SAKImoto bakery 嵜本 高級Shokupan專門店 (海港城) (已結業)

人氣麵包店，時時經過都見好多人排隊😆今日有嘢做一早出尖沙咀就上去睇吓有冇人排，好彩冇人，就買咗一斤麵包😂之前都試過佢片裝麵包，都覺得好食。上次試咗「極生」今次試「極美」，特別係材料係冇奶，冇雞蛋。口感好鬆軟，亦好香🤤舖頭係冇切片服務，所以要自己切，厚度就自己話事😆😆大概都切到5-6塊，真係唔好睇少塊包😂平時食開一塊麵包都唔覺話好飽肚，但呢款，真係食一塊（搽咗花生醬，練奶）已經好飽😂😂😂做早餐真係一流😍🤤下次要去堂食😆😍🤤-「極美」一斤裝方包 $45

睇人介紹就睇得多，今日黎到就決定貴貴買一次試試佢店內好似只得兩款包「極生、極美」。仲有好多款細細瓶嘅果醬。問一問店員兩款麵包嘅分別，原來「極生」係有蛋，有奶，有甜味，而「極美」就無蛋、無奶（希望無記錯）一聽之後，當然要試個聽落味道吸引好多嘅「極生」啦！麵包攞到手，聞一聞，真係好香。包真係好鬆軟，隔左一夜食都仍然好軟熟，食前我用多士爐微微加熱，麵包經加熱後香味再次飄出來。先試一啖咩都唔搽，事實上真係好香包味，我可以唔搽任何野都食晒成塊包最後再加點牛油一齊食，都好味嘅或者我鐘意食包啦，所以我一定唔會覺得差得去邊嘅但真心講「好貴」，試一次就夠！

方包可以有幾好食？𝑺𝑨𝑲𝑰𝒎𝒐𝒕𝒐 𝑩𝒂𝒌𝒆𝒓𝒚主打手工烘焙「生吐司」，強調新鮮無添加，單吃就好吃的麵包！🌟剛開業要排隊拎飛先買到🤎而家唔洗排隊，可以成日去買啦🍞.🍞極生吐司 $50好鬆軟🤎🤎口感方面真係完美，每片吐司鬆軟有彈性，結構細緻，有綿密的口感～而且吐司邊完全不會乾硬，有嚼感同麵包香👍🏻 (Swipe 第六張睇片）食完有實在的感覺，唔會只係得空氣💨開袋已聞香甜牛奶味，入口有蜂蜜的甜蜜🍯🍯用上北海道牛奶、牛油，低温發酵後用湯種x 中種製作，味道天然～.🍞歐焙拉 $70咖啡朱古力🍫兩個都是方包最愛，但可惜食唔到朱古力味，打開時有咖啡香氣☕️食到後面只係煉奶味，整體偏甜😳加入砂糖粒，會咬到沙沙聲，口感比一般果醬特別.𝓢𝓾𝓶𝓶𝓪𝓻𝔂食物：👍🏻8.5/10生吐司在口感和味道上都好出色💕一磗吐司厚切可以有4-5塊，用嚟做甜品配雪糕，或配牛油都好正🤤🤤雖然價錢進取少少，但值得一試✨✨（方包一試愛上🤎）不過唔建議買自家製果醬，太甜反而蓋過左原本的奶香，單食更好食！.

經過海港城想食個下午茶，就黎左呢間一直都想試嘅saki,限時一個鐘，每人最低消費一杯飲品，一行兩人叫左一個極美+冧酒葡萄、伯爵奶茶同抹茶，另外一個極生+北海道牛油、黑芝麻、歐培拉同榛果。一杯dirty同mocha。飲品好飲，塊麵包的確比出面食嘅香同鬆軟，值以價錢黎講唔值。另外，果醬的確足料，味道好濃，但整體黎講太甜，最後兩個人食左200幾蚊，雖然食物好食，但始終以cp值黎講唔太抵食，所以只會試一次。

🇯🇵每日限量大阪吐司🇯🇵推介指數 ❤️❤️❤️❤️❣️去唔到日本都食到日本嘅味道，講緊嘅係大阪人氣品牌SAKImato Bakery 嵜本高級Shokupan專門店喔！源於品牌社長嵜本先生對女兒嘅愛，為咗令對蛋、奶過敏嘅女兒都可以安心食到生吐司，用咗2年時間專注研發獨門手法製作無蛋奶嘅「極美」！嵜本主打高級生吐司同自家製手工果醬，香港店同日本一樣都有提供「極美」同「極生」兩款生吐司。咁咩係「極美」同「極生」呢？話說堂食至17:59，咁就買返屋慢慢嘆啦～🍞「極美」：無蛋奶配方，精心挑選北美小麥，採用湯種製法以保持麵包濕潤度保留水份。🍞「極生」：採用同極美一樣以小麥為主，加上北海道牛奶、牛油同蜂蜜，選用中種同湯種製法，經過18個鐘低溫發酵。✨「極生」HKD50/斤loaf：睇落質地綿密，食落鬆軟順滑濕潤有彈性，啖啖香甜味包含奶香、牛油同蜂蜜味，好幸福！🥣自家製果醬主要分為水果果醬、牛奶果醬同日式果醬共15款，包裝精緻日本風！✨水果果醬-紅寶石玫瑰紅桑子HKD65：質地比平時食嘅果醬稀身，聞落有玫瑰同紅桑子味道，食落超級濃郁，真材實料仲有唔少果籽增加口感！.··餐廳：SAKImoto bakery 嵜

🍞🍞SAKImoto bakery 嵜本🍞🍞《尖沙咀》來自日本大阪的高級生吐司專門店「嵜本 」係尖沙嘴港威商場開咗喇！嵜本的生吐司分兩種，一是「極美」，一是「極美」無蛋、奶的 對蛋奶敏感人士都可以食「極生」則加入了北海道牛奶、牛油和蜂蜜，選用中種製法及湯種製法 經過18小時低溫發酵 鬆軟之餘也多了份香甜味我今次試左極生（$50）同埋買咗樽果醬（$70）🍇🍷提子冧酒味 唔好睇佢咁細一樽 原來搽少少🤏🏻都已經好夠味！ 吐司🍞真係超級鬆軟 建議大家第一塊直接品嚐 才能夠吃到吐司最原始鬆軟的口感 而放進烤箱稍微烘烤 表面酥脆入面鬆軟都好好食😋 價錢的確係貴左少少但係麵包控應該會好鍾意❤️ 厚切一塊做早餐真係好滿足😋

尖沙咀海港城新開咗間長龍吐司店多士分成9格，可以另加錢自選果醬味道———————————————————————🔸極生($26)(3款果醬+北海道牛油)(+$35)(由上至下藍寶石藍莓、開心果、榛果風味、北海道牛油)-藍寶石藍莓同普通嘅藍莓果醬差唔多味，但藍莓肉豐富-開心果3個味中最好食，但味道相對較甜，質感好滑身-榛果風味都係好甜，似煉奶味道而榛果味道唔太出———————————————————————SAKImoto bakery 嵜本 高級Shokupan專門店 (尖沙咀)尖沙咀廣東道3-27號海港城港威商場3樓3208號舖

之前成日都聽人講啲間麵包店，旅行又見過大排長龍。😳一直都唔信麵包可以有幾特別、幾好食（咪又係一個麵包😅）始終都係要試吓先知係點嘅～今日無咩人，唔使排長龍。其實包只有兩款：「極美」同「極生」，價錢只係差$5，我當然試「極生」😆我用多士爐烘熱，烘緊已經聞到好濃嘅香味，出面脆、入面鬆軟。（其實已經放咗一晚😳依然好正）越嚼越有香味、仲有少少甜味（因為入面有蜜糖🍯），真心值$50，一條厚切的話可以切到4塊。唔好儍🐷買單片

極美吐司質感鬆軟，唔會太甜。北海道牛油🧈口感十分細膩，入口即化。Orange jam 清甜可口。藍莓🫐jam：完好，偏甜。黑芝麻jam：太過黏稠，偏甜。白汁醃肉流心蛋吐司🍞：煙燻肉味十足，吐司roast程度適中，外脆內酥。加埋流心蛋食，完美。強烈推薦：Peach tea（全名唔記得了）。清甜爽口，甜味正好。搭配吐司食非常完美。店內堂食係有限制嘅：限時1個鐘。仲有許多果醬jam和吐司嘅外賣選項，可供選擇。

SAKImoto Bakery ☆彡嵜本 高級吐司專門店主打兩款大阪人氣招牌生吐司🍞分別係極生同極美堂食享用可以加$25為吐司配上嵜本自家研發嘅三款手工果醬🍇或者加$35仲可以多一款北海道/法國牛油🧈˜”*°•極生($26)🍞•°*”˜味道: 8/10今次試嘅係極生冇加任何果醬 直接品嚐佢嘅純粹極生採用北海道鮮牛奶🥛牛油同蜂蜜製作口感柔軟細膩 好似氣墊咁鬆軟🧽仲要帶少少蜂蜜香🍯係連麵包皮都可以輕易嚥下嘅麵包

尋日去海港城見工之前經過呢間人氣日本生吐司見到一個人都無🤣 就決定見完工買返屋企試下～如果唔係已經食左早餐食唔落我會選擇堂食一片順便加十零廿蚊試下佢啲果醬，可惜。。🙈因為自己腸胃不嬲都唔太接受到奶製品，所以揀左無蛋無奶既極美吐司$45 (一片要$24，一條咁買抵好多🙊)一拎到返屋企即刻忍唔住試😁條吐司都有返咁上下重量，連男友都話食一塊其實都飽飽地～口感係非常鬆軟而又帶啲煙韌既，我諗我食果陣距離佢出爐只係隔左三個零鐘，其實一定唔會差，食落我覺得同我幾年前自己用麵包機整既剛出爐吐司無咩分別😂😂我不嬲唔中意食方包皮，但呢個生吐司我唔覺得佢既邊皮位係特別薄同軟，所以我都係切走左先食🙈不過尋晚男友打開袋麵包搽定花生醬預備第二朝早餐果陣，我同佢隔左２個身位都聞到好香麵包味，勁誇張😂而我自己隔一日再食都覺得仲係好鬆軟👍總括而言值得一試既，尤其係對蛋奶敏感既朋友～

日本人氣麵包店一開嘅時候好多人排隊等出爐麵包佢嘅麵包真係好香～ 終於自己可以親身體驗一下啦我咁啱可以係最後入座時間趕上入座所以入到去嘅時候舖頭裏面並唔多人然後我哋就揀咗兩款極美麵包配上三款果醬而令一個呢就係揀極生麵包配上法國傳統牛油同三款果醬其實兩隻麵包有咩分別呢極生麵包呢就係以小麥為主加咗北海道牛奶牛油同埋蜂蜜用中種湯種整而極美就係冇旦冇奶主要以小麥去做我自己呢就鍾意極生麵包 多啲 因為個麵包味道香啲我覺得成個點餐最困難就係揀果醬有成15款果醬，喺裏面要揀六款出嚟非常之困難嘅最後揀咗士多啤梨，開心果，冧酒葡萄, 抹茶，榛果風味，同埋伯爵奶茶口味等咗一陣啲麵包就出嚟賣相非常之靚，加上啲麵包整熱左所以特別好食值得坐低入去試一次現場食之後就可以直接買麵包返屋企慢慢品嚐你可以買獨立兩片裝或者一條

話說呢間日本吐司專門店係荃灣開左間pop up store見呢排咁熱門 第一日開店時仲要預早排隊今日就決定買黎一試去到商店門口 未開賣已經排緊隊大概有10幾人等 荃灣店係每日3:30先開始發售同樣地買滿$150會送果醬我買咗兩條極生一條極美再加蜜糖磚我將就要左玫瑰紅桑子包裝好靚望落去都好高級就算送禮都唔會失禮我用氣炸鍋焗左2分鐘再塗啲果醬試咗極美 麵包非常鬆軟 包皮香脆 味道麵淡口唔會好似一般麵包咁非常重味紅桑子果醬酸酸甜甜咁 令人開胃對於麵包冇研究嘅我 覺得可以一試抵唔抵買就見仁見智啦

偶然見到這間日本麵包店，好耐之前已經聽過，想試好耐。究竟有咩咁吸引，好似好多人買，貴貴地都試下啦。係荃灣開pop up store 3:30先有得買，好多人排隊啊，第一日開6點左右就賣曬，咁就要買黎試下啦咁啱見到。有分兩種，一片都20幾蚊，就買一斤啦。係好香奶味，都可以試下嘅，食唔曬就擺雪櫃，佢有教點樣存放。就算兩日未食完可以放冰箱，再攞出黎叮熱食，撒d水可以好似新鮮果時嘅味道咁樣。如果真係順便經過就買黎試下啦。店內食好似都好好，可以試唔同嘅醬，果醬係佢間鋪頭另一樣特別嘅產品。

日本過江龍人氣生吐司🇯🇵 Save低呢3款Jam一定要試🌟 分別係冧酒提子、伯爵奶茶 、法國傳統牛油Échiré❗❗呢間餐廳自開業以嚟都一直排長龍，今次我地週末12點嚟唔算多人排隊，想食嘅話記得早啲嚟🙆‍♀️🥇極生生吐司 $61\ 冧酒提子\ 黑芝麻珍珠\ 托柏石柑橘\ 法國傳統牛油 Échiré推薦極生生吐司~🍞 呢款係特別在有加入牛奶、牛油、蜂蜜製作，所以會食到香甜奶香味，相對地亦更加柔軟🥰 配埋法國傳統牛油 Échiré 真係香到冇得頂😆 差唔多價錢嘅話真係建議大家揀呢款配搭👍 冧酒提子呢個口味幾特別幾surprise！原來用嚟做jam夾面包係咁好食😋🥈極美生吐司 $59\ 牛奶煉乳\ 伯爵奶茶\ 紅寶石玫瑰紅桑子\ 北海道牛油首先要讚一讚👍 兩款麵包都非常鬆軟❗❗❗極美生吐司係無蛋奶，以湯種方法保留水份，味道似原味麵包味道，冇另一款咁香牛奶味，不過都好好食😊 而3款果醬入面，推介伯爵奶茶&紅寶石玫瑰紅桑子💕 呢2款都幾特別，雖然伯爵奶茶都略甜，但真係幾香🍞 同個生吐司都幾夾！