Season Plus (已結業)

生蠔愈凍愈肥美，在近日嚴寒天氣下，前幾晚我就來到觀塘的Season Plus 品蠔。裝修雅緻，面積廣闊，昏黃的燈光令氛圍放鬆閒適。近期換了新餐牌，款式更多，除了新鮮海產之外，另外也有很多款式的熱食。美國中碼生蠔 $18/隻肉身非常肥美，質地爽身又厚肉，一入口滿是豐富海水味，蠔味留在口腔久久不散。日本一口和牛粒 $68和牛肉質夠腍，不會過韌，牛味濃得來沒渣兼有少許油花香。油脂分佈均勻，在肉味及油香得到最佳平衡。日式醬煮魷魚筒 $98原隻魷魚筒份量十足，淋上日式照燒汁，可惜的是可能不是即叫即製，上枱時似乎不太夠熱。魷魚鮮味肉厚，肉質爽口彈牙，不過如果可以燒焦多一點就會更香口。蒲燒日式鰻魚 $98淋上鹹香帶甜的醬汁，濃郁的醬色和紫菜絲包裹著細膩的鰻魚肉質。原條上的鰻魚啖啖肉，細骨不算多，肉質綿密嫩滑，吃起來香甜可口。芝士牛油焗日本元貝 $68表面鋪滿厚厚芝士，焗得充滿焦香，芝味極濃郁。厚厚的帶子肉身仍能保持爽口嫩滑，不會焗得過乾，保存鮮味。精選炸物拼盤 $168選了炸日本廣島蠔、日式黃金吉列炸蝦、香脆紫心香芋丸及炸美國薯條拼成炸物拼盤，一次過盡享四款炸物的酥脆滋味，份量很足，而且拼盤價錢亦比

今日同朋友係荷里活睇完戲就去搵食，我地去左觀塘食野 就入左season plus laaa佢係觀塘工廠區都好易搵到，入到去見去見佢做緊幾個本月推介，$198 12隻生蠔同送一枝意大利白酒，又有$198 龍蝦海鮮拼盤，都幾抵食，我地嗌多左半打蠔d蠔食落都幾鮮同肥美，冇蠔殼同沙架，都幾fresh!!!!白酒都吾錯吾會太dry or 太甜海鮮拼盤勁大盤啊，佢d蜆肉勁好食，食極都食吾完，好正，龍蝦青口螺都好好食！我地叫左d熱食，例如係炸魚柳手指，岩鹽蒜蓉大蝦，芝士焗帶子魚柳炸得還好，都幾多條架岩鹽蒜蓉大蝦佢有十二隻 每隻都佈滿蒜蓉同岩鹽勁入味啊芝士焗帶子，佢勁多cheese 即焗好夠熱 粒帶子都好大粒，正啊佢地有賣craft beer架都！叫左杯鹹檸啤，第一次試都真係幾鹹不過飲飲下都okay!!!吾錯吾錯！下次試下其他先

今日約左朋友收工之後係觀塘食晚餐聚下舊！聽朋友食過尖沙咀果間Season Plus話唔錯，一於黎試下觀塘果間今日早收工既關係，餐廳都唔算多人～我同朋友決定嗌小食同主菜share食首先嗌左個芝士牛油焗日本元貝（兩隻）上面層芝士好厚好足料，不錯不錯薯條配黑松露蛋黃醬熱辣辣既薯條配埋個醬好正份量仲好多，兩個人完全食唔曬！意大利辣肉腸薄餅雖然係普通口味既pizza，但佢整得好好食，皮脆足料，值得一讚熊本霜降西冷薄薄既西冷，有入口即溶既感覺，配埋個燒汁好好食，性價比好高朋友仲嗌左杯白酒飲餐廳仲有生蠔同海鮮食，等我下次黎同朋友試下先

男友勁中意食生蠔 有朋友食過呢間話生蠔好正 就帶男友黎呢到等佢食餐飽 睇到Menu個生蠔餐唔算好貴 有一打生蠔同一杯白酒198蚊，因為男友唔想飲酒 於是用同等價錢叫左打半生蠔同一份翡翠螺冷盤上枱時勁興奮 見到生蠔有大有細隻 都算肥美 我食左4隻 其餘全部男友食哂 一次過滿足食落好鮮甜 翡翠螺都好大隻 一份六隻 冇落檸檬汁都食到鮮甜味再來一份海膽 一殼有三買舊 一口食哂好幸福 好新鮮一啲都唔臭 夾埋青瓜食都好好味 第三係一口和牛粒 呢個我認為最香 一上枱就聞到陣香味 睇落好似黑左小小 但食落都好好味 唔算太un 又唔係入口即溶 好味既個心認為Pizza麻麻地 因為驚男友唔夠飽先叫既 最後我食左一件 佢一個食哂五件再來個唐揚手羽雞翼 係東京食過 見到又好想再食 烤得好香 值得食既 食落口又脆又juicy 唔使點甜酸醬都好好味最後食埋個香酒煮蜆 好大隻蜆 好重酒味 中意飲白酒既可以試下 我就覺得冇左酒味或者更好食總括來說食物唔算好貴 但好好味既 特別係海鮮好新鮮 岩哂中意食生蠔海鮮冷盤既人

今日收工同媽咪出觀塘食海鮮黎到中海日升中心依度食Season Plus，之前試過山林道分店覺得唔錯，又咁啱係附近有啲野做，就決定黎觀塘分店試試入到餐廳都幾大，不是枱偏細，叫多啲野食好難放得曬黑松露牛肝菌pizza $88上枱已經嗅到好香好濃郁既黑松露味，加上落咗小小蘑菇令味道更香，更有口感可惜個薄批pizza偏硬，如果鬆軟小小就perfect熊本霜降西冷 $198牛味都幾濃，切落好多肉汁，肉質都幾嫩，不過有小小根係旁邊，個汁有小小辣，不過點牛肉食又幾好味，仲有薯角，沙律配菜，整體都唔錯今晚既主角登場喇本身諗住叫凍海鮮拼盤$198超抵食，不過今日得8度太凍，所以下次再試烤焗海鮮拼盤 $298即焗蒜蓉有頭大蝦爽口彈牙，乳白色肉質係幾新鮮又大份，加埋蒜蓉焗真係無得輸巴馬臣芝士焗扇貝，大大粒，不過太多芝士蓋過咗扇貝本身既味道蒜蓉翡翠螺&芝士黑松露焗大蘑菇&牛油焗比目魚扒既味道都幾好，黑松露醬令蘑菇食落更香，加上我本身又好中意黑松露個味，好滿足

一早打去問有無cake charge個server以為我問有無cake餐 已經笑左下之後佢話好似前幾日有 咁我問幾錢 佢問哂所有同事都唔知 就話總之有但唔知幾錢早幾日已經book定枱 到左佢安排左門口位比我地四個原來係佢地搞錯左 比左張卡位比人 所以我地要坐門口😪Order左生蠔set 熟海鮮拼盤 pizza同埋炸野小食問完係咪四隻杯 等左廿分鐘 竟然係pizza黎先無耐 炸野小食都黎埋 叫左佢地會地話知道我地有酒既咁咪等多陣 熟海鮮拼盤都黎埋 隻龍蝦overcooked青口食到我有啲敏感 其他野還好 熱食我地一早餓到食哂 生蠔終於到 再食到咁上下 好野枝酒都到啦未試過食一間餐廳可以將啲service調轉哂黎等既途中淨係聽到佢地收錯錢 落錯單 明明得個四張枱 其他人仲要做做下野係到食野傾計完全唔明間餐廳想點 生蠔係唔錯 但都唔會再黎🌚🌚🌚🌚

其實觀塘都真係幾多好野食 大家都真係唔好嫌遠不過呢間餐廳好似尖沙咀銅鑼灣個啲都有分店我一黎到就叫左佢個超抵$199生蠔set！有一打生蠔再加白酒一枝 性價比都幾高雖然生蠔唔算好大隻 但係都好新鮮好好食架！佢送既白酒係呢枝 都幾易入口 幾岩女士飲架～再黎我地叫左個芝士焗帶子成塊芝士放上面焗真係岩哂我呢啲芝士控唔少得既就係磯燒鮑魚！食落岩岩好 爽口彈牙 唔會整得過熟最後我地仲叫左個羊架 不過留意返製作需時 如果趕既話就一坐底即刻叫啦！佢羊肉完全無羶味 熟既程度都拿揑得好好！呢間餐廳一定會再encore!!

之前去過尖沙咀店覺得氣氛同環境同好適合放工同朋友去食下野談下心最近先知原來觀官都有，仲要評價唔錯！！所以趁住呢個FRIDAY唔洗收夜，一放工就拉埋個同事黎Happy下呢度地方夠大，座檯擺位闊落，坐得舒適自在雖然呢度既生蠔好抵食，不過原來同事唔中意食生蠔但又偏愛吉列蠔，所以坐低無耐佢就話要叫一份“炸日本廣島蠔”HKd$48+10%黎食左先一份有六粒炸到外層香脆既廣島蠔，份量都唔少啵而我就嗌左一客“蒲燒日式鰻魚”HKd$98+10%，原條鰻魚大大條又無乜骨，食落都ok~但個醬汁就偏甜左啲啲呢兩款前菜又點夠餵飽做左成日既我地呀，所以我地再每人揀左個main course黎share我揀左“日本熊本霜降西冷”HKd$198+10%西冷既油脂分佈都唔錯，色澤粉嫩，無煎得過熟而嚡口而個薯角係即炸架，所以食落超級香口而另一個main course就係同事所選既“慢煮西班牙厚切黑毛豬”HKd$198+10%因為係慢煮既關係，所等既時間要長啲，但都值得既！食落嫩腍富肉香，厚切啖啖肉當晚我地雖然無飲酒，但就飲左杯“萄葡梳打”HKd$28+10%同樣可以chill成晚

朋友生日飯 我揀左呢間餐廳， 位置係觀察， 又近佢收工， 放左工過去近， 餐廳係商埸入面， 埸內環境寬敞， 有bar 枱位， 卡位可坐六人， 燈光佈置簡潔又非常舒適， 餐廳主要是黑色型格風格。看看餐牌有特價套餐， 生蠔 白酒,海鮮拼盤都係只需$198，真的超級吸引， 但最近懷孕了， 不可以吃生的， 只好點些熟的啦！非常難忘的熊本霜降西冷， 牛扒都相當大塊， 另有薯條及沙津伴碟， 牛扒大慨7 成熟，肉質嫩滑， 每一口都感受到豐富的肉汁， 意猶未盡的想多吃一點海鮮拼盤點了這個是烤焗的， 焗海鮮其實也非常鮮甜， 包括比目魚，大蝦， 扇貝，翡翠螺 , 芝士黑松露大磨菇等等。比目魚 只是用了少許鹽及香草調味， 鮮味十足， 肉質依然嫩滑， 但如果是煎的會更加香口。兩大隻芝士焗扇貝， 光看賣相已覺很吸引， 海鮮加上芝士焗一焗， 真係無得輸，芝士控更加不可以錯過啦～芝士黑松露大磨菇， 芝士香濃， 黑仔露配磨菇又是絕配， 磨菇成個拳頭咁大， 焗的時間非常好， 磨菇不會乾身， 這是全熟而且很juicy 焗肉醬千層麵，這個因為多cream 同芝士， 有點溜， 同朋友share 食 好一點， 如果自己食就食唔

又平又抵食又好坐既餐廳邊到搵話說又係星期六約左朋友食飯既日子啦去到月尾有咩好食 大家銀包都扁扁地不如搵間平平地既食下 所以走左去觀塘工業區覓食見呢間餐廳都唔貴wo新鮮生蠔+白酒set 唔洗200蚊都可以落到樓就入左去試下我地4個人嗌左好多野食 每人埋單都唔洗300蚊 真係超值!!環境係Loft 工業風 我鐘意好啦 野食黎到啦係waiter 介紹下我地另外嗌多左半打生蠔仲有呢個海鮮拼盤有龍蝦 有蜆 有青口 有蝦 仲有螺添d蜆好鮮甜 仲有嗌左魚手指沙律拼盤海膽多士 想食到多d海膽味 記得好似正統壽司食法 反轉黎食 海膽直接接觸到條脷既味蕾 就唔會比麵包搶左個味仲有呢個熊本霜降西冷超juice 好好食!!總括而言 真係好抵食

成日都聽到話觀塘有好味生蠔食，經朋友介紹下今日終於去試下呢間。去到門口就覺得個FEEL唔錯，餐廳很大座位很多。我同朋友食6點半唔洗等位就可以入座，餐廳入面只有幾枱客，感覺好舒服。坐低後二話不說就點了幾樣食物:日本熊本霜降西冷，升級生蠔SET，炸魚手指，芝士牛油焗日本元貝，仲有個芝士黑松露焗大蘑菇，非常豐富!升級生蠔SET先上，因為升級了的關係，生蠔有一半是中SIZE一半是細SIZE，無論係咩SIZE，生蠔都非常鮮甜，有淡淡的海水味亦一點也不腥，配合升級了的有汽香檳酒，味道更上一層樓!炸魚手指黎到仲係熱呼呼，口感豐富，當初仲猶豫緊叫炸魚手指定薯條，好彩最後都叫左呢個，果然冇令我地失望。到左主打既日本熊本霜降西冷，我地揀左6成熟，黎到既肉感不錯，切落去岩岩好，配合附上的辣汁，正丫!順帶一題，伴碟還有薯菜，好彩真係冇叫薯條姐>W<至於芝士黑松露焗大蘑菇，呢個又係必試的推介，咬落去口感一流，非常香口!!不過芝士牛油焗日本元貝則普普通通，冇咩特別，我認為可以用呢個價錢再試其他食物~吃了一小時多左右，人也開始愈黎愈多了，整體感覺好舒服好滿足的一餐，推介情侶/知己約埋談心食好野既好地

放工後,同事們一齊來到近公司附近~ Season plus 餐廳共進生蠔晚餐。 這餐廳地方寬敞, 裝潢具有歐式工業風格,十分舒適。** 【生蠔拼盤連白酒一支】$198 這蠔是Irish rock,入口爽口肉質, 帶有清新海水味,配上白酒,美妙極了。 確實這生蠔拼盤十分抵食,仲有一大支白酒呢!**【海鮮拼盤(冷)】 $298 有龍蝦､海蝦 ､翡翠螺 ､青口及鮑魚,全都色澤好新鮮好味。 啖淡肉的龍蝦,肉質鮮美彈性,仲有好豐龍蝦膏。 醃好鮑魚,肉質厚實,有濃郁鮑魚香, 爽口彈牙鮮甜。**【日本帶子刺身】 6 片 $58 帶子刺身豐厚的肉身極富彈性,鮮味甘清鮮甜味道。**【慢煮美國安格斯牛柳】 $348 這慢煮厚切安格斯牛柳,切開有嫩紅感,入口軟嫩得來仲有口感,當然肉味也好濃郁,可沾上香甜士多啤梨醬,令味道添更美味。

今日同媽咪去官塘行完街街撐抬腳。諗唔到食咩又想食海鮮，就上openrice search下，好評幾高就試下你啦。環境浪漫又坐得舒服呀。先黎一個炸蝦做頭盤先，肉質鱗嫩彈牙，作一餐美好的開始呀。仲有黎多個日式醬煮魷魚筒原條上，配了燒汁，見到個樣都覺得惹味非常呀。燒汁均勻地覆蓋全條，十分入味，肉質爽口。人氣熱賣必點的燒海膽芝士多士，將我最愛擺埋一齊，第一次食，一種口感衝擊牛肝菌意大利飯本人對risotto 只是一般，因為煮得太硬又難消化，煮得太軟就似食粥，呢間餐廳剛好煮到我想要的質素。好食。再叫多一打生蠔一枝白酒只需$198十分抵食. 生蠔超鮮甜超大隻呀，白酒配生蠔，絕配。白酒易入口，而家天氣凍冰冰，飲杯酒又可以暖暖身，為食小編Chloe推介必點之一。

睇其他Openrice食評得知呢間位於觀塘駿業街海日升中心Season Plus既生蠔、牛排做得挺不錯，所以今晚就帶母親大人黎食好西，好好慰勞下佢<3上左電梯之後一路直行轉兩個彎就到啦餐廳空間感寬廣，掛在餐廳各處的鎢絲吊燈更能凸顯工業風格、摩登的裝修點左個二人白酒生蠔套餐（$128）有6隻美國中碼生蠔同埋一杯白酒生蠔口感清淡,味道鮮甜，略帶金屬味吃生蠔前喝一小口白酒，其化學作用可令生蠔味道更甜、更突出淡黃色的白酒易入口，甜味較低，清香甘醇另外點左兩隻愛爾蘭石蠔No.00 （$39/隻）原來生蠔的大小分為不同級別，不是按照外表大小而是重量劃分把100g、肉質結實的它一口塞進口裡的感覺真的太美好了可加檸檬汁或點番茄醬中和腥味，但係版主覺得乜都唔加就最好，甘先試到蠔既真實鮮味嘛～加拿大海膽刺身（$58）-     肥厚，泥黃色的海膽刺身鮮甜得過份，令人過齒難忘-     紋理、顆粒分明，甜度高-     質感柔軟，夠Creamy，值得推介！食完Oyster set同埋海膽刺身後隨即送上2份前菜～海膽芝士多士（$68）-     外脆內軟，海膽味濃郁-     平價食品多士配上貴價食材

season plus一向出名食生蠔，所以叫左128的set,6隻美國中碼生蠔跟一杯白酒，而且可以望住員工即場開生蠔，包保一定新鮮，食完有d後悔，點解唔叫$198set,有12隻+一枝白酒，更加低食，依家有少少唔夠喉之後再黎海鮮拼盤，佢有焗同冷盤版，見到冷盤版好似好多野食所以揀冷盤，黎到果然震撼，有超多花蛤，龍蝦，熟蝦，青口同螺，食都食到口軟食左兩樣冷野，都食少少熱野，所以要埋日本熊本霜降西冷，肉嫩就當然，但佢無平時食開既西冷濃牛味，反而係淡淡地既牛香，牛不一定要重口味