Sense Cafe (已搬遷) 新店位置

相約友人佐敦下午茶，唔知食咩好，開飯喇搵到呢間試下。煙肉蛋黃汁扁意粉，58元配飲品，加一，份量ok唔多唔少，輕食之選。味道滿意，個汁幾rich。環境ok，下午茶唔多人坐得幾舒服。

同朋友係德興街食完飯，雖然跟餐有蛋糕，不過朋友每餐後必定要再到甜品屋開餐，上次係吳松街食個芒果西米混著黑點十分嘔心，今日都係去返sense，轉咗新餐牌但冇特別研究有咩轉變，甜品都由朋友選擇 apple crumble蘋果切片加入提子乾,保持濕潤又唔會太甜，夾著面層用牛油、麵粉同糖造成既脆脆，連雪糕一齊食又暖又凍真係好味，雪糕仲可以自選味道，我地揀咗椰子味味道都幾夾雪糕焗脆脆用上丹麥方包切粒焗至脆口，比之前食既時候脆脆明顯細粒可以一啖一口，配料可以自行選擇，朋友選擇紅豆同蜜糖脆脆雪糕，上碟時伴上大量黃豆粉，有日式甜品既味道餐廳所有甜品賣相精美，除非朋友有其他建議，否則每次到佐敦想食甜品都會幫襯,以甜品店格局坐位闊落，適合女士們晚餐後再詳談既地方

餐廳裝修幾舒適，價錢都係百幾二百噤上下，就入咗去試下。柯打咗一個 set 同一個甜品頭盤嘅芥末薯仔沙律都無咩特別，喺隻 cocktail 杯 serve, 好似好靚咁，味道一般。湯係加咗錢要龍蝦湯，我沒有影個 menu,印象好似在 menu 無寫要加錢的不過最後選擇加，而呢個加錢項係全個餐叫最好味的。主菜柯打羊架，好似好大份喎都，但食落就完全無味，無肉味，只係靠側面啲汁。餐飲要一杯熱朱古力但係稀到好似水咁樣，老麥也好味過佢...用鐵鍋嘅 pancake 配焦糖香蕉同 raspberry 雪芭物體，其實個感覺似熱嘅蛋糕，唔係咩特別嘢。

今日放lunch 行去佐敦食飯行過見到lunch幾便宜 裝修幾靚就入咗去 叫咗個明太子扁意粉味道幾好 意粉質感好但同事叫既黑毛豬意粉個味好似茶記炒麵既味不過杯熱情果茶幾好飲

Lunch時間，同事推介，話呢間嘅 #凍朱古力 係飲過最好味嘅凍朱古力咁話！而呢間cafe啲嘢真係幾好食！🍫朱古力味夠濃又唔太甜！果然正👍🏻😋除此之外，個 #什菌忌廉湯 #是日餐湯 亦係驚喜！其實我本身麻麻哋什菌忌廉湯，過往飲過好多都有啲菇嘅「腥腥哋味」又好多菇粒粒，但呢度嘅什菌忌廉湯又滑又無腥味！破紀錄我飲晒成碗！🍔個 #安格斯牛肉 #漢堡 #burger 味道亦唔錯，個人口味偏淡，所以覺得有啲啲鹹佐啲，配菜可選薯條或沙律菜！so fresh！ #sensedessertcafe #lunch

餐廳本身播Ｄ音樂都算大聲，而且Ｄ歌都係比較嘈的歌種，再加上每枱客人傾計和open bar不時發出好大聲的攪拌機聲，加加埋埋就令到個環境好嘈，所以如果你係想同三五知己靜靜哋傾計食嘢的話，呢度就唔太舒服喇。其實餐廳背景音樂好緊要，會影響整個餐廳氣氛，開得越大聲，客人就越要大聲講嘢，咖啡店唔應該變成酒吧。另外, 冷氣風口吹住個頭好唔舒服, 希望餐廳老板/經理可以理解呢一點, 再客人提供更舒適的環境。

Finish yoga around this area, want to chat with my friend in a nice cafe and we found this one. The tea set is cheap.This fruit tea tastes quite good but when I finished and ask the waiter to add more hot water for me, each time his face is so black which is not very pleasant service!Cookie brownie. Taste too sweet for me.Waffle is hot and crispy.It’s cheap and taste ok la but the service is not good at all!!

好朋友生日，當然要食生日飯賀一賀啦朋友話好耐冇出佐敦，想係依區搵間特式cafe 食飯。生日大哂，佢揀地點。我搵餐廳今次揀左Sense Cafe 個名幾特別，網上睇食評同相片都ok 我地揀左「黑松露大蝦扇貝意粉」我地好鍾意食海鮮好香既黑松露，意粉幾爽口，唔會偏淋大大隻蝦，仲有兩隻扇貝承托著賣相100 分當然味道都唔錯啦-西班牙黑毛豬🐷都幾有份量架wor厚切🐷但又唔會過硬烹煮時間適中-食完主菜要出動另一個胃黎吸納甜品🍮叫左兩款甜品梳乎厘📣軟綿綿的好香蛋白味 ， 亦唔會偏甜綠茶雪糕鮮果窩夫📣窩夫鬆脆，唔會太重牛油味配上雪糕鮮果口感一流🤤朋友對依餐生日飯很滿意呢😆生日快樂呀❤️

今日同好姊妹喺尖沙咀shopping，行到有啲攰，諗起佐敦呢間想試左好耐嘅cafe，於是就決定去朝聖順便叉一叉電。由於未到晚飯時間，我哋只係叫咗兩個甜品。第一個就係呢款盆栽Tiramisu，佢個賣相好得，真係有啲唔忍心食佢。我點嘅係綠茶Tiramisu，綠茶味道適中，冇苦澀味。盆栽上層嘅朱古力脆脆加埋下層軟滑嘅Tiramisu，口感十分豐富，值得一試。呢個係同行友人點嘅甜品，賣相同樣吸引。呢款甜品可以自選生果同埋sauce。友人揀嘅係芒果加朱古力醬，酸甜嘅芒果配上濃濃嘅朱古力醬多士，味道不錯。店內環境舒適，座位尚算寬敞，若果不是趕着繼續shopping，會多坐一會兒。今日時間有啲緊迫，下次再試下佢嘅主食。

煙肉蛋黃汁扁意粉-煙肉炸過好香，味道香濃，夠晒醬汁，可能有煙肉關係，好似咸咗dd士多啤梨忌廉窩夫-窩夫好香脆，好多粒士多啤梨，忌廉好滑，仲有樽仔果醬，感覺好豐富焦糖香蕉朱古力-每片香蕉上都有焦糖脆，好有心思，如果朱古力奶內加返少少香蕉味就更好烤棉花糖朱古力-好多棉花糖Tea set 轉特飲半價

今日本來約咗兄弟幫去佐敦食粥底火鍋，已經訂好晒位，點知去到竟然冇開門真係第一次遇到咁嘅情況。因為五六個人已經出晒來，冇理由散 band 架唯有焗住喺附近搵嘢食！這間Cafe我之前食過唔錯，唔想再周圍行一於坐底，大概七點半到八點鐘呢個時間，周圍附近嘅食肆都滿座，得呢度唔使搵位，而且座位幾濶，點知就賴嘢原來一啲都唔抵食，價錢有點兒偏貴，如果同周圍附近嘅餐廳比較，所以有咁多位個個都叫龍蝦湯，唔通個個都想飲龍蝦湯咩！如果知道要加＄18，我一定唔會囉！味道OK！至於杯沙律真係要檢討下，太細杯了！感覺到喉唔到肺主食我呢個係雞漢堡，around $100, 比呢個價錢，麥cafe 嘅質素, 粗薯條還可以，沙律菜都幾新鮮。到最後加錢嘅特飲，焦糖香蕉朱古力果然我係鍾意甜品類嘅物體，焦糖香蕉好有誠意當甜品咁食真係一流

這家甜品cafe中午亦有主食供應, 今天儘管來試一下Veggie All Day Breakfast, 卻未有驚喜。來到已經是下午茶時間, Tea Set menu上除了甜品也有兩款pasta, 同行的友人點了蕃茄露荀雞肉扁意粉, 我就要一份Veggie All Day Breakfast.賣相不錯, 跟餐的不是多士而是牛角包, 除了必有的炒蛋, 茄汁豆外, 還有大啡菇, 薯蓉, 燒茄子和三色椒, 沙律菜。炒蛋 - 淡而無味, 要自己加鹽和黑椒才能勉強食完牛角包 - 挺香脆大啡菇- 有點太油, 味道不足燒茄子和三色椒 - 油到不行薯蓉, 茄汁豆和沙律菜 - 屬正常

2017-8-27 (Sun) 🌨🌪#好味度: **#抵食度: ***#環境度: ****#推介度: **.八號風球落波後，繼續原定行程跟朋友吃過慶生飯後，再隨意進了這家甜品店。記得幾年前在元朗店吃過它的招牌盆栽Tiramisu。今次選擇了薑汁梳乎厘配朱古力雪糕和抹茶心太軟配綠茶雪糕。前者十分鬆軟，帶空氣感之餘又不會覺得口感虛無，唯溫度只屬微溫不夠熱。後者是比較失望，流心度效果佳，但不夠抹茶的茶味，外層質感也有點怪怪的。#005 完。

我係napoleon既超級fans!食過paris既作品~一試愛上..誓要尋找最好食既拿破崙! 好食既宗旨係:新鮮既酥皮唔會有水氣~要crispy鬆化脆口+蛋香奶油味既custard!而非cream+sponge cake!不用猜，我點的肯定是「冰凍吉士拿破崙」，酥皮完全是走甜的，跟酥皮湯那種無異，冰凍吉士冰的程度如雪芭，較薄身一點！但沒嘗到吉士香！明顯是沒用雲呢拿籽之過，質感吃法不一樣也應保留原味！伴碟的生果有士多啤梨我將其夾在中間一起吃！超棒！很好吃！甜味立即出來了！（其實好吃的拿破崙根本不用配水果)我甜品第二個胃差使我點了香蕉窩夫配蜜糖脆脆雪糕+焦糖醬！雪糕很好吃！最喜歡honey夠甜還帶點crunchy 的感覺!窩夫卻令我有點失望了！外皮不脆吃落有點像疏風的感覺！男友點的是北海道3.6牛乳earl grey tea 奶凍配蛋白脆餅！脆餅太好吃！全場瓜分了！奶凍香滑不及五代同糖的，但茶味出色！再試了友人的creme brûlée ! 吉士是正宗的！可是還是加點雲呢拿籽比較好吃！面層的焦糖是甜的！但還是屬於港式那種厚厚的玻璃脆面！要吃好的還是建議到Paul Lafayette 吃！

星期六特登走去佐敦畫畫，畫完之後好肚餓，朋友想食意粉，我地就搵到呢一間Cafe。時間係一點幾， lunch Time ,呢間野都有九成滿人，我哋搵到兩個位就即刻坐低左。我嗌左個素食全日早餐，仲有一杯熱嘅熱情果茶。雖然係素食，食完之後飽到四點幾咁梗係啦一上枱，就見到成個碟都堆滿晒嘢食。全部嘢食嘅調味都好夠，唯獨是有一堆沙律菜，汁唔係好夠，我又唔係特別鍾意食沙律菜下一次一定叫佢轉走佢，一係唔好上沙律菜。要特別讚一讚個熱熱情果茶，唔記得左影相添。熱情果茶好有熱情果味，仲有啲水果係入邊，芒果好甜呀唔知係邊個發明水果茶架呢，真係好正。食完好飽，原本想食甜品都無胃了。