Shining Restaurant & Lounge (已結業)

好耐冇食過晚市喇，見開返即刻約朋友去銅鑼灣飲嘢。我哋揀咗呢間樓上嘅Shining x 龍圖，雖然喺銅鑼灣但係都唔會太多人。通常飲嘢嘅地方都好少嘢食，呢度又可以送酒又飽肚，同時有好多港式嘅小菜。每位食客都會有例湯一碗，我哋嗰晚就飲咗西洋菜豬骨湯。朋友未到齊，我哋就叫咗幾多前菜，首先有懷舊手打蝦多士，好香脆而且食落去啖啖蝦肉。之後有百花馬友蝦膠煎肉餅，滿滿鹹香味送酒一流。仲有金沙椒鹽中國薯條，即係炸白飯魚，咬落畀薯條更加脆。主菜方面，我哋叫咗香蒜韭菜花蝦乾爆牛肩肉，牛肉口感好稔好軟，同時炒得好香，韭菜亦非常爽口，仲有好香口嘅蝦乾。我哋仲叫咗個九龍醬園面醬炒什菜，即叫即炒，放低嘅時候熱辣辣出曬煙，好夠鑊氣，豆瓣醬亦都好入味。餐廳裝修風格幾特別，走酒吧嘅路線，感覺好好氣氛。

朋友最愛中菜, 想搵間有環境有情調的餐廳感受下解放後晚市堂食的氣氛, 就試下呢間shining酒bar. 6點半左右黎到, 已經有3枱食客, 走個時8點已經7成full... 姐完全低估左香港人對中菜的喜愛度.環境氣氛真係冇得輸, 燈光音響都好足, 入面仲有不同酒game玩!西洋菜老火湯- 勁似呀媽煲落足料個d! 冇味精又真材實料- 唔係茶記一細碗, 係每人一大碗! 蝦多士- 蝦味好鮮, 厚厚的塗滿一層- 重點係唔會油淋淋醉酒佬BB鴨- 姐紅燒乳鴨就食得多, 第一次食醉乳鴨, 非常有驚喜!- 食得出唔係cheap酒, 好香濃的酒香味, 乳鴨亦好嫰滑, 必定encore!馬友蝦膠煎肉餅- 鹹鹹香香仲加點蝦的鮮味- 煎過後馬友的鹹香味更釋出, 送酒一流金沙椒鹽鮮魷+白飯魚- 白飯魚送酒好似食緊薯條咁酥脆

同事剛剛新婚不久，由於疫情嚴重未能夠擺酒，所以同事們決定一齊外出吃飯，好好跟她慶祝一下。今次地點交給小師妹負責，吃喝玩樂她最在行。餐廳與酒吧結合一身，而且好少見酒吧crossover 中式小菜，非常特別。一嚟到當然先叫杯生啤傾下暢飲一番先，估唔到happy hour 仲有生啤買一送一優惠，超抵。霸王流沙鮮魷流沙咸蛋黃包住新鮮鮮魷，入口咸蛋黃香氣四溢，鮮魷軟嫩Q彈，味道鮮味，配上生啤，特別醒神。百花馬友蝦膠熟肉餅第一次呢個配搭加埋一齊，馬友咸香味濃，肉餅鮮味香口，只是略嫌份量有點少，很不夠喉呢。乾炒海鮮麵用上鮮蝦、魚塊、鮮魷炒成，高級版的海鮮豉油皇炒麵，炒麵爽口彈牙，濃淡適中，而且非常有鑊氣，真的非常有水準。

有朋友介紹我地去銅鑼灣一間可飲酒同食中菜既店舖，環境非常不錯，食物方面不是普通貨色。咁就叫我朋友帶我去試下，在這段時間上去岩岩是Happy hour，叫啤酒可買一送一。咁可以同朋友吹下水，嘆下美食。餸酒的話叫些香口食物是最好不過。【金沙椒鹽鮮魷皇】鹹香的鹹蛋黃醬配上爽脆彈牙的魷魚，炸得非常金黃色，配一杯啤酒一流。【百花馬友鹹魚蝦膠煎肉餅】估不到蝦膠同肉餅都可以咁夾，甘香彈牙，又不會過鹹。【金沙椒鹽豆腐】椒鹽豆腐份量比想像中多，剛剛好一啖一口，外脆內軟，內裡非常軟滑，豆味突出。到最後我最估不到佢既中菜小食原來咁出色，餸酒一流。

疫情好轉當然第一時間約朋友食飯，今晚到銅鑼灣這間Fusion酒吧，真係好surprised！第一次在酒吧嘆啤酒食中菜，感覺十分新奇！酒吧內裡環境十分寬敞，更有包房及露台位。燈光昏暗有情調，充滿浪漫氣氛。Happy Hour～ Buy one get one 好抵飲！金沙椒鹽中國薯條（椒鹽白飯魚）～外酥內嫩，比真正薯條更可口豉椒炒花甲～ 一上枱就聞到好香濃嘅豉椒味，花甲入口鮮甜美味，辣味適中，充滿地道風味！百花馬友蝦膠煎肉餅～出奇地好味，食落外脆內軟，肉餅鹹香惹味，送酒一流呀！牛肉炒飯～可以食到香滑牛肉粒嘅柔軟跟爽口炒飯，口感豐富。啤酒 vs 明爐老火湯 ～真正嘅中西合璧 這裡完美演繹fusion特色，食物及服務質素都令人十分滿意！Set lunch更抵食，下次一定會再來！

每次跟朋友歡樂時光後想吃個中餐都要另外再找餐廳，難道找到一個地方可同時滿足兩個願望樓上酒吧格局，有飛鏢及投壞球機午餐奉送老火靚湯，赤小豆粉葛排骨湯鮮甜味道濃郁沒味精頭抽豉油王炒麵炒得乾身彈牙，鹹度適中佐酒小食金沙椒鹽新鮮白飯魚脆卜卜，吃得咀不停懷舊手打蝦多士麵包炸得香脆，面層鋪滿了滋味手打蝦膠沙嗲牛魔王炒芥蘭，濃香沙嗲醬包裹着幼滑的牛肉，佐以爽脆芥蘭，惹味得來又不太油膩歡樂時光紅白酒及啤酒買一送一，下班後又多一處地方跟好友歡聚

本身我係好鍾意食乳鴿，今次一去到見到呢一間餐廳有滷水乳鴿飯就即刻叫咗嚟試吓！$58來講，呢間餐廳嘅乳鴿真係好好食，呢度嘅乳鴿肉好滑好嫩！而且滷水嘅醬汁亦都係完全浸晒入去乳鴿入面！真係非常之回味嘅味道啊！

同老友慶祝生日🎂又想食中菜🤨又想潮式料理🧐又想唱卡拉OK😏又要有氣氛🤩朋友極力推介🥳這間餐廳滿足幾個希望🤩🍻🥂Shining x龍圖Restaurant and Launge🥂🍻餐廳氣氛輕鬆，格調高尚！估唔到樓底可以咁高！風格奢華的闊大空間！超正👍香港生活非常緊張，這間餐廳俾我哋感覺非常舒服🤩鬆弛！食物水準相當高⋯⋯朋友介紹話由龍哥主理！👍品質保證👍如果鍾意食物水準高又想卡拉OK和飲酒🍻嘅朋友唔好錯過！仲有佢有一個小露台提供比吸煙人士超浪漫😏⋯⋯三款佐酒小食金沙椒鹽豆腐👍非常香滑流沙炸魚皮👍超級鬆脆懷舊手打多士👍香脆兼彈牙威士忌酒香獅頭鵝肝入口即溶，齒頰留香⋯⋯充滿威士忌嘅酒香⋯⋯醉酒佬BB鴿BB鴿肉質鮮嫩，師傅拿捏得好準保持肉汁又有酒香⋯⋯海鮮拼盤佢哋採用白滷水，非常特別而且帶出海鮮嘅鮮味⋯⋯冰🧊川菠蘿咕嚕肉由一大盤冰川奉上，保持外層香脆，肉質鮮嫩多汁！醬汁好美味！菜心炒龍躉球龍躉球肉質非常結實！而且非常鮮甜！口感豐富！菜心非常爽脆清甜！又有卡拉OK又有酒飲又有美食😬相當滿意😏下次我生日party都會在這間餐廳舉行🥂

開心係要自己搵嘅😬無論環境點樣🧐生活都要繼續🤨有朋友介這間餐廳😬 有美食又好玩嘅地方點少得我哋呀⋯⋯🤩🎈🎈Shining x龍圖Restaurant and Launge🎈🎈剛剛開業一個月😍由龍哥主廚👍主理😬呢間餐廳有着fusion嘅概念！通常去Lounge只有好普通嘅食物！呢間有別於一般😍提供潮式和中式嘅美食仲有西式添⋯⋯🤩最重要環境非常型格！上到餐廳見到好多年青的客人😏不自覺令到自己都覺得後生咗好多😉⋯⋯流沙炸魚皮炸魚皮非常鬆脆！每一片都沾上流沙嘅鹹蛋香！雖然邪惡😂但係好味😋金沙椒鹽豆腐外脆內滑😋裏面嘅豆腐好似豆腐花一樣咁香滑⋯⋯一啲都唔油膩⋯⋯充滿豆香👍懷舊手打蝦多士而家好多地方都冇得食！呢度都有！😏海鮮拼盤有海蝦大墨魚🦑鮑魚😬全部都好新鮮！非常鮮味！冰川菠蘿咕嚕肉呢個師傅做得非常好！咕嚕肉外脆內軟⋯⋯肉質非常鮮嫩又保留肉汁！招牌秘製蒜香雞每一件雞都充滿蒜香味！肉質非常軟滑！外皮非常香脆但又鮮嫩！招牌小炒王超級豐富！非常惹味⋯⋯干炒海鮮麵大家係咪有啲估唔到呢！呢度都有😏仲要係非常好味😋海鮮好新鮮！太極鴛鴦炒飯飯粒晶凝通透！上邊兩款嘅醬汁好👍好味做得唔錯⋯⋯整體食物質素高！相當豐富

潮州菜我哋就食得多但喺酒吧食潮州菜真係第一次呢間餐廳除左主打各款潮州菜外亦有好多款酒、海鮮選擇餐廳嘅裝修佈置都同一般酒吧無咩分別除咗有飛標機同骰盅玩仲有live band表演真係好有氣氛👍🏼🔸乾炒海鮮麵 $128個麵炒得好乾身好有鑊氣，而且好足料，有魷魚、鮮蝦同雞肉，麵線十分幼身，配埋佢個秘製醬汁一齊炒好好味😋仲送左兩碗老火靚湯比我哋飲，當晚嘅老火湯係西洋菜蘿蔔豬骨湯，真係好夠火候，好甜好好飲😍🔸醉酒佬bb鴨 $88食潮州菜點都要食下「醉」嘢，我哋就叫咗呢間餐廳好出名嘅醉酒佬bb鴿試吓，雖然上菜時佢外表平平無奇，但食落原來好好味🤩花雕酒非常入味，bb鴿肉質好嫩滑，再加埋凍食，真係相當有驚喜！🔸滷水牛𦟌 $88呢碟牛𦟌又係睇落普通，點知原來內有乾坤，牛展切得好薄身，口感十分好，再加埋佢嘅秘製醬汁，令個牛味更出，絕對值得一試👍

來酒吧喝酒我便喝得多，來吃潮州中菜還是頭一回，原來都頗有新鮮感，不錯👍🏻！Pina Colada coconut syrup🥥 賣相又靚又吸引，椰子味好重， 10分香甜，店員還細心地替我們把酒精量調低了，話晒都係中午時段，唔想咁快飲到醉醺醺😂。中式洋蔥安格斯特級牛柳鑊氣夠，顏色靚，味道佳，猶如大排檔水準，意想不到的出色👍🏻，酸酸甜甜，又富洋葱香味，不論是配飯還是當下酒菜都相當不錯！上湯金銀蛋浸菜心菜心綠油油的，如此新鮮，特別好吃，清甜爽脆，而且份量相當足夠。滿滿的金銀蛋，讓我吃到爽爽的。潮州菜加酒吧真是非常有特色，比一般酒吧的餸菜更好吃，下次再來。

銅鑼灣超級特別嘅菜式，就係潮州菜+現代西式合二為一，我諗香港都係第一間首創，所以今日就同朋友過嚟食下😍💕首先值得一讚嘅係呢度嘅服務態度超級好，完全係酒店式嘅服務，店員超級殷勤同埋有禮貌，喺香港今時今日好難搵到咁嘅服務態度啦😚👍🏻抵讚！而且呢度嘅嘢食好高質，全部都大大碟，仲要喺香港都食到潮州嘅菜式😋特別推介嘅係依度嘅中式洋蔥安格斯特級牛柳係西餐嘅環境之下食到中菜感覺好特別，但係依度嘅中菜仍然炒得好有鑊氣🥰睇得出師傅嘅功力，呢度嘅安達斯牛柳好嫩滑，肉質超級有口感，加埋洋蔥，超香💕😌上湯金銀蛋仔浸菜芯🥬最後叫埋個菜，健康又好味，最鍾意係食金銀蛋仔浸菜，菜嘅味道好鮮甜，值得推介嘅餐廳💗最後仲有炸魚餅，又係另外一樣啲食嘅推介！

今日同朋友過咗嚟銅鑼灣再行街，上網見到呢間餐廳嘅嘢食好吸引，於是拉埋朋友過嚟試吓，估唔到真係有意外嘅驚喜💗🥰依家餐廳嘅特別之處就係佢用咗潮州菜嚟到Cross Over西式嘅酒吧，啱晒各位放工之後想同朋友嚟聚會，又想食潮州菜嘅你哋🤣😚呢度嘅裝修都好西式，仲有飛鏢等等嘅遊戲玩，咁食嘢就唔會悶啦😌首先入嚟就叫咗一碗老火湯超級足料，完全唔會係味精湯，對面仲有瘦肉、蘿蔔等等嘅配料，真係好足料啊😋👍🏻花雕醉雞翼特別推介！好香嘅花雕酒味，整到好入味，而且雞翼肉質好亂滑🥰😍最後就要做一個椒鹽炸魷魚鬚估唔到嚟都都幾大碟，魷魚鬚炸到脆卜卜，裏面嘅魷魚鬚味道超級旦牙，加埋椒鹽嘅味道，口感好豐富💕😋

呢間酒吧位於銅鑼灣樓上舖環境同座位都夠晒寬闊，坐得又舒服==============================🔸頂頁級新鮮坑腩湯米呢個好抵食，勁大碗，牛坑腩新鮮軟腍，米粉索晒湯汁，正！仲跟埋碗勁足料嘅老火湯👍🏻🔸 滷水鵝🔸 滷水鵝掌翼滷水鵝滷得好入味，肉質細嫩🔸麻辣鴨舌麻香味十足，鴨舌辣辣地好惹味🔸金沙椒鹽豆腐熱辣辣，豆腐炸到金黃色，外脆內滑，好味😋🔸菠蘿咕嚕肉咕嚕肉外焦內嫩，味道酸酸甜甜下次可以試吓夜晚同朋友嚟飲酒食下小食吹下水

趁住聖誕前夕，出嚟買禮物之餘，都要搵間舒適餐廳享受下。可以睇住MV聽住歌咁食 中西混合嘅餐廳，香港真係極少有，菜式多選擇，即叫即製有質數，夜晚小食送酒，真係唔錯嘅配搭。老火湯足料大大碗「麻辣鴨舌」辣辣地好惹味，食唔停口「金沙椒鹽豆腐」外皮炸到金黃香脆，入面豆腐滑過豆腐花，粒粒都熱辣辣「菠蘿咕嚕肉」即叫即炸，都好多粒呀，酸酸甜甜好醒胃「頂級新鮮坑腩湯米」大大碗好多牛坑腩，連湯底都想飲埋，都好香好濃郁「滷水鵝」滷水入哂味，一碟滷水鵝唔夠喉再加多碟「滷水鵝掌翼」可以Lun下骨，一班朋友收工上嚟吹水．食飯．飲下酒，真係好正