Route 83 (廣福道)

營業中

休息中

聖誕放假當然要搵d搞作, 同朋友約埋去探索一d平時少到的地方, 最後將目的地定為大埔。由於兩個人對大埔都唔熟, 事前都有上網搵搵美食推介, 見到某篇文章推薦呢間Route 83好似幾正, 就直接約在這裡集中兼解決午餐。餐廳位置唔大, 但我們用餐全程都基本滿座, 剛有人走就又有人入, 可見生意唔錯。天花的星星掛飾增添咗唔少聖誕氣氛。吸引我地來幫襯的主角出現了--黑松露野菌Pizza。 本來以為要等頗耐, 但點知又幾快喔。大大個Pizza都係75蚊, 雖然上網睇文見到寫係68蚊, 不過宜家呢個通脹的世界...都明既。黑松露味沒想像中突出, 不過勝在野菌夠多, 菇菌味濃, 而且焗得火候好好, d菇菌仲可以保持爽口, 讚。餅底夠薄, 非常非常薄, 邊邊焗到好似餅乾一樣脆口, 兩個人都可以輕鬆KO。然後再有邪惡的熱熔芝士牛肉漢堡, 芝士多到鋪到底, 薯條都可以點芝士來吃。開半之後完全體現到牛肉的厚度, 一啖咬唔到底, 個人尤其中意個麵包底, 有咬口, 絕對唔會鬆泡泡, 成個包層次豐富, 不過就吃得比較沒儀態。同場見到有其他客人點德國豬手, 個樣都非常唔錯, 有機會可以過來再試, 兩個人唔敢吃太多

今日呢間晚市份量真係好足今日食左12oz美國安格斯肉眼牛扒配煙肉芝士焗薯$208加15蚊有杯份量幾大既薯條配茄汁佢跟餐果個焗薯係原隻薯仔芝士仲可以拉絲 食到呢到 未食牛 我都飽左啦牛店員建議唔成熟 整體好大塊 筋唔算多 邊邊有好多肥肉 牛扒係要小小肥先好食既再加特飲要18蚊我加左芒果沙冰 係芒果糖漿加小小芒果肉 唔差餐湯得南瓜湯 一般冇咩特別呢間整體好評 下次都會再番黎試下其他環境燈光偏暗 係一個拍拖既好地方仲有場邊撳掣就有店員黎 幾好

上次講完一間有原隻軟殻蟹既西餐今日又比我晚市搵到一間同埋呢間餐廳份量偏大份.⭐️軟殼蟹墨汁意粉$98👍🏻套餐有跟湯同野飲 加$15仲有大兜薯條（可睇圖）👍🏻先講軟殻蟹 比上次介紹果間大隻好多👍🏻呢隻咬落去仲有蟹汁 白色既蟹肉👍🏻仲帶多左小小蟹膏香味（✌🏻上次一咬食哂 冇影相 今次有影啦）👍🏻墨汁意粉 墨汁水份收到岩岩好👍🏻食完個嘴都唔會成口墨汁.👍🏻薯條 用上粗薯條 份量算多佢主動拎埋枝茄汁比你慢慢點.地址：大埔廣福道83號地下.⭐️評分：味道：4/5環境：4/5服務：4.5/5 牆邊有鐘 一按店員即到同埋有位店員極好記性 加分衛生：4/5抵食：4/5

通常都係生日就會約出黎食飯。今年朋友生日，我地行完山就係大埔揾左間餐廳同友人提早慶生。餐廳係其中一位友人揀既，原來我平時都有經過Route 83 既位置，但係非常不起眼，所以冇留意。由於訂左位，按排左4人座。餐廳不大，到7點半度就開始有人排隊。我地叫左必點既豬手， 雜錦pizza, 硯肉意粉，燒春雞配焗薯和炸魷魚圈。價錢唔算費，最難得係星期六都有餐，多個飲品，湯或沙律。豬手已經預先切左細件，春雞配既焗薯非常搶手，炸魷魚圈就份量好少整體依餐都唔錯。

有朋友介紹呢間餐廳，於是去試下食。見到個餐牌就即刻想叫個脆皮豬手、牛扒，每個餐都包餐湯。等左15-20分鐘左右，終於主菜終於黎左。脆皮豬手一上黎，見到好豐富，因為除了主菜，碟上有幾種配菜，有薯蓉、酸青瓜、酸椰菜等等。豬手睇樣就知道整得好脆口，每一件都好大件，我都忍不住要食左先，皮脆之餘，豬手肉都好有肉汁、好滑，唔會因爲皮脆而令肉質變乾，非常好食。👍🏻👍🏻👍🏻接下來就係牛扒，呢個牛扒配上芝士焗薯。牛扒都煎得剛剛好，口感都好嬾滑。而個焗薯都好有濃厚芝士，都十分不錯。

這家餐廳早就試過，一試便知道自己找到自己的飯堂了剛好有機會來大埔覓食，一定先選這餐廳餐廳佈置很有心思，有很多有特色的擺設，坐位也舒適午餐經濟實惠，選擇豐富，由輕食到大食的人都能得到滿足如果嫌set lunch選擇不夠，可以看一看餐塾上的主餐牌，價錢也不過分先來雜菜湯，感覺像普通羅宋湯，不太酸，少許辣，不過不失到主菜，西冷牛扒，牛扒份量足，有肉味，肉質也好，完全對得起售價，意粉軟硬適中，調味也好這家餐廳雖然不是最高級的質素，但質素是有保證的

Food is reasonable but VERY LACK OF CUSTOMER SERVICE, Australian Milk Company is much better customer service than this place,  the old grumpy waitress was very unfriendly, its like she doesnt't care of your business, tge young one has a lack of training.  Upon paying the bill and exiting the premises, not even a goodbye when you leave, I dunno how this place can survive. Never again I would try this place.  The french fries was pretty good though.

味道唔錯成日喺廣福道見到呢間餐廳, 今晚趁同兄弟慶祝生日試下先! 我地叫左兩個set dinner, 包餐飲餐湯! 我覺得湯比較水, 如果thick d及濃味d較好! 焗大菇意大利飯, 大菇舖滿香濃芝士, 焗完仍然保持juicy, 意大利飯煮得啱啱好, 軟硬適中, 好creamy, 呢個飯好味!! BBQ燒排骨, BBQ燒汁好味, 排骨好稔, 夠入味, 薯條脆卜卜!我哋食嘅時候餐廳差唔多full曬, 可能係忙嘅關係, 有位waitress冇乜笑容 🤭 冇乜顧過啲客, 如果改善下會好d

千里迢迢入到大埔同我朋友食飯，我都算唔話得……佢亦都好樂意盡地主之誼請我食飯，我哋去咗一間小西餐廳去到都有人排緊隊，等左一陣先入得去，雖然入到去冇其他小朋友，但係我覺得呢度啲嘢食都幾啱一家大細去，小食方面特別多選擇，小朋友一定好鍾意。店內面積唔算好大，但係呢啲裝飾擺設都幾溫馨蒜香白酒蜆肉意粉蒜味適中，淡淡的酒味，蜆肉嘅數量可以從圖片得知真係重量級！白酒炒藍青口墨西哥芝士夾餅半溶芝士夾在其中，塊皮又熱熱的，正！脆皮德國鹹豬手見到現場來來往往，好多人都叫呢個，試食了，真的唔錯喎！唔怪得咁受歡迎啦！

二人晚餐，order 左兩道菜，一道完全0分，一道至多40分。。。韌到咀嚼到牙骹累的五成肉眼扒（set meal $168 + 10%)，完全接受不了的口感，注意，唔係因為over cook 所以韌，係堅唔知入左咩貨俾客食以致會咁韌。蜆肉白汁意粉的汁味道也很不吸引 (set meal $98 + 10%)，向來對食無乜要求，只求食到喜歡吃的東西便足夠的我未離開店已忍不住要在這裏留言。絕對唔值接近$300 兩個人一餐晚餐！no next visit!

剛吃美味而豐富的下午茶如芒果、朱古力沙冰感到清涼可口。大大隻脆卜卜的雞翼配薯條還有 薄脆批都好滋味。跟著離開店舖不久發現遺失電話 。Route 83老闆路不拾遺， 無言感激。

Route 83環境：👣（本來3）食物：😋態度：😊😊😊性價比：👍👍香煎鯛魚配三色椒忌廉汁（飯/意粉/薯條）：558oz純牛肉煙肉漢堡配薯條：68凍飲：+3環境方面，店舖唔算大，二人至四人枱加埋十張左右啦，深色木系裝修配沙灘仿藤桌椅。點解扣剩一分？因為友人同我講返，一入去聞到既味，係冷氣槽吹出黎既死老鼠味🐁🐭食物方面：魚意粉：叫得三色椒，就要有好重椒味既準備，我接受到，只係汁5多，食5到忌廉味，d魚似用海鹽黑椒煎到over左咁，嚡嚡地。但我明白，煎得岩岩好係要技巧既。意粉就有少少香草，黑椒，茄醬煮到乾身咁，似我媽媽（地獄廚娘）煮既咁，好懷念☺️漢堡包🍔：薯條易講d，頭尾硬，中間冧，唔脆不過唔凍。牛肉：煎到燶，黑，入面就五成熟，除左係冰牛肉開始煎，我諗唔到點解咁。牛肉似柴皮，都係個句，煲完湯既瘦肉剁碎再煎成漢堡樣。煙肉：唔夠乾，唔脆，似鹹既五花腩片。最好食係漢堡包既包，輕輕煎脆佢，然後有d醬黐住左咁。湯？凍檸茶？唔講啦⋯⋯態度方面，不過不失，係手腳慢少少咁，然後是日餐牌無寫，侍應無提漢堡包要等20分鐘，後來自己係舖枱張紙見到，死死地氣要等咁囉。友人一路食，一路擊鼓🥁鳴冤，話下次可唔可以去返大

今晚係大埔搵食，求其行入一間西餐廳Route83，menu既選擇都幾多，重點係價錢平，份量多眼闊肚窄，最後食唔曬要打包榛子朱古力 $34好濃郁既朱古力味加淡淡既榛子味，上面有好多cream賣相唔錯大大杯幾抵飲白酒炒青口 $58酒味唔算太重，青口都幾鮮味size適中，份量都幾多83雜錦pizza $70見到隔離枱個pizza好吸引，我地又忍唔住叫咗份份量好多丫，材料都好豐富，超多芝士，仲有辣肉，菠蘿等等，薄餅皮唔算厚，夠香口，不過整體味道偏咸，適合中意濃味既朋友三文魚黑松露意粉 $68煙三文魚整到玫瑰花既形狀，而且都有好多片意粉味道唔算濃，而且有小小偏乾炸魚薯條 $68 有三大舊魚塊加薯條丫，魚肉幾新鮮夠厚，口感都幾嫩，朋友都大讚抵食夾大件，外層脆卜卜，而且炸到一粒粒凸起，更加脆又好味旁邊仲有沙律菜，不過唔算太fresh

嚟到廣福道搵嘢食，呢間好有格調嘅舖頭吸引咗我前面睇落細細，入面有好大嘅空間坐樓底幾高，上面嘅裝飾燈都一早亮著而且舖頭裝飾得好特別，仲有格調過一般樓上café滿天星星同牆身歐陸風嘅地圖真係惹來唔少遐想，如果可以快啲去旅行就好啦都係唔講無聊嘢，入返正題先呢度嘅menu都係西餐，有輕食，又有pasta,risotto,burger，小食，嘢食種類都幾多幾齊同朋友一樣叫咗個 朱古力沙冰，味道濃郁，朱古力味好真實又有層次，上面仲加上少少cream作裝飾，好靚小食叫咗炸魷魚圈，用牛油紙裝住，張紙仲設計到好似報紙咁，好似去咗外國街邊買嘅小食魷魚圈外國好脆，炸粉唔算厚，入面嘅魷魚好彈牙唔鞋，話咁快就俾我同朋友清哂burger就叫咗軟殼蟹煙肉漢堡，配薯條大大隻軟殼蟹新鮮炸好，粉漿唔厚，一口咬落去都食到蟹肉嘅鮮味同炸完殼嘅香脆配埋煙肉一齊食好邪惡飯類就叫咗個墨汁海鮮risotto，飯係好正宗嘅意大利飯，偏硬身，蝦同青口等海鮮味道都唔錯

呢度嘅menu除咗有lunch set同drink menu之外，仲係檯面嘅餐墊印好，好多選擇又方便客人睇因為好肚餓，所以叫咗個小食食住先芝士蜜糖芥末醬薯條焗得熱辣辣，啲薯條全部滋滋聲，舖滿哂芝士同蜜糖芥末，蜜糖甜絲絲，芥末味道唔重，整體食落有點鹹同甜朋友叫咗呢個煙三文魚松露忌廉意粉上面嘅煙三文魚滿滿嘅，下面意粉嘅份量都好足，松露忌廉醬汁好多，食落都幾香我叫咗個芝士熔岩漢堡，同張相一樣，啲熔岩芝士多到瀉哂出嚟而且每啖芝士都好濃郁，點埋薯條都夠食入面嘅patty好厚身，切開啲肉汁流哂出嚟漢堡用料真心好豐富，有生菜，蕃茄，蜜糖芥末醬，食嘅時候都幾messy但係好正，滿口都係邪惡嘅burger朋友叫咗個雜莓沙冰我就叫咗個士多啤梨梳打特飲呢個飲品當雪糕融化咗之後更好飲，好似strawberry milkshake咁唔講仲以為自己飲緊mocktail