Sick Burger (MOSTown新港城中心(5期))

營業中

休息中

漢堡小店位於新港城第五期地下，烈日當空下行到去已經汗流浹背了。小店空間有限，已經有另外兩位客人等待外賣，我匆匆下單後，店員也非常貼心地說：因為訂單比較多，需要等待約15至20分鐘，所以店員為我留下電話，我可以稍後再來取外賣。漢堡價格算是比較進取，一個單層牛肉漢堡要 $62，而且漢堡較小，男士未必會夠飽。漢堡內配料十分夾、十分好味！值得再試！加 $23 跟餐有兩隻雞翼和罐裝可樂，坦白說只有兩隻雞翼有點貴。目測好像很乾，但味道出奇地好味，肉質亦不會很乾，配合附上的辣醬非常好味！另外店舖新張期間 like FB & IG 就送一份洋蔥圈（原價 $32 或跟餐加 +$25）。第一口咬下去時會感覺沒有很脆，但很夠味，忍不住一口又一口的繼續吃！

二訪burger 店，上次試完Double Burger之後，有d念念不忘，所以今次再同朋友嚟試佢個fish burger, fish burger都係好似 double burger 咁厚，個塊魚都好後生，而且出面嘅脆醬好薄，再配上沙律菜，簡直係Perfect match，有好fresh 嘅感覺😊另外，朋友叫咗個Double burger，照舊一樣，唔可以一口擺落個口度😝，因為真係好厚，同埋朋友個口好細🤣🤣🤣，佢要一層層咁食😆最後洋蔥圈，同埋雞翼都係依舊咁好味👍🏻，由於洋蔥圈平時喺屋企都好難整，所以小編極力推介💪🏻😻

今日行開馬鞍山，咁啱見到個店舖設計幾有型嘅小店，原來係食美式漢堡，因為只係下午茶，即係叫咗個包試吓。估佢唔到，平時喺中上環食開，今次呢個漢堡包都有港島區嘅質素，但係價錢60幾蚊算係性價比好高。個包係特別好食，可能佢唔係直接喺嘉頓麵包嗰度買，照咁睇應該係每日咁出嚟，而最精粹嘅係塊安格斯牛肉，肉汁超香，有啲爆汁，真係唔錯。佢個汁都有啲特別，酸酸甜甜，帶出肉嘅鮮味。返兜機會指數都好高，下次應該試吓雙重漢堡，到而家都仲記住佢塊安格斯漢堡扒。

一路食一路滴緊汁既burger好耐冇試到咁高質！除左個招牌sick burger佢地個雞都好正外脆內juicy夠雞扒仲要好大舊好抵食不得不提係佢地個包…同出面好唔同好彈好有空氣感好奇心驅使問左啲廚佢哋話homemade…that’s why!好難得會夠膽推薦比人 對於一個唔係burger專家但相信自己冇老點人仲有佢個炸洋蔥圈首先我唔食🧅我都覺得好好食同埋佢炸得好香脆 隔一陣食都唔淋身 當然趁熱食就最好佢炸得啡啡地 問過係話用黑啤值得一試

上網見到網上開咗間新嘅burger，所以入咗去試吓，店舖唔係好多個位，不過入到去都好多人，同埋都好多外賣單，可能係因為星期六日關係😄今次小編就叫咗雙層牛肉漢堡，叫完之後真係有啲後悔，因為嗰兩塊漢堡真係好厚，一口都食唔得晒😅，真係唔係講笑😂😂，真心厚過”S”字頭嗰間，所以下次都係叫返單層，然後再加配料😂，漢堡除咗厚身之外，仲好Juice，而且當日小編喺店裏面食，即叫即做，好新鮮！😋另外，而家like佢哋社交平台，仲送洋蔥圈添，所以就試埋洋蔥圈，洋蔥圈好脆身，而且食到有陣黑啤味，好好味😈下次小編都有興趣佢嘅豬肉漢堡同魚柳漢堡😜，不過唔知仲有冇位啦😖

最近馬鞍山⛰新開咗間Burger店🍔，也米當然要試吓啦！餐廳唔大，雖然有堂食位置，但係得好少🤏🏻，而且都係bar枱，應該係以外賣為主。也米😍星期六晏就去買，買完之後要等25分鐘先有得拎🤭，亦可以留低電話比店家，整完再通知。漢堡作出主打，真心唔錯😚，不過小食就一般🤭。-🍴雙層牛肉漢堡🐮🐮🍔($62+$28) - 牛肉漢堡好多配料，例如生菜🥬、青瓜🥒、蕃茄🍅等等，係餐牌上面會列咗出嚟，方便比客人睇吓有咩係入面。今次試咗雙層牛肉漢堡，雙層充滿肉汁嘅肉扒，超級滿足🤩！不過冇諗過兩層有啲多，下次都係叫返單層😂，加埋配料，個口差啲就唔可以一口由頂層食到最低層。-🍴炸雞翼套餐🐓(+$23) - 套餐會包括漢堡、炸雞翼同飲品。雞翼有2️⃣隻，但睇落好似有少少過火🔥，食落偏鹹，好再外脆內軟，入面都仲會有啲肉汁。-🍴炸洋蔥圈🧅(細)(贈送) - 係新開張期間，只要Follow曬店家嘅兩個social media，就會贈送一客細洋蔥圈。有4️⃣舊，附有少少沙律醬，洋蔥食落好香脆，不過如果個炸衣無咁硬身，反而脆多啲會好啲。-🍴青檸梳打🥤(跟餐) - 見字理解，就係梳打水加青檸。

牛肉非常juicy洋蔥圈用黑啤炸漿炸，顏色偏深，但有淡淡麥味！外賣要等15分鐘，即叫即製時間合理！豬肉漢堡有pulled pork打底加豬肉patty, 味道有驚喜！小店服務形式，人手有限，而且只收現金。

屋企叫外賣送餐，諗住試下新野。叫左雙層牛肉漢堡加洋蔥圈套餐價錢有小小貴，但個漢堡真係好好食，麵包夠軟，牛肉有牛味又多汁，芝士拉絲，堅好食。牛魔王一定要食雙層以上，正！！洋蔥圈夠脆，配蛋黃醬，ok好食，但份量較細，性價比冇個漢堡咁高。

Tried this new small restaurant in mos with only a few seats in storeDecoration looks okay but thats itBurger is average at best and made me thirsty after eatingOnion rings are disastrous, only 4 rings for a price of 25 dollars, and are hard and dryDefinitely not worth the price and will not return

呢間 馬鞍山 sick burger新開張打正招牌買漢堡包 、諗住食個好嘢 高質素 牛肉 漢堡包薯條外賣， 結果中伏 有啲 失望，60幾蚊呢個質素真係唔得 ，可能耐阻冧咗， 又要用紙包住 咁嘅價錢應該要用盒裝， 牛肉生菜蕃茄  ， 薯條 分量 小又淋晒 個包睇落仲好細個、但其實一個人食就已經唔多夠 滿足 . 最重要!!! 製作部 要諗諗計保持質素同樣貌，我要食D肉汁爆出來的，我見有好多餐廳都有做漢堡、 但係價錢高都未必做到 爆肉汁 厚牛肉 呢個效果，， 如果六十幾蚊佢哋係出嘅咁嘅牛漢堡包應該可以話麥當勞 signature 系列 質素可能好過佢哋、 如果唔改善 真心 冇下次🙈

由細住到大嘅馬鞍山終於都有間手工漢堡小店！呢間小店主打做外賣，所以漢堡即叫即做！開張咗兩個星期我已經試晒牛、豬、雞、魚4個味道！全部都係誠意之作外，亦食得出係靚嘢！牛肉肉汁juicy, 單層都有4oz, 女仔食已經夠飽！建議男士點double！而且醬汁用咗plum jam配合，一啲都唔覺油膩，after taste仲有啲柚子味！豬肉用咗手撕BBQ pulled pork, 比我預期中出色！雞肉有少少辣，但配上紫穌葉，雞肉仲要大大塊，有豐富嘅口感，刺激味蕾！魚柳真係我最愛，用咗我最鍾意嘅cod fish, 配埋青芒果沙律，甜甜酸酸好易入口，連小朋友都食完再encore!