Shelter Italian Bar & Restaurant (已結業)

一早約咗好耐無見嘅歡樂小姐係新年嘅第二晚飯聚。果日大家都要返工，忙到七點多先離開公司。原本約咗去世貿某新餐廳食飯，點知去到果時已是 waiting list 第九張檯。實在太肚餓，唔等喇！靈機一觸，諗起之前朋友提過係希慎嘅 Shelter, 就立刻open rice 電話，打去問等位情況。當時將近八點，接線小姐話有位，即時幫我留咗檯，好嘢！去到即刻入座，雖然整個地方都係室外，不過餐廳放咗足夠嘅暖爐，唔會覺得好涷。不過人手好似唔係好夠，我坐低左好耐都無人理我同比menu我. 餐廳既食物選擇好多，有海鮮、牛扒、頭盤、意粉、飯、pizza. 因餐廳亦都係一間bar，所以飲品款式更多。最後我地兩個叫左頭盤：牛油果配蟹肉沙律，主菜：北海道帶子櫻花蝦義大利飯另加一個side 嘅薯條，同各人一杯白酒 Riesling.Order 完無耐，眼見隔離檯都有麵包籃，而我地又等左好耐都無,就禮貌地問侍應係唔係每張檯都有，佢話幫我地跟，隔左5分鐘後先有，不過放低時亦無講任何野。麵包的確幾好味，外脆內軟，唔怪得之唔肯比人食啦，哈哈。牛油果配蟹肉沙律正常，蔬菜算新鮮，蟹肉份量ok, 鮮甜D會更好,總括不過不失。薯

意大利菜俾我嘅印象只係意大利粉同埋pizza, 不過呢間Shelter嘅waiter係我地點菜嘅時候推介有邊啲值得一試, 所以係佢地嘅推介下, 我就叫左呢兩款野食 - 意式松籽仁雜菜湯同埋煎多寶魚。個侍應真係無介紹錯, 個雜菜場真係好好飲, 濃郁嘅菜味加上少量嘅松籽仁, 放入口嘅感覺好特別! 而呢碟煎多寶魚亦都好正, 個魚身結實, 個汁亦好啱配合啲魚一齊食, 同埋有好醒胃嘅番茄作伴菜, 所以就算條魚嘅份量都幾大, 食完都可以幫助消化。整體感覺呢間餐廳好friendly, 雖然我同埋朋友都唔係叫左好多野食, 兼且係lunch hour 坐左接近兩個鐘, 啲侍應依然貫徹專業嘅水準, 無話趕我地走, 仲保持住好親切嘅笑容, 真係抵讚!

由於餐廳是半露天，要千挑萬選好天氣的日子才來。一行3個女生，打算叫$398 2人份tea set, 再加多一位，但發現原來沒有單人份的afternoon tea set叫，而且沒有其他食物可以order，個人覺得很不customer friendly.Anyway, 說回食物。美侖美奐的雀籠絕對吸引女生拍照，食物size不算太大件，如果不想吃得很飽連晚飯都吃不下的話，這裡是一個good choice。個人覺得每個咸甜點味道都不錯，很平均，頂層的多士上有黃紅椒，有點意大利風，入口清新。小牛角包算鬆脆，內有芝士。車厘茄+ cream cheese 是挺好看的，口味也對。我喜歡甜點長方型tart的質感，脆的，共有3款，一個是朱古力。馬卡龍味道ok，不過體積小巧了點XDtea set可以選的茶不算多，主要都是大路的洋甘菊等等，我揀了orange citron green，清新d都幾好。朋友另點了一款organic tea, $65，茶包有個小葉子在頂，很可愛。講起雀籠架，後來出餐的是換了另一個長方型tea set架，一心想拍照的朋友記得早點到和落單。最後一提是一位帶眼鏡的中年男子職員，一開頭說

平時食乳豬, 好多時都係去飲嘅時候, 食嗰啲鴻運當頭紅燒乳豬伴盤, 如果以西式嘅煮法, 今次係Shelter都係我嘅第一次。相中兩張相都係我叫嘅乳豬伴洋蔥、茴香同埋車厘茄。有咁多配料去煮隻乳豬, 真係想難食都幾難。同埋呢碟餸以類似中菜"炆"嘅形式黎煮, 所以食落口相當軟熟, 基本上輕輕一刀都可以切開啲肉。值得一讚嘅仲有佢啲醬汁, 雖然我唔知佢咩野黎煮, 不過個味道就真係相當之好, 同個乳豬配合得好好, 用啲幼嫩嘅豬肉點呢啲汁就最啱

本身我係CWB都唔知食咩好, 因為附近既餐廳間間都食過咁, 無咩特別, 但係就係未黎過呢個Shelter, 咁就入去試下~入到間餐廳, 初初原本以為只係普普通通一間西餐廳, 但係原來仲有露天area, 真係估佢唔到, 最啱而家呢啲涼涼地嘅天氣! 野食方面, 我叫左呢個意大利飯, 飯入面有帶子、蝦同埋菠菜, 材料好豐富, 入口好綿、好正宗, 但係如果再濃味少少就好喇! (可能係我平時中意食濃味嘅野食啦) 我朋友仲有叫到意大利雲吞, 我偷食左少少, 佢個汁同埋餡料都幾好味, 濃味過我嗰個意大利飯, 真係好正!食左一餐咁正嘅晚飯, 個價格又OK, 食完個人當堂都開心啲!!

上星期老細放假, 我地呢班做細嘅實行有幾hea得幾hea, 蛇得幾耐得幾耐, 所以我地成班比平時早左成個鐘去食lunch, 仲要豪食一餐!! 黎到間餐廳, 襯室外個section仲有位座, 我地幾個就即刻坐係個有cushion嘅位度, 真係舒服過office嗰啲凳好多! 話明係豪食, 就緊係要食啲平時少食嘅野, 而無肉不歡嘅我, 就當然要揀啲擔擔肉嘅野食啦, 呢件羊肋骨就咁晒我心意!! 原本我想食叫牛扒食, 驚羊啲羶味太勁, 但係好彩食落一啲都唔羶, 煎得幾香, 亦都好鬆軟, 滿足感十足。唯獨個汁可以濃濃少少就好, 個碟的確係有汁嘅, 但係好稀, 個味道唔係太夠, 如果擔擔肉, 加埋正正嘅肉汁, 咁就perfect!成個lunch個感覺同平時好唔同, 可以食足兩個鐘, 又可以坐係咁舒服嘅環境, 仲有個煎得好香好鬆軟嘅羊肋骨食, 真係番工個心情都靚啲!!

這間的下午茶一直很想試，為的就是那個有趣的金色鳥籠茶架，不過它的開放式空間，總覺得春夏那些下雨又潮濕又熱的日子不合適前往...這個黃金鳥籠演繹方式真的相當吸引目光，再配合背後的綠化帶，有一點在森林裡吃茶的感覺吧。黑松露及水牛芝士牛角酥，不過不失。不記得那一條條的是什麼多士，挺難吃...(￣▽￣)"其他兩種就是很正常味道的三文治囉。外脆內軟的程度屬剛好合格。朱古力蛋糕倒不錯，很濃郁。味道不過不失的果撻。Tiramisu很一般，樓下餅店都可以做出來呢...這個開心果卷倒是挺有趣，切開後有流心的物體跑出來，最初以為是咸點，原來是甜點。很喜歡這款的朱古力撻。

平時朋友帶我去啲貴價Steak House, 諗住食得好少少, 但係好多次都係失望收場。今次黎到Shelter, 都係本著一試嘅心態去, 但係喜出望外!呢個肉眼扒伴火箭菜、車厘茄同埋芝士, 真係從來未係其他地方食過。呢塊牛扒我叫左6成熟, 入口夠晒鬆軟同埋好嫩口, 而且充滿煮熟牛肉之後嘅香味, 證明靚嘅牛扒係唔需要咁多醬汁作調味; 而且, 呢碟牛扒以咁多蔬菜做伴碟, 真係完全做到均衡飲食! 最正嘅係有埋我平時好少食嘅牛肝菌係上面, 呢啲咁別出心裁嘅配搭, 出面啲steak house點食到呀

我同幾個朋友都係好食之人, 為左食好野, 俾多少少錢, 甚至令到自己身形肥啲都在所不計咁啱有朋友生日, 就更加有籍口食好啲同埋食豪啲夜晚入到間餐廳, 個景觀望到銅鑼灣夜景, 係咁靚嘅環境之下食野, 應該會特別開胃, 所以我都唔客氣, 拿拿臨order野食! 我就叫左個牛肝菌特級意大利飯, 我覺得真係非常惹味。啲湯俾啲飯索晒啲味之餘, 又唔會太喊, 而且我仲食到陣陣嘅芝士味, 對於芝士控嘅我黎講真係一級嘅享受!呢間shelter除左係間餐廳之外, 仲有一part係bar黎, 所以我地係食完正餐之後, 都各自叫左杯野飲chill out下。佢地啲cocktail都調得幾好, 仲要一啲都唔貴, 真係好想同班friend再去一次!

食飯唔一定食得好, 有時候食啲基本野、或者越細緻嘅野, 先知道嗰間餐廳係咩質素~~星期六晚約左個好姊妹食晚飯, 入到去, 見到枱枱都係擺滿啲牛扒、意大利飯, 睇到固然好食, 聞到固然香, 但係我都係想試下呢間餐廳嘅甜品, 所以就叫左芝士蛋糕兼且叫左杯野飲。首先講下個cake, 見到個餐牌係寫住係用有機食材黎做, 咁就更加想即刻試下係點。我同朋友影下相, 傾下計, 件蛋糕就好快黎到 -- 件蛋糕個擺設好特別, 如果Gordon Ramsey見到一定會讚擺得好典雅, 有酒店級嘅感覺! 賣相好好, 而味道方面, 雖然我食唔出有機食材同平時啲食材有咩分別><, 但係整體嘅味道係唔錯嘅, 因為唔少生果作伴碟, 又唔係有忌廉舖滿晒件蛋糕上面, 食落唔會太膩, 幾啱我嘅口味!至於呢杯野飲, 本來我就無諗住叫嘅, 但係我見隔離枱飲緊呢杯野, 見到又幾靚幾吸引, 所以我決定都要番杯。呢杯叫做野莓士多啤利雪芭, 聽個名都知夠晒健康。飲落去少少酸, 不過隱約都食到啲果肉, 證明佢係用真正嘅生果即叫即做, 而唔係啲加工物料。一杯果味濃郁嘅雪芭加上一件幾好精緻嘅cake, 份量雖然好似唔係好多咁

平時食意大利菜, 第一時間諗起嘅都係食意粉, 但係我今次去shelter食嘅, 係雜錦海鮮自製手扭粉。呢款手扭粉, 係我第一次食, 粗幼適中, 口感都唔錯; 而成碟餸嘅主角就當然係啲海鮮, 我至少食到兩種2款海鮮, 有蝦同埋蜆肉, 見waiter同我地講, 話嗰蜆係新西蘭嘅Diamond Clam，身形屬於大隻, 而且較少吐沙, 所以食落口係啖啖肉, 海鮮味足之餘個蜆身又唔會有沙有雜質, 如果份量再多啲就perfect。 不過, 整體黎講真係幾好, 野食好食之餘, 班服務員亦都係well-trained, 熟識晒啲餸菜資料, 呢樣野真係要衷心讚一讚!

平時出親街食飯, 次次都係大魚大肉, 好似要食到120%飽先至夠喉, 但係自從我睇左幾本有關健康嘅書籍之後, 就決意食野除左好味之外, 仲要健康, 所以我黎Shelter食野, 我都揀左沙律黎食。我地一行3個人坐左張戶外嘅大枱, 有cushion俾個背脊挨住, 真係好relaxing。野食方面, 我第一時間就揀左相入面嗰個芝麻菜沙津, 夠晒green, 上面仲有幾塊好好味嘅松露, 個感覺當堂elegant 同埋high class 左好多^^係餐飲方面, 我同幾個朋友都係愛酒之人, 所以就係個wine list 度order左啲drink, 選擇都幾多: cocktail, 香檳, 紅酒都有好多款俾人揀, 同出面啲酒吧差唔多, 不過估唔到嘅係一間西餐廳都有咁多Cocktail揀, 真係無得頂!總括而言, 一人平均消費又唔係貴, 但係就食咁多野, 加上又有cocktail, 仲可以係個咁靚嘅環境, 我覺得真係相當OK

友人上星期生日，佢話想食好味嘅意大利粉，上 openrice 睇發現呢間餐廳，於是決定試試。由於已訂枱，所以無須等位，整個餐廳都是 outdoor，天氣微涼，所以感覺唔錯。 打開餐牌，好坦白講，啲食物唔算平，朋友好好，幫我慳荷包，二個人食咗兩款意粉（份量唔大架），一個係招牌菜 "卡邦尼意粉"，另一個係蕃茄長通粉，跟住叫多一個 pizza。冇叫 Appetizer 及湯，亦冇甜品卡邦尼意粉 - 廚師落咗太多黑胡椒，攪到食唔到原汁原味，呢個比較失望；蕃茄意粉 - 呢個比想像好，個汁好好味，啲蕃茄仔又好好味；西班牙火腿 + 火箭菜 pizza - 呢個唔錯，個批底有少少濃，好食最值得推介係佢哋個餐前飽，唔知乜嘢名，不過好好食，有一件係脆卜卜，長條餅乾又好脆總括呢餐飯都好滿足，不過就真係貴咗少少。

之前在它大熱的時候, 下午茶的時間基本上是一位難求。在熱潮過後, 訂位即變了一件十分容易的事。和朋友相約在這裡一試外表漂亮的鳥籠下午茶。門面的裝修是十分不錯的, 內有open area, 令人感覺在銅鑼灣的石屎森林中與眾不同。下午茶$398兩位再加一, 包一杯茶或咖啡。下午茶一如想像, 以金色鳥籠表現出來, Presentation 是不錯的。只可惜外表漂亮, 但真心華而不實, 沒有一種食品能讓我們留下深刻的印象。三文治的面包也十分乾, 似放置了有點時間的, 和其他的咸點也一樣, 擬似放了很久。連同甜品方面也沒有什麼特別好吃的, Tiramisu杯只有一個, 兩個人根本不知道應該怎麼分。但最令人有深刻印象的就是它的服務, 侍應人數很多, 他們也不停走來走去, 但就是看不到也聽不到我們的招手, 連找數都是用上十數分鐘。以$220一位的價錢真心可以食到酒店的下午茶, 我對午餐/晚餐的興趣也不大, 相信不會再來。

平時出外食pizza, 好多人都諗到邊度食, 但係老實講句, 嗰啲連鎖店好極有限, 所以如果要食好食嘅pizza, 我會黎Shelter。我來Shelter的目的是希望可以食最傳統、最正宗嘅意式Pizza，將平日對Pizza的Concept扭轉...所以就叫左一個與朋友Share，睇相都見到個份量好大... 因為真的比平日外賣嗰啲standard size大得多，而且個味道亦非常之好，有濃濃嘅芝士味，餡料豐富之餘又不會太油膩，而配上三文魚都沒有帶點腥味，相當不錯。Shelter咁靚咁舒服嘅環境可以令人將平日緊張的壓力放鬆... 偶然來一餐豐盛的晚餐，絕對可以為生活注入動力。