Seafood Stand (已結業)

樂富廣場有唔少餐廳既選擇，但就冇咩餐廳有漢堡食，Seafood Stand係其中一個選擇入到去見到好多唔同款既漢堡包，我就揀左有蝦有蟹既蝦兵蟹將堡蝦兵蟹將堡，個名好有趣！上菜既時候有少少失望，因為個漢堡比我想像中細 但係味道唔錯！個麵包幾鬆化，唔係擺到乾晒個啲硬包～食落去蝦同蟹都算新鮮，炸粉冇厚到食唔到啲味，可惜既係份量唔多，唔夠喉！另外薯條都幾好食，唔係連鎖快餐店個種又幼又軟既薯條，係熱辣辣又粗，食到真薯仔既薯條！

很久都無來過樂富，原來樂富中心多左好多食肆，今日就來到呢間seafood stand食lunch,下午兩點幾時段因過左lunch time所以人唔多，但tea time又未到，所以都係點左個set lunch,估唔到食物水準都唔錯餐廳環境都好舒適，係食飯傾計傾單既好地方，樓上商場百貨，行街購物好方便，啱晒食飽飽差滿電既我喇，下次就啱tea time時段再來試下佢個下午茶先越式公司飯~有香茅豬扒，雞翼，豬肉腸香辣鮮茄蜆肉意粉

慶祝我生日 原來係食我最鍾意嘅薯條 同 burger ♥️ 掛住下卡 影相自拍 竟然唔記得左影我個burger 😂🙈淨係影左個意粉🤤🍔🍟😋 呢晚閒日 唔多人 好夠靜 環境舒適 好有feel 好過尖沙咀/紅磡果間🤔唔記得係邊 地方好細 食左個軟殼蟹burger 配薯角 有脆 好有味 炸得岩岩好 薯角點茄汁 唔燶 有薯味 good 我點好多茄汁🤣好彩店員好好 冇嫌我問佢拎茄汁🤤為我揀嘅野食 真係正 又有我愛嘅茄汁蝦意粉 不過意粉個汁唔係話好正 意粉同蝦係ok ga 係個醬汁唔夠好味 同太乾身

上周同屋企人一齊去咗樂富間西餐廳seafood stand食嘢 晏晝去到想食海鮮拼盤 但係要夜晚先供應所以我哋喺附近行陣 晚上先去食 六點入席 冇咩人 得我地一枱 我地叫左menu 大半野食 當然重點係佢個海鮮拼盤 食物質素係好食的 媽媽勁讚d海鮮好新鮮 醬汁都好match 可惜分量太少了 條龍蝦冇咩肉 好細條加埋得一半條 四個人每人食得個一啖 好唔夠喉 另外我地叫左佢個dinner seat羊架意粉 好抵食 口感不錯 德國雜腸拼盤都唔錯 有自制泰式醬汁；意式肉丸煮蜆就有點普通 咸左d ；脆炸軟殼蟹唔太脆 有點濕 唔太推介；香草牛油烤帶子不過不失 好大件 ；啤酒炸珍寶蠔好食 但食唔倒有啤酒味；另有點到炸蝦 🍤 條蝦好細；脆烤墨魚餅 超難食 不推薦；三文魚意粉 有點不太新鮮；軟殼蟹漢堡套餐 分量好多 但唔好食 飲品方面完全失望 竟然冇特飲供應 其他飲品都唔好飲 太甜了

以前成日係樂富流連同覓食，不過自從畢業之後就好少機會黎樂富，今日再黎先發現開左好多新餐廳。而其中一間新餐廳Seafood Stand既外觀裝潢幾靚，所以就入左去食下午茶佢既下午茶餐時間係下午3點至6點，種類選擇都有好幾款，有輕小食、漢堡同意粉，包一杯免費飲品。價錢$30至$50左右，個人認為未算太貴，值得一試。我點左一份迷你炸魚薯條，雖然佢話迷你，但呢個份量對我黎講都可以食得好飽！炸魚非常脆口，食得出有魚味，不過較為鬆散。而薯條亦都炸得好香脆，又唔燶，而且係粗薯條，食落非常有咬口同好實在。醬汁方面，有沙律醬同茄汁，佢既茄汁落左香草，感覺好特別，所以我都好鐘意佢既茄汁最後食埋沙律菜，感覺上就可以消除番炸物既熱氣值得一讚既係，炸魚薯條唔會炸到超級多油，感覺上都冇咁油膩。*迷你炸魚薯條 $38*

平時吃的多數是凍冷冷的冷盤上，這個是熱辣辣的。充滿香草牛油蒜蓉味，當中有兩隻大大蝦，雖然不是龍蝦但是兩隻大蝦size都超大，口感上肉質都像龍蝦，蝦的種類有好多種，這個感覺肉量比龍蝦豐滿。其次有兩隻超大扇貝，口感上好嫩好香滑！另外有六隻大青口、四粒大翡翠螺、12隻肥嘟嘟的蜆！

周不時會到樂富廣場搵食，交通方便之餘，餐廳的選擇頗多，而且大多不用花太多時間等位！這晚選擇了Seafood Stand, 光看名字以為海鮮是賣點，原來漢堡也是重點食物呢！正好滿足我這個漢堡薯條控，而店內食客也不多，即使我們在假日也不用等位也可入座。這晚我們三人點了精選晚餐鑊仔精選海鮮意大利飯，牛魔王漢堡套餐，蝦兵蟹將漢堡套餐。凡漢堡加$18就可以配薯條或洋蔥圈及一杯飲品，我們點了兩個漢堡，打算各配薯條和洋蔥圈，下單時侍應告知洋蔥圈已售罄了，很可惜，唯有吃兩客薯條吧。但更令我們感到可惜是漢堡並不如想像中般的好吃，只是平平無奇的品質，實在有點對不上它的售價，難怪假日也沒有人等位。兩款漢堡的份量有點少，用料又算不上新鮮好吃。牛魔王漢堡的牛肉不算厚身，也沒有牛肉香味，味道靠芝士搭救，坦白說跟某美式連鎖店比，質素好不了多少，但價錢卻是人家的一倍有多。薯條質感香脆，味道還可以，沒薯香，應不是自家製的吧。最令我們失望的應該是蝦兵蟹將堡，外型不美觀，份量也不如餐牌上的大份，炸起的軟殼蟹酥粉太多了，口感變得不討好。味道比較合意的是鑊仔精選海鮮意大利飯，可能因為是晚食客不多，餐廳一次過上了這三道菜，我們未

之前朋友介紹過話好食，另外睇食評都似乎唔錯，加上近近哋，所以嚟試下。星期日晚上8點嚟到，冇訂位，亦都唔駛等位。呢度枱唔算多，好彩唔駛等。入到去，服務都ok 吖，有人嚟serve。我哋叫咗羊架配菇既意粉，加配南瓜忌廉湯。另外要個牛摩皇漢堡加洋蔥圈。忌廉湯味道ok，但唔夠熱。個意粉好味，夠熱。羊架都好味。不過細碟了少少。散叫了一隻炸軟殼蟹，40蚊，味道同份量都ok.到主角，先講洋蔥圈，ok 的。不過個漢堡就。。。。有點失望，牛肉是冇味道的。如果呢間係出名食漢堡就有啲失望。可能是失手吧。汽水是罐裝的。

樂富真的比較少過來，那天過去交收順道覓食，發現原來也有不少餐廳。比這間 Seafood Stand 的格局吸引了，我們到達的時間尚早，沒有很多人。就是小食己足以讓我有選擇困難症。漢堡包有不少選擇，而且都可加錢轉餐呢。另外還有晚餐餐牌，加$18可配餐湯及飲品，價錢算是很親民呢。跟餐餐湯是番茄濃湯，很重番茄味，酸中帶微甜很開胃。脆炸魷魚鬚 $38上桌時熱氣騰騰，粉漿夠薄入口超級鬆脆，內裡的魷魚鬆口感軟稔，魷魚味十足，完全停不了口。慢煮德國無骨豬手配蜜糖芥末燒汁(配薯蓉及虎蝦沙律）$138脆皮豬手吃得多，慢煮豬手還真的很少吃到，豬手口感軟稔中帶煙韌，皮層啖啖膠質，肉的部分質地軟嫩好咬又不會太鹹，和味道香甜的蜜糖芥末燒汁很夾。配菜的薯蓉大大份，而且薯味十足；虎蝦沙律的蝦紮實爽彈，沙律菜很新鮮，芝麻沙律的味錯，份量亦恰到好處。脆豬手經常吃龍蝦帶子司令堡 $93 (加$18配薯角及飲品）薯角炸到金黃色，外面香脆內裡軟綿，又一惹人不想停口的邪惡食物。龍蝦帶子司令堡內裡當然有龍蝦和帶子，內有龍蝦一大件及一隻帶子，這個價錢來說算合理吧，而且龍蝦和帶子沒有過熟，肉質鮮味紮實不會太乾，加上鬆軟有芝麻香的漢堡

今日係度食咗個lunch set, 埋單好似係75加一。有沙律/湯，主菜同野飲，凍飲加2蚊。沙律-令人驚喜既係醬汁加入吞拿魚同雞蛋，令口感味道更豐富幾有心思主菜係菠蘿燒雞漢堡配薯條，包好厚，一啖咬唔落，要用刀叉食。燒雞入味，頗嫩滑。原片菠蘿做夾層，有燒過，食落唔會冷冰冰。燒過既菠蘿好甜又有汁，同燒雞好夾，唔使醬都唔會覺得乾薯條炸得唔錯，茄汁加咗香草，陣味幾特別，但我比較鍾意原味茄汁，依啲係個人口味。環境裝修唔錯，枱有少少逼，但舖頭仔可接受，唔會太亂。

機緣巧合，去到這間滿有美國特色的食店！格調不錯，以為很貴，原來價錢都可以接受，不過當然要睇埋食物質素！ 點了A,E, F, N~~4個人，4個餐！！ 這杯是柚子蜜！ 這店氣氛一流！其實讓人很舒服！ 到了！F：千層芝士大菇炸蝦堡！ 正！個炸蝦餅好香好濃蝦味，反而個大菇沒有甚麼味道就有點可惜。 醬汁酸酸甜甜~GOOD！ 上面是Seafood Stand海陸空焗飯！ 有炸蝦、豬扒和雞扒，整體做得不錯，是飯焗得不夠乾身，但豬扒處理得好好，和雞扒一樣保留了肉汁。 黑松露忌廉雜菌扁意粉， 這個黑松露味不太出，但整體係唔錯，反而我認為忌廉味可以再重少少！ 最後的是炸魚薯條，好好味，魚肉唔乾身，有點令人一吃再吃的口感，的確不錯！ 這個餐廳比我想像的性價比高，而且坐得舒服，已經很重要！

今日行過樂富先知開左間食burger既餐廳魔王漢堡 ($68)呢個漢堡既牛肉漢堡扒好正佢係煎得岩岩好，但你又會見到佢中間有d紅紅地，食落塊扒外面有焦，但裏面係好juicy既少不了既仲有d芝士，食落啖啖都有至於個麵包又整得脆卜卜，正除左burger，我地都試左個意粉紐西蘭羊架配香蒜雜菌意粉 ($88)食羊架最驚就係有羶味好彩！呢個羊架又唔係有好勁既羶味bo反而佢煎既時候加左d香草，令到d羊架仲有d香草味，再加埋小小羶味，又幾好食不過意粉就比較淡啦，食落無乜味

睇完『開飯』介紹，專程開車去嚐一嚐。瀨晒嘢！裝修、服務都是正常的，幾好！唔知係唔係膳稿，點一點食物試試先。點了兩杯1664啤酒、一份炸洋蔥圈、一份香腸拼盤。1664 啤酒，是新口味嗎？ 我孤陋寡聞，花香味，帶酸，似白酒味。是變質還是另一種口味，不知，我嫌棄。洋蔥圈，炸過龍，乾晒。香腸拼盤，香腸應該不差的，但過火了，乾晒，無晒肉汁和香味。對比之下，味道交足功課的、物有所值的，只有清水兩杯。是晚浪費了時間和260元

今晚約左同學喺九龍城傾project, 傾完當然一起吃晚餐啦我突然好想食漢堡包，因為對上一次食已有一段時間，講緊起碼都一年。又唔想食麥記，於是就上openrice搵下有無九龍城附近吃漢堡包的餐廳啦。見到Seafood Stand 啲圖片及餐牌相當吸引，仲要近到樂富都有分店又可以方便同學吃完撘地鐵回家印象中喺D雜誌有報導及介紹呢間餐廳嘅漢堡包同其他食物我地二話不說就決定去試下餐廳門口都好有美式風格的感覺我哋七點半黎到，座位坐了八成左右。望一望餐牌，D 圖片好吸晴樣樣都想食，我地點了以下食物大熱天時，有乜嘢正得過飲啤酒食洋蔥圈我地點左比利是嘅Hoegaarden，洋蔥圈炸都超正，我最愛的我極度推介比素食者，真係好好味原來漢堡包無肉都可以好正一望到就覺得餐廳好有心同誠意呢款我就覺得一般，烤得比較乾，不過可能用呢個烹調方法煮會係乾身啲但呢個價錢來講總算抵食睇到賣相都流晒口水一個字形容，正！波士頓龍蝦的確鮮味仲有配埋沙律呢種烹調方法原來都可以食出鮮味我一般食龍蝦都係清蒸今餐兩個人食左$475，價錢合理，餐廳風格及食物好適合年青人總結: 會再幫襯，因為漢堡包做得出色，所以都有興趣想試吓其他款式，尤

店面又唔係忙，下下都要人等等。落單不會臉向客人，一句：「聽唔到」就算，續續臉向牆落單。音樂太大聲，d客講野又要跟住大聲！！環境係唔錯不過員工既態度就真係要改改。