Route 83 (廣福道)

營業中

休息中

OpenRice上所寫的開放時間是上午八時，結果上午11時去到的時候竟然未開門，我以為是餐廳的手誤，結果還是等到餐廳11點半開門的時候才進去。點了他們的招牌推介「熔岩芝士醬牛肉漢堡」，送來的時候我吃了一口發現不對勁，就是芝士份量根本和宣傳照片上的完全完全不一樣。詢問店員，店員竟然說：「沒有芝士了。」剛開舖就容縣他們招牌推介的材料芝士醬，為什麼不告訴我？大家比較一下圖片就知道,這完全是欺騙吧。是一次不愉快的經驗。

元宵佳節更係想同老公過，食下野簡簡單單便是。放工老公黎沙田接我去大埔，佢話大埔友介紹過佢地德國豬手好抵食。入到大埔約7 點半到順利拍好車行到餐廳，見到門口已經有人等位，好彩老公打去book定位，晚上招牌較喑淡。晚餐之選，包是日餐湯或者迷你凱撒沙律我地揀左是日雜菜湯茄味濃多雜菜 脆皮德國鹹豬手配薯蓉 $168賣相滿分，豬手皮脆扑扑還大大舊肉夠晒鹹香同濕潤，保留到原汁原味，再配上薯蓉，酸黃瓜絲，椰菜絲同酸菜絲，好正宗德國豬手做法。還細心地切件送上方便客人食。 Route 83 雜錦Pizza $70我同老公都鐘意薄批，但薄得黎唔可以過硬，今次餅底做得剛剛好，Topic簡單只有辣肉腸，波蘿，雞肉同甜椒當然還要芝士等等，好滋味。炸魚薯仔 $68好吸引見到隔離個男人，一杯Beer+ 一籃炸魚薯仔食得好滿意。我老公話要食喎，真係無失望，炸魚脆漿薄，魚柳夠厚身少少鹹味味道調得唔錯，點埋專用醬汁好好味，薯條又粗身！ 朱古力脆脆沙冰超好飲，每啜一口都飲到濃濃朱古力味同粒粒朱古力碎，質地香滑！芒果沙冰 一般芒果味無乜特別，味道尚可。兩公婆呢餐每人平均$200 非常超值，性價比高！

週日親子日，應邀到鳳園出席植樹活動。忙了一個上午，活動完畢後驅車到大埔吃午飯。小編對大埔的食肆亳無頭緖，完全依賴開飯網作搜尋，最後選定「Route 83」這間西式小店。「初到貴境」才知「搵食艱難」，同街食肆大部份也坐得滿滿，「Route 83」也不例外，需取籌排隊輪候。待了十五分鐘終能入座，店內呈 L 形，座位不算多，舒適度普通。 午市套餐有十款，主要供應一般意粉漢堡薄餅等西菜。「南瓜湯」屬是日餐湯，瓜香較淡，可考慮放輕食鹽投放量以突顯南瓜自然的甜味。「夏威夷薄餅」即叫即製熱辣送上。雖然食材選料相對簡單，但正好提供一個簡約的平台供食客專注享受芝士的美味及餅底的薄脆。小編喜愛吃菠蘿，當然支持增加菠蘿的投放量。「8 oz 純牛肉菠蘿漢堡配炸薯條」賣相脹卜卜，食感溫熱。面層麵包外脆內軟，菠蘿美味，只可惜厚厚的漢堡扒製作乾硬，大大失分。 「香煎豬扒配洋蔥忌廉燒汁意粉」份量充足，豬扒水準普通，口味略鹹。醬汁份量多，評價兩極。 以一杯「熱咖啡」作結，忌廉奶量相對豐足，甚合小編口味，讚！ 整體來說，「Route 83」的菜餚普遍大碟量足，性價比合理。

今日和朋友行完山, 往route 83食午餐, 我們點了美國安格斯肉眼扒配燒汁, 墨汁大蝦藍青口意大利飯、葡萄牙汁烤雞扒飯配沙律、凍焦糖咖啡和雪糕咖啡。美國安格斯肉眼扒配燒汁賣相一流,份量方面肉眼扒足足佔了整個碟面一半左右,份量十足。廚師好有心思把燒汁用細小膠匙載著, 令食客可以按自己的口味調整牛扒的味道,切開我點了8成熟略的肉眼扒質均均勻, 內質鮮嫩, 入口即熔, 配菜薯蓉是原隻薯仔切開一半,由錫紙包著剛剛從焗爐取出來薯仔, 食落熱辣辣, 口感十足, 焗薯有芝士及煙肉, 芝士味道香濃, 煙肉味道十足, 食落十分好味,燒汁味道剛剛好, 配上肉眼食落惹味, 而沙津蔬菜用料新鮮配上凱薩沙津醬, 食落好開胃, 整份美國安格斯肉眼扒份量十足, 味道一流；葡萄牙汁烤雞扒飯配沙律, 雞扒烤得香脆, 肉質鮮嫩, 配上葡萄牙汁食落美味, 飯食落軟綿, 沙律食落新鮮開胃, 整份葡萄牙汁烤雞扒飯口感豐富, 食落醒胃；最後凍焦糖咖啡焦糖味甜度剛剛好, 忌廉很香滑, 咖啡味香濃。餐廳座位舒適, 餐廳有很多啤酒蓋擺設, 很有特色, 而且食物美味, 份量十足,價錢合理, 值得再來的西餐廳。

幾個女仔想響大埔食下飯傾下計，呢到都唔錯㗎，食物好食之餘，價錢又唔會太貴。黎之前最好book位喎，因為店員話星期五六日多啲人，唔想walk-in 等就book定位啦！呢到推介德國豬手，晚餐有set的($168)包湯/沙律 + 飲品，豬手較膩，建議叫沙律。隻豬手超大，三個女仔食就啱啱好，佢好細心咁切到細細舊，唔洗我地同隻豬手搏鬥個皮脆卜卜，啲肉好嫩，好似食緊燒豬咁啊！唔好睇漏個薯蓉，唔係白洽薯仔蓉黎㗎，食一啖你就知啦。另外有酸菜比你配豬手食，等你唔會食到好漏，食多幾舊都得啊！套餐可以加15蚊要薯條，新鮮炸薯條用黎配豬手好夾另外有叫墨汁大蝦青口燴意大利飯（＄68）意大利飯好香啊，佢個飯係較軟的，真材實料㗎因為食到個咀同啲牙都黑哂當然唔少得飲品Apple Cider啦！好細心咁比個杯我地，可以斯文啲咁飲

今次去到大埔墟，大馬路近巴士站一間西餐廳叫做《Route 83》，招牌好似一個襟章標誌，好有特色，好容易就認到。入面幾乎全場滿座，近門口位置有個水吧位，最入面就係餐廳嘅座位位置。餐牌就係自己座位嘅餐紙，另外仲有一本飲品嘅Menu。首先叫咗幾杯飲品，朋友叫咗啤酒Hoogarden，佢都大讚啤酒凍冰冰、好有氣，可以爽爽喉嚨。我哋仲叫咗凍檸茶同埋冬天滋潤嘅蘆薈柚子味道嘅潤蜜茶。見到晚市套餐咁抵食，我哋叫咗三個一齊share食。包括係10安士肉眼牛扒燒汁配芝士煙肉薯蓉、脆皮德國鹹豬手配薯蓉同埋秘製BBQ汁豬仔骨配炸薯條🍟。唔使10分鐘啲嘢食就逐漸來到了。首先就係套餐中嘅餐湯南瓜湯，飲落去軟綿綿嘅質感，有好多南瓜蓉，而且味道非常鮮甜。迷你凱撒沙律菜非常新鮮，蔬菜啖啖爽口。我最欣賞晚市套餐中嘅10安士肉眼牛扒燒汁配芝士煙肉薯蓉，份量好大碟，牛扒非常大塊，切落去中間粉紅色，而且半肥瘦的，正好符合我嘅要求，食落去非常濃郁嘅牛肉味道，好新鮮。除此之外，芝士煙肉薯蓉同樣地好有份量，芝士醬汁鋪滿喺薯蓉嘅上面，好Creamy，食完真係好飽啊。最後再叫多一個辣肉腸手作薄餅，就為呢一餐咁豐富嘅西餐畫上句號。

聖誕節期間，經過一間大埔墟嘅西餐廳，我哋四個就入去試吓晚餐。餐廳環境以黑色為主，而且入面佈置成充滿聖誕節氣氛，牆上面還有色彩繽紛嘅聖誕吊飾。餐牌嘅食物種類特別多，隨即叫咗小食炸雞翼同埋炸薯條🍟。薯條每一條都好大條，而且香脆可口，非常滋味。晚市套餐有八款選擇，每一個套餐配以迷你凱撒沙律或者是日餐湯，另外仲有飲品送，非常抵食。最後我哋分別叫咗A、B同埋D餐。其中一個套餐就係呢度最出名嘅脆皮德國鹹豬手配薯蓉，豬手份量好多、好大件，而且已經切好咗，食落去外皮非常香脆，每一啖都充滿骨膠原，肉質好鬆軟。套餐可以另外加＄15要一個意粉/飯/薯條。意粉就係番茄醬意粉，食落去意粉好入味。最後仲叫咗一個辣肉腸手作薄餅，薄餅底非常薄，而且好香脆，一個分成八件，厚厚嘅芝士鋪滿Pizza上，配以一塊塊辣肉腸，好Juicy。飲品仲有多款選擇，樣樣都想試吓。最後我揀咗潤蜜茶系列中嘅蘆薈加柚子，味道清甜，非常滋潤。食咗咁多嘢，最後埋單＄800有找，每一款食物都各有特色，值回票價。

這天山長水遠來到大埔，一個冇大型商場或郊外景點的社區，如果不是要辦理一些私務，應該很低可能性到此。始終要醫肚，本來想去幫襯人氣相當高的大埔墟街市熟食中心，但小公主對於街市熟食中心的環境，到現在為止仍然有一些恐懼症，去到門口、未行入去已經喊著要走；只好放棄、並沿路向大埔市中心過去。實在唔熟悉大埔環境，加上實在沒有太多餐廳可供選擇，全部都是親民街坊格局；最重就揀了這間最多人幫襯的「Route 83」。見到餐廳名字及標誌，即時想起美國那些穿州過省的高速公路編號，但餐廳的裝修風格卻完全與公路拉不上半點關係；甚至沒有什麼主題風格可言，唯一特色之處就是牆壁上掛滿了很多模仿啤酒樽蓋的大型掛飾。另一堵牆卻掛上一幅用仿咖啡豆砌成的世界地圖，但左右兩邊卻又完全不協調地貼上一幅對聯。加上擺放了很多餐枱，環境相當擠迫 ⋯⋯ 明明只是一間街坊小餐廳，但又想刻意增添一些特色風格，整體感覺有點怪怪的。午餐時段，就簡單地叫了兩個午市套餐。是日餐湯為羅宋湯，賣相一般；典型港式餐廳羅宋湯口味，雖然並不算很酸，但只能品嚐到番茄酸甜、欠缺其他蔬菜配料的清甜，更加沒有牛肉牛骨的香濃肉味。只不過湯底算是有一點厚身，並不是稀如水，

睇完人地話豬手好正，脆哂皮咁就仆去食啦！由於好多食評講到豬手皮脆到乜咁，對於愛脆皮嘅我黎講係滿有期望㗎（笑）但係塊皮我係有點失望嘅，唔脆而且有點靭，但以呢個價錢確實唔能夠要求太多，個皮就唔講啦，豬手啲肉唔死咸，仲幾滑幾juicy嘅，伴碟薯蓉俾我k.o.左，酸菜一般冇特別出色。12吋長芝士熱狗賣相真係好。。。長 （笑）條腸都係一般熱狗腸咁啦！但個芝士醬係唔錯，味夠濃又唔膩，幫熱狗加分👍洋蔥圈唔講啦～普通野而且都幾油膩下，粉漿偏厚，食左2件已經好漏，個人覺得阿囡整得好味好多（笑）

一起身睇吓大埔墟有乜嘢餐廳食下午茶，就去到大埔墟巴士站附近嘅地舖叫做《Route 83》，門面招牌非常當眼，而且泊車也方便。餐廳位置都幾大，一條巷仔入去就有好多座位坐，裝修設計以黑色為主。餐牌上嘅食物多款式多選擇，隨即叫咗一份小食炸雞翼，雞翼炸得好香脆可口，而且肉質滑嫩，非常滋味。碎蛋沙律牛角包係我至愛，香脆嘅牛角包外皮，配以蛋白混合蛋汁嘅碎單沙律，味道非常新鮮爽口。主菜方面，叫咗12安士安格斯肉眼扒，牛肉味道非常香濃，切落去中間呈現粉紅色，半生熟嘅口感零舍唔同。餐飲跟套餐可以加錢以優惠價換取，我哋各自叫咗芒果水果紅茶同埋洛神花紅莓茶，非常滋潤喉嚨。最後埋單都只係＄400有找，每人消費＄150左右，下午茶來說算是非常便宜、合理嘅價錢，而且食物質素高，值得再次光臨。

除左可以入大埔踩單車, 呢度仲有好多好野食👅今次又有平靚正好介紹喇🤗芝士怪黎到Route83, 我即刻order一份熔岩芝士醬牛肉漢堡🍔勁多芝士醬, 見到已經好開心🤤🤤🤤 牛肉食落夠juicy, 配上濃郁嘅芝士, 勁正~ $88好抵食不過芝士怪又點會滿足呢😏再order多個蜜糖芥茉焗薯條, d芝士拉絲㗎😋 勁邪惡呀, 仲可以影相呃下like😂我地仲order脆皮德國鹹豬手🐷跟餐只係$168!! 繼續係大大份呀~呢個真係好好味, d皮脆卜卜, 豬手肉亦都好香口, 下次可以encore配啤酒🍻

今日又去咗大埔行山啦 經過廣福道呢間route 83美國餐廳 見到好多人排隊 亦都有外國人等緊幫襯 感覺好正宗 不如就排埋一份 等咗半個鐘左右就有得入去 叫咗10安士肉眼扒五成熟 配芝士煙肉焗薯 個肉眼扒 大大塊接近一吋厚 一切開入面啲肉汁爆曬出嚟 好淋 而且入口超重牛肉味 芝士煙肉焗薯原隻上 用咗美國焗薯去做 上面有酸忌廉可以拉絲嘅芝士同埋煙肉 煙肉好香配埋芝士一齊食超夾 焗薯焗得好透 個皮都好脆口 可以食埋落肚哈哈 呢個焗薯好驚喜我同男朋友都超愛 包糠茄汁焗豬鞍配芝士煙肉焗薯 豬鞍扒好厚身接近一寸厚 上面鋪上滿滿嘅麵包糠 同炸蒜粒 食落蒜頭味好重 而且麵包糠都超級脆卜卜 加埋肉汁豐富嘅豬鞍扒一齊食 好夾 茄汁偏酸 但係用咗新鮮蕃茄去整 因為好多蕃茄肉 有誠意 個汁可以令豬鞍扒冇咁油膩 聰明嘅做法 傳統牛肉芝士漢堡 配炸薯條 個漢堡超高身一啖肯定咬唔曬 入面有芝士生菜番茄好多嘅醬汁 同埋超厚嘅牛肉漢堡扒 一大塊麵包超級鬆軟 同好厚 應該係自家製 牛肉漢堡扒超厚而且肉汁豐富 入邊係七成熟 煮得啱啱好 牛肉味都好濃 炸薯條炸得好脆夠乾身 擺一陣都唔會淋兩個人食咗四百蚊 晚餐嚟講唔算貴 唔

按摩完諗住食個下午茶，本身無諗住嚟呢間，見到有玫瑰咖啡就入咗嚟，落單時多口講咗要玫瑰味重d, 杯咖啡嚟到，一望點解有包黃糖？咖啡又淡色，拉花hea, 聞到好重玫瑰味，再飲甜死🤣🤣之後叫佢換，佢話要重玫瑰味就係甜啊，少咖啡味! 當我第一次飲Rose latte? 無咖啡味，死甜/咖啡/玫瑰 各有各嘅味道第2杯嚟到飲咗啖都係決定擺飲!

剛好回程巴士站正正在這餐廳外面每次經過都會多望一下 價格不貴，這晚決定試試看 餐廳沒有華麗格局 但算座得舒適白酒藍青口 $58份量足，青口不算大隻，白酒味較淡過過口癮不錯溫泉蛋黑松露卡邦尼意粉 $88黑松露忌廉汁味恰道到好處無敵濃郁，意粉黏在一起好稠密份量足，兩個人分來食剛剛好12oz 美國安格斯肉眼扒 $208燒肉眼扒，甘香而肉味濃輕刀一切，已感牛牛肉質軟腍個人更愛旁邊的芝士煙肉焗薯如多點沙律醬風味更佳 大埔廣福道83號地舖

今次入到黎大埔搵好嘢食，相信大家對83號公路一啲都唔陌生。而我就係第一次食。雖然店內環境唔算太寬躺，但勝在裝修搭救。以黑色為主題牆上掛有唔同種類嘅汽水蓋。以西餐為主題，例如漢堡包薯條意粉等等。啱晒年輕一族嘅口味。前菜方面，選擇咗沙律開一開胃先。主菜分別就點左BBQ趣脆芝士流心純牛肉漢堡及焗大菇意大利燴飯。先講講牛肉漢堡，表皮包上一層煙肉內裏夾住芝士及牛肉感覺10分新穎而且味仲唔錯添。芝士控要注意⚠依個飯10分重芝士及忌廉，而且味道係會令人食過返尋味。值得推介一下。而喺飲品方面就揀咗藍莓沙冰味道都唔錯㗎。如果經開大埔不妨試吓。