Second Bite Bar & Cafe (紅磡灣中心) (已結業)

約左大同re u,佢呢排又唔食得牛肉又唔食得海鮮，搵左好耐決定去試下個多國菜餐廳，佢鋪面好低調估唔到啲野食咁正一坐低，啲侍應哥哥就介紹我地試下佢地個招牌鹹蛋黃金雞翼。呢款小食唔錯，食落香脆惹味又有鹹蛋黃包住，雖然有啲熱氣，但係食完唔會口渴，最多生暗瘡見到餐單上都有好多扒餐，不過見到有一個羊後腿，我朋友都幾鍾意食羊，就一於試吓啦到，其實成舊羊後腿好大舊兩個女仔share啱啱好，我自己食落一啲都唔覺得好羶，配埋啲汁咁食！正如果要比十分滿分我會比8分，嘢食真係唔錯，不過舖頭裝修又大又闊落坐得好舒服啊

平時去開紅磡搵食，今次同男朋友行多少少去番近必嘉街上見到second bite，鋪面好大，係出面睇緊餐單，店員竟行番出黎介紹個餐決定入去試下👍👍👍👍原條泰式香茅鹽燒魚 $198我無諗過呢度有得食泰式😝 原條魚咁上，條魚係燒過，魚肉即刻升華香口晒，唔會腥，啲汁酸酸辣辣好開胃💕👍👍👍招牌鹹蛋黃金雞翼 $88另外叫左雞翼，炸過既雞翼再用番鹹蛋黃兜兩樣😋😋😋 雞翼整到岩岩好，咬落有汁，小心燙到嘴🥲 6雙雞翼一人3隻唔會打架😌總括黎講，啲野食幾好味😆 食悶茶餐廳不妨行過黎試下呢間。

本身見到食評唔錯，諗住試下，點知伏到喊，唔想再有人中伏要寫返食評環境同服務都ok,衛生都唔錯叫左個$388 2人餐，有湯，青口，牛扒+38，白酒蟹肉意粉，檸茶+8，招牌水果茶+15首先湯ok,配牛角包，但似係現成嘅真正伏係主菜同飲品，質素差，同價錢完全唔成正比青口完全無味，牛扒係微溫，似係煮左好耐再番熱上台，所以湯都未飲完已經上左菜，肉質好似茶餐廳質素，完全無肉味，又有筋，用梳打粉那完果種質感，唯一可取係配菜相對正常，有薯蓉沙律菜炒菇，另外意粉比較淡味，算正常而所謂招牌水果茶竟然係濃縮沖劑開嘅，一粒水果都無見到，味道好假最後埋單竟然差唔多$500，真係無下次，都唔想其他人有下次

朋友約咗睇戲睇七點鐘 個時間好吊腳(˶‾᷄ ⁻̫ ‾᷅˵)食飯先又唔係 睇完先食又驚會好肚餓(｡ ́︿ ̀｡)有啲驚會胃痛都係決定搵個地方食個快飯！ 喺地鐵站附近發現呢一間應該係新開嘅小清新餐廳 朋友話好似食過佢嘅分店 係幾好食 帶我try try 因為時間比較早嘅關係 餐廳冇乜其他客人 環境好寬躺 唔係趕住睇戲都想坐耐啲我哋都真係唔係好肚餓 所以想搵啲野食浪一浪個胃 嗌左一個泡菜豚肉扁意粉同埋黃金炸雞翼…….. 餐廳係走fusion多國菜路線見到餐牌有啲係西式啲 有啲又有泰國風情🤣 豚肉泡菜同意粉呢個組合平時小見 所以嗌黎試下 味道正常 驚喜不大黃金炸雞翼 呢個香口嘅炸雞翼就好吸引 鹹蛋黃配所有炸物都係好夾 完全抵抗唔到佢嘅引誘 🥰🥰🥰 雞翼炸到剛剛好 熱辣辣加埋鹹蛋黃醬💯見到佢午餐嘅Menu都幾抵食下次可以中午時間再嚟試其他嘢

今次捐窿捐罅食中呢間主打海鮮料理但又泰泰地fusion西餐！😎🤓食物選擇豐富，如果乜都想試下，記得叫多啲人黎，因為餸菜份量十足，啱晒share！嗌咗個特濃蝦汁芝士焗蝦配蒜蓉包，個名好長長長，但真係清楚咁講晒啲食材。虎蝦有成八隻大大隻，蝦肉彈牙，有蝦膏，記得損埋啲汁先好剝殼。個汁好香濃，用黎點法包食，實在太出色！而個羊後腿，相對上就普普通通，係你想像到嘅味，有一點好好嘅，就係佢個薯蓉擺盤超靚，有啲香草同食用花花咁。芝士流沙燒粟米，見枱枱都有order，跟風一試，真係唔錯，重口味野，鍾意食鹹蛋黃流沙嘅，必食。下次再黎試下個魚，好似幾正香噴噴咁！~🤩🤩🤩🤩

朋友最近因為環保原因而開始食素🍠不過佢暫時仲食蛋同海鮮😗 兒家啲餐廳多左好多素食menu方便大家得閒玩下green Monday 又或者同行有素食人士 都可以叫返自己岩食既野 唔使咁寡🥇呢間second bite cafe 餐牌仲有寫埋係屬於生酮 同埋素食既食物👍👍我地order左 一個原條泰式香茅鹽燒魚 同埋 慢煮油封鴨髀藍莓乳酪田園沙律 （啲名勁長😹）燒魚：香茅味濃，條魚大大條🤣🤣🤣🤣無得食肉既朋友有啖好食😛 食得飽鴨脾沙律： 我自己獨享左隻鴨脾😂😂 有鴨油香 撈住菜食唔漏 朋友幫手食左啲菜 感想係開心朋友食到佢食得既野 我又唔使一定要陪佢做草食動物😛😛

老豆退左休之後，日日都好節目，忙過要返工既我😮‍💨難得星期六見到佢係屋企，當然要誠意邀請佢兩父女出去撐枱腳🍽老豆話求其食就得，但諗諗下真係好耐無咁樣出去食晚飯，梗係要食好啲 不過老豆都幫我慳住個銀包 只係嗌左 一條烤魚 同埋 羊後腿 🍖烤魚係泰式口味，香茅味好濃 下面有個蠟燭一直熱住條魚 睇黎係招牌菜，見好多枱都有叫 羊後腿係西餐黎 style 個肉係慢煮過，再燒返香個皮 肉唔會好un,而係好容易切開，唔會過老，煮得岩岩好 個底係有芝士汁再撈左啲薯蓉，食埋我地都夠飽🫄 好滿足！！ 老豆都食得好開心❤️珍惜呢啲共聚既時光啊🥰

-{黃埔cafe🍝}依間係secind bite嘅支線！黎到食個dinner~🤤二人餐🤤 ($388）前菜包餐湯 沙律 牛油果蟹肉他他 雞膇 紅/白酒 仲有兩隻生蠔🥹生蠔好creamy高質😛🥰👖褲評: 7.8/10🤤香煎安格斯肉眼扒配大啡菇野菜🤤 牛扒就有啲厚薄不一 不過唔差嘅😉原來都有配蕃薯條同埋菜 大飛菇就焗到好多汁🤓😍👖褲評: 7/10🤤黑松露野菌燉飯🤤 太多汁同埋飯嘅質感太淋 好唔似risotto🥺不過松露味係有嘅😂👖褲評: 5/10🤤卡邦尼長通粉🤤 ($138）又係好有汁剩又唔夠濃 唔太得😂👖褲評: 5/10🤤炸雙色薯條配黑松露沙律醬🤤 ($78）番薯條好實淨 又夠薯仔香 配埋黑松露沙律醬係絕配😋👖褲評: 7.5/10整體食物水準一般 但服務同環境都幾好嘅🤓性價比: 5/10服務: 9/10環境: 8.5/10🚩 Second Bite Bar & Cafe 🚩地址: 紅磡必嘉街92-112號紅磡灣中心地下14A號舖 #fuudjai #fuudjai西餐 #fuudjai黃埔 #fuudjai紅磡

【再戰！CP超高西餐廳💛 環境舒服、食物質素高！】推薦程度：●●●●◐抵食程度：●●●●●———餐廳環境同氣氛都好適合同朋友傾偈、chill下；上菜速度快、店員有禮；上次食咗午餐今日就試下晚餐。叫咗二人盛宴 $388，飽到捧住肚走！食物水準高而價格合理，CP值高，大讚👍🏻🥣 是日餐湯係紅菜頭湯，特別、好飲、最緊要夠熱同冇草青味！紅菜頭嘅甜味唔算好出，加咗其他蔬果打成蓉，口感好豐富，飲到好足料✨ 餐包係牛角包，好酥脆，咸香十足，麵包回彈力亦好好👍🏻 🦪 白酒忌廉清口酒味淡淡地已經足夠，忌廉稠杰度適中，唔會太creamy令一開始就飽濟👍🏻 冇沙，有青口鮮味，用料唔錯，唔會雪藏到冇晒味！🥩 香煎紐西蘭頂級肉眼(10oz)配薯蓉雜菜｜另加$38叫咗五成熟，嚟到都冇overcooked👍🏻 牛味濃郁、肉質腍身、少筋，驚喜嘅係脆邊✨ 配菜都好有驚喜椰菜花有陣焦香味，好香甜冇草青味！薯蓉配黑松露蘑菇汁都超級好食🤍🍝 白酒蟹肉扁意粉蟹肉算多，肉眼可見，蟹嘅香甜味突出，捲埋意粉食都好出眾👍🏻 雜菌味好香濃，好爽口，加埋一齊食口感層次豐富！意粉略嫌些少不均勻，有乾到痴埋嘅部份亦有濕潤帶汁嘅～🍗 特色德州雞

呢一間喺紅磡嘅西餐廳環境都唔錯 食物質素都幾高😍上次試咗個美國黑毛豬柳扒🐷超級厚切 勁大塊 口感好軟冧 冇豬騷味😋配菜都好豐富 有薯蓉🥔沙律🥗椰菜花同菇菇 超滿足呀！

今晚唔想做煮婦，又想食啲屋企唔會煮到嘅餸，順便同個46撐下枱腳，見佢門面四正，根據我多年嘅搵食心得再加埋睇完食評，食得過啦！叫咗個醉燒三黃雞同焗虎蝦。先黎個焗虎蝦跟蒜法包四件，份量夠，睇番價錢先98蚊，就更覺得抵食，蝦味濃，個汁有啲鹹，不過用其他食物去點黎食又balance 番啲。個雙色薯條幾好食，鍾意佢跟個有酸瓜粒粒嘅沙律醬，顯得有誠意。而隻燒雞呢$168，好食😋酒味唔突出，不過個皮燒得好香脆，配薯蓉食，簡單來講，屋企個焗爐焗完又要打個薯蓉，不如直接落街食完仲要唔使洗碗。見到隔離枱叫個條粟米我都想食，下次提我要order 番。

今日朋友約食飯 呢個飯局係想搵間坐得舒服既餐廳食飯傾下計 朋友介紹不如黎呢間新餐廳 啲裝修好新  空間感好大 中間仲放左啲綠色植物（偽？？😂） 點綴一下啲枱都好闊落 坐得好舒服😌真係岩晒食飯同傾心事🥰🥰 朋友大推醉燒三黃雞 我對雞既品種無乜研究🤣🤣 燒雞個皮燒得好靚 肉唔會乾身同鞋口 係關隻雞係三黃雞事 定係佢既燒既方法呢？ 平時食雞最驚D肉好鞋 , 入口唔夠爽 , 最起碼今次我絕對會因為呢個三黃雞而鐘意食雞😝叫到menu好多都係肉 🍖🥩唔想食咁多肉 叫左個鮮蝦喇沙野菌燉飯  試下新野🤪 蝦又爽又滑 , 加埋個喇沙味 , 香椰味辣辣地 , 正 。 總括而言：環境空間一流 成晚坐得好舒服 ， 食物水準都有中上， 想搵個坐得舒服既地方我都推薦呢度👍

又一間屋企附近新開餐廳，發覺呢排既新餐廳多到試唔切！😲😲 而且望落 menu 同環境，好多都吸引 …..Anyway 難得Weekend得閒，帶埋媽咪一齊黎試下新餐廳食個LUNCH先 ，做返一日孝子👩‍👦！ 我揀左個椒麻豬頸肉扁意粉🐤，媽咪就叫個招牌肉餅煎蛋飯 🥗，本身又話要食多D啲菜🤣依家就話菜就返屋企先食啦，不過呢個椒麻豬頸肉扁意粉，好吸引，就試下啦！ 隻豬頸肉整得勁香，皮直頭有啲脆，又超爽口，完全唔乾，微微麻香，意粉夠濃夠味彈牙。 (8/10) 招牌肉餅煎蛋飯🥗呢個肉餅煎蛋飯，肉質好嫩，愈感覺普通既野愈注意口感同味道配搭 , 肉餅表面再煎香！（8/10） 😋😋本身以為份量會好少, 其實相當足夠飽 HAHA仲叫左一個西柚茉莉茶，兩個人一齊飲，清爽解渴！呢到D晚餐都有好多好想食😋😋 下次有機會再黎 , 反正夠近 。 

平時好少嚟紅磡黃埔一帶 見呢排啲地鐵🚇係咁通車好興奮 😆發現原來黃埔土瓜灣一直去到九龍城嗰邊真係方便左好多 重要有好多餐廳都好近地鐵站今日嚟到呢間second bite bar cafe 之前有食過佢長沙灣嘅分店 呢間係行cafe 路線 多咗啲輕食嘅選擇 啱晒一個人黎食個下午茶 chill 下一個人嚟食叫咗一個油封鴨髀芝士沙律🥗 （個menu 好細心咁remark 咗呢個食物屬於生酮）選材好得意 平時沙律通常都係配鴨胸同埋雞胸多 呢度係鴨髀 仲用咗慢煮嘅方式嚟處理一切開嚟啲鴨肉好多汁 同藍莓 仲有芝士幾夾  菜份量可以再多少少🤏🏻下次要約多幾個朋友嚟再試多啲野食 （仲有好多屯馬沿線嘅餐廳都好想試😛😛）

原本以為cafe嘅下午茶多數都係蛋糕🍰甜品🍮咖啡☕️嗰啲！估唔到呢到有個咁台式x港式嘅fusion炸西多，即刻去試試佢！個芋泥爆芝西多士真係超好食😋兩層沾滿蛋漿嘅方包，夾住厚厚嘅芋泥！吐司磚炸到脆卜卜，包身鬆軟，芋泥綿密！三重口感🤩🤩🤩唔只添！面頭仲有芝士同蜜糖 呢個配搭會唔會太正！完全將近期大熱嘅芋泥吐司昇華！食到咁油膩，當然要嗌番杯百香果四季春茶解下膩！百香果酸酸甜甜，再加埋清香嘅四季春茶底，真係好好味😋