Rooot

營業中

休息中

呢個沙律係用鎮江香醋嚟做醬汁，而唔係用一般既沙律醬,堅正,健康又輕盈！！！！！ 好多QQ 寵物,好開心融合自然元素同本地文化，係一個宣揚健康生活嘅多元空間嚟好自然好舒服呀

南豐紗廠新開餐廳藝術感色彩繽紛🎨cafe入到黎已經好開心好吸引平日比較寧靜可以周圍慢慢打卡店員同我講假日會有live Band🥁🎤🎼🎹期待期待仲有滑版滑板鞋可以俾大家試玩🛹🛼重點係環保餐廳有個收集筒收集廚餘自助形式佢哋嘅餐具紙碟都會回收很好的環保概念大家要學習保護地球我哋叫咗一個一人set煙三文魚蕃茄意粉沙律或湯凍抹茶latte🥤另外叫咗個手打香草紫蘇醬青素菜意粉玫瑰花latte 🍵意粉味道唔錯煙三文魚新鮮玫瑰latte 有香濃玫瑰味呢間仲係寵物友善餐廳

呢間Rooot和大埔間溫室植物Botanic Union 係同一個老闆，兩間都係好有獨特個性，呢間走嘻哈風，有好多色彩，同埋好多手製野，有些桌子上的圖畫，侍應話係佢地畫的，佢d桌椅售$2800/1套。只要留意一下牆上字眼，便知間野叫人要珍惜大自然，要做個環保人士，理念幾好！想起日日掉千萬口罩，地球應該好快玩完😭😭😭題外話，今次佢杯花茶好hea，材料方面。另外，佢舊mango cake係有果肉的，員工好nice，笑住講bye bye，我係再返黎試下正餐，但期望唔大😆個環境平日黎好chill，我一個人獨霸梳化區，睡了，好軟棉棉🤡🤡🤡

Totally understaffed.Not recommand if you are looking for a place where you can have a good chat with friends because there is a live singing plus dogs barking (both in/outside the restaurant...) 🥲🥲🥲May be better for a weekday visit with less people.Food and drinks are okay though a bit overpriced.....

<半讚半伏>餐廳環境好似森林，多個位置可作打卡，假日仲有live music 聽🤩‼️ 餐廳用環保即棄餐具，要自行取餐及收拾清潔‼️.🥣喇沙海鮮意粉🥣：💰$118有菇、青紅黄椒，意粉汁好濃黄咖啡香料味，偏辣。咦？但點解冇海鮮既？Omg原來比漏左4粒蝦..😅 蝦粒幾彈牙可能因為用即棄餐具，整體感覺唔美觀同唔值$118碟既意粉…😂🥣本地水車雞翼（7隻 ）🥣：💰$78雞翼汁偏濕，少少辣，雞肉較實，味道正常，配有少量沙律菜。.好味程度：⭐⭐⭐️抵食指數：⭐環境指數：⭐⭐⭐⭐

今日好chill, 去完彭福就黎左南豐紗廠既rooot食lunch ，因為呢間餐廳係pet friendly。去到我地就簡左bbq豬仔脾,水牛芝士pizza ，咖哩海鮮pizza同蝦醬海鮮意粉，再加上香蕉菠蘿芒果汁同青檸接骨木花梳打。最值得推介係豬仔脾，佢既醬汁職員話係自家製，係同出面唔一樣，而且熱辣辣，呢枝骨都熱架，最好係仲好多肉汁，一d 都唔乾，唔怪得見好多枱都叫。雖然等多陣都值得。蕃薯條又脆又甜。蝦醬海鮮意粉都好特別，味道好夾。另外值得一提係佢杯青檸接骨木梳打，好fresh。最驚喜係出面有pop up store 狗仔食左佢狗生第一隻狗仔專用鴨肉糭😋幾分鐘就ko左，都估到好yummy。最後要讚既係呢間餐廳服務好好，好nice,又好環保，餐具都係可分解，仲收集廚餘做肥料，為環保出一分力。

2/6/2022 今日嚟南豐紗廠嘆午餐。 Rooot Cafe 裝修好colourful ，第一感覺係一間好啱打卡嘅Cafe。入到去，第一時間就係影下相。店員介紹話呢度係自助形式，喺counter落order，跟著自己取餐，食完之後自己清理餐桌。重點係呢度有一個筒收集廚餘👍🏻而佢哋嘅紙碟，紙餐具都是可以回收的，一個很好的概念，大家一齊救救地球！我哋午餐：-健康雞肉沙律，雜菜新鮮翠綠，雞肉嫩口。青醬蘑菇烤雞薄餅，啖啖蘑菇蓉與雞肉混埋，美味，薄餅脆口😋凍芒果菠蘿紅茶，夏天必選飲品。一個一人套餐：-蕃茄薯仔雜菜湯，好多材料，有西芹，飲落都覺得清新健康。煙三文魚蕃茄意粉，有少少微辣，刺激食慾，好食😋椰子雪糕，唔太甜，都係健康雪糕。凍芒果菠蘿紅茶一個愛護地球嘅cafe，抵讚👍🏻

/Rooot以可持續生活方式為經營理念 仲係一間pet friendly既餐廳 可以放心帶同寵物用餐🦮餐廳設計色彩繽紛🪴🌴佈置上都落足心思 充滿特色 而且環境寬敞舒適 空間感十足 有時仲會有live band表演餐廳由點餐到取餐都係自助形式 亦設有自助區及回收區🍛咖喱吉列炸蝦藜麥飯咖哩飯用上珍珠米配上藜麥 日式咖喱加入蘿蔔及薯仔烹調 甜甜地好易入口 炸蝦🍤有3隻 炸到金黃香脆 可以原隻食曬 仲有沙律菜做伴碟 小食港式水牛雞翼 調味恰到好處 唔食辣既可以選擇蜜糖雞翼🌶喇沙大蝦扁意粉賣相非常吸引 配料有三色椒以及菇類 喇沙味道濃郁又不會過鹹 清甜爽口既三色椒🫑可以中和辣味 必試啊Vegetable Juice▫️羽衣甘藍 青瓜 蘋果🥒🍎蘋果既甜味中和羽衣甘藍既草青味 整體味道清新 仲有抗氧化功效 ▫️香蕉 菠蘿 芒果🍌🍍🥭充滿香甜菠蘿果肉 係天然既生果味道 健康之選▪️整體而言 餐廳食物質素不錯 份量足夠 環境亦適合打卡 同朋友食飯傾下計 聽下音樂 夠曬治癒Rooot 📍 荃灣白田壩街41號南豐紗廠119號舖#anygoodfood_hk#anygoodfood_tsuenwan

焙茶芝士蛋糕芝士蛋糕有焙茶、原味同埋斑斕味，啲蛋糕比較搶手，我地大約6點去到都無咩選擇！斑斕賣晒，焙茶都係得返最後一件，如果想試斑斕味芝士蛋糕就要提早了⚠️焙茶味都幾重味，茶底好香，不過佢敗筆就係佢整到乾爭爭、鞋恰恰，食完一啖都唔想食，不過費事浪費都食埋佢，其實味道唔錯，係佢個口感出左事😵我朋友都話個口感都出事，唔係得我一個甘覺得🥹益力多烏龍茶我朋友飲左益力多紅茶，2杯比較，其實紅茶底其實做得好啲，益力多紅茶調味係酸酸甜甜，味道重味啲，但益力多烏龍茶完全無味，唔知搞咩😂好似飲水甘，帶少少酸味甘😂

#petfriendly 荃灣。寵物友善嬉皮士風caғe植物和藝術懷抱中用餐這Cafe很有趣啊可以讓你坐着放空一個下午四周放滿了大量植物還有大量二手家俱二手衣物布料作裝飾融合自然元素和本地文化天然、本土、環境友善的食材還提供幾款pet menu 遇上毛孩和鸚鵡跟主人午膳啊週末還有busking啊支持本地的音樂呢食物主打健康路線主食除了意粉，藜麥飯、薄餅等還有提供沙律、炸物及小食(´▽｀)青醬蘑菇烤雞薄餅(´▽｀)蝦醬海鮮炒意粉(´▽｀)羽衣甘藍青瓜蘋果汁(´▽｀)Latte//食物正常發揮蝦醬味比想像中濃郁羽衣甘藍果汁頗清新反而友人的咖啡一般有機會想試一試他們自家製港式梅菜豚肉丸。配上日式咖喱飯.............................. ..............................

邊食野邊聽住人唱歌，絕對是一個自誤放鬆好地方，周末放假來走一趟可以讓身心靈得到舒暢的Rooots，坐著不止年青人，還有一家大小，帶著寵物都大有人在，難怪如此吸引人前來。******************************Rooots 位於工廠區內，翻新為南豐紗廠商場之内，雖然離地鐵站有一段距離，但絕對能吸引不少人前來逛逛。走進商場，經過不少的商店，都滿有年青人在，最後終於來到Rooots 店前，才發現並不是一間食店，就像是一間賣精品店的裝潢，隨便讓人入内參觀，甚至坐下享受美食，天還要遇上有人唱歌表演，更是讓人心花怒放地享受這個周末，就算路多遠，都值得前來。食物以意粉薄餅為主，還有些小食和甜品供應。此外，有1人和2人餐的選擇。套餐可以選沙律或是日餐湯、主食，甜品就由廚房不定安排款式，指定飲品一杯，或補錢享用餐牌内其他飲品，價錢都是百多至二百多收費，最重要沒有加一收費。入內先去點餐，都是自助形式，自己點餐，找坐位，取餐收餐。食具和水都自取，全部都用上環保餐具。點選餐食，再找坐位，劃分了一個區域是對著歌者，但必經除鞋入座。此外，還有不同形式枱櫈，讓人可以自由地入座。醬燒BBQ豬脾骨

歷史悠久嘅南豐紗廠, 早已被活化成潮地, 內有場零售、文化、展覽、藝文空間及無數的概念食店, 今日我就嚟到呢度嘅特色概念餐廳......Rooot, 吸引我來的是他們在OR 的自我介紹:食店、商店的結合, 空間綠化, 色彩繽紛的佈置及牆壁, 特別吸引, 最重要係一啲都唔焗促, 空間感十足,  逢六日2點半開始仲有Live band唱歌。餐廳主要供應新鮮食材製作的食品, Pizza、意粉、小食、果汁、咖啡及甜品一應俱全, 價錢合理, 梳化位置坐得很舒服。小食拼盤 ( $148)雞翼x4本地豬肉梅菜丸 x 4炸蕃薯條 沙律菜紅菜頭火龍果黑加侖子汁 ($48)自家即制, 甜味來自果糖, 不添加任何人造糖, 難得係鮮榨紅菜頭完全冇草青味, 紅菜頭、火龍果、黑加侖子汁份量調配出色, 入口好清甜, 最重要是健康有益。雞翼 ~ 泰式甜酸醬雞翼, 酸酸甜甜, 香辣惹味, 冇人抗拒的小食。炸蕃薯 ~ 填肚之選, 連皮炸, 高纖又飽肚, 炸得乾身, 拈少許青瓜沙律醬食, 開胃減膩。本地豬肉梅菜丸 ~ 梅菜肉丸是餐廳自家製作, 好好食, 材料有梅菜、麵根、馬蹄粒、本地豬肉及紫菜, 梅菜做到爽脆口感, 本地豬

今日假期出左去南豐紗廠。去左間好Homey既cafe食Lunch，cafe內仲有好多狗狗🥰🥰 我地無帶寵物，所以坐左係狗狗不能入既sofa area。個到啲咕臣好有摩洛哥風格，仲咁啱遇上Live表演，可以邊食邊聽音樂。🥰我地叫左一個一人餐再加Pizza。🍝Rooot 假日一人套餐（$178）沙律+煙三文魚蕃茄扁意粉+美式咖啡+甜品份量好足，而且食得出材料好新鮮！意粉煮得軟硬到適中，蕃茄醬同三文魚好夾。個甜品係朱古力雪糕，好重朱古力味🍫🍕青醬蘑菇烤雞簿餅（$113）佢係簿批底個種Pizza，批邊好鬆脆！啱我哩啲唔太鐘意食滿滿麵包感pizza邊既人🤣青醬啱啱好，唔會搶左個味，同樣地食得出材料好新鮮！哩到除左好pet friendly，仲好啱食素人士，我地叫既意粉同Pizza都有走肉版本，價錢仲平啲添！坐係到玩下人地既狗仔，聽下音樂、飲下咖啡，咁就過左好Chill既一個晏晝🥰

同朋友帶狗狗去南豐紗廠都冇特別諗食咩，見到呢間餐廳好靚，就走左去搵食佢有餐廳內同餐廳外食用區餐廳內係田園x夏日風格主要都係植物同木枱木櫈感覺非常舒適我地叫左兩個二人餐每個二人餐有餐湯/湯律、飲品，同一個主菜一個飯/意粉價錢唔貴，份量都好夠意粉、雞翼、豬肋排都非常之好食豬肋排非常之軟，同啲骨好易分開睇得出焗左好耐好入味係個咖哩飯普通，似叮叮咖哩汁，建議主食可以叫其他入面同門外都有打卡位同小動物黎記得影埋相先走呀👍

尋日去到南豐紗廠，一去到就諗住食嘢先！見到呢間ROOOT好大好靚，有好多綠色植物🌵同埋打卡位，而且寵物friendly！所以二話不說就衝左入去。自助嘅形式，自己落單，自己攞餐，食完自己擺番👍🏻非常好！而家好多地方都興呢一啲Self service ga 我同老公叫咗個二人套餐，食物嘅賣相幾好但係無奈，食物嘅質素麻麻。南瓜湯偏水，一飲落去好似係溝咗水。😥水牛雞翼係比較好食嘅其中一樣嘢。至於個吉列炸蝦和風咖喱飯🍛d飯煮到一pat，太濕啦，咖喱汁一樣都係偏水，好淡，無乜味。已經冇心機，另一個餐係醬燒香蒜一口牛藜麥飯已經冇影相，想講返個一口牛係OK嘅，但係真係唔係藜麥飯囉，俾咗白飯我。。。。又係啲飯太濕。另外兩杯嘢飲都好普通，無論係芒果菠蘿烏龍茶定係益力多烏龍茶，都只係得烏龍茶味😑講真$531 ，唔算係啲咩錢，但係喺冇服務，冇食物質素嘅情況下，真係算貴，無論食物或者係飲品都對唔住價錢。真係食環境，打卡位，同睇吓其他食客嘅寵物。下次真係唔會再嚟，一定唔會推介朋友👎🏻