Shack Tapazaka

營業中

休息中

🌟朋友出街想搵個地方一路傾吓計食下野😆去食串燒係一個唔錯嘅選擇，一路飲吓啤酒，一路食下炸物！傾吓傾吓又一day🤡今次同朋友去到銅鑼灣嘅耀華街覓食，呢條街就不嬲都出名多嘢食，見到呢一間主打日式串燒都唔錯，環境氣氛都幾好！以下係詳細食評👏🏻..▫️肉海縱橫 $149⭐️ 強烈推介⭐️鍾意啖啖肉嘅朋友，食呢一個就可以滿足食肉獸嘅慾望😍總共有四串串燒，包括有燒豬腩片、牛柳粒、豬柳粒、免治雞肉棒😍我自己就比較鍾意食燒豬腩片同埋免治雞肉棒😊免治雞肉棒口感非常之豐富，食落去爽口有層次，事關佢係連埋雞軟骨都打埋一齊變成免治雞肉🥳咁樣啖啖肉得來都有咬口🤩而燒豬腩片鹹鹹香香，肉質嫩口，好味🤩..▫️啤酒三寶拼盤 $138⭐️ 強烈推介⭐️呢一款啤酒三寶拼盤同樣都極之出色🥳真係要飲番杯啤酒襯返先夠爽‼️🤡拼盤包括有秘製炸雞、酥炸魷魚、清溪河蝦，當中我同朋友都非常之欣賞佢哋嘅清溪河蝦，細細粒忍唔住一口接一口，香脆惹味😍而且三款都炸都好乾身，唔會成口油淋淋，極之推介！..▫️日式炒麵 $68食咁多款串燒一定擔心唔夠飽肚😂餐牌仲有好多飽肚推介選擇，我哋就點左呢一個日式炒麵，味道比預期好食😍有少量嘅椰菜、豬肉片、蘿蔔絲，材料都幾豐

今日約咗朋友去銅鑼灣，食飯之前去咗耀華街飲嘢kill time，條街不嬲出名多酒吧同嘢食，我哋就揀咗最近街口果一間裝修好特別嘅餐廳，可以食串燒呢啲小食又或者直接叫一個正餐。一坐低我就叫左杯白殘波，殘波係沖繩的琉球泡盛酒，白殘波比黑殘波味道清新，果味道比較重，最啱想Chill嘅時候飲。朋友就叫左杯健力士，經典黑啤。因為就嚟食飯，我就叫咗啲輕食，日式豆腐海藻沙律。食落去酸酸地，海藻嘅口感亦都好特別，比平日食嘅沙律菜有咬口。送酒當然唔少得串燒啦，我哋仲叫咗肉海縱橫，碟串燒絕對襯得起佢個咁juicy嘅名，集合咗燒豬腩片、豬柳肉、牛柳粒同免治雞肉棒。口味各有不同嘅同時全部都燒得好好，睇得出師傅手勢。朋友就好肚餓，所以叫咗鐵火丼。吞拿魚足料到以為自己叫咗厚切餐蛋飯！吞拿魚食落去啖啖肉，醃咗少少亦令佢唔會太膩，而且送飯一流。

日式美食永遠不會令人抗拒，今次於銅鑼灣時代廣場後發現一間似西式酒吧開放式的居酒屋。Menu簡單易明，而Drink Menu有不同酒類，特色飲品都不少。點了杯Shack’s Cocktail 系列中的 KAFFIR& LEMONGRASS, gin base。因為用上LIME JUICE 做底，口感味道都相對清爽，而LEMONGRASS的after taste淡淡清香回味日式豆腐海藻沙律 JAPANESE STYLE TOFU SEAWEEDS SALAD這道是當中唯一一款純素的沙律，日式豆腐味道很淡，但配上豐富沙律菜及重點漬物海藻，口感清新又滋味。燒爽脆雞軟骨 GRILED CHICKEN OFT BONE雞軟骨不是平時所吃的粒狀，而是3角骨，3角骨面積更大更易串起燒。連骨的肉也不少肉汁。比起平常所吃到的粒狀更有質感，又是另一番風味。燒日本小青椒 GRILLED SHISHITO PEPPERS青椒面上灑上鹽後燒，除去椒青草味，而帶出陣陣甘甜，用來助酒就最好不過!肉海縱橫 MEAT BROS PLATTER概然串燒店就要必點招牌菜之一串燒雜薈，這碟肉海縱橫包含了豬牛雞3種不同肉類分別有

同朋友去飲野食串燒傾下計，都係其中一樣減壓嘅好方法❤️ 成日經過銅鑼灣耀華街嘅Shack Tapazaka, 今次都係第一次去食😋🐟鹽燒油甘魚胶($138)啱啱燒起嘅魚鮫就最啱送酒，佢呢個軟膠就算燒完都好友肉汁，好juicy🤤啖啖肉咁，真係好正啊～🐣串燒雞拼盤($128)飲酒又點少得串燒雞❣️ 整個拼盤有4支雞肉串燒同2支雞軟骨串燒，我幾鐘意呢隻雞軟骨串燒，唔係一粒粒好硬果隻，而係一片一片軟骨，有咬口得嚟又爽口☺️飲品方面我哋叫咗人生梅酒($98)同桃味有氣清酒啫喱特飲🍑($98)人生梅酒係梅酒加薑，我幾鐘意薑味嘅酒，所以呢隻都幾啱我☺️ 而且9PM前order呢支酒有酥炸魷魚圈送啊，真係好抵👍🏻而桃味有氣清酒啫喱特飲，每啖都飲到入面有啫喱，好有口感❤️

這天過來銅鑼灣做嘢，收工同同事Happy Hour，發現這間Fusion日式串燒酒吧，超開心！餐廳地方寬敞， 水吧位置有個巨型摩天輪， 非常特別！Happy Hour $98 One drink + One food，冇得輸！每人點一 set: House White ＋All Day Breakfast ～House White 份量不少，fruity易入喉。All Day Breakfast 大驚喜，份量十足之餘用料亦豐富，有春卷、火腿、煎蛋、 蒜蓉包、沙律菜， 直情當晚飯也可以呢！Asahi Draught Beer + Raw Tuna Nori Roll 香蔥吞拿紫菜卷 ～生啤係500ml，天時暑熱飲一杯簡直透心涼。 紫菜香脆包裹著輕盈軟滑的香蔥吞拿魚蓉，外脆內軟，口感豐富！除了越值 Happy Hour，還有很多串燒佐酒美食！炸苦瓜圈$58～ 脆卜卜苦瓜圈沾上自家製蘿蔔蓉鰹魚汁，更加惹味可口！雞皮薄脆$58～ 金黃色的雞皮薄脆，鬆化香口， 一點也不覺油膩，送酒一流呀！實在太遲發現這間酒吧，以後一定會 再來！

這天瘋狂Shopping後，在銅鑼灣區Chill一Chill休息一下，朋友選了這間以木鐵系為主調的餐廳，樓底極高非常有空間感。餐牌選擇也很多元化，酒類飲品也特別多。先來個開胃的日式豆腐海藻沙律，比想像中大份，沙律菜脆爽爽的，加了點海藻更覺清新健康。燒花魚一夜干是輕食之選，魚身表面的確燒得脆香，肉身質感較紥實有咬口，一啖魚一啖酒是最佳享受。吉列海鮮拼盤見到都開心呀😃 整盤脆炸山炸得金黃香口，有魷魚圈、蠔、蝦及魚柳4款食物。魷魚圈已切半可一口食用，炸蠔脆卜卜Juicy多汁，炸蝦啖啖肉食唔停，炸魚柳呈三角形很大片，內裡魚肉又不乾身😋又好味又好邪惡呀！脆炸涼瓜圈頗為特別，很少地方提供，涼瓜圈切成小圈狀，慢慢咀嚼後會散發中少少回甘味，是可接受的苦瓜原味，熱氣得嚟又下火👍🏻 吃了這麼多脆炸食物，當然要叫一杯白酒襯托一下啦！這次選了南非Leopard’s Leap Chardonnay，是一款較重果香味，帶有白梨及菠蘿味的白酒，清香易入口，很適合女士飲用。

餐廳位於銅鑼灣，距離銅鑼灣地鐵站路程需要五分鐘左右，十分方便快捷，餐廳感覺像一家新派的居酒屋，在這裏我最喜歡的當然就是他的料理和飲品，但我更喜歡的就是他的裝修，全因為這裏的環境十分適合和朋友聊聊天，談天說地。食物方面，我點選的吞拿魚蓉配紫菜和厚燒玉子。最重要的當然就是新鮮，餐廳挑選的吞拿魚蓉絕對新鮮味美，完全沒有腥味，還帶點魚的鮮甜，真的不錯，加上紫菜香脆，絕對是美味的來源。厚燒玉子，即叫即燒，蛋味十足，味道一流。

難得的一個下午，到銅鑼灣走走。看看有沒有新的發現，補下自己的「Common sense」，免得與世界脫節！行下行下又傍晚了，餵飽咗精神欲，又輪到醫肚啦！ 唔想太晚吃晚飯，一來驚人多，等得耐，二來又怕難找到位，便早啲吃！經過耀華街，見到Shack Tapazaka，便入去試試！經一輪防疫手續、便被引領入座。喜歡那佈置很有外國的感覺，還播著輕快的音樂或歌曲，侍應生也友善。我們點叫了肉海縱橫、串燒素拼盤、黑蒜油鑊仔炒飯配炸雞、啤酒3寶拼盤及加士伯。肉海縱橫（燒豬腩片、豬柳肉、牛柳粒及免治雞肉棒）想不到烤出來的腩片是爽林的，調味做得不錯！沒有肥膩感！豬柳肉切成粒狀，面撒上黑椒粒，脆而內潤的口想令你回味！牛柳粒烤得林而肉汁不失，佳作。免治雞肉棒，雞肉碎中摻著軟骨碎，並內藏少許黑椒，爽林中微辣，很喜歡這口感！串燒素拼盤（車厘茄、鮮菇、日本小青椒、茄子、秋葵）師傅烤功一流！黃金車厘茄外脆內爽、紅車厘茄外林內潤！鮮菇烤得乾身而內軟、菇香四溢！引起食慾。日本小青椒外林內軟味清新，值得一提試。茄子烤得剛好，收曬表面的水份而內爽林，伴著微辣醬油，真的一串不夠吃！另，烤得沒有多餘水份的BB秋葵，沒有了滑潺潺的

好耐末去過happy hour啦，今天放假約友人去銅鑼灣飲番杯順便聊天。3-8點有個套餐幾抵，一杯飲品+一款食物。飲品有酒類和非酒類，當然點杯House white，單點比較貴，套餐就平得多。All Day Breakfast真係好有早晨感覺。太陽蛋，法包，火腿，炸魚柳，沙律，非常豐富。日式炸豆腐賣相不錯，滑溜有豆香。酒煮花蛤大大隻，好鮮甜，散發出酒香。Fish n Chip去酒吧點都要叫呢個，一邊食住薯條，一邊飲酒，好夾。

行完街，跟朋友來到這間工業風的Shack Tapazaka 酒吧來個happy hour, 店內最搶眼的是調酒區的大轉輪，跟摩天輪相似。餐廳除了提供多款酒品外，另有一系列以佐酒為主的日式輕食，多數以串燒為主。我選擇了高身吧枱的座位，還可以見到廚師們處理食物的過程。 點了杯香港手工啤-香港友(Happy Hour $68), 會用返專屬的酒杯，飲落有陣陣柑橘香味，清爽而入口。蒜椒枝豆($58), 枝豆一向是啤酒的好朋友，平時只食開原味，原來加上蒜蓉辣椒撈一撈，微辣就更惹味，更好佐酒。鹽燒雞翼4隻（$62), 燒得皮脆肉嫩，略略用鹽醃已經很夠味。肉海蹤橫（$138),有燒腩片，豬柳肉，牛柳粒及免治雞肉棒。 串燒醃得入味，不需沾任何醬汁。特別喜歡燒腩片肥瘦相間，肥肉部份入口即溶，香烤後肉味更香。而免治雞肉棒有香脆的外皮，加上有軟骨的爽脆咬口，好味。另外點了一客比較飽肚的日式炒麵（$68) , 用豬肉片，椰菜、紅蘿蔔絲，洋蔥來炒，味道甜甜的，如果灑上更多的海苔粉就更好。

今日同朋友去咗銅鑼灣shopping之後佢帶咗我嚟呢度食飯佢話之前食過覺得唔錯，所以今次帶我嚟試吓我地都鐘意去居酒屋食吓野飲吓酒傾計感覺好relax 我叫咗杯本地手工啤叫香港友好大杯麥味好香，泡都幾滑身少少甜幾爽口清新好易入口，真係唔錯女仔應該都會鍾意燒牛舌勁大串肉質爽嫩，加上好厚身口感一流味道方面個燒汁咸中帶甜，幾惹味黑蒜油炒飯配炸雞飯粒充滿蒜油香，炸雞仲好多肉汁好juicy 唔錯哦日式炸豆腐呢個湯汁味道清清地唔錯，豆腐夠嫩滑有少少豆香好食！炸吉列蠔隻蠔都幾大隻，味道都鮮甜炸到外脆內軟非常香口，點埋個炸物醬汁更加惹味，送酒一流！燒雞翼呢個又係燒到外脆內嫩仲係好juicy調味簡單地用黑椒同鹽巴已經好正呢度飲吓嘢食下串燒真係唔錯

係銅鑼灣經過呢間酒吧，覺得幾特別，西式酒吧但配日式串燒，所以見肚餓又想飲野就入左去試試。酒吧位於耀華街地鋪，唔難揾，因為7點都未到，所以都唔算多人，唔洗等位就入得。我哋叫左柚子油甘魚碎紫菜卷、日式炸豆腐、燒雞軟骨、日本小青椒、燒牛舌、同埋四式串燒。酒方面，叫左白殘波泡盛、殘波青檸泡盛，仲有lemon grass cocktail。食物都算快到，柚子油甘魚碎紫菜卷，油甘魚同柚子估唔到咁夾，魚既鮮甜加埋清爽既柚子味，用紫菜包住食啱啱好，推介。日式炸豆腐，每次去唔同既居酒屋都會叫，今次都唔例外，同想像中味道一樣，外脆內軟，好食😋燒雞軟骨、日本小青椒、燒牛舌、同埋四式串燒，都燒得唔錯，雖然冇乜大驚喜，但燒得啱啱好，熱辣辣，唔錯，不過如果燒既時候可以落多啲鹽，應該會更惹味。

約左朋友聚下飲酒傾偈，去左一間位置方便嘅串燒店食飯，價錢幾合理，餐廳氣氛幾好，岩哂朋友聚腳。1664 Blanc薑味梅酒 梅酒飲得多，有薑味嘅真係第一次。見佢做緊 promotion送炸魷魚圈，所以叫黎試吓，意外味道幾夾，薑味好濃，飲落甜得來好辣。炸魷魚圈魷魚圈新鮮炸完，夠晒香脆，幾鍾意佢唔係用咗好多粉漿。玉子厚燒上面鋪咗少少黑松露，但煎得夠厚，味道好甜。串燒雞拼盤有兩串雞軟骨，中間夾左啲雞肉。而4串雞腿肉串燒嘅肉質食落去好滑。黑蒜油鑊仔炒飯配炸雞炒飯好惹味，粒粒飯都入哂味，仲有炸雞切走哂啲骨之餘，肉質好滑。

喺時代廣場行街行到攰想坐低飲杯嘢，去咗耀華街行到街頭見到一間幾吸引嘅餐廳，樓底高高，有一半係開放式，中間嘅裝修有少少工業風，有個好大嘅摩天輪係個牆上幾吸引。坐低見佢個Menu好多嘢食同飲品，酒類選擇非常多，有啤酒，紅酒及白酒。呢度其實係一個日本餐廳，坐低叫咗杯生啤，我朋友就叫咗一杯紅酒紅酒套餐，百零蚊加一串豬豬腩肉串燒。豬腩肉入口出奇地爽脆又香口，少少黑椒及鹽調味，食材唔錯，勁鍾意塊漬蘿蔔。之後叫咗個枝豆，一貫日式嘅居酒屋味道，幾大碟。叫咗佢一個雞肉串燒拼盤共有六串，有雞軟骨，雞胸肉同埋雞腿肉，外皮燒到都好香脆，有少少燶邊，呢度嘅串燒大部份都係汁燒，過燒汁調味唔錯幾惹味，幾適合送酒。泰式燒魷魚翼，個泰式汁調得唔錯，幾香辣又酸甜，非常之醒胃，配合燒過嘅魷魚幾香口又好味。呢度坐低飲嘢勝在樓底高，冇咁侷促，喺耀華街來講都算有特色，有半邊露天位置望住條街感覺特別開陽。係一間勁好Hea住飲杯嘢嘅酒吧！

3:15下午茶時間又到路過耀華街巷仔，見到這間日式酒吧，有好多不同的串燒、小食同酒精🍺，啱晒香港人happy hours 輕鬆一下餐廳不算好大但是樓底好高，中間吧枱，吧台入面有個黑色巨型摩天輪，好特別的設計，仲有不同設計裝飾的黑色吊燈，好chill，感覺好舒服好放鬆😌來個下午茶$98 1 drink +1 food📍1.all day breakfast+500ml🍺（有圖）入面有炸魚，太陽蛋，蕃茄沙律菜，火腿和蒜蓉包👍🏻💕炸魚整得剛剛好，真心好食，份量好足夠，這個價錢，沒有挑剔地方👍🏻📍2.炸魚薯條🍟📍3.日式炒麵📍4.吞拿魚卷有四款選擇的下午茶☕️這個下午茶是下午3:00-晚上8:00當然仲有其他串燒同小食👍🏻