Season Plus (已搬遷) 新店位置

早前睇左個網話觀塘有9蚊蠔食！我呢個蠔怪緊係要去試下啦！係觀塘mtr d2出口吾洗幾分鐘就到！好易搵！入去到，好似酒庫咁放左一邊全部係酒，而另一邊就係餐廳，木枱凳感覺舒服！店員服務好好，好nice又有笑容，介紹有乜推介同吾同蠔嘅分別！嗌左9蚊蠔半打，係irish rock嚟，傾下計吾洗好耐就上碟！勁新鮮，好有光澤，而且少少整下個蠔邊，隻蠔會少少縮嫁，要小心留意，可看好新鮮，吾錯吾錯！好香蠔味！！另外仲有帶子刺身，價錢合理，而且都好新鮮，冇雪味，都幾好食！之後嗌左份m5扒！好好食，生熟程度岩岩好，而且都脂肪分佈岩岩好！食落肉汁豐富，好香牛味，好正！配上沙律同薯菜，好味道！整體感覺非常好，好扺食！蠔最正！！下次帶朋友嚟食先！！

之前見到網上有人介紹一間食生蠔又新鮮又平嘅餐廳，一早已經想去試吓，早幾日終於去觀塘朝聖了。餐廳嘅位置都算方便，好近地鐵站。一坐低，即刻叫生蠔生蠔嘅選擇都算幾多，我叫左2隻美國yellow stone（$18一隻）, 另外，法國的Majestic, Black Pearl 同Saint Michel 各2隻（各$29一隻），店員仲為我介紹不同蠔嘅特點，仲教我點順次序食～d蠔真係食得出好新鮮好creamy，正！另外，仲叫左個牛肝菌意大利飯（$98），意大利飯粒粒分明，好有咬囗，牛肝菌香配上creamy嘅芝士，好食～仲叫左個小食－日本焗金薯（$58），細細粒一啖一粒，甜甜地好快俾我食曬～順帶一提，原來呢間餐廳係不設加一架！變相更加抵食，食物質素又高，以後唔駛局限於apm搵食了！

天氣一時凍一時熱搞到今日見完客之後冇乜胃口幾時到呢間新開嘅餐廳係正我見完客樓下本來諗住入去飲番杯嘢先好衰唔衰比我見到佢哋有得食生蠔而且睇落個價錢又唔係貴二話不說就叫左半打生蠔食完之後我就鍾意法國嘅生蠔多啲因為海水味濃啲而且有更爽口雖然有些鹽味比較重不過就係呢種海水味就帶出咗生蠔嘅甜味而美國嘅生蠔就大隻好多入口就比較creamy d原本冇乜胃口但係食完半打生蠔啲胃口就返晒啦所以就額外叫多咗兩款熱辣辣嘅小食首先係呢款日本手羽炸雞翼呢度餐廳要抵讚一句就係全部食品都係你order咗先至開始煮同埋開始開生蠔所以全部食物都係熱辣辣而且仲好新鮮新鮮炸好嘅雞翼外皮脆博博但係入面肉質就甜美無比輕輕咬一啖都可以流晒啲雞汁出嚟另外見到佢有原條鰻魚喺出邊餐廳已經好少何可以叫到原條鰻魚而且望一望個價錢都只係＄98大佬啊平時出邊餐廳食個鰻魚飯比兩塊仔你已經索價百多元呢度餐廳幫你煮埋不單止仲有分量咁多＄98完全差唔多係批發價咁樣食到個鰻魚嘅肉汁甜美無比不過我個人覺得個鰻魚汁就比較鹹咗少少但係用來送酒就更加適合不過

觀塘唔少工廠大廈都改裝成為餐廳,呢間餐廳都係工廠區地方好大,佢主要係賣酒同海鮮,而家仲有埋堂食!門外見佢做緊promotion有$99半打生蠔食岩哂我呢啲生蠔愛好者!US Yellow Stone呢隻生蠔size唔算好大,食落海水味淡,肉質爽口佢送埋一杯白酒都係$99好抵食海鮮拼盤呢度唔洗$200就食到,又係好抵食佢拼盤都唔少野架,有生蠔,龍蝦,青口,螺,蝦,麵包蟹生蠔同頭先食個半打有少少唔同,呢隻再爽口啲而青口海水味好濃烈龍蝦就爽口鮮甜,膏亦都好多螺肉厚身麵包蟹則係最有誠意既一樣,因為原隻比你,加上入面超多膏,真係食堆膽固醇放入口咁濟而肉都係好多,蟹夠冰凍整體質素同價錢好配合主菜就叫左威爾斯羊仔架羊架size唔算好大,不過勝在整得夠嫩入面都算係juicy,食完唔夠喉,若佢再大件啲就更好

官塘越來越多食店原本想約朋友試中午，抵嘛點知俾佢甩底，後來改左食晚餐焉知非福俾我試到咁好味的牛小排最初想叫肉眼扖的，Waiter 說今天小牛排好靚，我心諗仲平過肉眼扖就試下啦！點知真係咁靚外面煎得香，還有點脆切開肉還紅紅嫩嫩的，但又不會出血水，烹調技術不錯牛肉味濃，沒有什麼調味，能食出原本的牛香配菜青青綠綠，加了點醋，開胃，清爽還有我至愛嘅薯角，夠咸入味，外脆內軟，滋味朋友選了田園沙律，菜好新鮮爽脆，健康再加半打法國蠔，真識食他說每款兩隻，先食鮮甜的Majestic ，然後食爽脆的St. Michel，最後才吃海水味濃的Black Pearl 。看她吃得滋味無窮連聲讚好兩個人靜靜地食下傾下，咁就一晚，每人大約都是$250，食到既新鮮又好味的，值

今日做GYM前朋友話帶我食好野增加蛋白質既然距離做GYM地方不遠，就試試吧！想不到就在地鐵站附近，行過天橋就到了！食店很特別，接近五分一的地方是用來display酒類飲品，客人可以隨意走動揀選心頭好！朋友坐下不久，看也不看menu，就點了６隻蠔！果然是食家！我就慢慢睇個menu，發現有個海鮮拼盤好抵食，做緊promo，就試這個吧，最多一陣跑步跑多半個鐘很快便有得吃了！上枱時侍應很細心地提我們要由哪隻蠔食起，最後才吃哪隻好奇的我當然即刻問點解？！侍應續說因為唔同海域鹽份ｘｘｘｘｘｘｘｘｘｘｘｘｘｘｘｘｘｘ我真心謝謝那位侍應！因為佢唔介意我這個門外看問長問短。的確，佢介紹完後，我對蠔認識了不少！再講返蠔，由於我們的海鮮拼盤有兩隻蠔，再加埋另外點了６隻，總共有８隻，而且牠們來自不同國家！先是海鮮拼盤的兩隻蠔，來自智利，亦是侍應建議要最先吃的蠔。智利蠔最易入口，因為海水味明顯無咁重，感覺不過不失！之後就試朋友點的6隻，全部來自法國的三個不同海域：majestic, black pearl, st michel侍應的建議是：majestic ---> black pearl ---

今晚又係觀塘揾食的日子，呢排好鍾意在工廠區中尋美食，在FACEBOOK見到呢間野，又試下佢。叫左個澳洲M5和牛肉眼12oz，日本手羽炸雞翼，同埋2隻法國black pearl no.1。先食蠔先，平時試開white pearl多今次食下black pearl。海水味十分十分豐富，好鮮味。我最鍾意落少少檸檬汁加tabasco，襯落去好鮮甜既蠔肉度，係絕配。29蚊一隻其實都唔算貴。跟住就黎一個日本手羽炸雞翼，有成四隻咁多，同埋都幾大隻。佢炸到金黃色，上面有好多芝麻，食落口d雞肉都幾嫰口，而且有幾濃香的芝麻味，令到成隻雞翼係好香口。果然，麻配雞，係美食的絕配。接住黎主菜係澳洲M5和牛肉眼，一聞落去已經好香，牛扒好大塊同厚切，都有成隻手掌咁大。食落去，正，絕對食得出係穀飼和牛，而且入口一啲都唔鞋身，沒有肥榚，食落啖啖肉感覺真好。另外仲有薯角，有十舊到，唔會唔飽，成個餐都真係好豐富。

又一蠔吧在觀塘朋友返工經過見到新開冇耐，便立刻約埋我去試原來還有其他分店二話不說，緊係先叫蠔啦Waiter 介紹法國蠔，於是每款叫兩隻試下先Majestic,蠔味頗鮮甜，不算肥美，但勝在鮮甜，令人一試難忘Saint Michel,肉質較爽，雖沒有Majestic甜美，但口感較勝一籌Black Pearl ：size 較大，海水味較重，三款蠔各有好處，難分高下，於是。。。再encore 一個round 牡丹蝦，賣相精緻，蝦肉爽口，鮮甜，新鮮也帶子刺身，厚肉，鮮甜赤貝色澤鮮明，爽口清甜，朋友冇㨂錯我們真是超級生番，完全不用吃熟食最後才加多一個意大利火腿&芝士拼盤芝士和火腿真的超夾咸香的口感果真不錯，雖不是Sweet Ending 但食得超開心滿足！

今晚莊少又請客，他說觀塘區有一間吃海鮮拼盤出名的Season Wine 餐廳，既經濟又有水準!我收工後馬上會合他，餐廳格調也不錯!我們看到海鮮拼盤做特價，還有白酒送，竟然才198元，正!首先叫了一客赤貝刺身，一碟有六片，真的鮮味，而且很新鮮!意大利火煺加芝士拼盤是白酒的好友，又怎能缺少，火腿很香，伴着很濃的芝士，口感一流!主角海鮮拼盤份量很大，法国的麵包蟹很大隻，打開蟹蓋的膏又香又濃，而且蟹肉很鮮甜，龍蝦也有半隻，有手掌般長，既新鮮而且蟹膏也很濃，還有4隻鮮蝦和生蠔，真的超吸引，加上清甜的白酒，今晚真的是酒不自醉人自醉!