Second Bite Bar & Cafe (紅磡灣中心) (已結業)

環境舒適既dinner - Second Bite Bar & CafeFb:下一站豬欄; IG@Pig7station紅磡搵食唔難，不過搵間坐得舒服環境又唔錯既真係要花D時間😅小仙子又準備左間西餐比小🐷試試😜環境都唔錯，餐廳以淺綠色為主題，好有田園風😚Order左2人餐$388，先黎湯同牛角包，紅菜頭湯好吸睛🤣加左少少忌廉都好滑，之後黎小食白酒忌廉青口: 忌廉濃度適中，好香😌慢煮油封鴨配沙律: 油封鴨皮脆，有肉汁唔乾身👍🏻配沙律菜都夠新鮮🥗白酒蟹肉扁意粉: 蟹肉都唔算少，意粉可接受，唔算太淋，忌廉濃度適中，沾滿每條意粉😗另加咸蛋黃薯條，每條薯條都沾滿咸蛋黃，好邪惡🥲配🍺好matchHappy hour過黎都唔錯㗎，飲品有promotion😛

約咗幾個港女黎個又可以打卡又可以聚會嘅新地方，可能侍應都見到我地有選擇困難症，佢就推介咗我地以下呢啲菜式。原條泰式香茅鹽燒魚，🐟條魚都幾大條，上枱個陣侍應哥哥都話等佢再滾多幾分鐘先食，一路滾一路聞到啲香茅味同椰奶香飄出黎，飲啖湯底，十足冬陰公，加埋條魚好鮮，個爐又慶住佢，有少少收汁效果，越食越好味。然後哥哥話最多人點嘅小食，流沙燒粟米都黎咗，後悔只係叫咗一條，芝士同鹹蛋味突出，我覺得廚房可以考慮下落多啲燒汁再燒燒佢，再令佢重口味啲，出個重口味特別版啦！😊😊😊慢煮羊脾拌薯蓉配芝士醬，個醬我地用黎點埋粟米，自制double 芝士🤣🤣🤣，但個羊脾係有肉汁嫩滑嘅，個外皮脆脆地，連住啲骨膠原一齊放入口，增加口感。差啲漏咗嗰沙律，🥗叫到成枱肉，叫番個沙律，但你睇下，個沙律上面個油封鴨脾，唔知係咪用慢煮法，唔會太油，肉又鎖到肉汁。配上藍莓乳酪清新口感，反而個沙律最快食晒啊！👍🏻👍🏻以食物黎講，配搭真係幾特別，而餐廳又chill食完坐多陣都無問題，希望唔好贊完佢就多人排隊到食唔到啦！地點就係黃埔地鐵站行過嚟好近，今次無論係港島人定九龍人，都好滿意。贊啊！

同事之前帶我去過呢間餐廳，今次再黎食多次，由公司行過去都係十分鐘，唔洗成日食茶餐廳。呢間西餐廳唔算話好中間，入門就見到有地懷舊地磚裝修，成間偏向小清新設計又有啲綠色牆打卡🥗我自己叫左慢煮油封鴨髀藍莓乳酪田園沙律，因為之前都無食過油封髀🍗。食落啲肉幾入味，肉質係偏淋，唔會有鴨X味，估唔到配埋乳酪同沙律又幾夾，成件事唔會油膩有肉有菜好健康又飽另外叫左招牌鹹蛋黃金雞翼🐔 $88同事一齊share,呢個好香口啊！啲鹹蛋黃都幾足料，起晒沙咁會忍唔住食完一隻又一隻🤣如果呀頭請食晏就推薦黎食，幾大份又唔會好嘈坐得又舒服，岩晒黎個lunch 👍

食牛肉 最鍾意就係食封門柳嘅位💕肉質唔肥但係就好嫩滑軟腍 而且個牛味仲要好濃郁😚牛柳已經切好晒一舊舊 夠晒方便😆加少少蛋黃醬 更加惹味～旁邊仲有creamy嘅薯蓉🥔忌廉蘑菇🍄沙律🥗真係好豐富👍🏻

星期六係屋企hea左一日，六點鐘同男朋友落去樓下食個early dinner ，呢個餐廳之前都食過兩次，今日又黎翻卓，一如既往啲侍應都好熱情反應好快我地兩個就叫左一款main羊後腿同埋一款小食唐揚酥炸墨魚咀平時我地兩個都幾中意食羊架，不過一件羊後腿就未試過啦，作為食肉獸梗係要試下啦！羊味食落幾出色，又有肉汁唔乾，其實個擺盤都幾靚，加埋汁都幾夾，份量夠晒大另外，叫左個墨魚咀😈 啲炸粉薄薄地食落好彈牙，唔會話食到一舊舊粉團，夠晒香口啊！啲天氣咁差，又熱就叫左杯提子藍莓梳打 $ 42🤭  啲藍梅好甜好大粒，餐廳比左好多粒擺滿晒，加埋啲梳打，好享受。我男朋友就叫左杯西柚茉莉茶 $28，西柚加茉莉茶呢個組合好夾，食完肉又食炸物飲番啖去一去油，聽講咁樣唔會肥😙

呢間cafe出晒名環境又靚而且食物多選擇，今次再次嚟幫襯，啲嘢食都仲保持到水準，唔會因為人多難食咗，呢樣好重要同個朋友今日打算大家傾吓計講吓老細壞話，一嚟就叫咗款小食唐揚酥炸墨魚咀，哇個墨魚咀食落勁脆口，但係呢個揸得又唔會好油膩喎，令人食落都唔會覺得好邪惡忍唔住一啖接一啖食咗個邪惡嘅炸物，扮吓嘢叫返個沙律先，慢煮油封鴨髀藍莓乳酪田園沙律👍個鴨一啲都唔油，啖啖肉大家分起上嚟都好方便，另外啲沙律菜都係有心思唔係就係比一種羅馬生菜hea客，加少少藍莓成件事都昇華唔少我哋都有叫到啤酒呀，如果啱Draft beer嘅朋友都推薦過嚟飲下啤酒chill 又可以嗌嘢食朋友一齊分享

同區又多一間好選擇啦！男朋友話想食下西餐同羊，咁啱見到餐牌有晒佢嘅要求，重點又唔貴，呢餐我請啦！🙊🙊先黎個原條芝士流沙燒粟米🌽，條粟米視覺效果勁正，post咗上IG story個個都問邊度食到😏，原來流沙鹹蛋黃同芝士口味嘅嘢勁夾，加上本身粟米嘅甜味，好快就ko晒。係有個麻煩嘅點，就係食到成手都係，建議大家插隻筷子入去個芯，轉住咁食。飲品不過不失，以為係藍梅糖漿飲品，點知又唔係，飲落有啲巨峰提子味咁🍇清爽得黎，唔死甜。意粉🍝辣辣地得黎又有泡菜味，蕃茄嘅酸甜，泡菜嘅酸辣，呢個組合特別得黎互相配合，又唔會過酸過辣，可以再 encore 呢！等個羊後脾黎埋，快手影張合照，即食！隻慢煮羊脾切開，啲汁流晒出嚟，入口即化，肉質鬆軟，羊騷味係口腔散發，好正，食羊就係要咁啦！總結黎講，餐廳食物質素唔錯，份量對得住個價錢，食物配搭幾新穎，坐得舒舒服服，性格比高啊！😊😊

之前朋友揸車去周圍搵美食，最後試左間cafe係賣多國菜，不過餐廳就無停車場架，泊左係街度啲錶位，最後就行番去餐廳，門口好大架，有啲小森林裝修咁👍👍👍韓式辣茄泡菜豚肉扁意粉，個意粉望落去好hea,不過食落辣辣啲啲酸咁好開胃啊🤭啲豬肉片有少少肥不過如果蹲守肉應該會好乾，估唔到加埋啲配菜茄子都幾好食，不過呢個價錢份量應該多少少👍👍👍👍👍唐揚八爪魚下足 $68哇哇哇呢個超級推介，炸得好香脆，佢個份量比我想像中多，如果喜歡同朋友飲下啤酒吹吓水，建議一定要叫呢一個👍👍👍👍因為叫咗炸物都想清下啲熱氣，叫咗一杯西柚茉莉茶 $28嚟到其實好大杯底飲過啲台式嘢飲，茶味好香配埋西柚成件事變返零卡，覺得啲嘢飲加小食喺呢間餐廳度都好出色

前兩日放工經過second bite,見佢menu多左新野好耐無食過，fushion 泰國野，之前去過佢既姊妹店食扒餐勁大份，今次轉試下新野黎番黃埔店試下呢度先叫左個小食，記然有下酒小食必試既唐揚八爪魚下足 🐙不過我唔飲酒，喜歡有draft beer既朋友都可以黎chill下。呢個八爪魚炸到勁香，又大大粒過足口癮😋 點埋個醬真係好邪惡🐟必食！二百蚊有找原條泰式香茅鹽燒魚，仲大大條😆 條魚先烤過已經好吸引，不過佢啲配菜都好正，茄子吸晒啲汁🍆，啲蘆筍都好爽脆，另外蕃茄仔酸酸甜甜成個菜都好開胃呢間餐廳都幾推薦，裝修好有心思，又有綠色草牆可以打卡。餐廳門口影相都一流啊，行開既不妨過嚟試吓啲新餐單

當時新開無耐食過次，食物都幾有特色，今次經過見到餐牌食物有轉咗，原來晚餐同午餐分別都幾大，緊係要黎試試佢。特濃蝦汁芝士焗虎蝦配焗明太子蒜蓉牛油法包$98，個汁蝦味十足🦐加上芝士，令佢杰身少少掛汁一流，呢個配蒜蓉法色嘅食法，真係會令你唔想浪費個特濃蝦汁。隻蝦新鮮，處理乾淨，仲用刀叉黎剝殼？用手啦，手指都要損埋啊！！🙌🏻🙌🏻另一樣叫咗原條泰式香茅鹽燒魚$198呢款又係抵食，任何一間九龍城泰國菜，入親去叫呢款都二百起跳，呢度找多你2蚊，唔使去九龍城啦。味道比得上泰菜餐廳，香茅鹽燒，帶得出條魚嘅鮮味之餘，仲有湯汁伴住，越食越濃香茅味。係附近揾食嘅，要試下啦！！

行過湖光街，沿路都係小店。早幾個月行過，見喺「讚好台灣」對面有間綠色裝修嘅cafe新開。就咁望，佢嘅環境比其他餐廳更闊落同乾淨，入去食個lunch先。（當時）set lunch有12款可以揀，食咗：▪️忌廉青口燉飯 $78（配餐湯/沙律，跟水果茶/果汁/美式咖啡 ［+$15升級手工咖啡］）餐廳裏面同樣以綠色為主，牆上掛有植物裝飾。餐湯係一大杯南瓜湯，味道正常。食物送餐速度都算快，嘢食10分鐘就到齊。🥢青口燉飯面頭有兩隻開咗殼嘅青口，就咁睇已經夠多汁creamy。飯入面都有幾粒青口肉同菇，食完都唔會覺得膩。☕️飲埋有樹葉拉花圖案嘅latte，又一個悠閑嘅晏就。-後來睇街坊group，原來早排佢哋有做價錢再抵食啲嘅外賣。不過呢度環境都唔差，坐得舒服，有時間可以堂食。-再後來先知，原來呢間second bite同長沙灣嘅Bar & Grill係有關係🤣。附：近排再行過睇到嘅lunch menu 😎有出現Bar & Grill 嘅招牌肉餅煎蛋飯。-

落咗成星期雨都無心機煮飯，同老公落去想食西餐鋸扒，所以再次嚟到呢間second bite, 平時平日夜晚黎大概等五至10分鐘，不過今日星期日就算落雨都有人排隊，建議假日時間都係打電話嚟book定位比較好本來想食牛扒，見到小食台台都有叫，就試吓唐揚酥炸墨魚咀，個份量啱啱好唔會食完熱氣，炸都幾酥脆同墨魚嚟翻個French Kiss都幾開心㗎老公見到原條泰式香茅鹽燒魚，佢又話唔想食牛啦喎，呢個泰式燒魚打卡一流，啲冬陰功汁酸酸美味好開胃，啲配菜都吸晒啲汁，啲蕃茄仔有幾甜喎，成個菜好完美兩個人食啱啱好如果男仔帶女士過嚟拍拖，都幾推薦Drink menu選擇多，西餐日式韓國泰式都有總有一款啱另一半食

黃埔有間裝修型格小清新既西餐廳都開左好耐架啦～之前朋友介紹就黎食西餐，今次黎到餐廳都有好多唔同菜式比人揀😳 平時黎就必食雞翼今次見到個唐揚酥炸墨魚咀🤔🤔 估唔到日式食嘅嘢竟然係呢間小店出現，我見台台都有叫啲小食，睇嚟小食係呢間舖頭必食推介，啲墨魚咀粒粒大細均勻唔會好多粉漿，炸到香脆可口同埋叫咗韓式辣茄泡菜豚肉扁意粉，外貌普通不過啲意粉都有咬口唔會太軟林林，遲啲豚肉吸晒啲泡菜，辣辣地都幾爽口唔會油膩，雖然佢係豬腩肉片，但係女仔食落都接受程度好高今次食嘅主菜我覺得普通啦，但係如果三四個好朋友過嚟飲嘢超下呢度有唔少嘅啤酒同埋特色嘢飲可以叫配合埋啲小食就very good喇

呢間cafe有西餐日式又有泰式，我諗選擇困難症嘅人嚟到都幾痛苦，同埋餐單嘢飲好多選擇，有特色嘢飲同埋唔同酒類，總有一樣嘢啱自己食。裝修都見落咗唔少心思，有一面假草牆比啲女仔影下相！因為同老公下午茶食得比較多野，咁就試左一個小食同沙律😋唐揚八爪魚下足 $88呢個見到隔籬枱又送啤酒，我又叫咗黎試吓，八爪魚大大粒又揸到脆卜卜，成件事CP值勁高，有時出街食啲炸物好細份，呢度分量冇得輸，推薦！😋慢煮油封鴨髀藍莓乳酪田園沙律，鴨髀食落好滑配合埋個沙律好清新，一啲都唔會覺得Heavy，女士減肥黎食個沙律都唔錯，啲沙律菜好新鮮脆卜卜，有時見到其他餐廳上啲黃咗沙律菜真心嬲如果你諗唔到食乜做晚餐，推薦呢間餐廳又唔同菜式選擇份量又大👍

都唔知叫佢泰式西餐好，定係多國餸好，總之好食就要推薦俾大家。早前經過餐廳，見到啲食客黎住原條粟米咁食，好過癮咁，一於會會佢。慢煮油封鴨藍莓乳酪田園沙律🤣，份量可以話係重量級，啲菜唔使錢咁俾嘅，隻鴨髀係全髀，以為只會俾下半脾，食落皮脆肉香，一啖肉一啖沙律菜，要大家share食先得啊，係個重口味沙律黎！😜😜😜三黃雞，本身諗住沙律無咁多，所以叫下肉黎平衡番，隻燒雞份量又係勁多，酒味唔重啖啖肉，配埋伴碟薯蓉，又似番西餐風味。然後講下我最期待嘅原條芝士流沙燒粟米，有啲BBQ咁嘅feel，望見啲芝士流沙流緊咁，我啲口水都流緊🤤🤤🤤條粟米本身就好甜，鹹甜鹹甜嘅味道，建議四個人可以叫兩條，我地三個人分，都表示唔夠喉，仲話如果上菜上第一，一定可以每人一條咁話🤣🤣🤣好啦，下次一人一條粟米啦。諗起都過癮，為咗條粟米一定再嚟！！