Second Bite Bar & Cafe (紅磡灣中心) (已結業)

落雨天☔️唔想走圍走 但作為無飯🍙夫婦 好鬼懶啊我地 唯有喺屋企附近覓食 呢幾年呢邊啲餐廳不斷執完又開新嘅 都係小店為主 見到個裝修嘅靚 就同老公入去試吓我哋兩個叫咗泰式燒魚🐟仲有三黃雞 泰式燒魚勁開胃 條魚燒到好乾身 魚肉實淨 唔會散修修 點埋個汁 真係色香味俱全 一啖接一啖 😋😋😋😋 至於三黃雞 🐓一樣都係皮脆多汁  香口野 個底仲有薯蓉 薯蓉索晒啲雞油同埋雞汁 撈埋一齊食好惹味 食埋啲薯蓉我哋兩個都飽飽地 本身老公話想再嗌小食 唯有下次再試啦 埋單都唔使$400  所以你話點會想煮到身水身汗🤪🤪🤪

原隻慢煮羊後髀拌薯蓉配芝士醬 $238呢款羊後髀，用慢煮嘅烹製，令羊髀肉質嫩滑，切開無血水，證明處理得乾淨，再燒香表皮上碟，配合綿滑薯蓉同賞心悅目嘅擺盤，令格調升級不少。特濃蝦汁芝士焗虎蝦配明太子蒜蓉牛油法包 $98特濃蝦汁略嫌太濃，可能加咗大量芝士去調配，建議可減一半芝士量轉用乳酪或忌廉去令醬汁收汁之餘，還可以無咁膩。不過重口味嘅食客就會幾喜歡呢個濃汁。虎蝦不過不失，大隻有膏，食材選得幾好。唐揚酥炸墨魚咀 $68墨魚咀有驚喜，份量多，炸得酥脆唔油身，用少許胡椒鹽調味更突顯墨魚咀本身嘅味道，如果可以跟配七味粉，更完美。唐揚八爪魚下足 $68對比墨魚咀，這款較為普通，但都比大排檔嘅鮮魷大條。總結用餐服務不錯👍🏻侍應都會推介食物同主動留意食客需要。

🥳最近喺黃埔發現咗間幾靚嘅西餐廳 肉食控表示當然要試下餐牌上嘅牛扒😎主菜叫咗廚師精選封門柳6oz同10oz既肉眼扒本身叫牛扒已經包咗薯蓉、野菌同雜菜而我地另外仲加咗錢要埋餐包同餐湯餐包係熱辣辣嘅牛角包 入口酥脆 當日嘅湯係紅菜頭忌廉湯 第一次飲幾新鮮😍感覺幾值得加配 -小食試咗店員推介嘅鹹蛋黃雞翼雞翼都算大隻 每一隻都比好濃郁嘅鹹蛋黃醬包裹住會食完忍唔住再食 鍾意鹹蛋黃嘅千祈唔好錯過🤩-封門柳肉味比較濃郁 肉質富有彈性 個人比較鍾意肉眼扒 真係勁大份啖啖肉仲要唔係平時食到嗰啲cheap cheap牛扒😭一食落去真係覺得太良心了吧🥲配菜非常足料 佢哋嘅牛油雜菌同埋椰菜花好好味😍每款牛扒仲配有兩種醬汁 分別係菇醬同埋黃芥辣就算份量好多都唔會有食膩既感覺-飲品方面 荔枝系列係夏天必飲 推介荔枝冷泡茶唔會過分甜 同時飲到茶既清香味鍾意咖啡嘅話不妨一試佢哋嘅咖啡 全部都靚到好似甜品咁🤩-餐廳空間相當闊落 裝修係偏向小清新路線不乏打卡位 坐低同朋友慢慢傾吓計食個飯係幾舒服重點係呢個價錢 有呢個食物質素係相當有誠意喺打呢篇文嘅時候我已經回頭食多咗次🤣大家有興趣都可以試吓🫶🏻好味評分😋：5/5🌟🌟抵食

嗰日做完運動 有啲肚餓就搵吓有啲咩好野食😋經過見到呢間門面幾靚嘅西餐廳 就入左去😎內裏都裝修得好靚 夠闊落 自己一個食野都唔尷尬😝枱旁邊仲有啲月球燈 夜晚食飯都幾有feel🪩嗌左個醉燒三黃雞 百幾蚊有半隻燒雞 仲要唔係春雞仔 都抵食喎🐓外皮真係燒得好香脆 色澤都好靚😍燒到個皮脆卜卜 冇脂肪👍🏻皮脆肉嫩😚雞肉唔鞋夠嫩滑 而且仲好入味😆雖然寫係醉燒 但食落唔會好濃酒味唔會醉🥃除左半隻雞 下面底仲墊住好多薯蓉🥔口感好綿好軟滑🤤成個餐感覺好健康 又飽肚❣️

最近喺網上面見到呢一間黃埔嘅Cafe大熱☕️嗰日見得閒 就特登去咗食下午茶🫖見到Menu有個芋泥爆芝西多士好似幾吸引😍就嗌左個嚟試吓😋平時嘅台式芋泥吐司🍞已經好好食😌佢而家再加埋鹹香十足嘅芝士🧀成個味道更加豐富🥳甜甜地鹹鹹地 真係好正🥰唔止味道豐富架 口感都非常之正🤩吐司外面炸得好香脆 入面嘅包身軟熟 再配埋內餡綿密軟滑嘅芋泥 真係多重享受😎不過食得多呢啲肥仔嘢 都會幾漏 所以就嗌多咗杯熱花茶嚟飲😚個花香味飲落都幾舒服 好解膩😌

💛 #紅磡 #黃埔 @secondbitecafe呢日收工同男朋友去咗紅磡食嘢😚 我哋揀咗呢間位於必嘉街嘅「Second Bite Bar & Cafe」😋 呢間小店共有兩間分店，長沙灣店係bar and drill，紅磡店就係bar and cafe，提供隱世高質西餐美食，真係好食到不停回頭「整多啖」㗎🤤 🐷 美國黑毛豬柳扒（10安士）（$168）呢塊黑毛豬超級大塊超級厚切，成十安士都只係$168，性價比超高😋！個黑毛豬一切落去就feel到好軟腍，同埋極香，超級推薦🤩！配菜仲有好creamy嘅雜菇、椰菜花、沙律，同埋奶味香嘅薯蓉😋 呢個餐份量超多，一個女仔可能會食唔晒㗎🤤🐥 醉燒三黃雞（半隻）（$168）呢個雞好香酒味，但又唔會苦或澀，切開個雞好多肉汁流出嚟，超juicy同嫩滑😋 而且半隻雞都好夠食，啖啖肉☺️🍤 炸蝦滑春卷 （+$48）🍳 煎雙蛋 （+$10）另外追加咗兩樣小食，包括春卷同煎蛋😚 見到春卷入面好多鮮蝦😍 春卷好夠脆，好好味！ 煎蛋係未熟透嘅太陽蛋，好香好味😚🥐 餐湯香脆牛角包牛角包好脆，餐湯係南瓜湯，好creamy!🍓 草莓椰冰🍇 巨峰椰冰大推草莓味，草莓加奶超絕配😋

以前返學成日係呢頭食野今次黎就發掘到呢間質素唔錯嘅西餐廳🫶🏻-♡︎廚師精選「封門牛柳」扒 (𝟼 安士) $𝟷𝟽𝟾牛我地𝚘𝚛𝚍𝚎𝚛 左𝟻 成熟食落有咬口唔會鞋配埋個𝚢𝚎𝚕𝚕𝚘𝚠 𝚖𝚞𝚜𝚝𝚊𝚛𝚍 一齊食層次更豐富！-♡︎美國黑毛豬柳 (𝟷𝟶 安士) $𝟷𝟼𝟾豬柳食落口夠淋一𝚍 都唔老伴碟仲有份量十足嘅薯蓉、野菌同雜菜絕對滿足到鍾意食肉又追求健康嘅你( ͡° ͜ʖ ͡°)-♡︎日式吉列廣島蠔 $𝟼𝟾唔怕熱氣嘅話可以試埋呢個吉列蠔$𝟼𝟾 有𝟺 隻味道不錯，可以一試～-♡︎𝚂𝚝𝚛𝚊𝚠𝚋𝚎𝚛𝚛𝚢 𝚍𝚒𝚛𝚝𝚢呢杯賣相好靚，打卡一流🍓飲落就似普通𝚕𝚊𝚝𝚝𝚎草莓味存在感唔高| (• ◡•)|-♡︎熱情果蜂蜜烏龍食完肉想解下膩推薦你試下呢杯特飲🍹烏龍茶配上微酸嘅熱情果入口非常𝚛𝚎𝚏𝚛𝚎𝚜𝚑𝚒𝚗𝚐-住附近或者去開呢頭又想食好𝚍不妨試下呢間特色西餐(●’◡’●)ﾉ

呢一間新開無耐嘅西餐廳仲結合埋cafe嘅元素🍴有得食泰國菜，又有得食西餐，仲可以嘆杯咖啡添☕️幾鍾意呢到環境夠闊落 卡位 枱同枱隔得好開 坐得舒服😌我嗰日就係夜晚去食飯 叫左個羊後腿❣️好多西餐廳都有得食羊架 但咁大隻羊後腿真係第一次見！食羊最驚就係佢陣騷味 但呢到唔會 幾好食🐑個羊肉唔鞋唔會好韌咬唔開 都幾嫩滑😆而且唔會淨係得骨 勁多肉 份量十足🤩女仔食一隻真係飽晒😂佢下面仲有個白汁 口感好creamy 個味同羊肉好夾呀！！

呢一間喺黃埔嘅餐廳，喺中午嘅時候就係一間Cafe，去到夜晚，就搖身一變，變咗做西餐廳！嗰日就去試咗佢哋個晚餐🥣去泰國餐廳都好鍾意食佢哋嘅鹽燒魚！估唔到喺呢度竟然有！就嗌咗個嚟試下原條泰式香茅鹽燒魚份量十足！真係兩個人都夠食！燒到外皮脆卜卜，魚肉肉質又夠嫩滑，味道唔腥！下面底仲有酸酸辣辣嘅湯，有啲似冬陰功🌶面頭再加埋啲辣粉，成條魚酸酸辣辣，食落真係好開胃！雖然條魚好大條，但係太好食😋自己一個都可以食得晒！

發現呢幾年多咗好多小店嘅裝修都係行呢種水泥風風格🤣🤣🤣🤣 文青店標配🗿而我發現呢啲cafe 小店好多時都有驚喜 除咗食個環境之外 食物都有咁上下水準所以見到呢間新店係呢個風格嘅裝修又想嚟試一試🤓🧐今次同個朋友兩個人嚟 👯‍♀️叫左個慢煮羊後脾同埋醉香三黃雞 平時好少機會食羊 就算西餐都係食羊架多 見到menu 有呢個原隻羊脾 朋友話佢都ok食羊 先敢叫 因為隻脾都幾大隻 上菜聞到陣陣羊譠味💨💨 （正啊） mix 埋啲芝士醬同薯蓉一齊食 層次好豐富另外既醉香三黃雞 有淡淡既酒香 切開又係多汁juicy 🤤我地無為意到個份量 兩個野食都係有薯蓉打底😵‍💫😵‍💫😵‍💫 但撈埋一齊又好好食喎 食左餐又飽又fat fat 既蛋白質x澱粉質系列 要食返兩日沙律黎找數🥴🥴🥴🥴

同朋友傾開黃埔有啲乜嘢新嘅Cafe好食😋佢就話帶我去一間幾靚嘅Cafe食下午茶🫖環境裝修真係幾靚，幾舒服😌係木系大自然feel為主嗌咗個芋泥爆芝西多士同養生花茶估唔到個炸西多士賣相又幾靚！每一粒吐司磚都炸得勁靚，炸到金黃色，望到都知係脆卜卜！面頭仲有啲黃金醬，真係就咁打卡都好靚！個黃金醬鹹香十足，內餡嘅芋泥好清甜，芋泥味都好出！再加埋啲蜜糖醬一齊食，真係超級惹味😋食西多當然要配返杯花茶嚟解下油膩感，淡淡嘅花香味，都幾清新！

台式嘅包餡芋泥吐司就食得多！見到呢一間Cafe竟然用咗芋泥嚟整西多士！就決定去試吓伏唔伏😎上枱見到真係有驚喜！有四大舊炸到金黃色嘅多士磚😍面頭再淋滿蜜糖醬同芝士醬😍鹹香十足，又夠清甜！切開仲更加有驚喜！！原本以為佢係用咗厚切嘅方包，點知切開原來係兩塊勁薄嘅方包，夾住超級厚嘅芝士芋泥😍芋泥嘅奶香同芋香十足！入面仲有啲芝士，真係超級足料！去到Cafe當然要嗌返杯matcha latte😍茶味都香濃 配埋西多一流🍵

之前岩岩新開時 有朋友帶過我黎呢度食飯係度食過燒魚泰國野  仲有啲小食 ok好食 今日做野黎開附近 做完野身心俱疲🙃 唔想諗野食 返黎encore啦🤣簡簡單單 叫左個韓式泡菜豚肉意粉 幾鍾意佢呢啲fusion西餐 泡菜酸酸辣辣開胃 配左茄子同豚肉 份量正常 性價比一般啦 😶‍🌫️仲有叫左個野飲 西柚茶 🍊夠凍同fresh 飲埋杯茶 好滿足 時辛辛苦苦做完一日野 真係要飲返杯野 抖一抖 😮‍💨😮‍💨😮‍💨不過呢度真係適合多啲人黎 可以叫多啲野食🤣🤣特別係啲邪惡小食 想每款食一件🤪🤪

一個人都可以盡興！溫書溫得太攰，就決定去屋企附近嘅新開西餐廳到食個下午茶 ，放鬆下🍴見到個menu已經比個芋泥爆芝西多士吸引到！！一向都好鍾意食肥仔西多嘅我！見到真係雙眼發光🤩一份有四大舊，每一舊都炸到金黃色，外脆內鬆軟！佢比起平時嘅港式西多士，仲多左一重軟滑清甜嘅芋泥餡😍食落口感同味道嘅層次更豐富！再加埋芝士嘅鹹香同蜜糖嘅甜味！一百分💯嫌佢唔夠肥仔！再嗌多左杯熱朱古力🍫真係嚇親我，賣相正到爆！啲朱古力漏晒出嚟，旁邊仲有啲綿花糖，超吸引呀！

小吃貨阿B又出動！🍽阿B今日同fd 子👧🏻去左試呢間係紅磡必嘉街既second bite，餐廳個名又幾得意，咬多啖！😆阿B推介1️⃣韓式辣茄泡菜豚肉扁意粉 $168 🐷🍝份量都算大份，意粉唔乾身偏濕潤，😻泡菜豬肉好食，泡菜味唔會蓋過肉味，豬肉醃得入味，食落口又唔會乾爭爭，味道唔錯，可以encore !! ✌🏼阿B推介2️⃣招牌鹹蛋黃金雞翼 $88 🐓呢個超好食！😽首先佢擺盤已經好吸引，好靚，好適合用嚟打卡📸！雞翼係牛油蒜香味，上面在淋上鹹蛋金沙醬，入口好香脆，鹹蛋黃味沙沙地，加埋嫩滑嘅雞肉，忍唔住一啖接一啖，唔止second bite 🤣🤣！總結，呢度係一間fusion多國菜cafe，樓底高，環境闊落又坐得舒適！👍🏼餐牌仲有好多選擇，好適合放工或者放學嚟chill下，吹下水打下卡😜！！阿B回頭指數：⭐️⭐️⭐️⭐️