟 芝士下下都拉絲🥰  lunch set 鮮茄辣肉醬燴意大利粉$75個意粉汁偏向口味比較甜 帶有微微蕃茄酸味 有唔少辣肉腸 個份量都唔細 lunch仲包埋飲品幾抵食👍我就補左差價揀特飲水蜜桃梳打 $加5偏甜少少 好足水蜜桃味👍 大大杯可以慢慢飲芝士奶蓋烏龍茶 $49超厚奶蓋 係平時飲手搖飲品舖既2倍不過如果烏龍茶再濃d就更加好喇Cafe最緊要坐得舒服大部分啲位都係梳化嘅質感  原來openrice訂座大部分時段睇到都係有95折 下次要訂定位去食食物：8/10價錢：8/10 環境：8/10

位於車水馬龍的旺角，搵到一間步調輕鬆嘅Cafe，喺登打士街廣場20樓，地點幾方便，就上去食個Lunch Set ☺️ 早少少係OpenRice訂座有95折上到餐廳，或分咗兩區，一邊係正常座位，一邊係日式榻榻米位置，仲要有落地玻璃，景觀開揚，陽光滲入黎嘅感覺好好！(今日着咗涼鞋，所以就等店員安排返正常位置就可以啦～)叫咗兩個Pasta Lunch Set，同埋一個雞軟骨小食。先上兩杯套餐飲品：奶蓋宇治金時(綠茶加紅豆) & 奶蓋珍珠奶茶。兩杯都好好飲，超級推薦買個宇治金時，綠茶味非常濃厚！配埋少少鹹嘅奶蓋，非常香滑😋兩個pasta都好好味，一個係焗吞拿魚芝士長通粉，令一個係煙三文魚配忌廉雜菌天使面。我好喜歡吞拿魚長通粉，因為吞拿魚味好出，芝士好拉絲🤣 拉到好長！好彩同行友人非常熟絡，如果唔係就尷尬啦😂朋友叫嘅煙三文魚忌廉集菌天使麵都好好食，煙三文魚排到好似玫瑰花咁，好靚！我諗廚師都幾有心機煮，因為意粉好入味😋 忌廉汁好濃郁！大概$80一個lunch set，仲有杯特飲！性價比不錯，會有下一次😚

好耐冇同朋友聚下舊，依家想搵間坐得耐啲既餐廳都好難，登打士廣場一直係我同FD聚會傾計既熱門地點，今次我地就黎到RIMI CAFE呢到邊食邊坐。環境幾寬敞，有得坐地下同梳化卡位，餘左坐得耐既我地當然就去卡位到坐XD每個卡位都形成一個小角落，岩晒幾個朋友一齊黎玩黎聚會，梳化位都坐得幾舒服，但淺色梳化就有少少發霉，呢到就扣左D分。MENU圖文並荗，成個內容都好豐富，睇見已經好想食，因為SET餐送飲品，所以同佢嗌左一人一個LUNCH SET+一個小食。蜜糖芥末雞翼，雞翼上枱時仲係熱焫焫，炸得非常香脆，睇得出係岩岩新鮮即炸！外層炸到金黃香脆，咬落去會聽到滋滋聲，內層雞肉非常嫩滑，炸既時間控制得岩岩好，完全無overcooked。配上酸酸甜甜既蜜糖芥末醬，中和左平時炸雞翼既熱氣同油膩口感，非常之夾。煙三文魚配忌廉雜菌天使麵，擺碟睇得出有心思，未食之前見到個賣相已經食指大動。三文魚又厚又大塊，口感十足，而且煙薰過更加多左一重享受。而忌廉汁十分香濃。如果汁再多D就更加好！特色雜錦燴飯，搞拌過後先食，濃郁既雜菌香味，食落去帶淡淡芝士味，燴飯粒粒分明有咬口，飽肚感十足！芒果烏龍茶，鍾意茶味重D既朋友仔一定

今晚去咗懲罰呢間朋友介紹嘅黃店Rimi cafe，地點就腳，喺登打士廣場20樓。BB汁燒豬肋骨配薯菜（$155）BBQ pork ribs served w/potatoes & vegetables 全份的豬肋骨伴以BBQ醬焗得香口，在其他餐廳試過一D豬肋骨會焗到D肉好腍，一切就離晒骨，呢度就焗到啱啱好，肉醃到很入味唔駛點醬都可以，焗薯亦很香口，伴以新鮮蔬菜沙律，好味！鮮蝦蒜辣炒天使麵（$132）Spicy Garlic Angel Hair With Shrimp大大粒嘅鮮蝦，配上蒜香十足炒得乾身嘅天使麵，嗜辣的朋友一定大愛！Add $19 「daily soup， garlic toast & a drink worth of below $39」蒜蓉包焗得香脆，粟米湯絕對食得出是粟米蓉煲成，蜜桃烏龍茶很有茶味，清甜解渴，呢個加配組合絕對超值！今次朋友介紹呢間餐廳好有驚喜絕對是值得推介，性價比高，回頭度甚高👍

咁啱想約朋友去旺角食嘢，見到OpenRice訂位有95折，就去試吓。用立體積木砌返餐廳個名，設計都幾好睇雖然話喺旺角，但係餐廳個景都唔錯，仲有兩邊大玻璃窗，好似今日好天就唔錯啦😎餐廳全部都係梳化位，有啲簡單擺設，喺度食嘢應該可以relax下價錢來講都好合理，而且嘢食都多款。鮮茄辣肉腸燴意粉🍝個醬有好濃嘅蕃茄味 ，有落香草同蒜蓉，配埋辣辣地嘅意式辣肉腸，好惹味😋特色雜菌燴飯啲飯煮到啱啱好，唔會硬亦都唔會話太林。夠曬足料，入邊有超多蘑菇加上佢個面放咗好多巴馬臣芝士，親個飯仲熱熱地，即刻撈勻佢，啲芝士溶晒落個飯度，個飯好滑又好食薄脆焦糖咖啡☕️個面好似creme brûlée 咁，係用焦糖整咗個脆面，飲之前用個匙羹整碎佢，焦糖甜味配埋咖啡絕配芝士奶蓋烏龍茶 芝士味同烏龍茶都好濃😋蒜香炸雞翼超多炸蒜，個雞翼炸到好脆唔會油琳琳 炸薯角滿晒成個籃，炸到脆卜卜伯爵茶千層蛋糕伯爵茶味好夠，啲cream好滑，推薦👍🏻

之前都食過呢一間 cafe，係黃店之餘 d 野又幾好食，所以今日同老婆再嚟食。蒜片牛柳粒，蒜片炸到好香，牛柳粒肉味都唔錯~煙三文魚薄餅，香噴噴嘅芝士加埋煙三文魚同好脆嘅餅底，無論口感定係味道都一絕！芝士焗薯蓉配巴馬火腿，綿密口感嘅薯蓉有好香滑嘅牛油味，巴馬火腿係我最鍾意食嘅味道，咀嚼時就有一股特有嘅幽香攻上去鼻腔，好好味呀！百香果乳酸，百香果嘅香味配搭乳酸真係無得輸~cafe 入面有好多 board game，不過今日比較趕時間無玩到，等下次再玩過啦。

唔知幾耐冇去過有得玩game既cafe，終於有機會教下老公玩數字牌😂分左2邊，一邊可以好似tatami坐地下，另一邊就正常卡位。全間餐廳周圍放左都好多香港人的佈置。首先叫左三款小食：蜜糖雞翼，蒜香雞翼，椒鹽雞軟骨2款雞翼都好出色，蒜香特別好味。雞軟骨本身醃左，幾惹味。卡邦尼意粉好多煙肉同芝士，但又唔會太膩。飄雪叫腸胃清道夫，好多種不同的花茶沖成，飲完幫你排下毒。茶係一壺上，都斟到5杯到架，仲附上蜜糖俾你溝黎飲，好夾。芝士奶蓋肧芽阿華田奶蓋好香芝士味，有啲似食芝士蛋糕的感覺。厚厚的芝士配阿華田岩晒。