Rimi Cafe (已結業)

趁假期同朋友去咗呢間樓上cafe chill下😄嗌咗個二人餐，分量好夠，食到好滿足！透過openrice book位仲有95折添！👉🏻鮮蝦蒜辣炒天使麵🍝蝦大大隻，配咗好多唔同嘅菇類，蒜粒分量好多，食落非常之香口，食得辣嘅朋友一定要試下！👉🏻香草烤春雞配薯菜春雞醃得好入味，香料味都幾重，雞肉好嫩滑，啲雞皮已經烤到變咗薄薄一層，食落口完全唔會覺得油膩！薯菜表面淋咗一層蜜糖，所以唔會無味，非常貼心👍🏻👉🏻芝士年糕年糕皮烤到有少少脆，但入面嘅年糕仲係煙煙韌韌，口感超正😝芝士分量都好多，同年糕又幾match！👉🏻水蜜桃四季春茶&百香果烏龍茶水蜜桃呢杯會較甜但味道唔係太出。相較之下，百香果味道會更加明顯，酸酸甜甜幾開胃。

今日想同朋友一齊揾間cafe坐底傾下計就黎咗旺角呢度，咁啱見到呢間cafe依家係OpenRice book枱會有95折就同朋友黎試下。呢度嘅員工都好nice，而且仲要冇限時，坐幾耐都唔會俾人趕走，傾計傾得悶仲可以玩下board games，而且呢度有WiFi又唔會好嘈，如果想同朋友一齊溫書都係一個唔錯嘅選擇！除咗環境好靚之外，野食都好有驚喜！今次叫咗煙三文魚配忌廉雜菌天使麵，三文魚嘅份量好多，啲汁亦都好香濃，天使麵唔會煮得太淋，大力推薦！卡邦尼意粉都唔差，有出面嘅水準！Lunch set或者tea set仲會包一杯烏龍茶或者四季春茶，其他飲品就額外加錢，飲品仲要好大杯！水蜜桃烏龍茶唔會太甜，茶未都重。另一杯紫薯奶昔係沙𣲙形式，紫薯味好出，但就有小小甜。小食方面叫咗椒鹽雞軟骨，份量好多，而且仲好好味，呢個都係必點之一！

✨Rimi Cafe2個女生的午餐，朋友竟然出門前食左個麵先黎，結果兩個人食到勁飽，好彩食得哂🙈Lunch Set最平$79起，仲包一杯烏龍茶/四季春茶系列飲品，或者補差價轉其他飲品，呢度有14類飲品系列任君選擇。-卡邦尼意粉 (Set選擇之一)落左好多碎煙肉，咬落幾煙韌，仲有好多黑椒調味，唔會太膩。我地再係零食menu揀左兩款食物😬-煙三文魚薄餅(10吋)10吋都幾大個，我覺得唔算零食😅呢個好味呀，薄餅烘得脆卜卜，鋪滿咸香煙三文魚。而且三文魚有Omage-3，可以抗發炎，對皮膚有益。-芝士焗風琴薯仔薯仔淋上溶左的芝士，第一啖食到有點酸，之後再食就唔覺酸。薯仔底下仲有芝士焦，又香又脆，不自不覺愈食愈多。😋🍹特飲兩款特飲都好靚😍-紫上談冰❄香芋奶昔配紅豆，忌廉。濃郁香芋味，最底仲有紅豆，有d似飲紅豆冰咁。-藍天白雲☁賣相好清新，舊☁係雲尼拿雪糕，最好一開始就食左佢，唔係溶埋落飲品度就好甜。呢間cafe幾抵食，見仲有好多game玩，但食左好耐，無拎野玩🙈

好耐無約朋友食飯，見到Rimi Cafe經OpenRice Book有95折就決定試下～～餐廰有兩邊位置，一邊係日式榻榻米，一邊係卡位。佈置簡簡單單，但好有文青嘅感覺！一坐低waitress就好熱情咁招待我地，因為之前都有朋友介紹過呢間Rimi Cafe啲雞翼好食，我哋就專登嗌嚟食下～我自己嗌咗個卡邦尼意粉 ，一上菜，我就留意到意粉上面撒滿大大片芝士碎，好足料！醬料偏稠身沾滿意粉又夠Creamy，意粉軟硬適中有咬口。對於我呢個本身細食嘅人嚟講，份量啱啱好。Lunch Set跟一杯飲品，因為見到Cafe嘅花草茶／果粒茶系列好吸引，我就加咗$20嗌咗杯水蜜桃果粒茶。茶方面，有淡淡嘅蜜桃香，好天然，仲可以自己調節想落幾多蜜糖，啱哂依家好多想少糖嘅朋友仔！仲要成壺茶份量好足，飲咗4-5杯都仲未飲完！大推薦！雞翼方面，我地選擇咗蜜糖芥末雞翼～蜜糖芥末醬普普通通，但個雞翼炸得好掂，外面脆脆地，入面啲肉仲好Juicy！同朋友慢慢食慢慢傾，坐咗接近2個鐘～臨走先發現Cafe仲有提供唔同board games，下次準備好嗌一大班朋友仔一齊上嚟玩下！！

//食物 🌕🌕🌕🌕🌑1️⃣餐湯 蒜蓉包佢嘅餐湯一啲都唔求其，明顯唔係金寶湯嗰啲，似係自己打碎整嘅蘑菇湯，杰杰地，仲有顆粒感😛之前仲有試過佢嘅南瓜湯，都好甜好好飲❣️個包就正路，都幾香脆！2️⃣青醬雞絲炒闊條麵香草味好濃，雞絲都好入味，唔會得個咸字👍🏻加上個麵好彈牙，所以食到好滿足🤣下次嚟食會再encore 🥳3️⃣芝士焗香檳芥末汁牛肉飯芝士落得夠重手，有牽絲效果😂😂一開頭食落覺得酒味唔係幾重，食到一半就感受到個香味了😍個飯撈埋啲汁唔會太濕，好開胃！//價錢 🌕🌕🌕🌕🌑正常Cafe 價，嘢飲夠凍夠大杯，主菜都好大份，非常抵食😍//位置 🌕🌕🌕🌕🌑位於油麻地登打士街，交通方便又易揾😛不過有時登打士會勁多人等lift ，好彩今次唔洗排🙈-//環境 🌕🌕🌕🌕🌗呢間Cafe除咗普通座位，仲有tatami area ，啱哂成班Fd 去玩😍而且門口仲有一大櫃嘅boardgame 可以借嚟玩🥳因為成層得一間Cafe，所以廁所都唔會好多人用，都乾淨嘅🤣-//總分 🌕🌕🌕🌕🌑呢間Cafe 其實已經去過好多次，每次嘅嘢食都無令我失望😍食過佢咁多款，最好食嘅係雞嗰個拼盤😍大家去到一定要試試！

今日中午約咗朋友去呢間旺角嘅樓上Cafe-Rimi 食個下午茶😌😌地方舒適 座位舒服 我哋準備安排咗 窗口位置 我嗌左個煙三文魚配忌廉集菌天使麵個汁非常之香滑 配埋芝士味道更加濃郁而裏便嘅雜菌都係新鮮嘅菇菌 非常之鮮味而意粉嘅軟硬度適中 剛好比忌廉掛汁上面條配埋中間個三文魚更加係畫龍點睛😍😍😍好味好味😘😘另外都嗌左一個蒜香雞翼非常香脆 又惹味 食完一隻再一隻 真係停唔到口😊😊 另外都叫左一個芝士焗西蘭花 好健康 但又好味😊😊😊仲好邪惡你叫咗一杯珍珠奶茶 香滑美味仲叫咗一杯美式咖啡 😍😍😍好想再食呀😆😆😆

同朋友想搵個個靜靜地又可以坐耐啲嘅地方溫書無意中發現左呢間Cafe店員nice亦唔會趕人走去過幾次飲過同食過唔少飲品同食物質素都唔錯☺特別係四季春茶系列幾好飲個下午茶set亦都唔錯

今日去旺角，記得之前網上睇過登打士街有間cafe唔錯，於是上去食個lunch呢間cafe個環境空間感幾大，好開揚，食飯都都會relax d今日叫左個素菌意大利飯都幾好味，濃濃芝士香好快就食哂成碟👍👍👍👍👍👍👍👍👍👍👍另外叫左個果茶，清清口氣，加左橙味糖槳後都好好飲望住個靚境，食個lunch都好relax如果下次同人黎旺角傾野，呢度都好好坐，可以再黎同埋經OpenRice Book位有95折

難得平日放假，約埋閏蜜一齊去CAFÉ坐下傾下計~揀左位於旺角登打士街廣場既Rimi Café，用OpenRice Book位有95折。餐廳佈置簡約潔淨，梳化卡位坐得舒適。午餐有SET，包野飲都幾抵。煙三文魚配忌廉雜菌天使麵濃郁香滑忌廉汁配鮮嫩雜菌，煙三文魚豐滿肥美有彈性，天使麵煮得剛好，彈牙有嚼勁，掛汁力強，每條都沾上忌廉汁。卡邦尼意粉鹹香濃厚，意粉口感煙韌，沾上香濃芝士及蛋黃，勁滋味。蜜糖芥末雞翼雞翼醃得入味又嫩滑，滿佈蜜糖芥末醬，好惹味。雞肉串燒濃厚醬汁烤得焦香，香氣四溢，啖啖肉，正。蜂蜜烏龍茶甘醇烏龍茶配微甜蜂蜜，解渴一流。薑母烏龍茶創新配搭，滋味又甜爽。

通常樓上cafe都係for人玩，食物又貴又唔好食，但呢間完全唔同。Cafe分兩個area，我們去了隔離分鋪，環境雖較細但裝修浪漫，適合二人用餐。.煙三文魚配忌廉雜菌天使麵🍝麵身幼而偏軟，但不會過份軟腍仍有咬口。醬汁濃郁綿滑，多蘑菇，芝士香味又不會蓋過忌廉味，十分出色。💕.蜜糖芥末雞中翼皮脆肉嫩，醬汁酸甜開胃，上枱熱辣辣、正。.芝士焗風琴薯仔打卡好靚，沒有意想中濃味，原來是要夾雜底部的脆芝士片食，味道岩岩好！不過就好飽肚。.本來想加$48的set食千層蛋糕，但很可惜已經sold out! 小小失望，唯有加$19 set，有餐湯蒜蓉包及餐飲一杯。是日蘑菇湯，多料，味道濃厚，加埋蒜蓉包一流。重點推介芝士奶蓋紫薯牛奶，芝士偏鹹，配搭清甜的紫薯牛奶真係好夾！超好飲🤤🥛.很可惜我們錯過了下午茶時間，如果平日下午來應該更加抵食！最重要係支持黃店！💛✨✨✨

Happy Friday! 同朋友出黎輕輕鬆鬆食個lunch最近見到登打士廣場既Rimi Cafe透過OpenRice book位有95折，所以專登同朋友book台食佢既lunch set種類唔算太多，但都岩食，小食反而好多選擇，可能始終係cafe，預一大王班人上殷食少少野吹下水卡邦尼意粉$79芝士超級多!!芝士控必點，意粉軟硬適中，口感好好；最鍾意佢既蘑菇片，超好味。芝士焗吞拿魚長通粉$85想講佢既吞拿魚真係超多，通粉同魚既比例就快一比一；通粉加吞拿魚好mtach，味道無卡邦尼咁濃炒椰菜苗$52呢度既椰菜苗真係好細粒😂真係未見過咁細既椰菜苗，加洋蔥去炒特別甜，幾好食炸薯條$36細好耐冇食薯條，呢度既薯條偏幼身，炸得偏脆。整體夠熱，夠新鮮，薯仔味濃。lunch set可以免費點烏龍茶，我點左熱碳焙烏龍，係一般既碳焙烏龍，味道唔會太淡；朋友加$12點左凍胚芽珍珠奶茶，佢落左勁多胚芽超健康，但記得飲既時候攪勻D，如果唔係低個D可能會太甜🤭

一班朋友食野傾計去cafe就最岩💛 今次去左旺角嘅Rimi Cafe 我哋三個人 叫左個二人餐 -2個甘荀湯 -蒜蓉包-沙律-卡邦尼意粉-pizza-2杯飲品再加咗小食😜沙律份量十足而且菜食落新鮮🥗意粉、雞翼、薯條就不過不失啦 -卡邦尼意粉 -蜜糖、蒜雞翼Pizza個底好厚😂 好彩佢嘅料夠多！中和番～飲品方面 蜂蜜/荔枝四季春茶 茶味唔算好濃但可以接受😜Btw個到仲有board game玩架！門口仲有yell card扭～但有小小野要注意下 個到抽油煙麻麻地 食完全身好大陣油煙味😭

呢間cafe感覺好開揚，可能有好多玻璃窗既關係，感覺好舒服仲有好多board game不過今日約左朋友黎食個快lunch，所以無時間玩board game下次再約一班朋友黎gathering先「鮮茄辣肉腸燴意粉」鍾意食蕃茄意粉既一定要食呢個！蕃茄醬好豐富，每一條意粉都充滿蕃茄醬酸酸甜甜好開胃再配合埋辣肉腸微微既辣味，味覺好豐富！「迷你pizza」呢個岩哂眼闊肚窄既我想食pizza，但又食唔到好多！Pizza底係厚既麵包款，食落好實在Salami腸亦一啲都唔吝啬「炸薯條」即炸既金黃色薯條永遠都係我嘅喜愛炸到外面好脆芝士焗西蘭花焦糖咖啡第一啖飲落咖啡味好香濃，然後慢慢就散發焦糖味道，有兩個層次不過放耐左，就俾冰塊稀釋左，所以相信熱飲會更好玫瑰蜂蜜濃郁既玫瑰味，夠哂真材實料

旺角cafe，大家第一時間都諗起登打士街廣場，位於20/F的rimi cafe，2018年尾黎過，今次再食驚喜十足。芝士焗吞拿魚長通粉 $85cafe而言係大碟，而且吞拿魚落左好多，芝士拉曬絲😋蜜糖雞翼$38最有驚喜既小食，可以做到真正既皮脆肉多汁，完全估唔到！超班之作。椒鹽燒賣$35以前黎食都好有印象，炸得好靚，仲會有泰式辣醬點，就咁食/點醬都好味😍雲呢拿咖啡☕️$47有雲呢拿溝埋一齊杯野唔會苦，又滑左，最緊要唔會太甜😌高層玻璃睇到旺角既景色，嘆住咖啡睇景真心chill😎

以往去呢一類型既cafe都係貪可以坐得耐同埋影相靚可以用黎呃like 對佢地既食物質素都唔會有太大期望 所以今次真係好大驚喜 因為呢到除左環境靚之外 野食都好好食我地兩個人叫左「日式芝麻醬沙律」、「特式雜菌燴飯」、「焗磨菇雞肉酥」同埋「蜜糖芥末雞翼」黎share 每款食物都係一百蚊樓下 真係好抵食 而且味道仲好好 拍得住出面唔少西餐廳！「日式芝麻醬沙律」：d菜好新鮮爽脆 配埋日式芝麻醬 開胃又健康「特式雜菌燴飯」：味道濃郁 口感creamy 「焗磨菇雞肉酥」：個外皮焗得好鬆脆 內裡卻仍然保持juicy 好食到停唔到口「蜜糖芥末雞翼」：炸到香口既雞翼配上醒胃既蜜糖芥末 好香好惹味 係非常出色既小食而飲品我就叫左杯凍既「百香果四季春茶」 都係唔錯既選擇！咁樣食下野飲下野傾下計玩下boardgames就過左個輕輕鬆鬆既下午 寫意到呢！已經諗好左疫情好轉之後會約埋成班friend出黎！