Ruên Thai & Vietnamese

營業中

休息中

今日接FD到酒店，睇到哩間餐廳唔夠7點已經full曬，同埋好近香格里拉酒店，咁試試。餐廳裝修得好歐美風，客人也以外國人為主，入到餐廳好似返到國外。晚市好多可以揀，仲有chief special menu推薦。泰式牛肉沙律，搭配埋大量配菜，有青瓜，蘿蔔，蒜片辣椒等。牛肉烤到外面焦香，內裡半熟，入口肉質軟嫩牛味好重。調味特別出色，以酸辣為主，伴有一股淡淡啲薄荷香味。辣椒醬炒海鮮，分量大到好似出面雞煲，睇到都O曬嘴。海鮮好豐富，有大虎蝦，扇貝，青口等7-8款。其中虎蝦有巴掌大，食落肉質緊實好新鮮。青口，蜆同寫蟹柳裹曬辣椒醬，食落好惹味。泰式辣椒醬唔會好辣，偏甜辣口味，仲帶有好重嘅蒜香，超好味。火山排骨，哩家店嘅分量係外國人size，真係超大。排骨大大件有7-8件，排骨煮到軟爛，好易脫骨。食落好軟嫩肉質唔柴，同埋有少少泰式風味，再點落泰式酸辣醬汁，食到聽唔落口。

📍 RUÊN THAI & VIETNAMESE充滿異國風情的越南及泰式餐廳，店員和食客大部分都是外國人，晚上用餐特別有氣氛。播住音樂，加上柔和燈光，配上各款精緻的菜式，特別容易令人放鬆心情。💥 泰式青木瓜鮮蝦沙律泰式風味當然唔少得青木瓜，木瓜絲粗幼適中，配上豆角增添口感層次，再加上新鮮的番茄仔，味道更豐富！我特別喜愛廚師為沙律加上花生同蝦乾仔，脆脆地，食得特別過開心😆💥 清炖魷魚羹食主食前，點了一個清炖魷魚羮，湯好清，絕對不是味精湯。最喜愛手工製作的釀魷魚，配上清甜的清湯，特別具有不一樣的風味。💥 越式黃咖喱雞我哋點了香茅飯配上咖喱雞，因為咖喱太好味，配搭香茅飯就可以把咖喱汁吃清光了，咖喱煮法好用心，加了去芯蓮子，唔知係咪健康D🤔️💥馬拉盞通菜平凡的通菜用左馬拉盞真係一D都唔平凡，好惹味，令人食到唔停口🤩💥 炭燒香茅西冷牛肉賣相好吸引，聞到陣陣香茅味，這樣配搭的香茅牛肉別具心思， 西冷牛肉好嫩，好正🙌💥Rainbow Float 飲品揀左無酒精雞尾酒，呢款特飲以芒果、菠蘿、橙加上椰汁和石榴汁糖漿調配，有夏日水果味之飲又不失泰國風情，好有渡假feel 💕

位於尖沙咀海邊，裝修富有叢林異國風情，大紅色相當吸睛🤩🔅燒豬頸肉 · $108豬頸肉經香茅調味😛外層燒到焦糖化，內層油脂滿滿，爽口肉嫩🔅炒蟹肉鹹蛋 · $228呢道菜屬於廚師推介😙除咗有蟹肉之外仲有鵪鶉蛋😛鹹蛋味道唔算濃郁，比較平和，唔會蓋過咗蟹肉嘅鮮味🔅泰式炒金邊粉 · $158金邊粉係泰國菜叫嘅嘢🤣除咗有新鮮蝦，仲有蝦乾😛炒得都幾乾身，酸酸甜甜🔅馬莎林咖喱魷魚釀豬肉 · $148呢度菜都幾特別，喺其他地方未食過👀係甜咖喱，裏面有菠蘿同蕃茄😙魷魚裏邊釀豬肉，口感幾過癮☺️🔅蒜蓉包 · $58蒜蓉包點咖喱同蟹肉汁真係絕配！

這間餐廳位於尖東海旁，主打越南菜，泰國菜。口碑唔錯，星期二晚過去食，真係座無虛席，等了十分鐘左右先有位。店舖都幾大，開放式，好有泰國feel。雖然全場爆滿，看見個個店員都很忙，他們仍然非常有禮，笑容可掬，值得一讚👍火山排骨湯$288用豬脊骨長時間燉煮，然後堆疊後加上芫荽蔥粒如像火山般，再淋上泰式酸辣汁，十分軟淋惹味仲好啱打卡😍蟹肉奄列$168口感好似潮州炸蠔餅，蛋漿炸到很酥脆，包着蟹肉份量非常多，蟹肉很鮮味，好食。原隻炭燒魷魚$128原隻魷魚很大隻，肉厚質嫩也很有彈性，經燒過後，多了一份香口，附帶茄汁和辣醬汁，多份美味。泰式濕炒雞肉河粉$138雞肉嫩滑，配上多款雜菜和河粉同炒，每條河粉掛滿芡汁，超好味。

朋友早排推介咗呢間尖東嘅越式x泰菜俾我，話呢度好chill，可以食到正宗嘅風味仲有啲cocktail都好正，今日抽到時間嚟試吓，又幾唔錯喎！火山排骨期間限定既火山排骨，份量嚇死人，肉質嫩滑，咬下去時肉汁四溢。特製的醬汁濃郁，帶有微微的甜味和香料的香氣，讓整道菜更加有泰式風味。排骨的味道層次豐富，配上一點辣味夠惹味！清湯海鮮沙律粉絲海鮮新鮮，粉絲滑順，搭配清爽的酸辣醬汁，口感非常清新。海鮮的鮮味搭配酸辣的味道令整道菜十分開胃，特別適合夏天食用。Grilled Beef Sirloin 用香茅把牛肉串起，肉質鮮嫩多汁，火烤的香氣撲鼻而來。搭配特製醬汁，最好既係，本身跟咗檬粉同埋生菜，所以可以有吾同mix and match 幾有趣。Thai Grilled Pork Neck 燒至金黃香脆，搭配泰式的醬料，味道非常入味。豬頸肉的肉香與醬料的酸甜味配搭得啱啱好，令人一口接一口，十分過癮。

今日係尖沙咀食泰國菜，呢間睇黎好受歡迎，6:30 PM到埗已經滿左半成，7:00pm個陣直情係full house! 呢到主打越泰菜，所以好多野食選擇。炒蟹肉咸蛋平時比較少見到呢道菜，而且2樣都係我鐘意食，就叫左黎試下! 整體味道唔會太咸，單食或者撈飯食都好OK! 手撕蟹肉份量都好多，配上咸香既咸蛋味，每啖都好滿足!燒豬頸肉豬頸肉好大塊，咬落唔會韌，唔點醬汁的話係食到淡淡既香茅味，點左個酸酸辣辣既醬汁就更加開胃!印尼炒飯好足料，入面有蝦粒，雞粒，仲有雞肉串燒。每啖飯都有好多料食到，而且味道咸香，好惹味。芒果糯米飯就算食到好飽都堅持叫!! 好在冇令我地失望，芒果份量好多，而且好甜，唔係浸糖水個種死甜，糯米飯唔會太硬，有3種口味，個人最鐘意碟豆花口味! 椰漿香甜不膩，會為左呢個芒果糯米飯而encore!

餐廳地理位置很好找，就在香格里拉酒店旁邊，吃越南x泰國菜，帶點度假餐廳的感覺是我喜歡的餐廳氛圍，很適合下班和朋友聚餐點了餐廳的⭐火山排骨湯我第一次嘗試火山排骨！酸酸辣辣的骨邊肉，用手啃著吃，狂野但絕對好吃，肉香也很濃⭐泰式蝦餅好吃的蝦餅，熱騰騰的，外酥脆裡面肉厚實⭐越式米紙素卷米紙卷抱著滿滿的蔬菜，清新味蕾的前菜必點⭐冬陰功蝦湯椰香中帶點甜口，甜，酸，鹹，辣，味道很豐富，裡面還有一整只大蝦開邊菜品不錯，開在尖沙咀來說價💰很合理，住附近的可以試試

尖東附近有好多餐廳，今日黎左呢間Ruen 越泰餐廳，充滿外國情懷，裝修環境超浪漫，糅合懷舊同時尚的感覺👍🏻估吾到平時夜晚黎到都幾乎滿座，仲有好多外國客人，好似去左旅行咁。🦀炒蟹肉咸蛋廚師精選，真係冇介紹錯🤤咸蛋超香濃，蟹肉鮮味，蟹肉粒粒分明，份量好多👍🏻仲配有奄春蛋，幾有風味。🐟青檸香茅蒸鱸魚原條鱸魚，下面有蠟燭暖住，全程暖笠笠。醬汁好惹味，係泰式香辣汁。魚肉真係嫩滑，肉厚少骨，沾上辣汁食一流😍🦐泰式蝦河粉泰式河粉炒得彈牙，有鑊氣。蝦肉幾大隻，有口感，好食👍🏻🌟餐廳除左裝修一流，食物都好正宗，仲係正海旁隔離，食飽飯仲可以去散步😆

難得嚟尖東同frd撐枱腳，餐廳食飯氣氛好好，好啱兩個人嚟😍😍冬陰功 （蝦）- 叫咗個湯嚟share,叫一碗夠兩個人飲。佢係偏酸酸甜甜既湯嚟，辣味唔係好出。好啱怕辣既朋友仔飲，佢香料同菇都好足料😋青咖喱炒飯 （$148） - 佢將青咖哩做醬炒咗落個飯到，飯炒得算乾身 青咖哩味好出好特別，比就係食青咖哩配飯多咗個特色，好好食炒蟹肉鹹蛋 （$238） - 依碟勁邪惡既廚師精選嚟，佢用鹹蛋做醬炒蟹肉再加鵪鶉蛋，食落鹹蛋味好正。建議要嗌多個飯/包嚟點醬汁食😋😋馬拉盞炒通菜 （$98） - 碟菜炒得好香好有鑊氣，少有係餐廳食到咁好味既菜。馬拉盞既醬料好加分超夠味👍🏻👍🏻

尖東泰國餐廳🍴最近我去咗尖東一間泰國餐廳，真係好驚喜！入到去，環境有氣氛，非常適合聚餐。試咗幾樣菜，個個都好味。首先係 **火山排骨湯（Leng Saeb）**，呢道菜酸辣得啱啱好，辣度有3個level，味道夠刺激，真係一食就令人精神一振。佢嘅酸味同香料味配合得非常好，令人一口接一口，完全停唔到。然後我試咗 **燒豬頸肉**，呢個豬頸肉烤得外脆內嫩，搭配上特製醬汁，香氣四溢，好有味道。 **沙嗲串燒**，雞牛豬各兩串，串燒肉質嫩滑，配上沙嗲醬，味道更加出色。最後， **炒肉末生菜包**，炒得好香，有很多香料，少辣，味道較濃郁，配飯食真係一絕。總括來講，呢間泰國餐廳真係唔錯，菜式美味，價錢非常合理，環境舒適，適合朋友聚會或者家庭聚餐。下次再去尖東，我一定會再返嚟食！

一家受歡迎的泰菜和越菜餐廳，平日晚上也相當旺場，建議訂枱。串燒沙嗲豬牛雞各兩串，有燒烤的香氣和肉汁，沙嗲醬香濃多花生。廚師推介炒蟹肉鹹蛋超讚，配了蒜蓉包來蘸吃。蒜蓉包烘得香脆，有輕盈的蒜香。炒蟹肉鹹蛋必試，屬驚喜級美味！果然是廚師推介！！蟹肉足料鮮甜，更重要的是沒夾雜蟹殼，有鹹蛋的鹹香，醬汁香甜，味道富層次。泰式乾炒河粉選擇了牛，今回不過不失，不及上次美味。泰式珍多冰是另一亮點，十分重椰香，口感順喉，粉條軟滑。餐廳採開放式設計，彷彿與街頭融為一體，裝修陳設滿滿東南亞風情，缺點是枱稍稍偏小。雖然服務態度不錯，惟人手不足。

位置在尖東海旁附近的泰越餐廳🌟平日的晚上依然滿座，人氣十足🔥餐廳後面就是海旁，晚飯後還可以去看看海吹吹風♥️chill看到廚師精選中有香脆豬手，餐牌上有寫豬手有經過慢煮、烘烤和油炸的步驟去烹調，務求達到外皮香脆肉肉軟嫩的效果👍🏻實際的口感也不錯，豬手外皮確是脆脆的🌟肉肉中間的部分比邊緣的位置較為軟嫩，接近邊緣肉肉就比較焦脆👍🏻用的醬料也和普遍的德國豬手不同，這裏用的是香辣醬油及海鮮酸辣汁，別有一番風味👍🏻咖喱點的是馬沙文咖喱魷魚釀豬肉，還加點了蒜蓉包配著吃🌟咖喱奶香味足，不辣但惹味👍🏻蒜蓉包加咖喱汁更好吃更香♥️泰式蝦河粉的味道有點像粉金邊粉，很惹味，口味不重🌟店員可以提供餐廳自制的三款醬汁，喜歡重口味的可以加到河粉中增添一點酸酸辣辣的風味♥️朋友表示很喜歡的芒果糯米飯🔥椰奶味香香甜甜，配上溫熱的糯米一起吃真的很不錯♥️芒果也是甜甜的，很棒♥️糯米有三款口味，分別是白糯米、蝶豆花糯米和黑糯米🌟個人比較喜歡黑糯米的，軟糯中不失咬口🔥

呢晚喺尖東海旁行咗陣，欣賞完美麗嘅維港景色之後就嚟咗呢間泰越餐廳 。幾鍾意呢間餐廳嘅氛圍，食泰國嘢都可以咁chill😊火山排骨湯呢個係廚師推介嘅菜式之一，辣度可以揀大中小辣🌶️ 火山排骨嘅份量好多，排列到成座山咁🗻 排骨整得好入味，亦都好腍，呢啲近骨嘅肉非常嫩口😋 餐廳仲好貼心提供濕紙巾同埋手套方便進食🥰炭燒香茅西冷牛肉食泰國嘢唔少得嘅會食串燒，不過呢次比較特別我哋嗌咗炭燒香茅牛肉🐮 呢個菜式好有風味，西冷牛肉包裹住香茅嚟燒，香茅嘅味道滲晒落件牛肉度，好清新🙈 牛肉嘅味道幾香濃，可以配埋側邊嘅生菜，越南米粉同埋泰式醬汁一齊食🥬菠蘿海鮮炒飯呢個係抵食之選，炒飯都幾豐富，配料方面有蝦仁、魷魚、蟹棒、粟米、新鮮菠蘿、腰果同埋肉鬆😆 最開心嘅係餐廳冇選用到三色豆，唔鍾意食三色豆嘅朋友都唔使做咁多功夫👍🏻 椰子雪糕呢個椰子雪糕好食個口唔會太甜，入面仲好真材實料🍦雪糕嘅口感有啲似雪葩，但係入面仲有啲椰子肉🥥 仲有兩條椰子蛋捲，增加口感。呢晚都有唔少外國人幫襯，加上環境有少少酒吧餐廳嘅氛圍 ，食物又幾有特色，真係好有置身外地嘅感覺 😎

🍽️食物方面：🦐Shrimp Sashimi💲148唔熱氣又唔咁飽嘅前菜開下胃 醬唔算辣🦀Crab Omelette💲168超香炒蟹味 炸到有d燶邊先正 有🥒balance 🐷Khao Kha Moo💲228豬手皮脆 襯辣甜豉油多啲 酸薯蓉幾好食🥛Thai Milkshake💲78茶味好濃 唔係好凍好heavy嗰種奶昔💧San Pellegrino💲58一邊諗食咩一邊飲杯凍嘅有汽水降溫📷打卡方面：枱燈可以手動揀白/黃光 頭頂有啲花花草草 🔈環境方面：多外國人食好chilStaff好nice好快手💬其他資訊：📍Ruên Thai & Vietnamese尖沙咀麼地道66號尖沙咀中心地下G38-G39 及 G45-G48號舖💰Dinner➕1️⃣人均💲380ℹ️Openrice訂位有9折

尖東海旁有好幾間酒吧，呢間餐廳以越南、泰國菜為主，亦有提供多款酒類同調酒，因為附近有好多酒店同遊客，而且餐廳職員講英文為主，所以呢度幾多外國人用餐。炸蟹肉粟米餅 $128因為一向都鐘意食粟米餅，一見到就想點黎食！初時以為以粉漿為主，做出粟米餅，食落發現有幾多蟹肉絲，加左少少粉漿做成既粟米餅，感覺幾足料，難怪4塊價錢都要$128，價錢算少貴。香脆豬手 $228豬手多肉，豬手皮炸得夠脆，以想不到佢會跟薯蓉，薯蓉味道仲幾好食，佢跟越式甜豉油同泰式甜酸醬。鹽焗燒羅非魚 $238魚肉好滑，仲juicy，烹調得幾好，鹽焗燒條魚，入面放咗香茅、香葉等材料，味道吾會好咸，魚肉有咸香味同香茅味，3款之中個人比較喜歡呢道菜。旁邊仲有越式米粉。餐牌：