Seoulmate (京都廣場) (已結業)

難得過開黎銅鑼灣，梗係要同港島區的朋友食飯聚一聚，朋友推介這間樓上café，地點非常方便，一出地鐵站對面就係，大約7時多來到，已經差不多滿座，餐廳不算太大間，約20多個座位，另外有間獨立房可坐約10人，餐廳裝修走簡約可愛風格，餐廳內的燈一舊雲的形狀，非常可愛。烏卒卒火山鰻魚櫻花蝦飯這款是餐廳招牌菜之一，幾乎每檯都有點，製作需時20分鐘，想食可以先下單，而且是每日限量的。這個火山飯外型已相當吸引，好適合女孩子打卡，外層是軟綿綿有點像梳乎里的感覺，沒有什麼味道，裡面包住鰻魚飯，鰻魚好香，仲有櫻花蝦。煙三文魚沙律同餐牌圖片一樣，擺盤好有心思，將三文魚砌成玫瑰花形，每塊沙律菜都有足夠的沙律醬。

放工想行下, 走左去銅鑼灣行街, 順便食埋晚飯, 見呢度全幢都係食肆, 揀左呢間韓式餐廳. 地方唔太大, 都舒適. 估唔到咁多人, 坐低左無耐就滿座.見到有戶外枱, 不過可能有D雨粉, 所以今晚無開.焗蕃茄泡菜芝士豆腐豆腐好滑, 加埋泡菜同芝士, 原來都好夾. 雖然有泡菜, 不過唔辣既. 個汁配埋豆腐好好味.烏卒卒火山鰻魚櫻花蝦飯見好多人order, 個樣真係好得意, 配埋隻溫泉蛋, 真係好似火山, 呢度仲有個雲下的鰻魚飯, 個樣成舊雲咁, 都係好得意.伯爵茶啫喱黑焦糖忌廉杯面個黑焦糖忌廉好香, 茶味就淡D, 不過裡面既伯爵茶啫喱好香伯爵茶味, 但係我覺得支飲管太幼, 如果粗D, 可以一次過啜埋D啫喱.

是日落了銅鑼灣和妹妹食飯，妹妹揀左呢間韓式cafe，位置近銅鑼灣廣場，幾方便呢！我地揀左個火山 signature 鰻魚飯，drink n dessert 🧁 🔸熱朱古力烤自家制綿花糖妹子order了朱古力，賣相幾可愛！燒得微蕉既棉花糖在飲品面層，甜甜地唔會太膩，入面是熱騰騰的香滑既朱古力。🔸烏卒卒火山鰻魚櫻花蝦飯賣相靚靚用黎厄like岩灑，店員建議熱食最好味！軟綿綿既外層加熱騰騰既蛋黃，切開是好香既櫻花蝦、芝士及鰻魚味道，芝士加鰻魚很美味，正！🔸柯華田窩夫大戰燒柯華田棉花糖和妹妹都十分愛飲柯華田，見到呢個甜點當然唔可以錯過呢！焗得脆脆既窩夫好夾柯華田味濃濃又甜甜地既棉花糖，雪糕面層也舖滿了柯華田粉，好味又唔會太甜，很特別！推介呢！！😋

行過銅鑼灣見到呢間韓風餐廳好得意，個招牌係一朵雲同火山既飯，就想去試下～喺個大廈入面4樓就係佢啦，指示都好清晰好易搵到餐廳入邊啲燈都係好有特色嘅可愛雲，喜歡～餐牌方面有夏日期間限定，男朋友都想是伯爵茶啫喱黑焦糖忌廉($38)上面啲焦糖cream好滑同伯爵茶浸味好夾，又吾太甜，有種好似奶茶嘅感覺，然後仲有啲啫喱好有口感不過啲啫喱吸唔到如果用粗飲管會更好～炸甜薯條($52)，新鮮炸起可以熱辣辣，然後有茄汁同千島醬俾你揀個薯條有番薯味所以甜甜地幾好味嘅，我同男朋友都鍾意配千島醬多啲～滷肉韓式拌飯($88)入邊有菜有蛋有滷肉等等，做到色香味俱全然後撈埋一齊有少少辣，男朋友覺得啱啱好我就想再辣啲，店員就俾咗韓式辣醬我自己加，咁就可以滿足到唔同客人嘅需要，而且啲滷肉好滑，又多，夠晒撈飯，正！最後仲帶咗泡菜煎餅($98)又係新鮮滾熱辣整起嘅，味道唔太辣，入面有好多餡好多泡菜，每一啖都有料唔會得塊餅，上面仲有啲洋蔥食落就冇咁滯啦～兩個人埋單+1$304，食到好飽，每樣都好好味下次會再嚟食個雲朵特色飯♪(´ε｀ )

友人上網見到哩間餐廳覺得幾得意 所以就約左我黎食我地叫左seoulmate雲下的鰻魚飯、烏卒卒火山鰻魚櫻花蝦飯同埋卡邦尼炒韓式年糕 覺得三樣都唔錯 不過感覺上個兩個飯好似都差唔多味咁 無乜特別

一行10個朋友，去咗呢間鬧市中後花園，感覺非常唔錯。一打開本Menu，令到我哋幾個女仔都非常雀躍，因為嗰舊好可愛嘅雲朵炒飯，我哋都不約而同覺得係必試嘅！當然嚟到韓國餐廳，梗係要試吓啲炸雞啦！有辣有唔辣任君選擇，食落都幾脆口，香香甜甜，唔錯喎！班男仔就話呢個時候一定要帶返幾支啤酒乾杯！好彩我哋揀咗坐喺出面（室外）傾計大聲少少都唔怕嘈到人。望返入餐廳裏面，有好細緻嘅新式韓系佈置，如果人少少錯坐入面都唔錯！

終於來到這裏打卡了是好可愛的Seoulmate cafe 位於銅鑼灣成日見人食雲啊☁️火山啊🌋 到底味道如何.一舊Seoulmate雲💙$148真係好得意 質感好梳乎 軟綿綿的其實係一碟鰻魚飯 切開仲有蛋漿流出差不多有成十幾塊鰻魚 份量都幾多 冇乜骨.黃金海鮮咸蛋黃醬薄餅🍕$138有驚喜 沒想到薄餅更出色 好好吃啊首先個批底好脆好薄 其次配料非常多有元貝 蝦 墨魚 菠蘿 每一口都有滿滿的海鮮重點是個咸蛋黃醬💛做到咸蛋黃嘅沙沙口感同時唔會過咸和油膩 十分推薦這個.☀️☀️☀️☀️☀️夏日期間限定☀️☀️☀️☀️☀️阿華田窩夫 大戰 燒阿華田棉花糖🍪$72最近好興阿華田 加上期間限定四個字就忍唔住叫左 價錢適中 賣相又幾靚喎❣️不得不讚佢地個窩夫 應該加左麻糬所以食落脆得黎 又帶有幾分QQ口感雲呢拿雪糕灑上脆米 好有韓國風格👉🏻燒阿華田棉花糖好邪惡 滿滿的阿華田粉唔夠仲可以配上阿華田醬 當中有阿華田脆脆真係超幸福🤤好濃郁啊 不過份量偏少 只夠2人分享

今日午餐和朋友到銅鑼灣聚聚，記得之前食過Seoulmate cafe，味道不錯，於是我便向他推介。炸軟殼蟹芒果薄餅🍕：整個 pizza上鋪滿了很厚的一層芝士，趁熱吃的時候香味非常濃郁。拉絲的芝士總是能讓人獲得視覺和味覺的雙重享受。每件pizza 上都有大大件軟殼蟹，軟殼蟹炸得又脆又香，芒果亦十分鮮甜，好吃得停不了口。韓式雞絲冷麵🍜：冷麵內的青瓜、紅蘿蔔絲和芽菜爽口清甜，翠綠的蔥粒同時起到了裝飾和提味的效果。雞絲有一絲微辣，十分開胃。即使是不能吃辣的客人，也不必擔心，可以嘗試一下。以上食材混合蕎麥冷麵，再加上香味十足的芝麻醬，令口感十分豐富有層次。在這個炎炎夏日，天氣實在是過於悶熱，相信這個冷麵是個不錯的選擇。抹茶紅豆拿鐵芝士奶蓋🍹：這是夏日期間限定的飲料，芝士奶蓋的芝味濃郁，口感幼滑細緻，抹茶和紅豆永遠是完美的配搭，真的是超級好飲！

用OpenRice apps 即日book位，好快就有人打嚟確定。三個女仔叫咗一個軟殼蟹柚子沙律、雲下的鰻魚飯、同埋叫咗韓式炸雞。雲下的鰻魚飯，外型相當cute，好似有一層甜嘅蛋白鋪喺外面，裏面嘅鰻魚飯中間有隻糖心蛋，中暗破開就會有流心效果。韓式炸雞我哋揀咗兩款口味，甜醬同埋芝士，我個人覺得芝士覺好食。原本話係限時90分鐘，如果冇人嚟就可以繼續人坐，我哋平日晚上去，so far都坐咗兩小時有多，感覺不錯👍🏻PS 由於朋友同我慶祝生日，嗰度要收切餅費🎂

放工經過銅鑼灣， 和同學食飯，同學介紹京都廣場樓上的餐廳Seoulmate Cafe.7點多上到去已經差唔多滿座，坐底近黑板位。Menu 望落食物都好吸引，尤其係特飲。和朋友叫左兩款食物和飲品：紫薯拿鐵黑糖忌廉抹茶紅豆拿鐵芝士奶蓋烏卒卒火山鰻魚櫻花蝦飯味僧海鮮意大利粉配炸軟殼蟹兩杯特飲味道醒胃，奶蓋調配幼滑； 炸軟殼蟹脆口，配味僧可口開胃，意粉熟度適中， 配搭新穎。 到左烏卒卒火山出場，整碟飯係現焗， 造型可愛， 打卡一流，味道方面，飯味香，火山係又蛋白製成， 帶甜味， 內外兼備。總結，餐廳走年輕風格， 氣氛熱鬧鮮明， Menu和食品設計細心，收工來食飯一定可以幫你叉叉電。

我一直喜歡在銅鑼灣市中心嘅一間韓國fusion餐廳，今次已經係第三次幫襯了。尤其佢嘅lunch set非常抵食，只係幾十蚊就有一個餐，有湯有餐飲，今日又同朋友來吃午飯。我哋叫咗兩個餐，今日嘅餐湯係豆腐蜆肉湯，個湯真係有蜆肉㗎，而且仲落咗胡椒，飲落去有少少胡似椒豬肚湯嘅味道，都幾得意。餐飲叫咗五味子檸檬梳打，青檸味好濃，好好飲好解渴。另一杯叫咗濟州橙，橙味非常清新清甜。主菜係泡菜蛋黃魚柳飯，果汁嘅蛋黃味好濃，魚柳先得外皮香脆，裏面魚肉有好林好新鮮，配埋白飯一齊食更加好味。另一主菜係鐵板蕃茄芝士炸雞意粉，炸雞大大件，炸得香脆，配埋番茄芝士汁，真的一流！意粉同蕃茄芝士汁都非常夾。另外我哋單點左個軟殻蟹pizza，Pizza係薄身嘅，熱辣辣焗出來，非常之香脆美味。而軟殼蟹放在Pizza上面一齊焗，就更加香口，而且仲爆曬蟹膏，真係非常正，極度推介！

Seoulmate Cafe 午市套餐選擇多 價錢又合理，拿著醒神的餐牌 又想食肉眼扒，又想吃韓式窩蛋肉鬆拌飯，心多多，最後選了「鐵板炸雞 配公仔麵」，還可以選蕃茄芝士汁或咖喱汁，兩樣都好味，我都是選了有芝士的。套餐還送上 蜆肉豆腐湯，有洋蔥及蜆肉的鮮甜，加上豆腐及黑椒 餐湯也會好好味。炸雞炸得好香脆又入味，雞肉還是很嫩滑，有肉汁，配上番茄芝士醬非常惹味。雞件吃了一大半才將公仔麵放到汁醬中，面吸收了蕃茄和芝士的精華也很好味。套餐還送上一杯 30元或外下的飲品，其實選擇有好多，我今天補了差價叫了一杯 抹茶紅豆拿鐵芝士奶蓋，非常好味，一口吃了鹹鹹的芝士奶蓋，很棒，濃厚而香滑，接著以飲管吸啜抹茶部份，濃濃的茶香帶甘苦味，底層的紅豆綿綿的很甜美，品嚐了三種口味 之後混而成一，很好的飲料，飲到最後粘貼在杯上的奶蓋仍可感到它的濃厚。

剛剛放工，去咗好耐冇去過的一間韓國cafe，想食一啲簡單light light 地又美味同埋有甜品食嘅地方！焗蕃茄泡菜芝士豆腐感覺好似焗豬扒飯咁，面層有濃濃的芝士，帶有小辣的泡菜及豆腐，味道都幾特別，啱晒素食人士！煎帶子炸醬蔥油拌麵賣相平平無奇，睇落好似豆䜴汁配帶子同迷你係墨魚仔同切碎咗洋蔥，味道真係有少少似豆豉汁味，鹹鹹地同啲配料好夾，如果可以再熱一點便一流！韓國荷蘭寶寶班㦸配雪糕上一次喺東京食過Dutch pancake，見到餐牌有，就叫左一個，配花生醬及煉奶。上枱時，熱辣辣嘅鐡pan(要小心！），賣相唔吸引，入口有嚼勁，及微微的蛋香加上煉奶花生醬，有童年回憶的格仔餅風味！

好喜歡Seoulmate Cafe 因為每一段時間都會推出新的菜式，滿足食客因不同季節有不同的口味。好喜歡他們有戶外的用餐地方，但因颱風過後雨水仍然很多，所以今天只能在室內用餐，望著外面的雨水 好像給人洗滌心靈的感覺。炸軟殼蟹浸游酸甜西柚沙律 好爽脆 好開胃，軟殼蟹包著粉醬 炸得很鬆脆，沙律菜中加入日韓酸甜汁，還有西柚汁及漂亮的紅西柚肉，這令整個沙律的口感， 味覺也活潑起來，夏日限定 帶來夏日享受。紫薯拿鐵黑糖忌廉 顔色相當漂亮，紫薯蓉很有口感，由深紫到淺紫，由黑糖忌廉到淡淡的紫，再加深，或者這是我在下雨天欣賞著一杯可口飲品的心情。韓國荷蘭寶寶班戟配士多啤梨，這名字可愛得很。這個是用雞蛋、牛奶和麵粉等做成，將班戟麵糊倒進小鑊中，放入焗爐。焗成的班戟是軟綿綿充滿蛋香，再加上士多啤梨和雪糕球，灑上一些糖霜，便成為這個美味的甜品。

搭𨋢上樓，一開電梯門，就見到有個哈哈鏡，雖然唔係新奇玩意，但望到趣怪的自己同家人又真係好搞笑，旁邊放了些韓國扇供食客影相。在門口等位就唔拍悶嘞～韓式炸雞（三種味）$178到韓國餐廳當然要品嚐炸雞，有四種口味選擇，我點了一客三種味道的，柚子蜜、甜辣、芝士，各有特色。雞肉嫩滑有肉汁～魚籽蝦他他配黃金咸蛋多士 $68很脆口，加上蝦他他醬，又有另一種感覺👍🏻節日限定：泡菜蕃茄忌廉芝士烏冬配煎三文魚 $138濃濃的忌廉芝士撈埋烏冬，好滑好好味～三文魚煎得香脆！烏卒卒火山櫻火蝦鰻魚飯 $148到主角出場喇，一上枱，拍照都已經用了5分鐘，因為火山加了眼睛、囗，令火山變了Q版，實在太可愛了，灰色部分是蛋白，火山頂部是流心蛋黃，用刀切開，熔岩流出了⋯⋯熱烘烘的炒飯，真係好似火山爆發！鰻魚是一片片的，這個炒飯不只外表可愛，而且很美味呢！👍🏻👍🏻⭐性價比高的餐廳⭐店員親切有禮