Shake'em Buns (已結業)

又相約大衛食lunch，他選址這裡，環境比灣仔店寬敞。點了Guitar shop special及South of the border兩款漢堡，兩款同是有一塊厚厚、鬆化多汁的漢堡扒。我較喜有酸忌廉及墨西哥辣醬的South of the border，兩醬汁非常刺激味蕾，食起來較輕怡，沒有一種膩滯感覺。Guitar shop special感覺較heavy一點，可能有芝士的關係，而且肉汁過分的豐富，連包也吸收了，對於濕濕的麵包有點抗拒。飲品我要了Berry Delight，有藍莓、士多啤梨、菠蘿雪芭及蘋果汁，單睇材料就知是清鮮之選，味道唔太甜，藍莓味太搶，蓋過了其他的生果道味。大衛就飲了Big John，其實是香蕉奶昔，香蕉已是飽肚之物，再加埋雪榚及鮮奶，真是飽上加飽，連高大的他叫喊投降。

同好友去中環的Shake'em buns (中環威靈頓街76號地下) 以漢堡飽作晚餐.在Shake'em Buns食漢堡飽預咗價錢貴,但味道一定一流, very nice!今次試了Guitar Shop Special同Debbie Does Dallas.Guitar Shop Special絕無令人失望,什麼〝料〞也齊全,但同Debbie Does Dallas則即時比下去了! Debbie Does Dallas夠特別…BBQ醬同其他〝料〞配合得非常好,值得推介.Onion Rings當然係正啦!Milk Shake也很有水凖,夠香夠滑但貴!

阿蘇誇口話係全港最好食既漢堡飽，所以點都要一試!試左老闆親自係電視推介既Italian Stallion($65)+Missionary($48, 乃全店最平之飽)，飲品要左Blueberries Delight+Peachie Pink($35)，食個飽，飲杯野都要差唔多成100蚊，豪!佢既漢堡飽果然味道不錯，肉汁夠多，醬汁夠香，好味呀! 不過阿蘇講到佢好似天上有地下無咁，好似太誇。個飽比一般食到既大好多，細食既女仔食半個都飽哂! 杯smoothies真係用好多新鮮生果即製，雖然要$35，不過食d咁油膩既飽，有杯野中和下好d。間舖好細，但係幾有美國feel! 仲有記著唔識英文唔好去呀，因為餐牌同服務員都係English Only!

(17/1/08)同事睇蘇絲黃,介紹過此店,便一起買來試試。六個人食三個包,薯條,芝士薯條,脆雞寶粒,雞翼。包名就唔係太記得,有個有芥末醬,蘑菇、Debbie Does Dallas等...,總之塊厚厚o既漢堡,真係好好食,牛味十足,醬汁又正,仲好食過Triple'O!點薯條既牛肉汁也好味過Triple'O多多聲,而且人地唔洗另收汁費喎。不過薯條就Triple'O好食d。雞翼與麥記脆香雞翼無異。脆雞寶粒,黑椒味重,最正是那兜酸忌廉芝士醬....總之食漢堡包,真係極力推介!

得悉中環開了新店，當然要去試一試！吃的是"Debbie Does Dallas"，漢堡扒肉汁依然豐富，加上煙肉，厚厚的一個，很滿足！新店位處閣樓，裝修簡約，設有bar台位及卡位，地方既骨子又整齊，予人舒服的感覺。更重要的是，新店逢周五及周六營業至凌晨四時，o岩晒我呢d番夜班的人！